Chapter 153

śrīkṛṣṇa uvāca |
jaladhenuṃ pravakṣyāmi prīyate dattayā yayā |
devadevo hṛṣīkeśaḥ pūjitaḥ sarvabhāvanaḥ || 1 ||
[Analyze grammar]

jalakuṃbhaṃ naravyāghra sthāpayitvā supūjitam |
ratnagarbhaṃ tu taṃ kṛtvā grāmyairdhānyai samanvitam || 2 ||
[Analyze grammar]

sitavastrayugacchannaṃ dūrvāpallavaśobhitam |
kuṣṭhamāṃsīpurośīravālakāmalakīyutam || 3 ||
[Analyze grammar]

priyaṅgupatrasahitaṃ sitayajñopavītinam |
sopānaktaṃ ca sacchatraṃ darbhaviṣṭarasaṃsthitam || 4 ||
[Analyze grammar]

caturbhiḥ saṃyutaṃ raupyaṃ tilapātraiścaturdiśam |
sthagitaṃ dadhipātreṇa ghṛtakṣaudravatā mukhama || 5 ||
[Analyze grammar]

savatsāṃ ca pratiṣṭhāpya gomayenopaśobhitām |
sragdāmapucchīṃ kurvīta tāmradohanakānvitām || 6 ||
[Analyze grammar]

tataḥ samabhyarcya vibhuṃ vāsudevaṃ sanātanam |
puṣpadhūpopahāraiśca yathāvibhavamātmanaḥ || 7 ||
[Analyze grammar]

saṃkalpya jaladhenuṃ ca kuṃbhaṃ tamabhimaṃtrya ca |
viṣṇorvakṣasi yā lakṣmīḥ svāhā yā ca vibhāvasoḥ |
somaśakrārkaśaktiryā dhenurūpeṇa sāstu me || 8 ||
[Analyze grammar]

evamāmaṃtrya vidhivatsaphalāṃ vatsakānvitām |
bhaktyā saṃpūjya goviṃdaṃ jalaśāyinamacyutam || 9 ||
[Analyze grammar]

sitavastradharaḥ śāṃto vītarāgo vimatsaraḥ |
dadyādviprāya rājendra prītyarthaṃ jalaśāyinaḥ || 10 ||
[Analyze grammar]

śeṣaparyaṃkaśayanaḥ śrīmāñchārṅgavibhūṣitaḥ |
jalaśāyī jagadyoniḥ prīyatāṃ mama keśavaḥ || 11 ||
[Analyze grammar]

ityuccārya jagannāthaṃ viprāya prati pādya tām |
taddinaṃ govratastiṣṭhecchraddhayā parayā yutaḥ || 12 ||
[Analyze grammar]

anena vidhinā dattvā jaladhenuṃ janādhipa |
sarvabhogānavāpnoti ye divyā ye ca mānuṣāḥ || 13 ||
[Analyze grammar]

śarīrārogyamatulaṃ praśamaḥ sarvakālikaḥ |
nṛṇāṃ bhavaṃti dattāyāṃ sarve kāmā na saṃśayaḥ || 14 ||
[Analyze grammar]

atrāpi śrūyate bhūpa mudgale na mahātmanā |
jātismareṇa yadgītamihābhyetya purā kila || 15 ||
[Analyze grammar]

sa mudgalaḥ purā vipro yamalokagato muniḥ |
dadarśa yātanānekāḥ pāpakarmakṛtāṃ nṛṇām || 16 ||
[Analyze grammar]

dīptāgnitīkṣṇayantrasthāḥ kvāthatailamayāstathā |
uṣṇakṣāranadīpātā bhairavāḥ puruṣarṣabha || 17 ||
[Analyze grammar]

vraṇakṣāranipātotha kumbhīpākamahālayāḥ |
tā dṛṣṭvā yātanā vipraścakāra paramāṃ kṛpām || 18 ||
[Analyze grammar]

āhlādaṃ te tadā jagmuḥ pāpāstadanukaṃpayā |
taṃ dṛṣṭvā nārakāḥ kecitsthitvā tadavalokinaḥ || 19 ||
[Analyze grammar]

tadavasthaṃ vilokyātha munirnārakamaṇḍalam |
dharmarājaṃ sa papraccha teṣāṃ praśamakāraṇam || 20 ||
[Analyze grammar]

tasmai cācaṣṭa rājendra tadā vaivasvato yamaḥ |
āhlādahetumadhikaṃ nārakāṇāṃ narottama || 21 ||
[Analyze grammar]

dānānubhāvātsarveṣāṃ nārakāṇāṃ dvijottama |
saṃpravṛto'yamāhlādaḥ kāraṇaṃ tacchṛṇu ṣva me || 22 ||
[Analyze grammar]

tvayābhyarcya jagannāthaṃ sarveśaṃ jalaśāyinam |
jaladhenuḥ purā dattā vidhivadvijapuṅgava || 23 ||
[Analyze grammar]

tasmātvajjanmano'tīte tṛtīye dvija janmani |
tasya dānasya te vyuṣṭiriyamāhlādadāyinī || 24 ||
[Analyze grammar]

ye tvāṃ paśyaṃti śṛṇvaṃti ye ca dhyāyaṃti mānavāḥ |
śṛṇoṣi yāṃśca viprendra yāṃśca dhyāyasi paśyasi || 25 ||
[Analyze grammar]

nivṛttiḥ paramā teṣāṃ sarvāhlādapradāyinī |
sadyo bhavati mā'tra tvaṃ dvijāte kuru vismayam || 26 ||
[Analyze grammar]

āhlādahetujananaṃ nāsti viprendra tādṛśam |
jaladhenuryathā nṛṇāṃ janmānyekonaviṃśatim || 27 ||
[Analyze grammar]

na doṣo na jvaro nārtirna klamo dvija jāyate |
api janmasahasre'pi jaladhenupradāyinām || 28 ||
[Analyze grammar]

sa tvaṃ gaccha gṛhītvārdhamasmato dvijasattama |
yeṣāṃ samāśrayaḥ kṛṣṇe na niyamyā hi te mayā || 29 ||
[Analyze grammar]

kṛṣṇastu pūjito yaistu ye kṛṣṇārthamupoṣitāḥ |
yaiśca nityaṃ smṛtaḥ kṛṣṇo na te madviṣayopagāḥ || 30 ||
[Analyze grammar]

namaḥ kṛṣṇācyutānaṃta vāsudevetyudīritam |
yairbhā vabhāvitairvipra na te madviṣayopagāḥ || 31 ||
[Analyze grammar]

dānaṃ dadadbhiryairuktamacyutaḥ prīyatāmiti |
śraddhāpuraḥsarairvipra na te madviṣayopagāḥ || 32 ||
[Analyze grammar]

sa eva nāthaḥ sarvasya tanniyogakarā vayam |
janasaṃyamanaścāhamasmatsaṃyamano hariḥ || 33 ||
[Analyze grammar]

itthaṃ niśamya vacanaṃ yamasya vadato'khilam |
ūcuste nārakāḥ sarve vahniśastrārkabhīravaḥ || 34 ||
[Analyze grammar]

namaḥ kṛṣṇāya haraye viṣṇave jiṣṇave namaḥ |
hṛṣīkeśāya keśāya jagaddhātre'cyutāya ca || 35 ||
[Analyze grammar]

namaḥ paṅkajanetrāya namaḥ paṅkajanābhaye |
janārdanāya śrīśāya śrībhartre pītavāsase || 36 ||
[Analyze grammar]

goviṃdāya namo nityaṃ namaścodadhiśāyine |
namaḥ kamalanetrāya nṛsiṃhāya ninādine || 37 ||
[Analyze grammar]

śārṅgiṇe śitakhaḍgāya śaṃkhacakragadābhṛte |
namo vāmanarūpāya krāṃtalokatrayāya ca || 38 ||
[Analyze grammar]

varāharūpāya tathā namo yajñāṅgadhāriṇe |
vyāptāśeṣadigaṃtāyānaṃtāya paramātmane || 39 ||
[Analyze grammar]

vāsudeva namastubhyaṃ namaḥ kaiṭabhasūdine |
keśavāya namo rāma namastestu mahīdhara || 40 ||
[Analyze grammar]

namo'stu vāsudevāya hyevamuccārite ca taiḥ |
śastrāṇi kuṃṭhatāṃ jagmuranalaścāpi śītatām || 41 ||
[Analyze grammar]

samabhajyaṃta vastrāṇi samutpeturayomukhāḥ |
saṃśuṣkā kṣārasaritaḥ patitaḥ śālmalidrumaḥ || 42 ||
[Analyze grammar]

prakāśastamaso jajñe narakādbhānubhiḥ saha |
vavau ca yuṃjanpavano'pyasipatravane tataḥ || 43 ||
[Analyze grammar]

nirutsāhā jaḍadhiyo babhūvuryamakiṃkarāḥ |
jātā gaṅgāmbuvāhinyaḥ pūyaśauṇitanimnagāḥ || 44 ||
[Analyze grammar]

divyaḥ sugaṃdhi pavano manaḥprītikarastathā |
veṇuvīṇāsvanayutāḥ śabdāścāsanmanoramāḥ || 45 ||
[Analyze grammar]

taṃ tādṛśamathālakṣya tadā vaivasvato yamaḥ |
kṣīṇapāpatrayāṃstāṃstu pādyārghyaiḥ samapūjayat || 46 ||
[Analyze grammar]

pūjayitvā ca tānāha kṛṣṇāya sa kṛtāṃjaliḥ |
samāhitamatirbhūtvā dharmarājo nareśvara || 47 ||
[Analyze grammar]

viṣṇo deva jagaddhātarjanārdana jagatpate |
praṇāmaṃ ye'pi kurvanti teṣāmapi namonamaḥ || 48 ||
[Analyze grammar]

acyutāyāprameyāya māyāvāmanarūpiṇe |
praṇāmaṃ ye'pi kurvanti teṣāmapi namo namaḥ || 49 ||
[Analyze grammar]

namaste vāsudevāya dhīmate puṇyakīrtaye |
praṇāmaṃ ye ca kurvaṃti teṣāmapi namo namaḥ || 50 ||
[Analyze grammar]

tasya yajñavarāhasya viṣṇoramitatejasaḥ || 51 ||
[Analyze grammar]

evaṃ stutvā hṛṣīkeśaṃ dharmarājasya paśyataḥ |
vimānavaramāruhya nārakāstridivaṃ yayuḥ || 52 ||
[Analyze grammar]

mudgalo'pi mahābuddhirdṛṣṭvaitadakhilaṃ nṛpa |
jātismaro bhavadvipraḥ kaṇvagotre mahāmuniḥ || 53 ||
[Analyze grammar]

saṃsmṛtya yamavākyāni viṣṇormāhātmyameva ca |
jaladhenostu māhātmyaṃ saṃsmṛtyedamagāyata || 54 ||
[Analyze grammar]

aho sudustarā viṣṇormāyeyamatigahvarī |
yayā mohitacittastu na vetti parameśvaram || 55 ||
[Analyze grammar]

jīvo gacchati kīṭatvaṃ yūkāmatkuṇayonitām |
tasmāddrumalatādīnāṃ yoniṃ tasmācca pakṣiṇām || 56 ||
[Analyze grammar]

tataśca paśutāṃ prāpya naratvamabhivāṃchati |
tato manuṣyatāṃ prāpya naro yoniṃ kṛtātmanām |
tāṃ prāpya ca śriyaṃ parāṃ naro māyāvimohitaḥ || 57 ||
[Analyze grammar]

dustarāpi susādhyā sā māyā kṛṣṇasya mohinī |
vidyate sā manonyastā mudhaiva madhusūdane || 58 ||
[Analyze grammar]

avāpyaivaṃ ca gārhasthyamavāpyaivaṃ ca tatparam |
chinatti vaiṣṇavīṃ māyāṃ keśavārpitamānasaḥ || 59 ||
[Analyze grammar]

avirodhena viṣayānbhuñjanviṣṇuṃ samāśrayet || |
bhuktvā narastaratyenāṃ viṣṇormāyāṃ sudustarām || 60 ||
[Analyze grammar]

īdṛgbahuphalā bhaktiḥ sarvadhātari keśave |
māyayā tasya devasya tāṃ na kurvaṃti mohitāḥ || 61 ||
[Analyze grammar]

mudhaivoktaṃ sudhāpānaṃ mudhā taddhi viceṣṭitam |
mudhaiva janma tannaṣṭaṃ yatra nārādhito hariḥ || 62 ||
[Analyze grammar]

ārādhito hi yaḥ puṃsāmaihikāmuṣmikaṃ phalam |
dadāti bhagavāndevaḥ kastaṃ na pratipūjayet || 63 ||
[Analyze grammar]

saṃvatsarāstathā māsā viphalā divasāśca te |
narāṇāṃ viṣayāṃdhānāṃ yaistu nārādhito hariḥ || 64 ||
[Analyze grammar]

yo na vittarddhivibhavairna vāsobhirna bhūṣaṇaiḥ |
tuṣyate hṛdayenaiva kastamīśaṃ na pūjayet || 65 ||
[Analyze grammar]

jaladhenostu māhātmyaṃ niśamyedṛgvidhaṃ narāḥ |
nātra yacchaṃti teṣāṃ vai vivekaḥ kutra tiṣṭhati || 66 ||
[Analyze grammar]

karmabhūmau hi mānuṣyaṃ janmanāmayutairapi |
svargāpavargaphaladaṃ kadācitprāpyate naraiḥ || 67 ||
[Analyze grammar]

saṃprāpya ca na yairviṣṇustoṣito jaladhenunā |
te janā bhraṣṭajanmāno vaṃcitāstasya māyayā || 68 ||
[Analyze grammar]

ūrdhvabāhurviraumyeṣa dṛṣṭalokadvayo'smi bhoḥ |
ārādhayadhvaṃ govindaṃ jaladhenuṃ prayacchata || 69 ||
[Analyze grammar]

duḥsaho nārako vahniraviṣahyā ca yātanā |
jñātaṃ mayaitadālaṃbya kṛṣṇaṃ bhavati niścalaḥ || 70 ||
[Analyze grammar]

ādeśiko deśiko hi yamamārge sudustare |
vicintya tatsatyametanmanaḥ kṛṣṇe niveśyatām || 71 ||
[Analyze grammar]

iṣṭena kiṃ kratuśatena suduṣkareṇa kleśādhikena sukṛtairniyamairvrataiśca |
dattā dvijāya pitṛrājagṛhaṃ gatasya hyekā'pi gaurjalamayī sukhamātanoti || 72 ||
[Analyze grammar]