Chapter 27

līlopākhyāne siddhadarśanahetukathanaṃ nāma sargaḥ |
saptaviṃśaḥ sargaḥ |
vasiṣṭhaḥ |
tasmin giritaṭe grāme tasminmaṇḍapakodare |
antardhimāśvāyayatustatrasthe eva te striyau || 1 ||
[Analyze grammar]

asmākaṃ vanadevībhyāṃ prasādaḥ kṛta ityatha |
śāntaduḥkhe gṛhajane puṇyapārapare sthite || 2 ||
[Analyze grammar]

maṇḍapākāśasaṃlīnā līlāmāha sarasvatī |
vyomarūpā vyomarūpāṃ smayāttūṣṇīmavasthitām || 3 ||
[Analyze grammar]

saṅkalpasvapnayormoghakriyāyāḥ kathanaṃ mithaḥ |
yathehārthakriyāṃ dhatte tayoḥ sā saṅkathā tathā || 4 ||
[Analyze grammar]

pṛthvyādināḍīprāṇāderṛte'pyabhyuditā tayoḥ |
sā saṅkathanasaṃvittiḥ svapnasaṅkalpayoriva || 5 ||
[Analyze grammar]

sarasvatī |
jñeyaṃ jñātamaśeṣeṇa dṛṣṭā draṣṭavyasaṃvidaḥ |
īdṛśīyaṃ brahmasattā kimanyadvada pṛcchasi || 6 ||
[Analyze grammar]

līlā |
mṛtasya bharturjīvo'sau yatra rājyaṃ karoti me |
tatrāhaṃ kiṃ na tairdṛṣṭā dṛṣṭāsmīha sutena kim || 7 ||
[Analyze grammar]

sarasvatī |
abhyāsena vinā vatse tadā te dvaitaniścayaḥ |
nūnamastaṅgato nābhūdṛtusandhāv ṛturyathā || 8 ||
[Analyze grammar]

advaitaṃ yo na yāto'sau kathamadvaitakarmabhiḥ |
yujyate tāpasaṃsthasya cchāyāṅgānubhavaḥ kutaḥ || 9 ||
[Analyze grammar]

līlāsmīti vinābhyāsaṃ tatra nāstaṅgato'bhavat |
yadā bhāvastadā satyasaṅkalpatvamabhūnna te || 10 ||
[Analyze grammar]

adyāpi satyānubhavāḥ saṅkalpāstena māṃ yayuḥ |
sampaśyatvityabhimataṃ phalitaṃ tava sundari || 11 ||
[Analyze grammar]

idānīṃ tasya bhartustvaṃ samīpaṃ yadi gacchasi |
tattena vyavahāraste pūrvavatsampravartate || 12 ||
[Analyze grammar]

līlā |
ihaiva mandirākāśe patirvipro mamābhavat |
ihaiva sa mṛto bhūtvā sampanno vasudhādhipaḥ || 13 ||
[Analyze grammar]

ihaiva tasya saṃsāre tasminbhūmaṇḍalāntare |
rājadhānīpure tasminpurandhryasmi vyavasthitā || 14 ||
[Analyze grammar]

ihaivāntaḥpure tasmin sa mṛto mama bhūmipaḥ |
ihaivāntaḥpurākāśe tasminneva punarnṛpaḥ || 15 ||
[Analyze grammar]

sampanno vasudhāpīṭhe nānājanapadeśvaraḥ |
sarvo javañjavībhāva ihaivāyamavasthitaḥ || 16 ||
[Analyze grammar]

asminneva gṛhākāśe sarvā brahmāṇḍabhūtayaḥ |
sthitāḥ samudgakośasya yathāntaḥ sarṣapotkarāḥ || 17 ||
[Analyze grammar]

tadadūramahaṃ manye tadbharturmama maṇḍalam |
kvacitpārśvasthitamiha yathā paśyāmi tatkuru || 18 ||
[Analyze grammar]

śrīdevī |
bhūtalārundhatisute bhartārastava samprati |
trayo nāmāthavābhūvanbahavaśśatasammitāḥ || 19 ||
[Analyze grammar]

nedīyasāṃ trayāṇāṃ tu dvijaste bhasmasādgataḥ |
rājā mālyāmbaravṛtaḥ saṃsthito'ntaḥpure śavaḥ || 20 ||
[Analyze grammar]

saṃsāramaṇḍape'pyasmiṃstṛtīyo vasudhādhipaḥ |
mahāsaṃsārajaladhau patito bhramamāgataḥ || 21 ||
[Analyze grammar]

bhogakallolavalanāvikalākulacetanaḥ |
jāḍyajarjaracidvṛttiḥ saṃsārāmbhodhikacchapaḥ || 22 ||
[Analyze grammar]

citrāṇi rājakāryāṇi kurvannatyākulānyapi |
suptaḥ tejassthitatayā na jāgarti bhavabhrame || 23 ||
[Analyze grammar]

īśvaro'hamahaṃ bhogī siddho'haṃ balavān sukhī |
ityanantamahārajjvā valito vaśatāṃ gataḥ || 24 ||
[Analyze grammar]

tatkasya vada bhartustvāṃ samīpe varavarṇini |
vātyā vanāntaraṃ gandhalekhāmiva vanānnaye || 25 ||
[Analyze grammar]

anya eva sa saṃsāraḥ sevyo brahmāṇḍamaṇḍapaḥ |
anyā eva ca tā vatse vyavahāraparamparāḥ || 26 ||
[Analyze grammar]

saṃsāramaṇḍalānīha tāni pārśve sthitānyapi |
nūnaṃ yojanakoṭīnāṃ koṭayasteṣvihāntaram || 27 ||
[Analyze grammar]

ākāśamātrameteṣāmidaṃ paśya vapuḥ puraḥ |
merumandarakoṭīnāṃ koṭayasteṣviha sthitāḥ || 28 ||
[Analyze grammar]

paramāṇau paramāṇau sargavargā nirargalam |
mahācitaḥ sphurantyantā rucīva trasareṇavaḥ || 29 ||
[Analyze grammar]

mahārambhagurūṇyevamapi brahmāṇḍakāni ca |
tulāyāṃ dhānakāmātramapi tāni bhavanti no || 30 ||
[Analyze grammar]

nānāratnācaloddyoto vanavadbhāti khe yathā |
pṛthvyādibhūtarahitā jagadvadbhāti cittathā || 31 ||
[Analyze grammar]

kacati jñaptireveyaṃ jagadityādināmabhiḥ |
na tu pṛthvyādi sampannaṃ sargādāveva kiñcana || 32 ||
[Analyze grammar]

yathā taraṅgaḥ sariti bhūtvā bhūtvā punarbhavet |
vicitrākārakalanādeśā jātāsyalaṃ tathā || 33 ||
[Analyze grammar]

līlā |
evametajjaganmātarmayā mṛtamihādhunā |
mamedaṃ rājasaṃ janma tāmasaṃ no na sāttvikam || 34 ||
[Analyze grammar]

brahmaṇastvavatīrṇāyā aṣṭau janmaśatāni me |
nānāyonīnyatītāni paśyāmīvādhunā puraḥ || 35 ||
[Analyze grammar]

saṃsāramaṇḍale devi kasmiṃścidabhavaṃ purā |
lokāntarābjabhramarī vidyādharavarāṅganā || 36 ||
[Analyze grammar]

durvāsanākaluṣitā tato'haṃ mānuṣī sthitā |
saṃsāramaṇḍale'nyasmiṃstaṅgaṇeśvarakāminī || 37 ||
[Analyze grammar]

karañjakuñjajambīrakadambavanavāsinī |
pattrāmbaradharā śyāmā śabaryahamathābhavam || 38 ||
[Analyze grammar]

vanavāsanayā mugdhā sampannāhamatho latā |
gulucchanayanā pattrahastā vananivāsinī || 39 ||
[Analyze grammar]

puṇyāśramalatā sāhaṃ munisaṅgapavitritā |
vanāgnidagdhā tasyaiva kanyābhūvaṃ mahāmuneḥ || 40 ||
[Analyze grammar]

astrītvaphaladātṝṇāṃ karmaṇāṃ pariṇāmataḥ |
rājāhaṃ cābhavaṃ śrīmān surāṣṭreṣu samāśśatam || 41 ||
[Analyze grammar]

tālīnāṃ talakaccheṣu rājaduṣkṛtadoṣataḥ |
nakulī navavarṣāṇi kuṣṭhanaṣṭāṅgikābhavam || 42 ||
[Analyze grammar]

varṣāṇyaṣṭau surāṣṭreṣu devi gotvaṃ mayā kṛtam |
soḍhuṃ durjanaduṣṭājñabālagopālalīlayā || 43 ||
[Analyze grammar]

vihaṅgyā vairivinyastā vāgurā vipināvanau |
kleśena mahatā cchinnā adyemā vāsanā iva || 44 ||
[Analyze grammar]

karṇikākroḍaśayyāsu viśrāntamalinā saha |
padmakuḍmalakośeṣu bhuktakiñjalkayā rahaḥ || 45 ||
[Analyze grammar]

bhrāntamuttuṅgaśṛṅgāsu hariṇyā hārinetrayā |
vanasthalīṣu ramyāsu kirātahatamarmayā || 46 ||
[Analyze grammar]

dṛṣṭamaṣṭāsu dikṣvabdhikallolairuhyamānayā |
matsyāśvakacchapāsphoṭaraṭanāṭanatāḍanam || 47 ||
[Analyze grammar]

pītaṃ carmaṇvatītīre gāyantyā madhurasvanam |
sārataḥ surate svairaṃ samantātsādhurañjitaḥ || 48 ||
[Analyze grammar]

tālītamālakuñjeṣu taralānananetrayā |
kṣīvayekṣaṇavikṣobhaiḥ kṛtaṃ kāntāvalokanam || 49 ||
[Analyze grammar]

kanakasyandasandohasundarairaṅkapaṅkajaiḥ |
svargāpsaro'mbujinyāśutoṣitā suraṣaṭpadā || 50 ||
[Analyze grammar]

maṇikāñcanamāṇikyamuktānikarabhūtale |
kalpadrumavane meroryūnā saha rataṃ kṛtam || 51 ||
[Analyze grammar]

kallolākulakacchāsu lasadgulugulāsu ca |
velāvanaguhāsvabdheściraṃ kūrmatayā sthitam || 52 ||
[Analyze grammar]

nalinīnāladolāsu dolanaṃ sarasānilam |
calatpattrasajālāsu rājahaṃsatayā kṛtam || 53 ||
[Analyze grammar]

śādvalīdaladolānāmāndolanavinidratām |
maṣakasya mayālokya dīnaṃ maṣikayā sthitam || 54 ||
[Analyze grammar]

tarattārataraṅgāsu cañcadvīcyagracumbanaiḥ |
bhrāntaṃ śailasravantīṣu jalavañjulabālayā || 55 ||
[Analyze grammar]

gandhamādanamandāramandire madanāturaḥ |
patitaḥ pādayoḥ pūrvaṃ vidyādharakumārakaḥ || 56 ||
[Analyze grammar]

kīrṇakarpūrapūteṣu talpeṣu vyasanāturā |
ciraṃ vilulitāsmīndorbimbeṣviva śaśiprabhā || 57 ||
[Analyze grammar]

yoniṣvanekavidhaduḥkhaśatānvitāsu bhrāntaṃ mayonnamanasannamanākulāṅgyā |
saṃsāradīrghasaritaścalayā laharyā durvāravātahariṇīsaraṇakrameṇa || 58 ||
[Analyze grammar]