Chapter 31

tatas tāṃ timiraśyāmāṃ citāgnijvalitekṣaṇām |
smaśāne bhīṣaṇe tasmin vīro rajanirākṣasīm || 1 ||
[Analyze grammar]

ghorām agaṇayan rājā gatvā tāṃ śiṃśapāṃ punaḥ |
sa trivikramasenas taṃ tasyā vetālam ādade || 2 ||
[Analyze grammar]

skandhe kṛtvā ca taṃ yāvat prakrāmati sa pūrvavat |
tāvad bhūyaḥ sa vetālo naradevam uvāca tam || 3 ||
[Analyze grammar]

bho rājann aham udvigno na punas tvaṃ gatāgataiḥ |
tad ekaṃ me mahāpraśnam imaṃ kathayataḥ śṛṇu || 4 ||
[Analyze grammar]

āsīn māṇḍalikaḥ ko'pi nṛpatir dakṣiṇāpathe |
dharmābhidhāno dhaureyaḥ sādhūnāṃ bahugotrajaḥ || 5 ||
[Analyze grammar]

tasya candravatīnāma bhāryā mālavadeśajā |
abhūn mahākulotpannā varastrīmaulimālikā || 6 ||
[Analyze grammar]

tasyāṃ ca tasya bhāryāyāṃ bhūpater udapadyata |
ekaiva lāvaṇyavatī nāmānvarthābhidhā sutā || 7 ||
[Analyze grammar]

pradeyāyāṃ ca tasyāṃ sa sutāyāṃ dharmabhūpatiḥ |
unmūlito 'bhūn militair dāyādai rāṣṭrabhedibhiḥ || 8 ||
[Analyze grammar]

tataḥ palāyya niragāt sa deśād bhāryayā saha |
duhitrā ca tayā rātrav āttasadratnasaṃcayaḥ || 9 ||
[Analyze grammar]

mālavaṃ prati ca svairaṃ prasthitaḥ śvaśurāspadam |
vindhyāṭavīṃ tayā rātryā prāpa bhāryāsutāyutaḥ || 10 ||
[Analyze grammar]

tasyāṃ praviṣṭasyodaśrur ivāvaśyāyaśīkaraiḥ |
niśānuyātrāṃ dattveva yayau tasya mahīkṣitaḥ || 11 ||
[Analyze grammar]

ārurohātha pūrvādrim utkṣiptāgrakaro raviḥ |
mā gāś caurāṭavīm etām iti taṃ vārayann iva || 12 ||
[Analyze grammar]

tato 'tra sasutājāniḥ kṣatāṅghriḥ kuśakaṇṭakaiḥ |
padātiḥ sa nṛpo gacchan bhillānāṃ prāpa pallikām || 13 ||
[Analyze grammar]

pareṣāṃ prāṇasarvasvahāribhiḥ puṃbhir āvṛtām |
varjitāṃ dhārmikair durgāṃ kṛtāntanagarīm iva || 14 ||
[Analyze grammar]

tatra dṛṣṭvaiva taṃ dūrāt savastrābharaṇaṃ nṛpam |
moṣituṃ bahavo 'dhāvañ śabarā vividhāyudhāḥ || 15 ||
[Analyze grammar]

tān vilokya sutābhārye rājā dharmo jagāda saḥ |
purā spṛśanti vāṃ mlecchās tad ito viśataṃ vanam || 16 ||
[Analyze grammar]

iti rājñoditā rajñī vanamadhyaṃ viveśa sā |
lāvaṇyavatyā sutayā sārdhaṃ candravatī bhayāt || 17 ||
[Analyze grammar]

rājāpy abhimukhāyātān khaḍgacarmadharo 'tra saḥ |
avadhīt tān bahūñ śūraḥ śabarāñ śaravartiṇaḥ || 18 ||
[Analyze grammar]

tatas tenākhilā pallī patyājñaptā nipatya tam |
prahārakṣatacarmāṇam avadhīn nṛpam ekakam || 19 ||
[Analyze grammar]

gṛhītābharaṇe yāte dasyusainye vilokya tam |
bhartāraṃ nihataṃ dūrād vanagulmāntarasthitā || 20 ||
[Analyze grammar]

rājñī candravatī sātra duhitrā saha vihvalā |
palāyamānā gahanaṃ dūram anvag agād vanam || 21 ||
[Analyze grammar]

tatra madhyāhnatāpārtāsv iva mūlāni śākhinām |
chāyāsv api praviṣṭāsu śiśirāṇi sahādhvagaiḥ || 22 ||
[Analyze grammar]

ekadeśe 'bjasarasas tīre 'śokataros tale |
śokārtā rudatī śrāntā sasutā samupāviśat || 23 ||
[Analyze grammar]

tāvat tad vanam abhyarṇanivāsī mṛgayākṛte |
mahāmanuṣyaḥ ko 'py āgād aśvārūḍhaḥ saputrakaḥ || 24 ||
[Analyze grammar]

sa caṇḍasiṃhanāmā taṃ putraṃ siṃhaparākramam |
uvāca dṛṣṭvātra tayoḥ pāṃsūtthe padapaddhatī || 25 ||
[Analyze grammar]

ete surekhe subhage anusṛtyāpnuvo yadi |
strīyau te tat tayor ekāṃ svīkuruṣva yathāruci || 26 ||
[Analyze grammar]

ity uktavantaṃ taṃ smāha putraḥ siṃhaparākramaḥ |
yasyāḥ sūkṣmāv imau pādau sā bhāryā pratibhāti me || 27 ||
[Analyze grammar]

sā hi svalpavayā nūnaṃ jāne samucitā mama |
bṛhatpādā tu yogyeyam etajjyeṣṭhavayās tava || 28 ||
[Analyze grammar]

iti sūnor vacaḥ śrutvā caṇḍasiṃho jagāda tam |
kaiṣā kathā bhavanmātā pratyagraṃ hi gatā divam || 29 ||
[Analyze grammar]

tādṛśe sukalatre ca gate kānyatra vāsanā |
tac chrutvā so 'pi putras taṃ caṇḍasiṃham abhāṣata || 30 ||
[Analyze grammar]

tāta maivam abhāryaṃ hi śūnyaṃ gṛhapater gṛham |
anyac ca mūladevoktā gāthā kiṃ na śrutā tvayā || 31 ||
[Analyze grammar]

yatra ghanastanajaghanā nāste mārgāvalokinī kāntā |
ajaḍaḥ kas tad anigaḍaṃ praviśati gṛhasaṃjñakaṃ durgam || 32 ||
[Analyze grammar]

taj jīvitena me tāta śāpito 'si na tāṃ yadi |
dvitīyāṃ madabhīṣṭāyāṃ bhāryārthe svīkarīṣyasi || 33 ||
[Analyze grammar]

etat putravacaḥ śrutvā pratipadya ca tatsakhaḥ |
sa caṇḍasiṃho 'nusaran padapaṅktiṃ śanair yayau || 34 ||
[Analyze grammar]

prāpya tac ca saraḥsthānaṃ muktātāraughamaṇḍitām |
śyāmāṃ candravatīṃ rājñīṃ tāṃ dadarśāvabhāsitām || 35 ||
[Analyze grammar]

lāvaṇyavatyā sutayā jyotsnayevāvadātayā |
naiśīṃ dyām iva madhyāhne tarucchāyām upāśritām || 36 ||
[Analyze grammar]

upāyayau ca putreṇa sākaṃ tāṃ sa sakautukaḥ |
sāpi dṛṣṭvā tam uttasthau vitrastā cauraśaṅkinī || 37 ||
[Analyze grammar]

alaṃ trāsena nāmbaitau caurau saumyākṛtī imau |
suveṣau kaucid ākheṭakṛte nūnam ihāgatau || 38 ||
[Analyze grammar]

ity uktā sutayā rājñī yāvad dolāyate 'tra sā |
tāvad aśvāvatīrṇas te caṇḍasiṃho 'bravīd ubhe || 39 ||
[Analyze grammar]

kiṃ saṃbhrameṇa vām āvāṃ praṇayād draṣṭum āgatau |
tad visvasya nirātaṅke vadataṃ ke yuvām iti || 40 ||
[Analyze grammar]

haranetrānalajvālādagdhamanmathaduḥsthite |
ratiprītī ivāraṇyam idam evam upāgate || 41 ||
[Analyze grammar]

praviṣṭe sthaḥ kathaṃ ceha bata nirmānuṣe vane |
ratnaprāsādavāsārham idaṃ hi yuvayor vapuḥ || 42 ||
[Analyze grammar]

kathaṃ varāṅganotsaṅgayogyau kaṇṭakinīm imām |
bhuvaṃ vāṃ caraṇau bhrāntāv iti nau manasi vyathā || 43 ||
[Analyze grammar]

eṣā ca citraṃ yuvayoḥ patantī dhūlir ānane |
vātoddhūtā hatacchāyam āvayoḥ kurute mukham || 44 ||
[Analyze grammar]

bhavatyor eṣa cāṅge 'smin nipatan puṣpapeśale |
kiraṇoṣmā dahaty asmān uccaṇḍaś caṇḍadīdhiteḥ || 45 ||
[Analyze grammar]

tad brūtam ātmavṛttāntaṃ dūyate hṛdayaṃ hi naḥ |
draṣṭuṃ na śaknumo 'raṇye sthitiṃ vāṃ svāpadāvṛte || 46 ||
[Analyze grammar]

ity ukte caṇḍasiṃhena rājñī niḥsvasya sā śanaiḥ |
lajjāśokākulā tasmai svaṃ vṛttāntam avarṇayat || 47 ||
[Analyze grammar]

tato niḥsvāmikāṃ matvā tām āśvāsya ca sātmajām |
svīcakre madhurair vākyaiś caṇḍasiṃho 'nurañjayan || 48 ||
[Analyze grammar]

āropya cāsvayoḥ pṛṣṭhaṃ saputras tāṃ saputrikām |
nināya vittapapurīsamṛddhāṃ vasatiṃ nijām || 49 ||
[Analyze grammar]

sāpi janmāntaragatevāvaśāṅgīcakāra tam |
anāthā kṛcchrapatitā videśe strī karoti kim || 50 ||
[Analyze grammar]

tatas tāṃ sūkṣmapādatvād rājñīṃ siṃhaparākramaḥ |
caṇḍasiṃhasutas tatra bhāryāṃ candravatīṃ vyadhāt || 51 ||
[Analyze grammar]

tatsutāṃ tāṃ ca lāvaṇyavatīṃ nṛpatikanyakām |
bṛhattvāt pādayor bhāryāṃ caṇḍasiṃhaś cakāra saḥ || 52 ||
[Analyze grammar]

prāg ghi sūkṣmabṛhatpādamudrāpaṅktidvayekṣaṇāt |
pratipannaṃ tathā tābhyāṃ satyaṃ kaś cātivartate || 53 ||
[Analyze grammar]

evaṃ pādaviparyāsāt te pitāputrayos tayoḥ |
duhitāmātarau bhārye jāte śvaśrūsnuṣe tadā || 54 ||
[Analyze grammar]

kālena ca tayos tābhyāṃ bhartṛbhyāṃ jajñire dvayoḥ |
putrā duhitaraś caiva teṣām anye 'py atha kramāt || 55 ||
[Analyze grammar]

itthaṃ saṃprāpya tau caṇḍasiṃhasiṃhaparākramau |
tasthatus tatra lāvaṇyavatīṃ candravatīṃ ca te || 56 ||
[Analyze grammar]

iti vyāvarṇya vetālas tadā pathi kathāṃ niśi |
sa trivikramasenaṃ taṃ papraccha nṛpatiṃ punaḥ || 57 ||
[Analyze grammar]

tayor mātāduhitror ye putrapitros tayor nṛpa |
sakāśāj jantavo jātāḥ kramād ubhayapakṣayoḥ || 58 ||
[Analyze grammar]

jñātvedaṃ brūhi me teṣām anyonaṃ ke bhavanti te |
pūrvoktaḥ so 'tra śāpas te jānānaś cen na vakṣyasi || 59 ||
[Analyze grammar]

etad vetālataḥ śrutvā vimṛśan bahudhāpi saḥ |
nājñāsīt tad yadā rājā tūṣṇīkaḥ prayayau tadā || 60 ||
[Analyze grammar]

tatas tadaṃsakūṭastho vetālo vihasan hṛdi |
mṛtapūruṣadehānto niviṣṭaḥ samacintayat || 61 ||
[Analyze grammar]

nāyaṃ rājā mahāpraśne vetty asmin dātum uttaram |
tena tūṣṇīṃ vrajaty eṣa hṛṣṭo 'ticaturaiḥ padaiḥ || 62 ||
[Analyze grammar]

na ca vañcayituṃ śakyaḥ sattvarāśir ayaṃ param |
krīḍan bhikṣuḥ sa cāsmābhir iyataiva na śāmyati || 63 ||
[Analyze grammar]

tad adya vañcayitvā taṃ durātmānam upāyataḥ |
tatsiddhiṃ bhāvikalyāṇe rājany asmin niveśaye || 64 ||
[Analyze grammar]

ity ālocya sa vetālo nṛpaṃ tam avadat tadā |
rājan kṛṣṇaniśāghore smaśāne 'smin gatāgataiḥ || 65 ||
[Analyze grammar]

etaiḥ kliṣṭaḥ sukhārhas tvaṃ na vikalpaś ca ko'pi te |
tad āścaryeṇa dhairyeṇa tuṣṭo 'ham amunā tava || 66 ||
[Analyze grammar]

śavam etaṃ nayedānīṃ nirgacchāmy amuto hy aham |
idaṃ tu śṛṇu yad vacmi hitaṃ tava kuruṣva ca || 67 ||
[Analyze grammar]

ānītam etad bhavatā yasyārthe nṛkalevaram |
kubhikṣuḥ so 'dya mām asmin samāhūyārcayiṣyati || 68 ||
[Analyze grammar]

upahārīcikīrṣuś ca tvām eva sa śaṭhas tataḥ |
bhūmau praṇāmam aṣṭābhir aṅgaiḥ kurv iti vakṣyati || 69 ||
[Analyze grammar]

tvaṃ prāg darśaya tāvan me kariṣye 'haṃ tathaiva tat |
iti so 'pi mahārāja vaktavyaḥ śramaṇas tvayā || 70 ||
[Analyze grammar]

tato nipatya bhūtau sa praṇāmaṃ yāvad eva te |
darśayiṣyati tāvat tvaṃ chindyās tasyāsinā śiraḥ || 71 ||
[Analyze grammar]

tato vidyādharaiśvaryasiddhir yā tasya vāñchitā |
tāṃ tvaṃ prāpsyasi bhuṅkṣvemaṃ bhuvaṃ tadupahārataḥ || 72 ||
[Analyze grammar]

anyathā tu sa bhikṣus tvām upahārīkariṣyati |
etadarthaṃ kṛto vighnas tavātreyac ciraṃ mayā || 73 ||
[Analyze grammar]

tat siddhir astu te gacchety uktvā tasyāṃsapṛṣṭhagāt |
nirgatya sa yayau tasmād vetālaḥ pretakāyataḥ || 74 ||
[Analyze grammar]

atha sa narapatis taṃ prītavetālavākyāc chramaṇam ahitam eva kṣāntiśīlaṃ vicintya |
vaṭaviṭapitalaṃ tat tasya pārśvaṃ pratasthe mṛtapuruṣaśarīraṃ tad gṛhītvā prahṛṣṭaḥ || 75 ||
[Analyze grammar]