Chapter 30

līlopākhyāne paramākāśavarṇanaṃ nāma sargaḥ |
triṃśaḥ sargaḥ |
vasiṣṭhaḥ |
pṛthivyaptejasāmatra nabhasvannabhasorapi |
yathottaraṃ daśaguṇānatītyāvarakān kṣaṇāt || 1 ||
[Analyze grammar]

dadarśa paramākāśaṃ tatpramāṇavivarjitam |
tathā tataṃ jagadidaṃ yathā tatrāṇumātrakam || 2 ||
[Analyze grammar]

tādṛkṣāvaraṇān sargānbrahmāṇḍeṣu dadarśa sā |
koṭiśaḥ sphuritā vyomni trasareṇurivātape || 3 ||
[Analyze grammar]

mahākāśamahāmbhodhau mahāśūnyatvavāriṇi |
mahāciddravabhāvotthānbudbudānarbudakramān || 4 ||
[Analyze grammar]

kāṃścidāpatato'dhastātkāṃściccopari gacchataḥ |
kāṃścittiryaggatīnanyān sthitān stabdhān svasaṃvidā || 5 ||
[Analyze grammar]

yatra yatroditā saṃvid yeṣāṃ yeṣāṃ yathā yathā |
tatra tatroditaṃ rūpaṃ teṣāṃ teṣāṃ tathā tathā || 6 ||
[Analyze grammar]

na caiva tatra nāmordhvaṃ nādho na ca gamāgamāḥ |
anyadeva padaṃ kiñcidasmaddehāgamaṃ hi tat || 7 ||
[Analyze grammar]

utpadyotpadyate tatra svayaṃ saṃvitsvabhāvataḥ |
svasaṅkalpaiśśamaṃ yāti bālasaṅkalpajālavat || 8 ||
[Analyze grammar]

rāmaḥ |
kimadhaḥ syātkimūrdhvaṃ syātkiṃ tiryaktatra bhāsure |
iti brūhi mama brahmannihaiva yadi na sthitiḥ || 9 ||
[Analyze grammar]

vasiṣṭhaḥ |
sasarvāvaraṇānyatra mahatyantavivarjite |
brahmaṇo'ṇḍāni bhāsante vyomni keśoṇḍuko yathā || 10 ||
[Analyze grammar]

asvatantrāḥ pradhāvanti padārthāḥ sarva eva yat |
brahmāṇḍaṃ pārthivaṃ bhāgaṃ tadadhaśśūnyamanyathā || 11 ||
[Analyze grammar]

pipīlikānām bhramatāṃ vyomni vartulaloṣṭake |
daśadikkamadhaḥpādāḥ pṛṣṭhamūrdhvamudāhṛtam || 12 ||
[Analyze grammar]

vṛkṣavalmīkajālena keṣāñciddhṛdi bhūtalam |
sendvarkāmaradaityena veṣṭitaṃ vyoma nirmalam || 13 ||
[Analyze grammar]

sambhūtaṃ marubhūtena sagrāmapuraparvatam |
idaṅkalpamalūnena pakvākṣoṭamiva tvacā || 14 ||
[Analyze grammar]

yathā vindhyavanābhoge prasphuranti kareṇavaḥ |
tathā tasminparābhoge brahmāṇḍatrasareṇavaḥ || 15 ||
[Analyze grammar]

tasmin sarvaṃ tataḥ sarvaṃ tatsarvaṃ sarvataśca tat |
tacca sarvamayaṃ nityaṃ tathā tadaṇukaṃ prati || 16 ||
[Analyze grammar]

śuddhabodhamaye tasminparamālokavāridhau |
ajasrametya gacchanti brahmāṇḍākhyāstaraṅgakāḥ || 17 ||
[Analyze grammar]

antaśśūnyāḥ sthitāḥ kecitsakalpakṣayarātrayaḥ |
taraṅgā iva toyābdhau prohyante śūnyatārṇave || 18 ||
[Analyze grammar]

keṣāñcidantaḥ kalpāntaḥ pravṛtto ghargharāravaḥ |
na śruto'nyairna ca jñātaḥ svabhāvarasanākulaiḥ || 19 ||
[Analyze grammar]

anyeṣāṃ prathamārambheṣūdbubhūṣā vijṛmbhate |
sargasaṃsiktabījānāṃ kośe'ṅkuralatā yathā || 20 ||
[Analyze grammar]

mahāpralayasampattau sūryārcirvidrutāśrayāḥ |
pravṛttā galituṃ kecittāpe himakaṇā yathā || 21 ||
[Analyze grammar]

ākalpaṃ nipatantyeva kecidaprāptabhūmayaḥ |
yāvadviśīrya jāyante tathāsaṃvinmayāḥ kila || 22 ||
[Analyze grammar]

stabdhā eva sthitāḥ kecitkeṣoṇḍukamivāmbare |
vāyoḥ spandā ivābhānti tathāproditasampadaḥ || 23 ||
[Analyze grammar]

ācārādvedaśāstrāṇāmanya evānyathoditaḥ |
ārambho vitato'nyeṣāmanitthaṃ saṃsthitakramaḥ || 24 ||
[Analyze grammar]

kecidbrahmādipuruṣāḥ kecidviṣṇvādisargapāḥ |
keciccānye prajānāthāḥ kecinnirnāthajantavaḥ || 25 ||
[Analyze grammar]

kecidvicitrasargeśāḥ kecittiryaṅmayāntarāḥ |
kecidekārṇavāpūrṇā jaletaravivarjitāḥ || 26 ||
[Analyze grammar]

kecicchilāṅganiṣpiṇḍāḥ kecitkrimipathāntarāḥ |
keciddevamayā eva kecinnaramayāntarāḥ || 27 ||
[Analyze grammar]

kecinnityāndhakārāḍhyāstathāśīlitajantavaḥ |
kecinmaṣakasampūrṇā uḍumbaraphalaśriyaḥ || 28 ||
[Analyze grammar]

nityaṃ śūnyāntarāḥ kecicchūnyaspandātmajantavaḥ |
sargeṇa tādṛśenānye pūrṇā ye'smaddhiyāmiha |
kalpanāmapi nāyānti vyomamūkācalā iva || 29 ||
[Analyze grammar]

tādṛgantarameteṣāṃ mahākāśaṃ tataḥ sthitam |
ājīvitaṃ prayacchadbhirviṣṇvādyairyanna dīyate || 30 ||
[Analyze grammar]

pratyekamaṇḍagolasya sthitaḥ kaḍḍhakaratnavat |
bhūtākṛṣṭikaro bhāgaḥ pārthivaḥ sa svabhāvataḥ || 31 ||
[Analyze grammar]

yaḥ sargavibhavo'smākaṃ dhiyāmaviṣayastataḥ |
tajjagatkathane śaktirna mamāsti mahāmate || 32 ||
[Analyze grammar]

bhīmāndhakāragahane sumahatyaraṇye nṛtyantyadarśitaparasparameva mattāḥ |
yakṣā yathā pravitate paramāmbare'ntarevaṃ sphuranti subahūni mahājaganti || 33 ||
[Analyze grammar]