Chapter 117

yudhiṣṭhira uvāca |
kṛṣṇa keyaṃ janaiḥ sarvairviṣṭirbhadreti cocyate |
kasyātmajeyaṃ kiṃrūpā pūjyate ca kathaṃ janaiḥ || |
śrīkṛṣṇa uvāca |
sutā mārtaṃḍadevasya chāyayā janitā purā |
śanaiścarasya sodaryā bhaginyatibhayaṃkarī || 2 ||
[Analyze grammar]

sā jātamātrā bhuvanaṃ grastuṃ samupacakrame |
kṛṣṇā karālavadanā sitadaṃṣṭrordhvamūrddhajā || 3 ||
[Analyze grammar]

niryāti yadi kāryeṇa kaścittasya puraḥ sthitā |
vighnaṃ karoti svapato bhuñjānasya sthitasya vā || 4 ||
[Analyze grammar]

yajñavighnakarī raudrā samājotsavanāśinī |
nityodvegakarī raudrā vināśayati sā jagat || 5 ||
[Analyze grammar]

tāṃ tu durvinayāsaktāṃ dṛṣṭvā devo divākaraḥ |
ciṃtayāmāsa kasyāpi yacchāmyenāṃ sumadhyamām || 6 ||
[Analyze grammar]

kanyādurvinayācceha pitā doṣeṇa gṛhyate |
yuvatyāstu tato bhartā tasmādbhartṛgṛhaṃ nayet || 7 ||
[Analyze grammar]

viciṃtyaivaṃ sutāṃ bhadrāṃ yasyayasya prayacchati |
te namaṃti kṣaṇenaiva surarākṣasakinnarāḥ || 8 ||
[Analyze grammar]

maṇḍapaṃ maṇḍapārambhe bhaṃktvā bhīṣayate janam |
vivasvāṃścintayāviṣṭaḥ kasyeyaṃ pratipādyatām || 9 ||
[Analyze grammar]

virūpā duṣṭahṛdayā svecchācāravihāriṇī |
dattāpyeṣā na doṣāya bhavatīha kathaṃcana || 10 ||
[Analyze grammar]

vitarkayanyāvadevamāste devo divaspatiḥ |
tāvattayā jagatsarvaṃ duṣṭayā samabhidrutam || 11 ||
[Analyze grammar]

athājagāma savituḥ pārśve brahmā'ṇḍasaṃbhavaḥ |
kāryaṃ nivedayāmāsa viṣṭerdauṣṭyamaśeṣataḥ || 12 ||
[Analyze grammar]

bhāskarastamuvācātha brahmāṇaṃ bhuvaneśvaram |
bhavānkartā ca hartā ca kasmādevaṃ prabhāṣase || 13 ||
[Analyze grammar]

evamuktastadā brahmā bhāskareṇāmitadyutiḥ |
uvāca viṣṭimānāyya śṛṣu bhadre mayoditum || 14 ||
[Analyze grammar]

karaṇaiḥ saha vartasva bavabālavakaulavaiḥ |
saptame'rdhadine prāpte yadabhīṣṭaṃ kuruṣva tat || 15 ||
[Analyze grammar]

yātrāpraveśamāṃgalyakṛṣivāṇijyakāraṇāt |
bhakṣayasvābhimukhagānnarānunmārgagāminaḥ || 16 ||
[Analyze grammar]

udvejanīyo no hi jano bhavatyā divasatrayam |
pūjyā surāsurāṇāṃ tvaṃ divasārddhe bhaviṣyasi || 17 ||
[Analyze grammar]

ullaṃghya ye pravartaṃte bhadre tvāṃ nirbhayā narāḥ |
teṣāṃ vināśayāśu tvaṃ kāryamārye sukhī bhava || 18 ||
[Analyze grammar]

evamuktvā gato brahmā bhadrāpi bhuvanatrayam |
babhrāmodbhrāṃtahṛdayā bhīṣayantī surāsurān || 19 ||
[Analyze grammar]

evameṣā samutpannā viṣṭiriṣṭavināśinī |
niveditā te kauṃteya tasmāttāṃ parivarjayet || 20 ||
[Analyze grammar]

asitajaladavarṇā dīrghanāsogradaṃṣṭrā vipulahanukapālā piṃḍikodbaddhajaṃghā |
analaśatasahasraṃ codgiraṃtī samaṃtātpatati bhuvanamadhye kāryanāśāya viṣṭiḥ || 21 ||
[Analyze grammar]

bhānoḥ sutā ketuśatāgrajātā kṛṣṇā kumūrtiḥ satataṃ kucelā |
devairniyuktā karaṇārthasaṃsthā viṣṭistu sarvatra vivarjanīyā || 22 ||
[Analyze grammar]

mukhe tu ghaṭikāḥ pañca dve kaṃṭhe tu sadā sthite |
hṛdi caikādaśa proktāścatasro nābhimaṃḍale || 23 ||
[Analyze grammar]

kaṭyāṃ pañcaiva vijñeyāstisraḥ pucche jayāvahāḥ |
mukhe kāryavināśāya grīvāyāṃ dhananāśinī || 24 ||
[Analyze grammar]

hadi prāṇaharā jñeyā nābhyāṃ tu kalahāvahā |
kaṭyāmarthaparibhraṃśo viṣṭipucche dhruvo jayaḥ || 25 ||
[Analyze grammar]

pṛthivyāṃ yāni kāryāṇi suśubhānyaśubhāni ca |
tāni sarvāṇi siddhyaṃti viṣṭipucche na saṃśayaḥ || 26 ||
[Analyze grammar]

dhanyā dadhimukhī bhadrā mahāmārī kharānanā |
kālarātrirmahārudrā viṣṭiśca kulaputrikā || 27 ||
[Analyze grammar]

bhairavī ca mahākālī asurāṇāṃ kṣayaṃkarī |
dvādaśaiva tu nāmāni prātarutthāya yaḥ paṭheta || 28 ||
[Analyze grammar]

na ca vyādhirbhavettasya rogī rogātpramucyate |
grahāḥ sarve'nukūlāḥ syurna ca vighnādi jāyate || 29 ||
[Analyze grammar]

raṇe rājakule dyūte sarvatra vijayī bhavet || 30 ||
[Analyze grammar]

yaśca pūjayate nityaṃ śāstroktavidhinā naraḥ |
tasya sarvārthasiddhistu bhavatīha na saṃśayaḥ || 31 ||
[Analyze grammar]

yenopavāsavidhinā vratena ca yaśasvinī |
pūjitā tuṣṭimabhyeti tadeva kathayāmi te || 32 ||
[Analyze grammar]

yasmindine bhavedbhadrā tasminnahani bhārata |
upavāsasya niyamaṃ kuryā nnārī naro'tha vā || 3 ||
[Analyze grammar]

yadi rātrau bhavedviṣṭirekabhuktaṃ dinadvayam |
kāryaṃ tenopavāsaḥ syāditi paurāṇikī śrutiḥ || 34 ||
[Analyze grammar]

praharasyopari yadā syādviṣṭiḥ praharatrayam |
tatropavāsaḥ kartavya ekabhuktamatonyathā || 35 ||
[Analyze grammar]

sarvauṣadhyudakasnānaṃ sugaṃdhāmalakairatha |
nadyāṃ taḍāge'tha gṛhe snānaṃ sarvatra śasyate || 36 ||
[Analyze grammar]

devānpitṝnprīṇayitvā tato darbhamayīṃ śubhām |
viṣṭiṃ kṛtvā puṣpadhūpairnaivedyena ca pūjayet || 37 ||
[Analyze grammar]

homaṃ kṛtvā viṣṭināmairaṣṭottaraśataṃ tataḥ |
bhuñjīta dattvā viprāya tilānpāyasameva ca |
satilāṃ kṛśarāṃ bhuktvā paścādbhuñjīta kāmataḥ || 38 ||
[Analyze grammar]

chāyāsūryasute devi viṣṭiriṣṭārthadāyini |
pūjitā'si yathāśaktyā bhadre bhadrapradā bhava || 39 ||
[Analyze grammar]

upoṣpa vidhinānena daśa sapta yathākramam |
udyāpanaṃ tataḥ kuryātpūrvava tpūjya bhāminīm || 40 ||
[Analyze grammar]

sthāpayitvāyase pīṭhe kṛśarānnaṃ nivedya ca |
paridhāpya kṛṣṇayugaṃ stutvā maṃtreṇa tāṃ punaḥ || 41 ||
[Analyze grammar]

brāhmaṇāya punardadyāllohaṃ tailaṃ tilāṃstathā |
kṛṣṇāṃ savatsāṃ gāmekāṃ tathaikaṃ kālakaṃbalam |
dakṣiṇāṃ ca yathāśaktyā dattvā bhadrāṃ visarjayet || 42 ||
[Analyze grammar]

ya evaṃ kurute pārtha samyagbhadrāvrataṃ naraḥ |
vighno na jāyate tasya kāryāraṃbhe kadācana || 43 ||
[Analyze grammar]

rākṣasāśca piśācā vā pūtanāśākinīgrahāḥ |
na pīḍayanti taṃ martyaṃ yo bhadrāvratamācaret || 44 ||
[Analyze grammar]

na caiveṣṭaviyogaḥ syānna hānistasya jāyate |
dehāṃte yāti sadanaṃ bhāskarasya na saṃśayaḥ || 45 ||
[Analyze grammar]

sūryātmajātidayitā bhaginī śaneryā martye bhramatyatirathā karaṇakrameṇa |
tāṃ kṛṣṇabhāsuramukhīṃ samupoṣya viṣṭimiṣṭārthasiddhimabudho'pi pumānupaiti || 46 ||
[Analyze grammar]