Chapter 199

śrīkṛṣṇa uvāca |
ataḥ paraṃ pravakṣyāmi tilaśailaṃ vidhānataḥ |
yatpradānānnaro yāti viṣṇulokamanuttamam || 1 ||
[Analyze grammar]

tilāḥ pavitramatulaṃ pavitrāṇāṃ ca pāvanam |
viṣṇudehasamudbhūtāstasmāduttamatāṃ gatāḥ || 2 ||
[Analyze grammar]

madhukaiṭabhanāmānāvāstāṃ ditisutau purā |
madhunā saha tatrābhūdyuddhaṃ viṣṇoranāratam || 3 ||
[Analyze grammar]

sahasraṃ kila varṣāṇāṃ na vyajīvata dānavaḥ |
tatra svedo mahānāsītkruddhasyātha gadābhṛtaḥ || 4 ||
[Analyze grammar]

patitaśca dharāpṛṣṭhe kaṇaśo lavaśastathā |
samuttasthustilā māṣāḥ kuśāśca kurunaṃdana || 5 ||
[Analyze grammar]

hataśca hariṇā yuddhe sa madhurbalināṃ varaḥ |
medasā tasya vasudhā raṃjitā sakalā tadā || 6 ||
[Analyze grammar]

medinīti tataḥ saṃjñāmavāpācala dhāriṇī |
hate'tha daityapravare devāstoṣaṃ paraṃ yayuḥ || 7 ||
[Analyze grammar]

stutibhiśca paraṃ stutvā ūcustridaśapuṃgavam |
devā ūcuḥ |
tvayā dhṛtaṃ jagaddeva tvayā sṛṣṭaṃ tathaiva ca || 8 ||
[Analyze grammar]

tvayīśa līyate sarvaṃ tvayaiva madhusūdana |
tasmāttvadaṃgato jātāstilāḥ saṃtu jagaddhitāḥ || 9 ||
[Analyze grammar]

pālayaṃtu ca deveśa havyakavyāni sarvadā |
daive pitrye ca satataṃ niyojyāstatparairnaraiḥ || 10 ||
[Analyze grammar]

nahi daityāḥ piśācā vā vipraṃ kurvaṃti bhārata |
tilā yatropayujyaṃte etacchīghraṃ vidhīyatām || 11 ||
[Analyze grammar]

śrutvā surāṇāṃ tadvākyaṃ viṣṇustānidamabravīt |
tilā bhavantu rakṣārthaṃ trayāṇāṃ jagatāmapi || 12 ||
[Analyze grammar]

śuklapakṣe tu devānāṃ saṃpradadyāttilodakam |
kṛṣṇapakṣe pitṝṇāṃ ca snātvā śraddhāsamanvitaḥ || 13 ||
[Analyze grammar]

tilaiḥ saptāṣṭabhirvāpi samarpitajalāṃjaliḥ |
tasya devāḥ sapitarastṛptā yacchaṃti śobhanam || 14 ||
[Analyze grammar]

śvakākopahataṃ yacca patitādibhireva ca |
tilairabhyukṣitaṃ sarvaṃ pavitraṃ syānna saṃśayaḥ || 15 ||
[Analyze grammar]

etairmṛtaistilairyastu kṛtvā parvatamuttamam |
pradadyāddvijamukhyāya dānaṃ tasyākṣayaṃ bhavet || 16 ||
[Analyze grammar]

uttamo daśabhirdroṇairmadhyamaḥ paṃcabhirmataḥ |
tribhiḥ kaniṣṭho rājendra tilaśailaḥ prakīrtitaḥ || 17 ||
[Analyze grammar]

pūrvavaccāparaṃ sarvaṃ viṣkaṃbhaparvatādikam |
dānamannaṃ pravakṣyāmi yathāvannṛpasattama || 18 ||
[Analyze grammar]

yasmānmadhuvadhe viṣṇordehasvedasamudbhavāḥ |
tilāḥ kuśāśca māṣāśca tasmācchaṃ no bhavatviha || 19 ||
[Analyze grammar]

havye kavye ca yasmācca tilairevābhimaṃtraṇam |
bhavāduddhara śaileṃdra tilācala namo'stu te || 20 ||
[Analyze grammar]

ityāmaṃtrya ca yo dadyāttilācalamanuttamam |
sa vaiṣṇavaṃ padaṃ yāti punarāvṛttidurlabham || 21 ||
[Analyze grammar]

dīrghāyuṣṭvamavāpnoti iha loke paratra ca |
pitṛbhirdevagandharvaiḥ pūjyamāno divaṃ vrajet || 22 ||
[Analyze grammar]

puṇyakṣayādihābhyetya rājā bhavati dhārmikaḥ |
nārī vā tasya patnī syādrūpasaubhāgyasaṃyutā || 23 ||
[Analyze grammar]

dakṣā kulodbhavā caiva putrapautrasamanvitā |
vidhānamidamākarṇya vidhinā śraddhayānvitaḥ || 24 ||
[Analyze grammar]

kapilādānapuṇyasya samaṃ phalamavāpnuyāt || 25 ||
[Analyze grammar]

dānaṃ tilācalasamaṃ yadi cānyadasti tadbhūta śāstranicayaṃ pravicārya buddhyā |
yairvarjitā pitṛkriyā na ca homakarma teṣāṃ pradānamiha kiṃ na karoti śarma || 26 ||
[Analyze grammar]

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde tilācaladānavidhivarṇanaṃ nāmaikonadviśatatamo'dhyāyaḥ || 199 ||
[Analyze grammar]