Chapter 72

viṣūcikāparidevanaṃ nāma sargaḥ |
dvisaptatitamaḥ sargaḥ |
vasiṣṭhaḥ |
sūcī sāsambhavadvāṇī cintayitvetyakalpayat |
punastaddehalābhāya bhavāmyāśu tapasvinī || 1 ||
[Analyze grammar]

iti sañcintya sattvasthaṃ saṃhṛtya janamāraṇam |
tadeva himavacchṛṅgaṃ jagāma tapase sthiram || 2 ||
[Analyze grammar]

apaśyadevaṃ sūcītvaṃ sā tanmānasamātmani |
prāṇavātātmakā prāṇaiḥ praviśya hatamānavā || 3 ||
[Analyze grammar]

athātmanyeva sūcītvaṃ paśyantyeva manomayī |
prāṇavātaśarīrāsau jagāma himavacchiraḥ || 4 ||
[Analyze grammar]

dṛḍhadāvānale tatra sarvabhūtavivarjite |
mahāśilātalakṣobharūkṣe pāṃsuvidhūsare || 5 ||
[Analyze grammar]

tasthāvabhyutthitaikāsau nistṛṇe vipulasthale |
marāvakasmātsañjātā śuṣkā tṛṇaśikhā yathā || 6 ||
[Analyze grammar]

sūkṣmasyaikasya pādasya sārdhenaivāśritorvarā |
svasaṃvidekapādātmatapaḥ kartuṃ pracakrame || 7 ||
[Analyze grammar]

sūkṣmapādatalenaiṣā vasudhāreṇusaṅkaṭam |
nivāryāttapadā kṛcchrād yatnenordhvamukhī sthitā || 8 ||
[Analyze grammar]

kṛṣṇatvahiṃsratātaikṣṇyā vṛttāsyā pavanāśanaiḥ |
yatnātpadaṃ nibadhnantī reṇvaṇūpalasaṅkaṭe || 9 ||
[Analyze grammar]

araṇye kṣubhitāṃ sarpīṃ dūrālokārthamutthitām |
pucchakoṭisthitāṃ pātalolāmanucakāra sā || 10 ||
[Analyze grammar]

mukharandhraviniṣkrāntā tasyā bhāskaradīdhitiḥ |
sakhī babhūva sūcyābhā paścādbhāgaikarakṣiṇī || 11 ||
[Analyze grammar]

kṣudre'pi svajanībhūte yāti vatsalatāṃ janaḥ |
dīdhityāpi sakhīvṛttaṃ sūcyāḥ sūcitayāśritam || 12 ||
[Analyze grammar]

babhūva tasyāḥ svacchā yā dvitīyā tāpasī sakhī |
enassūcīva malinā tayā paścātkṛtaiva sā || 13 ||
[Analyze grammar]

sūcyāsyanirgatārkāṃśupātākṣasmayakūṇitam |
paścātsmayatatā dṛṣṭā sā dhūlyaivātra kevalam || 14 ||
[Analyze grammar]

dhūlyāpi prekṣyate yā tāmapi drumalatādayaḥ |
mahātapasvinīṃ sūcīṃ draṣṭuṃ notkaṇṭhayanti ke || 15 ||
[Analyze grammar]

sthirabaddhapadāmenāṃ sumanovṛttimutthitām |
anilāḥ kṣobhayāṃ cakrurmukhanirgatabhāṅkṛtaiḥ || 16 ||
[Analyze grammar]

prasūtāni bhaviṣyāmo nigīrṇānyanayāciram |
kausumāni rajāṃsyasyā ityāsyaṃ paryapūpuran || 17 ||
[Analyze grammar]

tapoharendraprahitavātanunnāmiṣaṃ rajaḥ |
tayā tvahṛttvavyājena na nigīrṇaṃ mukhe'pi sat || 18 ||
[Analyze grammar]

na nigīrṇavatī tāni rajāṃsi dṛḍhaniścayā |
antassāratayā kāryaṃ laghavo'pyāpnuvanti hi || 19 ||
[Analyze grammar]

na pibantyāsyasaṃsthānitayā puṣparajāṃsyapi |
vismayaṃ pavanaḥ prāpa sumerūnmūlanādhikam |
āśiraḥpihitā paṅkaiḥ pūritāpi mahājalaiḥ || 20 ||
[Analyze grammar]

vidhutāpi bṛhadvātaistrāsitāpi taḍidbhramaiḥ |
uddhūlitāpi jaladaiḥ kṣobhitāpyabhragarjitaiḥ || 21 ||
[Analyze grammar]

api varṣasahasraiḥ sā cittasthadṛḍhaniścayā |
paṭṭagaṇḍakasupteva nākampata tapasvinī || 22 ||
[Analyze grammar]

nivṛttāyā bahisspandādatha kāle'sahāgate |
vicārayantyāstasyāḥ svamātmatattvaṃ svacetanam || 23 ||
[Analyze grammar]

jñānālokaḥ samudabhūtsā parāvaradarśinī |
babhūva nirmalā sūcī citsūcī pāvanī param || 24 ||
[Analyze grammar]

jātā viditavedyā sā svayameva tayā dhiyā |
tapasā duṣkṛte kṣīṇe sūcī svamukhasūcanī || 25 ||
[Analyze grammar]

iti varṣasahasrāṇi sākaroddāruṇaṃ tapaḥ |
sapta saptamahālokasantāpakaramunmukhī || 26 ||
[Analyze grammar]

tasyāḥ kalpāgnibhīmena tapasā himavān giriḥ |
babhūva tena jvalito jajvāleva tato jagat || 27 ||
[Analyze grammar]

kasyedaṃ tapasākrāntaṃ jagadityatha vāsavaḥ |
nāradaṃ paripapraccha sa tasyākathayacca tat || 28 ||
[Analyze grammar]

sapta varṣasahasrāṇi sūcī dīrghatapasvinī |
mayā vijñātadehāsau tenedaṃ jvalitaṃ jagat || 29 ||
[Analyze grammar]

nāgāśśvasanti vidalanti nagāḥ patanti vaimānikā jaladavāridhayaḥ prayānti |
śoṣaṃ diśo'rkasahitā malinībhavanti sūcyendra paśya tapasā kṣayamāyayaiva || 30 ||
[Analyze grammar]