Chapter 133

yudhiṣṭhira uvāca |
saṃtyajyālikulālīḍhakusumāni mṛdūnyapi |
damanena kathaṃ lokaiḥ pūjyaṃte nākanāyakāḥ || 1 ||
[Analyze grammar]

dolāṃdolanamāhātmyaṃ rathayātrāmahotsavam |
kathayasvāmalaṃ prājña yādavāṃbhojabhāskara || 2 ||
[Analyze grammar]

śrīkṛṣṇa uvāca |
pārthārthijanasadvṛkṣa kṣāṃtidhāma dharāpate |
yadetadbhavatā pṛṣṭaṃ tacchṛṇuṣva vadāmi te || 34 ||
[Analyze grammar]

purā surāṇāmāvāse maṃdare cārukaṃdare |
gandhādhārī kulālīḍho jāto damanakastaruḥ || 4 ||
[Analyze grammar]

tasya gaṃdhamanāghreyamāghrāya surayoṣitaḥ |
madanonmādavaśagā gāyaṃti ca hasaṃti ca || 5 ||
[Analyze grammar]

ṛṣayo niyamāṃstyaktvā prādravaṃta gṛhānprati |
na vedādhyayane dhyāne ratisteṣāṃ babhūva ha || 6 ||
[Analyze grammar]

aparādhādvighaṭitaṃ yadbabhūva priye param |
mānasaṃ māninīnāṃ tu punargaṃdhena saṃdhitam || 7 ||
[Analyze grammar]

gaṃdhenākulitaṃ lokaṃ dṛṣṭvā brahmā tamabravīt |
śamanirmitayā vācā roṣātprasphuritādharaḥ || 8 ||
[Analyze grammar]

brahmovāca |
jātastvaṃ lokadamanānnūnaṃ damanako mayā |
jagadvā ghūrṇase kasmātkarma naitattavocitam || 9 ||
[Analyze grammar]

yatsaṃtastvanumanyaṃte sarvā tiśayavarjitam |
tatseveta naraḥ karma yatrodvego na dhīmatām || 10 ||
[Analyze grammar]

ekasyāpyapakāraṃ yaḥ karoti sa narādhamaḥ |
bahūnāmapakārāya sapravṛtaḥ kimucyate || 11 ||
[Analyze grammar]

dṛṣṭārthabādhakaṃ karma na kartavyaṃ kathaṃcana |
adṛṣṭaṃ prati saṃdehaḥ sosmābhiranumīyate || 12 ||
[Analyze grammar]

tataḥ svayaṃ prabhajati daive pitrye ca karmaṇi |
bhogārthe ca tribhuvananirādeyo bhaviṣyati || 13 ||
[Analyze grammar]

damanaka uvāca |
puruṣādevamārabdhaṃ na krodhānnārthakāra ṇāt |
svabhāva eṣa me brahmaṃstvayā sṛṣṭaḥ purā vibho || 14 ||
[Analyze grammar]

yā yasya jaṃtoḥ prakṛtiḥ śubhā vā yadi vetarā |
sa tasyāmeva ramate duṣkṛte sukṛte tathā || 15 ||
[Analyze grammar]

tatsvabhāvapravṛttasya yadi śāpastvayā mama |
pradattaḥ kiṃ karomyetanna kṛtyamaparādhyati |' || 16 ||
[Analyze grammar]

yuktiyuktaṃ vacaḥ śrutvā damanena samī ritam |
prītātmā padmajaḥ prāha karomi tava satpriyam || 17 ||
[Analyze grammar]

vasaṃte sahakārotthamaṃjarīpiṃjare jane |
puṣpitāśokaśobhāḍhye vane puṃskokilā kule || 18 ||
[Analyze grammar]

tasminkāle sureśānāṃ śirāṃsyākramya līlayā |
sthāsyasi tvaṃ dinaṃ caikaṃ yadyasya vihitaṃ hitam || 19 ||
[Analyze grammar]

ye tvāmāropayiṣyaṃti dānamānapurassarāḥ |
surāṇāṃ te bhaviṣyaṃti sadaiva sukhino narāḥ || 20 ||
[Analyze grammar]

sarvadaiva śivasyeṣṭā puṇyā pāpabhayāpahā |
prasiddhiṃ yāsyati madhau damanākhyā caturdaśī || 21 ||
[Analyze grammar]

evamuktvā yayau brahmā damano maṃdare girau |
uvāsa vāsitāśeṣabhuvano gaṃdhasampadā || 22 ||
[Analyze grammar]

divye girau girisu tādayitādhivāse ratnāṃśukacchuritakāñcanabhūmibhāge |
śāpaṃ varaṃ ca hṛdaye viniveśya śaṃbhostatrāsthito damanako damitāṃtarātmā || 23 ||
[Analyze grammar]

śrīkṛṣṇa uvāca |
dharmarāja nibodhedamāṃdolakamahotsavam |
pravṛttanaranārīkaṃ pañcamoccārasundaram || 24 ||
[Analyze grammar]

sānaṃdaṃ naṃdanavane ārdrayā sahito yathā |
vismayasmeranayano babhrāmodvāṃtasaurabhaḥ || 25 ||
[Analyze grammar]

unmādayanvane puṇye vidyādharagaṇānbahūn |
vasaṃtartau nṛtyamānānmurāsuraśatārcitaḥ || 26 ||
[Analyze grammar]

saṃtānapārijātotthāṃ baddhvā sa mādhavīlatām |
kaścidāṃdolanaṃ cakre samāliṃgya ghanastanīm || 27 ||
[Analyze grammar]

gītamāṃdolakārūḍhastadgāyaṃtyamara striyaḥ |
yena cotpādayaṃti sma manmathasyāpi manmatham || 28 ||
[Analyze grammar]

taṃ dṛṣṭvāṣṭāpadanibhā bhavānī prāha śaṃkaram |
kautukaṃ me samutpannaṃ paśyemāḥ śaṃkara prabho || 29 ||
[Analyze grammar]

ādolakaṃ mama kṛte kārayasva svalaṃkṛtam |
tvayā sahāṃdolayeyaṃ yathā caite trilocana || 30 ||
[Analyze grammar]

tadgaurīvacanaṃ ramyaṃ śrutvā govṛṣabhadhvajaḥ |
saddolāṃ kārayāmāsa samāhūya mahāsurān || 31 ||
[Analyze grammar]

staṃbhadvayaṃ ropayitvā iṣṭāpūrtamayaṃ dṛḍham |
satyaṃ caivoparitataṃ śreṣṭhaṃ kāṣṭhamakalpayat || 32 ||
[Analyze grammar]

vāsukiṃ daṃḍakasthāne baddhvā tāṃtavasaprabham |
tatphaṇāmaṃtarāpīṭhaṃ kṛtavānmaṇimaṃḍitam || 33 ||
[Analyze grammar]

kṛmikārpāsakauśeyavastraiḥ saṃveṣṭitaṃ navaiḥ |
sragdāmālaṃbitaprāṃtamaṇimauktikaśekharam || 34 ||
[Analyze grammar]

racayitvā vicitrāṃ tāṃ dolāṃ cailājinottarām |
sa siddhāṃ siddhagurave gauraveṇa nyavedayat || 35 ||
[Analyze grammar]

tatrārūḍhastu yāvatsa saumyasomavibhūṣaṇaḥ |
maṃdaraṃ dolayāmāsa pārśvasthaiḥ pārṣadaiḥ saha || 36 ||
[Analyze grammar]

vāmapārśve tu vijayā dakṣiṇena jayā bhavet |
cāmarākrāṃtabāhū te tenāśliṣṭe nyavījatām || 37 ||
[Analyze grammar]

ādolayaṃtyā pārvatyā sahitaṃ sa gadākṣaram |
yena devāsurastraiṇamāsīdānaṃdanirbharam || 38 ||
[Analyze grammar]

jagurgaṃdharvapatayo nanṛtuścāpsarogaṇāḥ |
ucchalattālavādyāni vādayaṃti sma cāraṇāḥ || 39 ||
[Analyze grammar]

celuḥ kulācalāḥ sarve cukṣubhuḥ sapta sāgarāḥ |
vavurvātāḥ sanirghātā deve dolāṃ samāsthite || 40 ||
[Analyze grammar]

ālokya vyākulaṃ lokaṃ devāḥ śakrapurogamāḥ |
upetya praṇipatyocuḥ sarvapāpaharaṃ param || 41 ||
[Analyze grammar]

upāramasva bhagavanbhavataḥ krīḍayānayā |
jagadvyāpadyate deve calitaḥ sāgaraśca yat || 42 ||
[Analyze grammar]

gīrvāṇagīrbhiḥ saṃhṛṣṭaḥ śaṃkaro lokaśaṃkaraḥ |
samutpapāta dolātaḥ praharṣotphullalocanaḥ || 43 ||
[Analyze grammar]

uvāca vacanaṃ pārtha surasārthasya paśyataḥ |
sānukaṃpaṃ sulalitaṃ visphuṭārthapadākṣaram || 44 ||
[Analyze grammar]

śrīmahādeva uvāca |
adya prabhṛti ye dolākrīḍāṃ puṣkariṇītaṭe |
vasaṃte kārayiṣyaṃti maṃḍite tridaśāṃgaṇe || 45 ||
[Analyze grammar]

netrapaṭṭāpaṭacchannāṃ padmarāgavibhūṣi tām |
ātapatreṇa saṃyuktāṃ vinyastakanakāṃḍakām || 46 ||
[Analyze grammar]

vicitrābharaṇābhābhirābhāsitadigaṃtarām |
tārakāśāṃtacitrāṃgapuṣpamālāmanora mām || 47 ||
[Analyze grammar]

mālāṃ vidyādharākrātāṃ prāṃtaropitadarpaṇām |
chatracāmarasaṃchannāṃ yathā śaktyāpyalaṃkṛtām || 48 ||
[Analyze grammar]

agnikāryaṃ tataḥ kṛtvā kṣiptvā caiva diśāṃ balim |
tasyāmāropayeddevamiṣṭahṛṣṭajanāvṛtaḥ || 49 ||
[Analyze grammar]

mūlamaṃtreṇa devānāṃ proktaṃ dolādhirohaṇam |
pārśvastho brāhmaṇo vidvānpaṭhedvā maṃtramuttamam || 50 ||
[Analyze grammar]

gaṃbhīrāṃtaranirghoṣairlalanānāṃ ca nisvanaiḥ |
stutimaṃgalaśabdaiśca puṣpadhūpādhivāsitām || 51 ||
[Analyze grammar]

etasminnantare nārīṃ dohanāya nikuṭṭakām |
praveśayetkuṃkumāḍhyāṃ krīḍāvarṇapriyaiḥ saha || 52 ||
[Analyze grammar]

suvarṇaśṛṃgiṇā proktaṃ smitadaṃtāṃśukarburam |
lagamānaṃ jalaṃ cāṃge kasya na syātsukhapradam || 53 ||
[Analyze grammar]

jalasaṃklinnavasano raśanādāmamaṃḍitaḥ |
kambugrīvollasansarvo babhūva gaṇikāgaṇaḥ || 54 ||
[Analyze grammar]

kuṃkumakṣodatāṃbūlapuṣpa mālākulo janaḥ |
tāṃ vihāya jalakrīḍāṃ nānyasyāṃ vidadhe manaḥ || 55 ||
[Analyze grammar]

pītaśītajalāghāta tāḍito'pi janaḥ sukham |
manyate niyataḥ kopi prabhāvo'yamanaṃgajaḥ || 56 ||
[Analyze grammar]

evaṃ ye tu gamiṣyaṃti narā vartmatayā gatam |
nīrujaste bhaviṣyaṃti sukhitāḥ śaradāṃ śatam || 57 ||
[Analyze grammar]

putrapautrasamā yuktā dhanadhānyasamāyutāḥ |
vihṛtya sukhasaṃpattau tato yāsyaṃti matpuram || 58 ||
[Analyze grammar]

prāpte vasaṃtasamaye surasattamānāmāndolanaṃ suravarānanukurvate ye |
te prāpnuvaṃti bhuvi janmataroḥ phalāni duḥkhārṇavātkulaśatānyapi tārayaṃti || 59 ||
[Analyze grammar]