Chapter 71

śrīkṛṣṇa uvāca |
purā babhūva rājarṣirajapāla iti śrutaḥ |
prārthitaḥ sa prajābhistu sarvaduḥkhāpanuttaye || 1 ||
[Analyze grammar]

duḥkhāpanodaṃ kuru bho vyādhitānāṃ nareśvara |
evamuktaściraṃ dhyātvā kṛtvā vyādhīnprajāgaṇān || 2 ||
[Analyze grammar]

pālayāmāsa hṛṣṭo'sāvajapālastato'bhavat |
tenaiṣā nirmitā śāṃtirnāmnā nīrājatā jane || 3 ||
[Analyze grammar]

tasyāstu pāṃḍavaśreṣṭha lakṣaṇaṃ vacmi te śṛṇu |
rājñā purohitaiḥ sārddhamanuṣṭheyā vidhānataḥ || 4 ||
[Analyze grammar]

tasminkāle vabhūvātha rāvaṇo rākṣaseśvaraḥ |
laṃkāsthitaḥ suragaṇānniyunakti svakarmasu || 5 ||
[Analyze grammar]

akhaṇḍamaṇḍalaṃ candramātapatraṃ cakāra ha |
indraṃ senāpatiṃ cakre vāyuṃ pāṃsupramārjakam || 6 ||
[Analyze grammar]

varuṇaṃ baddhakarmasthaṃ dhanadaṃ dhanarakṣakam |
yamaṃ saṃyamane'rīṇāṃ yuyuje maṃtraṇe manum || 7 ||
[Analyze grammar]

meghāśchādanti nṛpatiṃ drumapuṣpādipaṃktiṣu |
saptarṣayaḥ śāṃtiparā brahmaṇā saha saṃsthitāḥ || 8 ||
[Analyze grammar]

yāmikā madhyakakṣāyāṃ gandharvā gītatatparāḥ |
prekṣaṇīye'psarovṛṃdaṃ bāhye vidyādharā vṛtāḥ || 9 ||
[Analyze grammar]

gaṃgādyāḥ saritaḥ pāne gārhapatye hutāśanaḥ |
viśvakarmānnasaṃskāre yamaḥ śilpiprayojane || 10 ||
[Analyze grammar]

tiṣṭhaṃti pārthivāḥ sarve puraḥsevāvidhāyinaḥ |
dṛśyaṃte bhāsurai ratnaiḥ prabhāvaṃto vibhūṣaṇaiḥ || 11 ||
[Analyze grammar]

saṃdṛśya rāvaṇaḥ prāha praśastaṃ pratihārakam |
sevāṃ kartuṃ mama sthāne brūhi ko'tra samāgataḥ || 12 ||
[Analyze grammar]

sa uvāca praṇamyāgre daṃḍapāṇirniśācaraḥ |
eṣa kakutstho māṃdhātā dhuṃdhumāro nalorjunaḥ || 13 ||
[Analyze grammar]

yayātirnahuṣo bhīmo rāghavoyaṃ vidūrathaḥ |
ete cānye ca bahavo rājāna iti āsate || 14 ||
[Analyze grammar]

meghākārāstava sthāne nājapāla ihāgataḥ |
rāvaṇaḥ kupitaḥ prāha śīghraṃ dūtaṃ vyasarjayat || 15 ||
[Analyze grammar]

ityukte prahito dūto dhūmrākṣo nāma rākṣasaḥ |
dhūmrākṣa gaccha brūhi tvamajapālaṃ mamājñayā || 16 ||
[Analyze grammar]

sevāṃ kuru samāgaccha kabandho yasya pārthivaḥ |
anyathā candrahāsena tvāṃ kariṣye vikaṃdharam || 77 ||
[Analyze grammar]

rāvaṇenaivamuktastu dhūmrākṣo garuḍo yathā |
saṃprāpya tāṃ purīṃ ramyāṃ tacca rājakulaṃ gataḥ || 18 ||
[Analyze grammar]

dadarśa yaṃ tamekaṃ sa ajapālamajāvṛtam |
muktakeśaṃ muktakakṣaṃ naikamuktakramadvayam || 19 ||
[Analyze grammar]

yaṣṭiskandhaṃ reṇubhṛtaṃ vyādhibhiḥ parivāritam |
nihatāmitraśārdūlaṃ sarvopadravanāśanam || 20 ||
[Analyze grammar]

mahyāmālikhya nāmāni vinighnitaṃ dviṣāṃ gaṇam |
snātaṃ bhuktaṃ śubhe sthāne kṛtakṛtyaṃ muniṃ yathā || 21 ||
[Analyze grammar]

dṛṣṭvā hṛṣṭamanāḥ prāha dhūmrākṣo rāvaṇoditam |
sākṣepamajapālo'pi pratyuktvā kāraṇāṃtaram || 22 ||
[Analyze grammar]

preṣayāmāsa dhūmrākṣaṃ tataḥ kṛtyaṃ samādadhe |
jvaramākārayitvā tu provācedaṃ mahīpatiḥ || 23 ||
[Analyze grammar]

gaccha laṃkādhipasthānamācarasva yathocitam |
niyuktastvajapālena jvaro rājañjagāma ha || 24 ||
[Analyze grammar]

gatvā ca kaṃpayāmāsa sagaṇaṃ rākṣaseśvaram |
rāvaṇastaṃ viditvā tu jvaraṃ paramadāruṇam || 25 ||
[Analyze grammar]

provāca tiṣṭhatu nṛpastena me na prayojanam |
tataḥ savijvaro rājā babhūva dhanadānujaḥ || 26 ||
[Analyze grammar]

tenaiṣā nirmitā śāṃtirajapālena dhīmatā |
sarvarogapraśamanī sarvopadravanāśinī || 27 ||
[Analyze grammar]

kārtike śuklapakṣasya dvādaśyāṃ rajanīmukhe |
samutthite vinidre tu deve dāmodare tadā || 28 ||
[Analyze grammar]

vedyaṃte ratnamālābhī ramye mālānuraṃjite |
janayitvā navaṃ viṣṇuṃ hutvā maṃtrairdvijottamaiḥ || 29 ||
[Analyze grammar]

varddhamānatarūtthābhirdīpikābhirhutāśanam |
kṛtvā mahājanaḥ sarvairhariṃ nīrājayecchanaiḥ || 30 ||
[Analyze grammar]

puṣpairabhyarcitaṃ devaṃ samālabdhaṃ ca candanaiḥ |
badaraiḥ karburaiścaiva trapusairikṣubhistathā || 31 ||
[Analyze grammar]

gandhaiḥ puṣpairaṃlakārairvastrai ratnaiśca pūjitaiḥ |
tasyaivānumatā lakṣmīṃ brahmāṇaṃ caṃḍikāṃ tathā || 32 ||
[Analyze grammar]

ādityaṃ śaṃkaraṃ gaurīṃ yakṣaṃ gaṇapatiṃ grahān |
mātaraṃ pitaraṃ nāgānsarvānnīrājayettataḥ || 33 ||
[Analyze grammar]

gavāṃ nīrājanaṃ kuryānmahiṣyādeśca maṃḍalam |
bhrāmayettrāsayecchardighaṃṭāvādanachādanaiḥ || 34 ||
[Analyze grammar]

tā gāvaḥ prasutā yāṃti svāpīḍāstabakāṃgadāḥ |
sindūrakṛtaśṛṃgāgrāḥ saṃbhāravaśavatsakāḥ || 35 ||
[Analyze grammar]

anuyāṃti sagopālāḥ kālayaṃto dhanāni te |
chedānuliptaraktāṅgā raktapītasitāṃbarāḥ || 36 ||
[Analyze grammar]

evaṃ kolāhale vṛtte gavāṃ nīrājanotsave |
turagāṃllakṣaṇairyuktāndviradāṃśca supūjitān || 37 ||
[Analyze grammar]

rājacihnāni sarvāṇi uddhṛtya svagṛhāṃgaṇe |
rājā purohitaiḥ sārddhaṃ maṃtribhṛtyapuraḥsaraḥ || 38 ||
[Analyze grammar]

siṃhāsanopaviṣṭaśca śaṃkhatūryādinisvanaiḥ |
pūjayedgandhakusumairvastradīpavilepanaiḥ || 39 ||
[Analyze grammar]

tataḥ strīlakṣaṇairyuktā veśyā vātha kulāṅganā |
śīrṣopari narendrasya bhrābhayeddārupātrikām || 40 ||
[Analyze grammar]

śāṃtirastu samṛddhiśca dvijaiśca svajanena ca |
tato nīrājayetsaumyaṃ hastyaśvarathasaṃkulam || 41 ||
[Analyze grammar]

evameṣā mahāśāṃtiḥ khyātā nīrājane jane |
yeṣāṃ rāṣṭre pure grāme kriyate pāṃḍunandana || 42 ||
[Analyze grammar]

teṣāṃ rogāḥ kṣayaṃ yāṃti subhikṣaṃ varddhate tadā |
śāṃtinīrājanālloke sarvānrogānvyapohati || 43 ||
[Analyze grammar]

lokānāvarddhayitvā tu ajapālavaro yathā |
eṣāṃ rogādipīḍāsu jaṃtūnāṃ hitamicchatā || 44 ||
[Analyze grammar]

varṣevarṣe prayoktavyā śāṃtirnīrājanā iti || 45 ||
[Analyze grammar]

nīrājayaṃti navameghanibhaṃ hariṃ ye gobrāhmaṇānrathagajāṃśca nareśacihnān |
te sarvarogarahitāśca nutā narendrairiṃdraprabhā bhuvi bhavaṃtyajapālavākyāt || 46 ||
[Analyze grammar]