Chapter 52

līlopākhyāne sindhurājyaṃ nāma sargaḥ |
dvipañcāśattamaḥ sargaḥ |
vasiṣṭhaḥ |
etasminnantare līlā samuvāca sarasvatīm |
śvāsāvaśeṣamālokya pūrvaṃ bhartāramagragam || 1 ||
[Analyze grammar]

pravṛtto dehamutsraṣṭuṃ madbhartāyamihāmbike |
sthitā ca mṛtakalpeyaṃ līlā nisspandagātrikā || 2 ||
[Analyze grammar]

dehenānena gantavyamanayā vīrabhāryayā |
yatrāvābhyāṃ ca tatsthānaṃ kathaṃ gantavyamambike || 3 ||
[Analyze grammar]

jñaptiḥ |
evaṃrūpamahārambhe saṅgrāme rāṣṭrasambhrame |
saṃpanne'pi sthite'pyuccairvicitrārambhamanthare || 4 ||
[Analyze grammar]

na kiñcidapi saṃpannaṃ rāṣṭraṃ na ca mahītalam |
na sthitaṃ kvacanāpyevaṃ svapnātmakamidaṃ yataḥ || 5 ||
[Analyze grammar]

tasya tvanmaṇḍapasyāntaśśavasya nikaṭāmbare |
itthaṃ bhūrāṣṭramābhāti bhartṛjīvasya te'naghe || 6 ||
[Analyze grammar]

antaḥpuragṛhaṃ te tadidaṃ rāṣṭrānvitodaram |
vasiṣṭhavipragehe'ntaśśavagehe jagatsthitam || 7 ||
[Analyze grammar]

evameṣa mahārambho jagattrayamayo bhramaḥ |
tvayā mayānayānena saṃyuktaḥ sārṇavāvaniḥ || 8 ||
[Analyze grammar]

girigrāmakagehe'ntarmadhye gaganakośake |
khātmāvakacati vyakto na kacatyeva vā kvacit || 9 ||
[Analyze grammar]

evamārambhaghanayorapi maṇḍapayostayoḥ |
udare śūnyamākāśamevāsti na jagadbhramaḥ || 10 ||
[Analyze grammar]

bhramadraṣṭurabhāve hi kīdṛśī bhramatā bhrame |
nāstyeva bhramasattā tu yadasti tadajaṃ padam || 11 ||
[Analyze grammar]

bhrame dṛśyamasattasya draṣṭurdraṣṭṛdaśā kutaḥ |
draṣṭṛdṛśyakramābhāvādatra yatsahajaṃ hi tat || 12 ||
[Analyze grammar]

tatpadaṃ paramaṃ viddhi nāśotpādavivarjitam |
svakaṃ kacati cābhātaṃ śāntamādyamanāmayam || 13 ||
[Analyze grammar]

kila maṇḍapagehāntaḥ svasvabhāvoditātmani |
viharanti janāstatra svagṛhe saṃvyavasthayā || 14 ||
[Analyze grammar]

na jagattatra no sargaḥ kaścittairanubhūyate |
tenāhaṃ jagadākāśamajamityeva vacmi te || 15 ||
[Analyze grammar]

sarvaṃ śūnyātmavijñānaṃ mervādigirijālakam |
nedaṃ kuḍyamayaṃ kiñcid yathā svapne mahāpuram || 16 ||
[Analyze grammar]

deśe prādeśamātre'pi girijālamayānyapi |
vajrasārāṇi khānyeva sambhavantyaṇuke'ṇuke || 17 ||
[Analyze grammar]

kadalīpallavāpīḍasanniveśena bhūriśaḥ |
trijagaccidaṇāvantarasti svapnapuraṃ yathā || 18 ||
[Analyze grammar]

tasyāpyantarvibhāgena kramādekaikaśo jagat |
teṣāṃ yasmiñjagatyeva padmo rājā śavaḥ sthitaḥ || 19 ||
[Analyze grammar]

līlā tava sapatnī taṃ prāptā pūrvataraṃ śubhe |
yadaiva mūrchāmāyātā līleyaṃ puratastava |
tadaiva bhartuḥ padmasya śavasya nikaṭe sthitā || 20 ||
[Analyze grammar]

līlā |
kathameṣā gatā devi sampannā tatra dehinī |
kathaṃ kathaṃ vā tatpatnībhāvamāptavatī sthitā || 21 ||
[Analyze grammar]

te vāsyā vada kiṃ rūpaṃ paśyantyatha vadanti kim |
tadgehavaravāstavyāḥ samāseneti me vada || 22 ||
[Analyze grammar]

devī |
śṛṇu sarvaṃ samāsena yathādṛṣṭaṃ vadāmi te |
līle līlāsvavṛttāntamantadaṃ dṛśyadurdṛśām || 23 ||
[Analyze grammar]

padma eva sa bhartaiṣa bhrāntiṃ tāvattatāmimām |
itthaṃ jaganmayīṃ svasminneva sadmani paśyati || 24 ||
[Analyze grammar]

bhrāntiyuddhamidaṃ yuddhamime bhrāntijanā janāḥ |
bhrāntyaivāstīha maraṇameṣa caiva bhramātmakaḥ || 25 ||
[Analyze grammar]

bhramakrameṇānenaiva līlāsya dayitā sthitā |
tvaṃ caiṣā ca varārohe svapnamātrā varāṅgane || 26 ||
[Analyze grammar]

tathā bhavatyorbhartaiṣa tathaivāhamapi svayam |
jagacchobhaiva saṃsāre dṛśyase tadihocyate || 27 ||
[Analyze grammar]

etadeva parijñātaṃ dṛśyaśabdārthamujjhati |
evameṣā tvamevaṃ ca sampannaivamasau nṛpaḥ || 28 ||
[Analyze grammar]

ahaṃ cātmani satyatvagatāḥ sarvatayātmanaḥ |
ime vayamihānyo'nyaṃ sampannāḥ svoditā iva || 29 ||
[Analyze grammar]

itthaṃ sarvātmakatayā mahācidghanasaṃsthiteḥ |
evameṣā sthitā rājñī hārihāsavilāsinī || 30 ||
[Analyze grammar]

līlāvilolanayanā navayauvanaśālinī |
peśalācāramadhurā madhurodārabhāṣiṇī || 31 ||
[Analyze grammar]

kokilasvarasaṅkāśā madamanmathamantharā |
asitotpalapattrākṣī vṛttapīnāpayodharā || 32 ||
[Analyze grammar]

kāntakāñcanagaurāṅgī pakvabimbaphalādharā |
tvatsaṅkalpātmakasyaiṣā yathā bharturmanaḥkalā || 33 ||
[Analyze grammar]

tadā tvatsadṛśākārā sthitaiṣā ciccamatkṛtau |
tvadbhartṛmaraṇe kṣipraṃ samanantarameva hi || 34 ||
[Analyze grammar]

tvadbhartaiṣā puro dṛṣṭā tvatsaṅkalpātmanāṇunā |
yadādhibhautikaṃ bhāvaṃ ceto'nubhavati svayam || 35 ||
[Analyze grammar]

vettyasanmayamevāta ātivāhikakalpanam |
yadādhibhautikaṃ bhāvaṃ vettyetaṃ tu na sanmayam || 36 ||
[Analyze grammar]

ātivāhikasaṅkalpastadā so'nyasya jāyate |
ato maraṇasaṃvittyā punarjanmamaye bhrame || 37 ||
[Analyze grammar]

tvaṃ hi saṃviditānena tvayāvagata eṣa saḥ |
itthaṃ tvāṃ dṛṣṭavāneṣa dṛṣṭaścaiṣa tvayeti ca || 38 ||
[Analyze grammar]

tvamasyātmani saṃpannā sarvagatvāccidātmanaḥ |
brahma sarvagataṃ yasmād yathā yatra yadoditam || 39 ||
[Analyze grammar]

bhavatyāśu tathā tatra tatsvaśaktyaiva paśyati |
sarvatra sarvaśaktitvād yatra yāṃ śaktimunnayan || 40 ||
[Analyze grammar]

āste tatra tathā bhāti tīvrasaṃvegahetutaḥ |
mṛtimohakṣaṇenaiva tadetau dampatī sthitau || 41 ||
[Analyze grammar]

tadaivābhyāmidaṃ buddhaṃ pratibhāsavaśāddhṛdi |
āvayoḥ pitarāvetāvime caivāpi mātarau || 42 ||
[Analyze grammar]

deha eṣa dhanaṃ cedaṃ karmedaṃ pūrvamīdṛśam |
āvāṃ vivāhitāvevamevaṃ nāmaikatāṃ gatau || 43 ||
[Analyze grammar]

etayoścāpi janatā yātā tatraiva satyatām |
tathaivātrāsti dṛṣṭāntaḥ pratyakṣaḥ svapnavedanam || 44 ||
[Analyze grammar]

ityevaṃbhāvayā līle līlayāhamathārcitā |
māhaṃ syāṃ vidhavetyevaṃ varo datto mayāpyasau || 45 ||
[Analyze grammar]

ityarthīva mṛtā pūrvameṣeha khalu bālikā |
bhavatāṃ cetanāṃśānāmahaṃ cetanadharmiṇī || 46 ||
[Analyze grammar]

kuladevī sadā pūjyāpyata etatkaromyaham |
athāsyā jīvako dehātprāṇamārutarūpadhṛt || 47 ||
[Analyze grammar]

manasā valitaḥ prāpto mukhāgraṃ tyaktadehakaḥ |
tato maraṇamūrchānte gṛhe'sminneva caitayā |
buddho bhāvita ākāro dṛṣṭo jīvātmanā tataḥ || 48 ||
[Analyze grammar]

sampannaiṣā hariṇanayanā pūrṇacandrānanaśrīrmānonnaddhā dayitavalitā kāntamābhoktukāmā |
pūrvasmṛtyā sarabhasamukhī saṃyatāntassvabhāvā svapnastheva prakṛtavibhavā padminīvoditeva || 49 ||
[Analyze grammar]