Chapter 109

idaṃ tu sumahatkaṣṭaṃ prādyumniḥ kva pravāsitaḥ |
naivaṃvidhamahaṃ doṣaṃ smarāmi manujarṣabhāḥ || 30 ||
[Analyze grammar]

bhasmanā guṇṭhitaḥ pādo yena me mūrdhni pātitaḥ |
mama netraṃ durāsrāvamandhatāṃ ko'nayadbalāt |
ko vā jaḍamatiḥ satyaṃ ratnaṃ me makuṭāddharet || ko vā balaṃ durādharṣamavamatyāgrataḥ sthitaḥ |
ko nu vā śiniputrasya cāpaṃ na smarati prabho |
sānubandhasya tasyāhaṃ hariṣye jīvitaṃ raṇe || 31 ||
[Analyze grammar]

ityevamukte kṛṣṇena sātyakirvākyamabravīt |
carāḥ kṛṣṇa prayujyantāmaniruddhasya mārgaṇe || 32 ||
[Analyze grammar]

saparvatavanoddeśāṃ mārgantu vasudhāmimām || 32 ||
[Analyze grammar]

atraiva prāyaśastatra yadi syātkenaciddhṛtaḥ || 32 ||
[Analyze grammar]

jñāte pratikariṣyāmi yattu prāptamanantaram || 32 ||
[Analyze grammar]

āhukaṃ prāha kṛṣṇastu smitaṃ kṛtvā vacastadā |
ābhyantarāśca bāhyāśca vyādiśyantāṃ carā nṛpa || 33 ||
[Analyze grammar]

vaiśaṃpāyana uvāca |
keśavasya vacaḥ śrutvā āhukastvarito'bravīt || 33 ||
[Analyze grammar]

anveṣaṇe'niruddhasya carānvyādiṣṭavāṃstadā || 33 ||
[Analyze grammar]

tataścarāstu vyādiṣṭāḥ pārthivena yaśasvinā |
abhyantaraṃ ca mārgadhvaṃ bāhyataśca samantataḥ || 34 ||
[Analyze grammar]

hayā rathāśca vyādiṣṭāḥ pārthivena mahātmanā || 34 ||
[Analyze grammar]

veṇumantaṃ latāveṣṭaṃ tathā raivatakaṃ girim |
ṛkṣavantaṃ giriṃ caiva mārgadhvaṃ tvaritā hayaiḥ || 35 ||
[Analyze grammar]

ekaikaṃ tatra codyānaṃ mārgitavyaṃ samantataḥ |
gantavyaṃ cāpi niḥsaṅgamudyāneṣu samantataḥ || 36 ||
[Analyze grammar]

hayānāṃ ca sahasrāṇi rathānāṃ cāpyanekaśaḥ |
āruhya tvaritāḥ sarve mārgadhvaṃ yadunandanam || 37 ||
[Analyze grammar]

senāpatiranādhṛṣṭiridaṃ vacanamabravīt |
kṛṣṇamakliṣṭakarmāṇamacyutaṃ bhītabhītavat || 38 ||
[Analyze grammar]

śṛṇu kṛṣṇa vaco mahyaṃ yadi te rocate vibho |
cirātprabhṛti me vaktuṃ bhavantaṃ jāyate matiḥ || 39 ||
[Analyze grammar]

asilomā pulomā ca nisundanarakau hatau |
saubhaḥ sālvaśca nihatau maindo dvivida eva ca |
hayagrīvaśca sumahān sānubandhastvayā hataḥ || 40 ||
[Analyze grammar]

kaṃsaśca nihataḥ kṛṣṇa narakaśca nipātitaḥ || 40 ||
[Analyze grammar]

anye ca bahavastatra sainyāḥ śatasahasraśaḥ || 40 ||
[Analyze grammar]

tādṛśe vigrahe vṛtte devahetoḥ sudāruṇe |
sarvāṇyetāni karmāṇi niḥśeṣāṇi raṇe raṇe |
kṛtavānasi govinda pārṣṇigrāhaśca nāsti te || 41 ||
[Analyze grammar]

idaṃ karma tvayā kṛṣṇa sānubandhaṃ kṛtaṃ raṇe |
pārijātasya haraṇe yatkṛtaṃ karma duṣkaraṃ || 42 ||
[Analyze grammar]

tatra śakrastvayā kṛṣṇa airāvataśirogataḥ |
nirjito bāhuvīryeṇa svayaṃ yuddhaviśāradaḥ || 43 ||
[Analyze grammar]

tena vairaṃ tvayā sārdhaṃ kartavyaṃ nātra saṃśayaḥ |
tatrānubandhaśca mahāṃstena kāryastvayā saha || 44 ||
[Analyze grammar]

tatrāniruddhaharaṇaṃ kṛtaṃ maghavatā svayam |
na hyanyasya bhavecchaktirvairaniryātanaṃ prati || 45 ||
[Analyze grammar]

ityevamukte vacane kṛṣṇo nāga iva śvasan |
uvāca vacanaṃ dhīmānanādhṛṣṭiṃ mahābalam || 46 ||
[Analyze grammar]

senānīstāta mā maivaṃ na devāḥ kṣudrakarmiṇaḥ |
nākṛtajñā na vā klībā nāvaliptā na bāliśāḥ || 47 ||
[Analyze grammar]

devatārthaṃ ca me yatno mahāndānavasaṃkṣaye |
teṣāṃ priyārthaṃ ca raṇe hanmi dṛptānmahāsurān || 48 ||
[Analyze grammar]

tatparastanmanāścāsmi tadbhaktastatpriye rataḥ |
kathaṃ pāpaṃ kariṣyanti vijñāyaivaṃvidhaṃ hi mām || 49 ||
[Analyze grammar]

akṣudrāḥ satyavantaśca nityaṃ bhaktānuyāyinaḥ |
na teṣu pāpaṃ vijñeyaṃ bāliśa tvaṃ prabhāṣase || 50 ||
[Analyze grammar]

kadācidiha puṃścalyā aniruddho hṛto bhavet || 50 ||
[Analyze grammar]

deveṣu samahendreṣu naitatkarma vidhīyate || 50 ||
[Analyze grammar]

vaiśaṃpāyana uvāca |
evaṃ cintayamānasya kṛṣṇasyādbhutakarmaṇaḥ || 50 ||
[Analyze grammar]

na vaktavyamidaṃ pāpaṃ tvadvidhena yadūttama || 50 ||
[Analyze grammar]

kṛṣṇasya vacanaṃ śrutvā tadākrūro'bravīdvacaḥ |
madhuraṃ ślakṣṇayā vācā arthavākyaviśāradaḥ || 51 ||
[Analyze grammar]

yacchakrasya prabhoḥ kāryaṃ tadasmākaṃ viniścitam |
asmākaṃ cāpi yatkāryaṃ tacca kāryaṃ śacīpateḥ || 52 ||
[Analyze grammar]

saṃrakṣyāśca vayaṃ devairasmābhiścāpi devatāḥ |
devatārthe vayaṃ cāpi mānuṣatvamupāgatāḥ || 53 ||
[Analyze grammar]

viṣṇurmadhunihā vīro devadevaḥ sanātanaḥ || 53 ||
[Analyze grammar]

evamakrūravacanaiścoditaḥ puruṣottamaḥ |
snigdhagambhīrayā vācā punaḥ kṛṣṇo'bhyabhāṣata || 54 ||
[Analyze grammar]

nāyaṃ devairna gandharvairnāpi yakṣairna rākṣasaiḥ |
pradyumnaputro'pahṛtaḥ puṃścalyā tu hṛtaḥ striyā || 55 ||
[Analyze grammar]

māyāvidagdhāḥ puṃścalyo daityadānavayoṣitaḥ |
tābhirhṛto na saṃdeho nānyato vidyate bhayam || 56 ||
[Analyze grammar]

ityevamukte vacane sūtamāgadhabandinām |
kṛṣṇena tu mahātmanā |
athāvagamya tattvena yadbhūtaṃ yadumaṇḍale || udatiṣṭhanmahānādastadā kṛṣṇaṃ praśaṃsayan |
harṣayan sa tu sarveṣāṃ |
madhuraḥ śrūyate śabdo mādhavasya niveśane || 57 ||
[Analyze grammar]

te carāḥ sarvataḥ sarve sabhādvāramupāgatāḥ |
śanairgadgadayā vācā idaṃ vacanamabruvan || 58 ||
[Analyze grammar]

udyānāni śilāḥ śailā guhā nadyaḥ sarāṃsi ca |
ekaikaṃ śataśo rājanmārgitaṃ na ca dṛśyeta || 59 ||
[Analyze grammar]

anye kṛṣṇaṃ carā rājannupāgamya tadābruvan || 59 ||
[Analyze grammar]

sarve no viditā deśāḥ prādyumnirna ca dṛśyate || 59 ||
[Analyze grammar]

te'pi śāntimanaskā hi gamayeyuḥ kathaṃ ca naḥ || 59 ||
[Analyze grammar]

yadanyatsaṃvidhātavyaṃ vidhānaṃ yadunandana |
tadājñāpaya naḥ kṣipramaniruddhasya mārgaṇe || 60 ||
[Analyze grammar]

tataste dīnamanasaḥ sarve bāṣpākulekṣaṇāḥ |
anyonyamabhyabhāṣanta kimataḥ kāryamuttaram || 61 ||
[Analyze grammar]

saṃdaṣṭauṣṭhapuṭāḥ kecitkecidbāṣpāvilekṣaṇāḥ |
keciccācintañchūrā āsthāya bhrukuṭiṃ narāḥ || 62 ||
[Analyze grammar]

evaṃ cintayatāṃ teṣāṃ bahvarthamabhibhāṣatām || 62 ||
[Analyze grammar]

aniruddhaḥ kutaśceti saṃbhramaḥ sumahānabhūt || 62 ||
[Analyze grammar]

anyonyamabhivīkṣante yādavā jātamanyavaḥ || 62 ||
[Analyze grammar]

tāṃ niśāṃ vimanaskāste gamayeyuḥ kathaṃcana || 62 ||
[Analyze grammar]

aniruddho hṛtaśceti punaḥ punarariṃdama || 62 ||
[Analyze grammar]

evaṃ ca bruvatāṃ teṣāṃ prabhātā rajanī tadā || 62 ||
[Analyze grammar]

tatastūryaninādaiśca śaṅkhānāṃ ca mahāsvanaiḥ |
prabodhanaṃ mahābāhoḥ kṛṣṇasyākriyatālaye || 63 ||
[Analyze grammar]

kṛṣṇo'pi devadeveśaḥ kartavye mūḍhavatsthitaḥ || 63 ||
[Analyze grammar]

kiṃ mayā kāryamityeva kuto nu bhayamāgatam || 63 ||
[Analyze grammar]

sarvathā yatnamāsthāya yatiṣye kāryamuttaram || 63 ||
[Analyze grammar]

diśāmantaṃ gamiṣyāmi sāgaraṃ varuṇālayam || 63 ||
[Analyze grammar]

yatrāsau sthitavānpautro gamiṣyāmyahamadya vai || 63 ||
[Analyze grammar]

prathamaṃ kāṃ diśaṃ yāsye kena syācchrūyate'khilam || 63 ||
[Analyze grammar]

yadi kaścidvijānīyāttadā tu sukṛtaṃ bhavet || 63 ||
[Analyze grammar]

Colophon |
tataḥ prabhāte vimale prādurbhūte divākare |
praviveśa sabhāmeko nāradaḥ prahasanniva || 64 ||
[Analyze grammar]

dṛṣṭvā tu yādavān sarvān kṛṣṇena saha saṃgatān || 64 ||
[Analyze grammar]

tataḥ sa jayaśabdena mādhavaṃ pratyapūjayat || 64 ||
[Analyze grammar]

ugrasenādayaste ca tamṛṣiṃ pratyapūjayan || 64 ||
[Analyze grammar]

athābhyutthāya vimanāḥ kṛṣṇaḥ samitidurjayaḥ |
madhuparkaṃ ca gāṃ caiva nāradāya dadau prabhuḥ || 65 ||
[Analyze grammar]

sa viṣṭare sthitaḥ śubhre spardhyāstaraṇasaṃvṛte |
ṛjvāsīno yathānyāyamuvācedaṃ vaco'rthavat || 66 ||
[Analyze grammar]

kimevaṃ cintayāviṣṭā niḥsaṅgaṃ tamasāvṛtāḥ |
utsāhanāśātsarve vai klībā iva vicetasaḥ || 67 ||
[Analyze grammar]

atīte divase vīre yādavā adbhutaṃ mahat || 67 ||
[Analyze grammar]

evamukte tu vacane nāradena mahātmanā |
vāsudevo'bravīdvākyaṃ śrūyatāṃ bhagavannidam || 68 ||
[Analyze grammar]

aniruddho hṛto brahman kenāpi niśi suvrata |
tasyārthe sarva evāsma cintayāviṣṭacetasaḥ || 69 ||
[Analyze grammar]

eṣa te yadi vṛttāntaḥ śruto dṛṣṭo'pi vā mune || 69 ||
[Analyze grammar]

bhagavan kathyatāṃ sādhu priyametanmamānagha || 69 ||
[Analyze grammar]

ityevamukte vacane keśavena mahātmanā |
prahasya nāradaḥ prāha śrūyatāṃ madhusūdana || 70 ||
[Analyze grammar]

nirvṛttaṃ sumahad yuddhaṃ mahāpuruṣasevitam |
aniruddhasya caikasya bāṇasya ca mahāmṛdhe || 71 ||
[Analyze grammar]

uṣā nāma sutā tasya bāṇasyāpratimaujasaḥ |
tasyārthe citralekhā vai jahārāśu tamapsarāḥ || 72 ||
[Analyze grammar]

ubhayorapi tatrāsīnmahad yuddhaṃ sudāruṇam |
prādyumnibāṇayoḥ saṃkhye balivāsavayoriva || 73 ||
[Analyze grammar]

asmābhiścāpi tad yuddhaṃ dṛṣṭaṃ sumahadadbhutam || 73 ||
[Analyze grammar]

aniruddho bhayāttena saṃyugeṣvanivartinā |
baṇena māyāmāsthāya baddho nāgairmahābalaḥ || 74 ||
[Analyze grammar]

hatvā dānavasaṃghāṃśca koṭiśaḥ śataśastathā || 74 ||
[Analyze grammar]

dṛṣṭametanmayā viṣṇo prādyumneryuddhamīdṛśam || 74 ||
[Analyze grammar]

vyādiṣṭastu vadhastasya bāṇena garuḍadhvaja || 74 ||
[Analyze grammar]

taṃ nivāritavānmantrī kumbhāṇḍo nāma tasya ha || 74 ||
[Analyze grammar]

kumārasyāniruddhasya tenāśaktena saṃyuge || 74 ||
[Analyze grammar]

bāṇena māyāmāsthāya sarpairniyamanaṃ kṛtam || 74 ||
[Analyze grammar]

uttiṣṭhatu bhavāñchīghraṃ yaśase vijayāya ca |
nāyaṃ saṃrakṣituṃ kālaḥ prāṇāṃstāta jayaiṣiṇām || 75 ||
[Analyze grammar]

prāṇaiḥ kiṃcidgatairvīro dhairyamālambya tiṣṭhati || 75 ||
[Analyze grammar]

ityevamukte vacane vāsudevaḥ pratāpavān |
prāyātrikānvai saṃbhārānājñāpayata vīryavān || 76 ||
[Analyze grammar]

puṇyāhaghoṣaśca tadā śuśruve brāhmaṇeritaḥ || 76 ||
[Analyze grammar]

tataścandanacūrṇaiśca lājaiścāpi samantataḥ |
niryayau sa mahābāhuḥ kīryamāṇo janārdanaḥ || 77 ||
[Analyze grammar]

gantumaichajjagannātho bāṇaṃ hantuṃ mahāsuram || 77 ||
[Analyze grammar]

nārada uvāca |
smaraṇaṃ vainateyasya kṛṣṇa tvaṃ kartumarhasi |
na hyanyena tamadhvānaṃ gantuṃ śakyaṃ mahābhuja || 78 ||
[Analyze grammar]

śrūyatāṃ ca tadadhvānaṃ gantavyamatidurjayam || 78 ||
[Analyze grammar]

ekādaśa sahasrāṇi yojanānāṃ janārdana |
taditaḥ śoṇitapuraṃ prādyumniryatra sāṃpratam || 79 ||
[Analyze grammar]

manojavo mahāvīryo vainateyaḥ pratāpavān |
samāhvayasva govinda sa hi tvāṃ tatra neṣyati |
ekena sa muhūrtena bāṇaṃ saṃdarśayiṣyati || 80 ||
[Analyze grammar]

tasya tadvacanaṃ śrutvā prādhyāyadgaruḍaṃ hariḥ |
sa kṛṣṇapārśvamāgamya harṣeṇāvasthito'bhavat || 81 ||
[Analyze grammar]

kṛṣṇakeśaḥ pravalayo jiṣṇuḥ kṛṣṇaśca varṇataḥ |
caturdaṃṣṭraścaturbāhuścaturvedaṣaḍaṅgavit || 82 ||
[Analyze grammar]

śrīvatsāṅko'ravindākṣa ūrdhvalomā mṛdutvacaḥ |
samāṅguliḥ samanakho raktāṅgulinakhāntaraḥ || 83 ||
[Analyze grammar]

snigdhagambhīranirghoṣo vṛttabāhurmahābhujaḥ |
ājānubāhuḥ siṃhāsyaḥ siṃhasaṃhanano yuvā |
sahasramiva sūryāṇāṃ dīpyamānaḥ prakāśate || 84 ||
[Analyze grammar]

yaḥ prabhurbhāti bhūtātmā bhūtānāṃ bhāvanaḥ prabhuḥ |
yasyāṣṭaguṇamaiśvaryaṃ dadau prītaḥ prajāpatiḥ || 85 ||
[Analyze grammar]

prajāpatīnāṃ sādhyānāṃ tridaśānāṃ ca śāśvataḥ |
stūyamānaḥ stavaiḥ sarvaiḥ sūtamāgadhabandibhiḥ |
ṛṣibhiśca mahābhāgairvedavedāṅgapāragaiḥ || 86 ||
[Analyze grammar]

saṃvidhānamathājñāpya dvārakāyāṃ mahābhujaḥ |
sātyakau saṃniveśyātha rakṣyatāṃ dvāraketi ca |
gamanāya matiṃ cakre vāsudevaḥ pratāpavān || 87 ||
[Analyze grammar]

āsthito garuḍaṃ devastasya cānu halāyudhaḥ |
pṛṣṭhato'nu balasyāpi pradyumnaḥ śatrukarśanaḥ || 88 ||
[Analyze grammar]

śrūyante sma tadā vācaḥ sūtamāgadhabandinām || 88 ||
[Analyze grammar]

jaya bāṇaṃ mahābāho ye cāsyānucarā raṇe |
na hi te pramukhe sthātuṃ kaścicchakto mahāmṛdhe || 89 ||
[Analyze grammar]

prasāde te dhruvā lakṣmīrvijayaśca parākrame |
vijeṣyasi raṇe śatruṃ daityendraṃ sahasainikam || 90 ||
[Analyze grammar]

siddhacāraṇasaṃghānāṃ maharṣīṇāṃ ca sarvaśaḥ |
śṛṇvanvāco'ntarikṣasthaḥ prayayau keśavo raṇe || 91 ||
[Analyze grammar]