Chapter 69

yudhiṣṭhira uvāca |
akṣauhiṇyo daśāṣṭau ca madrājyārthe kṣayaṃ gatāḥ |
tena pāpena me citte jugupsātīva vartate || 1 ||
[Analyze grammar]

tatra brāhmaṇarājanyavaiśyaśūdrādayo hatāḥ |
bhīṣmadroṇakaliṃgādikarṇaśalyasuyodhanāḥ || 2 ||
[Analyze grammar]

teṣāṃ vadhena yatpāpaṃ tanme marmāṇi kṛṃtati |
pāpaprakṣālanaṃ kañciddharmaṃ brūhi jagatpate || 3 ||
[Analyze grammar]

śrīkṛṣṇa uvāca |
sumahatpuṇyajananaṃ govatsadvādaśīvratam |
asti pārtha mahābāho pāṃḍavānāṃ dhuraṃdhara || 4 ||
[Analyze grammar]

yudhiṣṭhira uvāca |
keyaṃ godvādaśī nāma vidhānaṃ tatra kīdṛśam |
kathameṣā samutpannā kasminkāle janārdana || 5 ||
[Analyze grammar]

etatsarvaṃ hare brūhi pāhi māṃ narakārṇavāt || 6 ||
[Analyze grammar]

śrīkṛṣṇa uvāca |
purā kṛtayuge pārtha munikoṭiḥ samāgatā |
tapaścacāra vipulaṃ nāmavratadharā girau || 7 ||
[Analyze grammar]

harṣeṇa mahatāviṣṭā daivadarśanakāṃkṣayā |
jaṃbūmārge mahāpuṇye nāmatīrthavibhūṣite || 8 ||
[Analyze grammar]

pāriyātre siddhapātre ramye taṃdulikāśrame |
ṭaṃṭāviriti vikhyāte uttame śikhare nṛpa || 9 ||
[Analyze grammar]

tāpasāraṇyamatulaṃ divyakānanamaṃḍitam |
vaśiṣṭhaśukrāṃgirasakratudakṣādibhirvṛtam || 10 ||
[Analyze grammar]

valkalājinasaṃvīterbhṛgorāśramamaṃḍalam |
nānāmṛgagaṇairjuṣṭaṃ śākhāmṛgagaṇairyutam || 11 ||
[Analyze grammar]

praśāṃtasiṃhahariṇaṃ sarvavastugatadrumam |
gahanaṃ nirṛtaṃ ramyaṃ latāsaṃtānasaṃkulam || 12 ||
[Analyze grammar]

siṃhavyāghragajairbhinnaṃ hariṇaiḥ śabaraiḥ śaśaiḥ |
varāhairurubhiścitraiḥ samaṃtādupaśobhitam || 13 ||
[Analyze grammar]

tapasyatā tatra teṣāṃ munīnāṃ darśanārthinām |
vyājaṃ cakre mahīnātha dvādaśārdhārdhalocanaḥ || 14 ||
[Analyze grammar]

babhūva brāhmaṇo vṛddho jarāpāṃḍuramūrddhajaḥ |
ślathaccarmatanuḥ kubjo yaṣṭipāṇiḥ savepathuḥ |
umāpi cakre gorūpaṃ śṛṇu tatpārtha yādṛśam || 15 ||
[Analyze grammar]

kṣīrodatoyasaṃbhūtā yāḥ purāmṛtamaṃthane |
pañca gāvaḥ śubhāḥ pārtha pañcalokasya mātaraḥ || 16 ||
[Analyze grammar]

nandā subhadrā surabhī suśīlā bahulā iti |
etā lokopakārāya devānāṃ tarpaṇāya ca || 17 ||
[Analyze grammar]

jamadagnibhāradvājavaśiṣṭhāsitagautamāḥ |
jagṛhuḥ kāmadāḥ pañca gāvo dattāḥ suraistataḥ || 18 ||
[Analyze grammar]

gomayaṃ rocanā mūtraṃ kṣīraṃ dadhi ghṛtaṃ gavām |
ṣaḍaṃgāni pavitrāṇi saṃśuddhikaraṇāni ca || 19 ||
[Analyze grammar]

gomayādutthitaḥ śrīmānbilvavṛkṣaḥ śivapriyaḥ |
tatrāste padmahastā śrīḥ śrīvṛkṣastena sa smṛtaḥ |
bījānyutpalapadmānāṃ punarjātāni gomayāt || 20 ||
[Analyze grammar]

gorocanā ca māṃgalyā pavitrā sarvasādhikā |
gomūtrādguggulurjātaḥ sugaṃdhiḥ priyadarśanaḥ |
āhāraḥ sarvadevānāṃ śivasya ca viśeṣataḥ || 21 ||
[Analyze grammar]

yadbījaṃ jagataḥ kiñcittajjñeyaṃ kṣīrasaṃbhavam |
dadhuḥ sarvāṇi jātāni maṅgalānyarthasiddhaye |
ghṛtādamṛtamutpannaṃ devānāṃ tṛptikāraṇam || 22 ||
[Analyze grammar]

brāhmaṇāścaiva gāvaśca kulamekaṃ dvidhā kṛtam |
ekatra mantrāstiṣṭhaṃti haviranyatra tiṣṭhati || 23 ||
[Analyze grammar]

goṣu yajñāḥ pravartaṃte goṣu devāḥ pratiṣṭhitāḥ |
goṣu vedāḥ samutkīrṇāḥ saṣa ḍaṃgapadakramāḥ || 24 ||
[Analyze grammar]

śṛṅgamūle gavāṃ nityaṃ brahmā viṣṇuśca saṃsthitau |
śṛṅgāgre sarvatīrthāni sthāvarāṇi carāṇi ca || 25 ||
[Analyze grammar]

śivo madhye mahādevaḥ sarvakāraṇakāraṇam |
salāṭe saṃsthitā gaurī nāsāvaṃśe ca ṣaṇmukhaḥ || 26 ||
[Analyze grammar]

kaṃbalāśvatarau nāgau nāsāpuṭasamāśritau |
karṇayoraśvinau devau cakṣurbhyāṃ śaśibhāskarau || 27 ||
[Analyze grammar]

daṃteṣu vasavaḥ sarve jihvāyāṃ varuṇaḥ sthitaḥ |
sarasvatī ca kuhare yamayakṣau ca gaṇḍayoḥ || 28 ||
[Analyze grammar]

saṃdhyādvayaṃ tatheṣṭābhyāṃ grīvāyāṃ ca puraṃdaraḥ |
rakṣāṃsi kakude dyauśca pārṣṇikāye vyavasthitā || 29 ||
[Analyze grammar]

catuṣpātsakalo dharmo nityaṃ jaṃghāsu tiṣṭhati |
khuramadhyeṣu gandharvāḥ khurāgreṣu ca pannagāḥ || 30 ||
[Analyze grammar]

khurāṇāṃ paścime bhāge rākṣasāḥ saṃpratiṣṭhitāḥ |
rudrā ekādaśa pṛṣṭhe varuṇaḥ sarvasandhiṣu || 31 ||
[Analyze grammar]

śroṇītaṭasthāḥ pitaraḥ kapoleṣu ca mānavāḥ |
śrīrapāne gavāṃ nityaṃ svāhālaṃkāramāśritāḥ || 32 ||
[Analyze grammar]

ādityā raśmayo vālāḥ piṇḍībhūtā vyavasthitāḥ |
sākṣādgaṃgā ca gomūtre gomaye yamunā sthitā || 33 ||
[Analyze grammar]

trayastriṃśaddevakoṭyo romakūpe vyavasthitāḥ |
udare pṛthivī sarvā saśailavanakānanā || 34 ||
[Analyze grammar]

catvāraḥ sāgarāḥ proktā gavāṃ ye tu payodharāḥ |
parjanyaḥ kṣīradhārāsu meghā biṃduvyavasthitāḥ || 35 ||
[Analyze grammar]

jaṭhare gārhapatyo'gnirdakṣiṇāgnirhṛdisthitaḥ || |
kaṇṭhe āhavanīyo'gniḥ sabhyo'gnistāluni sthitaḥ || 36 ||
[Analyze grammar]

asthivyavasthitāḥ śailā majjāsu kratavaḥ sthitāḥ |
ṛgvedo'tharvavedaśca sāmavedo yaju stathā || 37 ||
[Analyze grammar]

suraktapītakṛṣṇādau gavāṃ varṇe vyavasthitāḥ |
tāsāṃ rūpamumā smṛtvā surabhīṇāṃ yudhiṣṭhira || 38 ||
[Analyze grammar]

saṃsmṛtya tatkṣaṇādgaurī iyeṣa sadṛśīṃ tanum |
ātmānaṃ vidadhe devī dharmarāja śṛṇuṣva tām || 39 ||
[Analyze grammar]

ṣaḍunnatāṃ pañcanimnāṃ maṃḍūkākṣīṃ suvāladhim |
tāmrastanīṃ raupyakaṭiṃ sukhurīṃ sumukhī sitām || 40 ||
[Analyze grammar]

suśīlāṃ ca sutasnehāṃ sukṣīrāṃ supayodharām |
gorūpiṇīmumāṃ spṛṣṭvā svāminīṃ tāṃ savatsikām || 41 ||
[Analyze grammar]

caryayā prataranhṛṣṭo mahādevaḥ svacetasi |
śanaiḥśanairyayau pārtha viprarūpī mahāśramam || 42 ||
[Analyze grammar]

dattvā kulapateḥ pārśvaṃ bhṛgostāṃ gāṃ nyavedayat |
tapasvināṃ mahātejāstāṃ ca sarveṣu pāṃḍava || 43 ||
[Analyze grammar]

nyāsarūpāṃ dadau dhenuṃ rakṣitvā tāṃ dinadvayam |
yāvatsnātvā itastīrtvā jaṃbūmārgaṃ viyāmyaham || 44 ||
[Analyze grammar]

rakṣiṣyāmaḥ pratijñāte munibhiḥ surabhīmimām |
antarddhimagamaddevaḥ punarvyāghro babhūva ha || 45 ||
[Analyze grammar]

vajracakranakho devīṃ jvalatpiṃgalalocanaḥ |
jihvā karālavadano jihvālāṃgūladāruṇaḥ || 46 ||
[Analyze grammar]

saṃprāyādāśramapadaṃ tāṃ ca dhenuṃ savatsikām |
trāsayāmāsa tāṃ deva munīnāṃ dikṣvavasthitaḥ || 47 ||
[Analyze grammar]

ṛṣayo'pi samākrāṃtā ārtanādaṃ pracakrire |
hāhetyuccaiḥ kecidūcurhuṃhuṃkāraistathāpare || 48 ||
[Analyze grammar]

tālāsphoṭāndaduḥ kecidvyāghraṃ dṛṣṭvātibhairavam |
sāpi haṃbhāravāṃścakre gaurutplutya savatsikā || 49 ||
[Analyze grammar]

tasyā vyāghrabhayārtāyāḥ kapilāyā yudhiṣṭhira |
palāyaṃtyā śilāmadhye kṣaṇaṃ khuracatuṣṭayam || 50 ||
[Analyze grammar]

vyāghravatsakayostatra vaṃditaṃ surakinnaraiḥ |
dṛśyate'tīva suvyaktaṃ tadadyāpi catuṣṭayam || 51 ||
[Analyze grammar]

sajalaṃ śivaliṃgaṃ ca śambhostīrthaṃ taduttamam |
yassaṃspṛśati rājendra sa govadhyāṃ vyapohati || 52 ||
[Analyze grammar]

tatra snātvā mahātīrthe jaṃbūmārge narādhipa |
brahmahatyādibhiḥ pāpairmucyate nātra saṃśayaḥ || 53 ||
[Analyze grammar]

tataste munayaḥ kruddhā brahmadattāṃ mahāsvanām |
jaghnurghaṃṭāṃ surairdattāṃ girikandarapūraṇīm || 54 ||
[Analyze grammar]

śabdena tena vyāghro'pi muktvā gāvaṃ sava tsikām |
vipraistatra kṛtaṃ nāma ḍhuṇḍhāgiririti śrutiḥ |
taṃ prapaśyaṃti ye pārtha te rudrā nātra saṃśayaḥ || 55 ||
[Analyze grammar]

atha pratyakṣatāṃ śreṣṭhasteṣāṃ devo maheśvaraḥ |
śūlapāṇistripurahā kāmaghno vṛṣabhe sthitaḥ || 56 ||
[Analyze grammar]

umāsahāyo varadaḥ sasvāmī savināyakaḥ |
sanaṃdiḥ samahākālaḥ saśṛṅgī samano haraḥ || 57 ||
[Analyze grammar]

vīrabhadrā ca cāmuṃḍā ghaṃṭākarṇādibhirvṛtā |
mātṛbhirbhūtasaṃghātairyakṣarākṣasaguhyakaiḥ |
devadānavagandharvamunividyādharoragaiḥ || 58 ||
[Analyze grammar]

praṇamya devadevāya patnībhiḥ sahitairumā |
gorūpiṇī savatsā ca pūjitā brahmacāribhiḥ || 59 ||
[Analyze grammar]

kārtike śuklapakṣe tu dvādaśyāṃ naṃdinīvratam |
tataḥ prabhṛti rājendra avatīrṇaṃ mahītale || 60 ||
[Analyze grammar]

uttānapādena tathā vrataṃ cīrṇamidaṃ śṛṇu |
uttānapādanāmāsītkṣatriyaḥ pṛthivīpate || 61 ||
[Analyze grammar]

tasya bhāryā dvayaṃ cāsīdruciśughnīti viśrutam |
śughnījāto dhruvaḥ putro vāmapādadharo'lasaḥ || 62 ||
[Analyze grammar]

rucyāḥ samarpitaḥ śughnyā dhruvo'yaṃ rakṣyatāṃ sakhi |
ahaṃ kariṣye śuśrūṣāṃ bhartustāvatsadā svayam || 63 ||
[Analyze grammar]

rucī rasavatīṃ nityaṃ pratyahaṃ kurute gṛhe |
akarodbhartṛśuśrūṣāṃ śughnī nityaṃ pativratā || 64 ||
[Analyze grammar]

kadācitkrodhamātsaryātsāpatnyaṃ darśitaṃ tayā |
svayaṃ rucyā nihatyāsau śiśuḥ khaṃḍalaśaḥ kṛtaḥ || 65 ||
[Analyze grammar]

tāpikāyāṃ tathā sthālyāṃ pakvasiddhaḥ susaṃ skṛtaḥ |
annabhojanavelāyāṃ dadāti nṛpabhājane || 66 ||
[Analyze grammar]

taṃ vai bhakṣayituṃ duṣṭā sāmiṣaṃ bhojanaṃ kila |
atha bhojanavelāyāṃ vavre jīvitamāptavān || 67 ||
[Analyze grammar]

tathaiva prahasanbālo māturutsaṃgajo'bhavat |
taṃ dṛṣṭvā mahadāścaryaṃ rucī papraccha vismitā || 68 ||
[Analyze grammar]

kimetadbrūhi vṛttāṃtaṃ kasyeyaṃ vyuṣṭiruttamā |
kiṃ tvayācaritaṃ kiñcidvrataṃ dattaṃ hutaṃ tathā || 69 ||
[Analyze grammar]

satyaṃsatyaṃ punaḥ satyaṃ yena jīvati te sutaḥ |
mamāyaṃ sapta vārāṃstu viśalyaśakalī kṛtaḥ || 70 ||
[Analyze grammar]

pakvaḥ svayaṃ kṛtaḥ sthālyāṃ vyañjanaiḥ saha bhojanaiḥ |
pariviṣyamāṇaḥ sa punaḥ kathaṃ jīvitamāptavān || 71 ||
[Analyze grammar]

kiṃ te siddhā mahāvidyā mṛtasañjīvanī śubhā |
ratnaṃ maṇirmahāratnaṃ yogāñjanamahauṣadham || 72 ||
[Analyze grammar]

kathayasva mahābhāge satyaṃsatyaṃ bhaginyasi |
evamukte rucistasyai vyācakhyau vatsagovratam || 73 ||
[Analyze grammar]

kārttike caiva dvādaśyāṃ yathā cānuṣṭhitaṃ purā |
vratasyāsya prabhāveṇa punarjīvati me sutaḥ || 74 ||
[Analyze grammar]

vatso me vatsavelāyāṃ mṛto'rthaṃ labhate punaḥ |
samāgamaśca bhavati vrataiḥ pravasitairapi || 75 ||
[Analyze grammar]

yathārthametadvyākhyātaṃ te ca godvādaśīvratam |
tavāpi ruci tatsarvaṃ bhaviṣyati śubhaṃ priyam || 76 ||
[Analyze grammar]

evamuktaṃ vrataṃ cīrṇaṃ rucyā putrāḥ sukhaṃ dhanam |
saṃprāptā jīvitāṃte ca dhruvasthāne niveśitāḥ || 77 ||
[Analyze grammar]

brahmaṇā sṛṣṭikāreṇa rucirbhartrā sahāsitā |
daśanakṣatrasaṃyukto dhruvaḥ sodyāpi dṛśyate |
dhuvarkṣe ca yadā dṛṣṭe lokaḥ pāpaiḥ pramucyate || 78 ||
[Analyze grammar]

yudhiṣṭhira uvāca |
kīdṛśaṃ tadvidhānaṃ ca tanme brūhi janārdana |
yatkṛtaṃ śughnivacanādrucyā yadukulodbhava || 79 ||
[Analyze grammar]

śrīkṛṣṇa uvāca |
saṃprāpte kārtike māsi śuklapakṣe kurūttama |
dvādaśyāṃ snātvā puṇye jalāśaye |
naro vā yadi vā nārī ekabhaktaṃ prakalpayet || 80 ||
[Analyze grammar]

tato madhyāhnasamaye dṛṣṭvā dhenuṃ savatsikām |
suśīlāṃ vatsalāṃ śvetāṃ kapilāṃ raktarūpiṇīm || 81 ||
[Analyze grammar]

brāhmaṇakṣatriyaviśāṃ śūdrāṇāṃ strījaneśvara |
yathākrameṇa pūjyaināṃ gaṃdhapuppajalākṣataiḥ || 82 ||
[Analyze grammar]

kuṃkumālaktakairdīpairmāṣānnavaṭakaiḥ śubhaiḥ |
kusumairvatsakaṃ cāpi maṃtreṇānena pāṃḍava || 83 ||
[Analyze grammar]

oṃ mātā rudrāṇāṃ duhitā vasūnāṃ svasādityānāmamṛtasya nābhiḥ |
pranuvocaṃ cikituṣe janāya mā gāmanāgāmaditiṃ vadhiṣṭa namo namaḥ svāhā || 84 ||
[Analyze grammar]

itthaṃ saṃpūjya gāṃ pṛṣṭvā paścāttāṃ ca kṣamāpayet |
oṃ sarvadevamaye devi lokānāṃ śubhanaṃdini |
mātarmamābhilaṣitaṃ saphalaṃ kuru naṃdini || 85 ||
[Analyze grammar]

evamabhyarcayedekāṃ gāmetaddhi gavāhnikam |
paryukṣya vāriṇā bhaktyā praṇamya surabhīṃ tataḥ || 86 ||
[Analyze grammar]

taddine tāpikāpakvaṃ sthālīpākaṃ ca varjayet |
bhūmau svayaṃ brahmacārī śayīta phalamāpnuyāt || 87 ||
[Analyze grammar]

yāvaṃti gātre romāṇi gavāṃ kauravanaṃdana |
tāvatkālaṃ sa vasati goloke nātra saṃśayaḥ || 88 ||
[Analyze grammar]

meroḥ puryaṣṭakaṃ ramyamiṃdrāgniyamarakṣasām |
varuṇānilayakṣāṇāṃ rudrasya ca yudhiṣṭhira |
tāsāmupari golokastatra yāti sa govratī || 89 ||
[Analyze grammar]

ūrje site dvidaśame'hani gāṃ savatsāṃ yāḥ pūjayaṃti kusumairvaṭakaiśca hṛdyaiḥ |
tāḥ sarvakāmasukhabhogavibhūtibhājo martye vasaṃti suciraṃ bahujīvavatsāḥ || 90 ||
[Analyze grammar]