Chapter 6

śrīkṛṣṇa uvāca |
athaibhiḥ pātakairyāṃti yamalokaṃ caturvidhaiḥ |
saṃtrāsajananaṃ ghoraṃ vivaśāḥ sarvadehinaḥ || 1 ||
[Analyze grammar]

garbhasthairjāyamānaiśca bālaistaruṇamadhyamaiḥ |
puṃstrīnapuṃsakairvṛddhairjñātavyaṃ sarvajaṃtubhiḥ || 2 ||
[Analyze grammar]

śubhāśubhaphalaṃ tatra dehināṃ pravicāryate |
citraguptādibhiḥ sabhyairmadhyasthaiḥ sarvadarśibhiḥ || 3 ||
[Analyze grammar]

na te'tra prāṇinaḥ saṃti ye na yāṃti yamakṣayam |
avaśyaṃ hi kṛtaṃ karma bhoktavyaṃ tadvidhāritam || 4 ||
[Analyze grammar]

tatra ye śubhakarmāṇaḥ saumyacittā dayānvitāḥ || |
te narā yāṃti saumyena pathā yamaniketanam || 5 ||
[Analyze grammar]

yaḥ pradadyāddvijendrāṇāmupānatkāṣṭhapādukām |
sa varāśvena mahatā sukhaṃ yāti yamālayam || 6 ||
[Analyze grammar]

chatradānena gacchaṃti yathā chatreṇa dehinaḥ |
divyavastraparīdhānā yāṃti vastrapradāyinaḥ || 7 ||
[Analyze grammar]

śibikāśvapradānena tatastena sukhaṃ vrajet |
śayyāsana pradānena sukhaṃ yāṃti yamāśrayam || 8 ||
[Analyze grammar]

ārāmakartā chāyāsu śītalāsu sukhaṃ vrajet |
yāṃti puṣpakayānena puṣpārāmapradāyinaḥ || 9 ||
[Analyze grammar]

devāyatanakartā ca yatīnāmāśramasya ca |
anāthamaṃḍapānāṃ ca krīḍanyāti gṛhottamaiḥ || 10 ||
[Analyze grammar]

devāgniguruviprāṇāṃ mātāpitrośca pūjakāḥ |
pūjyamānā narā yāṃti kāmikena pathā sukham || 11 ||
[Analyze grammar]

dyotayaṃto diśaḥ sarvā yāṃti dīpapradāyinaḥ |
pratiśrayapradānena sukhaṃ yāṃti gṛhaṃ svayam || 12 ||
[Analyze grammar]

sarva kāmasamṛddhena pathā gacchaṃti gopradāḥ |
ye na pāpāni kurvaṃti te tṛptā yāṃti nānyathā || 13 ||
[Analyze grammar]

ārtauṣadhapradātāraḥ sukhaṃ yāṃti nirākulāḥ |
viśrāmyamāṇā gacchaṃti guruśuśrūṣaṇe ratāḥ || 14 ||
[Analyze grammar]

pādaśaucapradānena śītalena pathā vrajet |
pādābhyaṃgaṃ ca yaḥ kuryādaśvapṛṣṭhena sa vrajet || 15 ||
[Analyze grammar]

hemaratnapradānena yāti durgāṇi nistaran |
yānavāhanadānena narayānena gacchati || 16 ||
[Analyze grammar]

sarvakāmasamṛddhātmā bhūmidānena gacchati |
annapānapradānena pibankhādaṃśca gacchati || 17 ||
[Analyze grammar]

ityevamādibhirdānaiḥ sukhaṃ yāṃti yamakṣayam |
svargepi vipulānbhogānprāpnuvaṃti narottama || 18 ||
[Analyze grammar]

sarveṣāmeva dānānāmannadānaṃ paraṃ smṛtam |
sadyaḥ prītikaraṃ divyaṃ balabuddhivivarddhanam || 19 ||
[Analyze grammar]

trayāṇāmapi lokānāṃ jīvitaṃ hyudakaṃ smṛtam |
pavitramamṛtaṃ divyaṃ śuddhaṃ sarvarasāyanam || 20 ||
[Analyze grammar]

annaṃ pānaṃ ca govastrabhūśayyācchatramāsanam |
paraloke praśastāni dānānyaṣṭau viśeṣataḥ || 21 ||
[Analyze grammar]

annadānaṃ viśeṣeṇa dharma rājapure narāḥ |
yasmādyāṃti sukhenaiva tasmāddharmaṃ samācaret || 22 ||
[Analyze grammar]

ye punaḥ krūrakarmāṇaḥ pāpā dānavivarjitāḥ |
te ghoreṇa pathā yāṃti dakṣiṇena svamālayam || 23 ||
[Analyze grammar]

ṣaḍaśītisahasrāṇi yojanānāmatītya yat |
vaivasvatapuraṃ jñeyaṃ nānārūpavyavasthitam || 24 ||
[Analyze grammar]

samīpasthamivābhāti narāṇāṃ śubhakarmaṇām |
pāpānāmatidūrasthaṃ pathā raudreṇa gacchatām || 25 ||
[Analyze grammar]

tīvrakaṃṭakayuktena śarkarānicitena ca |
kṣuradhārānibhaistīvraiḥ pāṣāṇairnicitena ca || 26 ||
[Analyze grammar]

kvacitpaṃkena mahatā duruttāraiśca khātakaiḥ |
lohasūcīnibhairdarbhaiḥ saṃchannena pathā kvacit || 27 ||
[Analyze grammar]

taṭaprapātaviṣṭaṃbhaiḥ parvatairvṛkṣasaṃkulaiḥ |
prataptāṃgārayuktena yāṃti mārgeṇa duḥkhitāḥ || 28 ||
[Analyze grammar]

kvacidviṣamagartaiśca kvacilloṣṭaiḥ supicchilaiḥ |
prataptavālukābhiśca tathā tīkṣṇaiśca śaṃkubhiḥ || 29 ||
[Analyze grammar]

anekatāpairvitatairvyāptaṃ vaṃśavanaṃ kvacit |
kvacidvālukayā vyāptaṃ kaṣṭenaiva praveśanam || 30 ||
[Analyze grammar]

kvaciduṣṇāṃbunā vyāptaṃ kvacitkārīṣavahninā |
kvacitsiṃhairvṛkairvyāptaṃ daṃśaiḥ kīṭaiśca dāruṇaiḥ || 31 ||
[Analyze grammar]

kvacinmahājalaukābhiḥ kvaciccājagaraiḥ punaḥ |
makṣikābhiśca raudrābhiḥ kvacitsarpairviṣolbaṇaiḥ || 32 ||
[Analyze grammar]

mattamātaṃgayūthaiśca balonmattaiḥ pramāthibhiḥ |
paṃthānamullikhadbhiśca tīkṣṇaśṛṃgairmahāvṛṣaiḥ || 33 ||
[Analyze grammar]

mahāviṣāṇairmahiṣairuṣṭrairmattaiśca khādakaiḥ |
ḍākinībhiśca raudrābhirvikarālaiśca rākṣasaiḥ || 34 ||
[Analyze grammar]

vyādhibhiśca mahāghoraiḥ pīḍyamānā vrajaṃti ca |
mahādhūlīvimiśreṇa mahācaṇḍena vāyunā || 35 ||
[Analyze grammar]

mahāpāṣāṇavarṣeṇa hanyamānā nirāśrayāḥ |
kvacidvidyutprapātena dīryamāṇā vrajaṃti ca || 36 ||
[Analyze grammar]

mahatā bāṇavarṣeṇa vidhyamānāśca sarvaśaḥ |
patadbhirvajrasaṃghātairulkāpātaiśca dāruṇaiḥ || 37 ||
[Analyze grammar]

prataptāgāravarṣeṇa dahyamānā vrajaṃti ca |
taptena pāṃśuvarṣeṇa pūryamāṇā rudaṃti ca || 38 ||
[Analyze grammar]

mahāmegharavairghorairvitrāsyaṃte muhurmuhuḥ |
niśitāyudhavarṣeṇa cūryamāṇā narairvṛtāḥ |
mahākṣārāmbudhārābhiḥ sicyamānā dravaṃti ca || 39 ||
[Analyze grammar]

mahāśītena marutā tīkṣṇena paruṣeṇa ca |
samaṃtātpīḍyamānāste śuṣyaṃte saṃkucaṃti ca || 40 ||
[Analyze grammar]

itthaṃ mārgeṇa raudreṇa pāṃthairvi rahitena ca |
nirālaṃbena durgeṇa nirjalena samaṃtataḥ || 41 ||
[Analyze grammar]

aviśrāmeṇa mahatā nirgatāpāśrayeṇa ca |
tamorūpeṇa kaṣṭena sarvaduḥkhāśrayeṇa ca || 42 ||
[Analyze grammar]

nīyaṃte dehinaḥ sarve ye mūḍhāḥ pāpakarmiṇaḥ |
yamadūtairmahāghoraistadājñākāribhirbalāt || 43 ||
[Analyze grammar]

ekākinaḥ parādhīnā mitrabaṃdhuvivarjitāḥ |
śocaṃtaḥ svāni karmāṇi rudaṃtaśca muhurmuhuḥ || 44 ||
[Analyze grammar]

pretabhūtā vivastrāśca śuṣkakaṇṭhoṣṭhatālukāḥ |
kṛśāṅgā bhītabhītāśca dahyamānāḥ kṣudhāgninā || 45 ||
[Analyze grammar]

baddhāḥ śṛṃkhalayā keciduttānāḥ pādayornarāḥ |
ākṛṣyaṃte ghṛṣyamāṇā yamadūtairbalotkaṭaiḥ || 46 ||
[Analyze grammar]

punaścādhomukhāścānye ghṛṣyamāṇāḥ suduḥkhitāḥ |
keśapāśanibaddhāśca kṛṣyaṃte rajjubhirnarāḥ || 47 ||
[Analyze grammar]

lalāṭe cāṃkuśaistīkṣṇairbhinnāḥ kṛṣyaṃti dehinaḥ |
uttānā raṭamānāśca kvacidaṃgāravartmanā || 48 ||
[Analyze grammar]

pāścādbāhvaṃsabaddhāśca jaṭhare ca prapīḍitāḥ |
pūritāḥ śṛṃkhalābhiśca hastayośca prakīlitāḥ || 49 ||
[Analyze grammar]

grīvāyāmarddhacandreṇa kṣipyamāṇā itastataḥ |
śiśne ca vṛṣaṇe baddhvā nīyaṃte carmarajjunā || 50 ||
[Analyze grammar]

vibhinnā udare cānye taptaśṛṃkhalayā narāḥ |
kṛṣyaṃte karṇayoścānye bhinnāśca cibukopari || 51 ||
[Analyze grammar]

chinnāgrapādahastāśca chinnakarṇauṣṭhanāsikāḥ |
saṃchinnaśiśnavṛṣaṇāśchinnabhinnāṃgasaṃdhayaḥ || 52 ||
[Analyze grammar]

pratudyamānāḥ kuṃtaiśca sāyakaiśca tatastataḥ |
bhidyamānāḥ pradhāvaṃti krandamānā nirāśrayāḥ || 53 ||
[Analyze grammar]

mudgarairllohadaṇḍaiśca hanyamānā muhurmuhuḥ |
kaśaiśca vividhaighorairjvalitāgnisamaprabhaiḥ || 54 ||
[Analyze grammar]

bhiṃdipālairvibhidyaṃte sravaṃtaḥ pūyaśoṇitam |
māṃse kṣatāśca kṛmibhirnīyaṃte vivaśā narāḥ || 55 ||
[Analyze grammar]

yācamānāśca salilamannaṃ cāpi bubhukṣitāḥ |
chāyāṃ prārthayamānāśca śītārtā bahuvāyunā || 56 ||
[Analyze grammar]

dānahīnāḥ prayāṃtyevaṃ yāvaṃto vimukhā narāḥ |
gṛhītadānapātheyāḥ sukhaṃ yāṃti yamālayam || 57 ||
[Analyze grammar]

evaṃ pathātikaṣṭena prāptā yamapuraṃ tadā |
prajñāpitāstadā dūtairniveśyaṃte yamāgrataḥ || 58 ||
[Analyze grammar]

tatra ye śubhakarmāṇastāṃśca saṃmānayedyamaḥ |
svāgatāsanadānena pādyārgheṇa priyeṇa ca || 59 ||
[Analyze grammar]

dhanyā yūyaṃ mahātmāna ātmano hitakāriṇaḥ |
yena divyasukhārthāya bhavadbhiḥ sukṛtaṃ kṛtam || 60 ||
[Analyze grammar]

idaṃ vimānamāruhya divyastrībhogabhūṣitam |
svargaṃ gacchadhvamatulaṃ sarvakāmasamanvitam || 61 ||
[Analyze grammar]

tato bhuktvā mahābhogānaṃte puṇyasya saṃkṣayāt |
yatkiñcidalpamaśubhaṃ punastadiha bhokṣyatha || 62 ||
[Analyze grammar]

te cāpi dharmarājānaṃ narāḥ puṇyānubhāvataḥ |
paśyaṃti saumyavadanaṃ pitṛbhūtamivātmanaḥ || 63 ||
[Analyze grammar]

ye punaḥ pāpakarmāṇaste paśyaṃti bhayānakam |
pāpāviśuddhanayanā viparītātmabuddhayaḥ || 64 ||
[Analyze grammar]

daṃṣṭrākarālavadanaṃ bhrukuṭīkuṭilekṣaṇam |
ūrdhvakeśaṃ mahāśmaśruprasphuradadharottaram || 65 ||
[Analyze grammar]

aṣṭādaśabhujaṃ kruddhaṃ nīlāṃjanacayopamam |
savāryudhodyatakaraṃ brahmadaṇḍena tarjakam || 66 ||
[Analyze grammar]

mahāmahiṣamārūḍhaṃ dīptāgnisamalocanam |
raktamālyāmbaradharaṃ mahāmerumivocchritam || 67 ||
[Analyze grammar]

pralayāṃbudanirghoṣaṃ pibaṃtamiva sāgaram |
grasaṃtamiva lokānāmudgiraṃtamivānalam || 68 ||
[Analyze grammar]

mṛtyuśca tatsamīpasthaḥ kālānalasamaprabhaḥ |
kālaścāṃjanasaṃkāśaḥ kṛtāṃtaśca bhayānakaḥ || 69 ||
[Analyze grammar]

mārī cogrā mahāmārī kālarātriḥ sudāruṇā |
vividhā vyādhayaḥ kaṣṭā nānārūpabhayāvahāḥ || 70 ||
[Analyze grammar]

śaktiśūlāṃkuśadharāḥ pāśacakrāsidhāriṇaḥ |
vajradaṇḍadharā raudrāḥ kṣudratūṇīdhanurdharāḥ || 71 ||
[Analyze grammar]

asaṃkhyātā mahāvīryāḥ krūrāścāñjanasaṃprabhāḥ |
sarvāyudhodyatakarā yamadūtā bhayānakāḥ || 72 ||
[Analyze grammar]

anena parivāreṇa mahāghoreṇa saṃvṛtam |
yamaṃ paśyaṃti pāpiṣṭhāścitraguptaṃ ca bhīṣaṇam |
nirbhartsayataṃ cātyantaṃ yamaṃ sadupakāriṇam || 73 ||
[Analyze grammar]

citraguptaśca bhagavāndharmavākyaiḥ prabodhayan |
bhobho duṣkṛtakarmāṇaḥ paradravyāpahāriṇaḥ |
garvitā rūpavīryeṇa paradāravimardakāḥ || 74 ||
[Analyze grammar]

yatsvayaṃ kriyate karma tatsvayaṃ bhujyate punaḥ |
tatkimātmopaghātārthaṃ bhavadbhirduṣkṛtaṃ kṛtam || 75 ||
[Analyze grammar]

idānīṃ kiṃ pratapyadhvaṃ pīḍyamānāḥ svakarmabhiḥ |
bhuñjadhvaṃ svāni karmāṇi nātra doṣo'sti kasyacit || 76 ||
[Analyze grammar]

ete ca pṛthivīpālāḥ saṃprāptā matsamīpataḥ |
svakīyaiḥ karmabhirghorairduṣprajñā balagarvitāḥ || 77 ||
[Analyze grammar]

bhobho nṛpā durācārāḥ prajāvidhvaṃsakāriṇaḥ |
alpakālasya rājyasya kṛte kiṃ duṣkṛtaṃ kṛtam || 78 ||
[Analyze grammar]

rājyalobhena mohādvā balādanyāyataḥ prajāḥ |
yatpīḍitāḥ phalaṃ tasya bhuṃjadhvamadhunā nṛpāḥ || 79 ||
[Analyze grammar]

kṛtaṃ rājyaṃ kalatraṃ ca yadarthamaśubhaṃ kṛtam |
tatsarvaṃ saṃparityajya yūyamekākinaḥ sthitāḥ || 80 ||
[Analyze grammar]

paśyāma tadbalaṃ tubhyaṃ yena vidhvaṃsitāḥ prajāḥ |
yamadūtaistāḍyamānā adhunā kīdṛśaṃ bhavet || 81 ||
[Analyze grammar]

evaṃ bahuvidhairvākyairupālabdhā yamena te |
śocaṃtaḥ svāni karmāṇi tūṣṇīṃ tiṣṭhaṃti pārthiva || 82 ||
[Analyze grammar]

iti dharmaṃ samādiśya nṛpāṇāṃ dharmarāṭ punaḥ |
tatpāpapaṃkaśuddhyarthamidaṃ vacanamabravīt || 83 ||
[Analyze grammar]

bhobhoścaṇḍa mahācaṇḍa gṛhītvā nṛpatīnimān |
viśodhayadhvaṃ pāpebhyaḥ krameṇa narakāgniṣu || 84 ||
[Analyze grammar]

tataḥ śīghraṃ samutthāya nṛpānsaṃgṛhya pādayoḥ |
bhrāmayitvātivegena vikṣipyordhvaṃ vigṛhya ca || 85 ||
[Analyze grammar]

sarvaprāṇena mahatā sutapte tu śilātale |
ā sphālayaṃti tarasā vajreṇeva mahādrumam || 86 ||
[Analyze grammar]

tataḥ sa raktasrotobhiḥ sravate jarjarīkṛtaḥ |
sa niḥsaṃjñastadā dehī niśceṣṭaḥ saṃprajāyate || 87 ||
[Analyze grammar]

tataḥ sa vāyunā spṛṣṭaḥ śanairujīvate punaḥ |
tataḥ pāpaviśuddhyarthaṃ kṣipyate narakārṇave || 88 ||
[Analyze grammar]

aṣṭāviṃśatirevādhaḥ kṣiternarakakoṭayaḥ |
saptamasya talasyāṃte ghore tamasi saṃsthitāḥ || 89 ||
[Analyze grammar]

rauravaprabhṛtīnāṃ ca narakāṇāṃ śataṃ smṛtam |
catvāriṃśatsamadhikaṃ mahānarakamaṃḍalam || 90 ||
[Analyze grammar]

yeṣu pāpāḥ prapacyaṃte narāḥ karmānurūpataḥ |
yātanābhirvicitrābhirākarmaprakṣayādbhṛśam || 91 ||
[Analyze grammar]

ā malaprakṣayādyadvadagnau dhāsyaṃti dhātavaḥ |
tathā pāpakṣayātpāpāśśodhyaṃte narakāgniṣu || 92 ||
[Analyze grammar]

sugāḍhahastayā bāḍhaṃ taptaśṛṃkhalayā narāḥ |
mahāvṛkṣāgraśākhāyāṃ laṃbyaṃte yamakiṃkaraiḥ || 93 ||
[Analyze grammar]

tataste sarpayaṃtreṇa kṣiptā dolyaṃti kiṃkaraiḥ |
dolyaṃtaścātivegena niḥsaṃjñā yāṃti yojanam || 94 ||
[Analyze grammar]

aṃtarikṣasthitānāṃ ca lohabhāraśataṃ tataḥ |
pādayorbadhyate teṣāṃ yamadūtairmahābalaiḥ || 95 ||
[Analyze grammar]

tena bhāreṇa mahatā bhṛśamātardditā narāḥ |
dhyāyaṃtaḥ svāni karmāṇi tūṣṇīṃ tiṣṭheti vihvalāḥ || 96 ||
[Analyze grammar]

jvālābhiragnivarṇābhirllohadaṃḍaiḥ sakaṃṭakaiḥ |
hanyaṃte kiṃkarairghoraiḥ samaṃtātpāpakāriṇaḥ || 97 ||
[Analyze grammar]

tataḥ kṣāreṇa dīptena vahnerapi viśeṣataḥ |
samaṃtataḥ pralipyaṃte kṣatāṃgā jarjarīkṛtāḥ || 98 ||
[Analyze grammar]

punarvidārya cāṃgeṣu śirasaḥprabhṛti kramāt |
vṛntākavatprapacyaṃte taptatailakaṭāhake || 99 ||
[Analyze grammar]

viṣṭhāpūrṇe tataḥ kūpe kṛmīṇāṃ nicaye tataḥ |
medastvakpūyapūrṇāyāṃ vāpyāṃ kṣipyaṃti te punaḥ || 100 ||
[Analyze grammar]

bhakṣyaṃte krimibhistīkṣṇairlohatuṇḍaiśca vāyasaiḥ |
śvabhirdaṃśairvṛkairghorairvyāghrairapyatha vānaraiḥ || 101 ||
[Analyze grammar]

pacyaṃte māṃsavaccāpi pradīptāṃgārarāśiṣu |
protāḥ śūleṣu tīkṣṇeṣu narāḥ pāpena karmaṇā || 102 ||
[Analyze grammar]

tilapiṃḍairivākramya ghoraiḥ karmabhirātmanaḥ |
tilavatsamprapīḍayante cakrākhye narake tathā || 103 ||
[Analyze grammar]

bhidyaṃte cāpi talpeṣu lohabhrāṣṭreṣvanekadhā |
tailapūrṇakaṭāheṣu sutapteṣu punaḥpunaḥ || 104 ||
[Analyze grammar]

bahuśaḥ pīḍyate jihvā yā'satyapriyavādinī |
saṃdaṃśena sutaptena prapīḍyante ca pādayoḥ || 1|| 5 ||
[Analyze grammar]

mithyāgamapravaktuśca dvijihvasya ca nirgatā |
jihvārddhakrośavistīrṇā halaistīkṣṇaiśca bādhyate || 106 ||
[Analyze grammar]

nirbhartsayaṃti ye krūrā mātaraṃ pitaraṃ gurum |
teṣāṃ vakṣa ulūkābhirmukhamāpūrya sevyate || 107 ||
[Analyze grammar]

tataḥ kṣāreṇa dīptena tāmreṇa tu punaḥpunaḥ |
hatenāpūryate'tyarthaṃ taptatailaiśca tanmukham || 108 ||
[Analyze grammar]

itastataḥ punarvaktraṃ bhṛśamāpūrya hanyate |
viṣṭhābhiḥ kṛmibhiścāpi suvarṇaharaṇairnaraḥ || 109 ||
[Analyze grammar]

pariṣvajati cātyugrāṃ pradīptāṃ lohaśālmalīm |
hanyate pṛṣṭhadeśe ca punastīkṣṇairmahāghanaiḥ || 110 ||
[Analyze grammar]

daṃtureṇātikūṭena krakacena balīyasā |
śiraḥ prabhṛti pādāṃtaṃ ghoraiḥ karmabhirātmajaiḥ |
khādyate svāni māṃsāni pāyate śoṇitaṃ svakam || 111 ||
[Analyze grammar]

annaṃ pānaṃ na dattaṃ yairmūḍhairnāpyanumoditam |
ikṣuvatte prapīḍyante jarjarīkṛtamastakāḥ || 112 ||
[Analyze grammar]

asitālavane ghore cchidyaṃte khaṃḍakhaṃḍaśaḥ |
sūcībhirbhinnasarvāṃgāstaptaśūlapraropitāḥ |
saṃbādhyamānā vivaśāḥ kliśyaṃte na mriyaṃti vai || 113 ||
[Analyze grammar]

dehādutsādyamāṃsāni bhidyaṃte'sthīni mudgaraiḥ |
dṛṣṭirākṛṣyate tūrṇaṃ yamadūtairbalotkaṭaiḥ || 114 ||
[Analyze grammar]

nirastāste nirucchvāsāstiṣṭhaṃti narake dhruvam |
ucchvasaṃti sadā śvāsairvālukāvadanāvṛtāḥ || 115 ||
[Analyze grammar]

raurave rodamānāśca pīḍyante vividhaiḥ śaraiḥ |
mahārauravapīḍābhirmahatībhistadaṃtike || 116 ||
[Analyze grammar]

padorāsye gude caiva pārśve corasi mastake |
nikhanyaṃte ghanaistīkṣṇaiḥ sutaptairlohaśaṃkubhiḥ || 117 ||
[Analyze grammar]

sutaptavālukāyāṃ ca praluṭhyante punaḥpunaḥ |
jatupaṃke bhṛśaṃ tapte kṣiprā krandaṃti vistaram || 118 ||
[Analyze grammar]

tenatenaiva rūpeṇa hasante pāradārikam |
gāḍhamāliṅgyate nārīṃ jvalaṃtīṃ lohanirmitām || 119 ||
[Analyze grammar]

pūrvākāraṃ ca puruṣaṃ prajvalaṃtaṃ samaṃtataḥ |
duścāriṇīḥ striyo gāḍhamāliṃgaṃti vadaṃti ca || 120 ||
[Analyze grammar]

kiṃ pradhāvasi vegena te na mokṣo'sti sāṃpratam |
laṃghitaste yathā bhartā pāpaṃ bhuṃkṣva tathādhunā || 121 ||
[Analyze grammar]

lohakumbhe tathā kṣiptāḥ savidhānaiḥ śanaiḥśanaiḥ |
mṛdvagninātha pacyaṃte svapāpaireva mānavāḥ || 122 ||
[Analyze grammar]

kvaṇaṃtyudūkhale sāsrāḥ prakṣipyaṃte śilāsu ca |
kṣipyaṃte cāṃdhakūpeṣu daśyaṃte bhramarairbhṛśam || 123 ||
[Analyze grammar]

kṛmibhirbhinnasarvāṃgāḥ śataśo jarjarīkṛtāḥ |
sutīkṣṇakṣārakūpepu kṣipyaṃte tadanaṃtaram || 124 ||
[Analyze grammar]

mahājvāle ca narake pāpāḥ phūtkārayaṃti ca |
itastataśca dhāvaṃti dahyamānāstadarcciṣā || 125 ||
[Analyze grammar]

pṛṣṭhe cānīya jaṃghe dve vinyaste skandhayoḥ sthite |
tayormadhyena cākṛṣya bāhupṛṣṭhena gāḍhataḥ |
baddhvā parasparaṃ sarvaṃ sudṛḍhaṃ gāḍharajjubhi || 126 ||
[Analyze grammar]

pīḍayaṃti susaṃrabdhā bhramarāstīkṣṇalohajāḥ |
mānināṃ krodhināṃ caiva purā pāpasya saṃśayāt || 127 ||
[Analyze grammar]

pāpānāṃ narake puṃsāṃ ghṛṣyate caṃdanaṃ yathā |
śarīrābhyaṃtaragataṃ taruṇānāṃ ca dāruṇam || 128 ||
[Analyze grammar]

piṃḍabaṃdho smṛto yāmyo mahājvāleṣu yātanāḥ |
rajjubhirveṣṭitāṃgāśca praliptāḥ kardamena ca |
karīṣarūkṣavahnau ca pacyaṃte na mriyaṃti ca || 129 ||
[Analyze grammar]

sutīkṣṇakṣāratoyena śarkarāsu śilāsu ca |
ā pāpasaṃkṣayātpāpā ghṛṣyaṃte caṃdanaṃ yathā || 130 ||
[Analyze grammar]

śarīrābhyantaragataiḥ prabhūtaiḥ kṛmibhirnarāḥ |
bhakṣyaṃte tīkṣṇavadanairādehaprakṣayāṭ bhṛśam || 131 ||
[Analyze grammar]

kṛmīṇāṃ nicaye kṣiptāḥ pūtimāṃsasya rāśiṣu |
tiṣṭhantyudvignahṛdayāḥ parvatābhyāṃ ca pīḍitāḥ || 132 ||
[Analyze grammar]

sutaptavajralepena śarīramanulipyate |
adhomukhordhvapādāśca dhṛtāstapyaṃti vahniṣu || 133 ||
[Analyze grammar]

vadanāṃte pravinyastaṃ sutaptāyomayaṃ guḍam |
te khādaṃti parādhīnā hanyamānāstu mudgaraiḥ || 134 ||
[Analyze grammar]

ye śivāyatanārāmavāpīkūpamaṭhāṃga ṇāt |
abhidravaṃti pāpiṣṭhā narāstatra vasaṃti ca || 135 ||
[Analyze grammar]

vyāyāmodvartanābhyaṃgasnānamāpānabhojanam |
krīḍanaṃ maithunaṃ dyūtamāca raṃti ramaṃti ca || 136 ||
[Analyze grammar]

te bādhairvividhairghorairikṣuyantrādipīḍanaiḥ |
nirayāgniṣu pacyaṃte yāvadācandratārakam || 137 ||
[Analyze grammar]

ye śṛṇvaṃti gurorniṃdāṃ teṣāṃ karṇaḥ prapūryyate |
agnivarṇairayaḥkīlaistaptatāmrādibhirdrutaiḥ || 138 ||
[Analyze grammar]

trapusīsārakūṭādyaiḥ kṣāreṇa jatunā punaḥ |
kramādāpūryate karṇo narakeṣu ca yātanāḥ |
anukrameṇa sarveṣu bhavaṃtyetāḥ samaṃtataḥ || 139 ||
[Analyze grammar]

sarveṃdriyāṇāmapyevaṃ kramātpāpena yātanāḥ |
bhavaṃti ghorāḥ pratyekaṃ śarīre tatkṛtena ca || 140 ||
[Analyze grammar]

sparśalobhena ye mūḍhāḥ saṃspṛśaṃti parastriyam |
teṣāṃ tvagagnivarṇābhiḥ sūcībhiḥ pūryate bhṛśam || 141 ||
[Analyze grammar]

tataḥ kṣārādibhiḥ sarvaiḥ śarīramanulipyate |
yātanā ca mahākaṣṭā sarveṣu narakeṣu ca || 142 ||
[Analyze grammar]

guroḥ kurvaṃti bhrukuṭiṃ krūraṃ cakṣuśca ye narāḥ |
paradārāṃśca paśyaṃti lubdhāḥ snigdhena cakṣuṣā || 143 ||
[Analyze grammar]

sūcībhiragnivarṇābhisteṣāṃ netraṃ prapūryate |
kṣārādyaiśca kramātsarvairdehe sarvāśca yātanāḥ || 144 ||
[Analyze grammar]

devāgniguruviprāṇāṃ ye'nivedya prabhuṃjate |
lohakīlaśataistaptaistajjihvāsyaṃ prapūryate || 145 ||
[Analyze grammar]

tataḥ kṣāreṇa dīptena tailatāmrādibhiḥ kramāt || |
śarīre ca mahāghorāścitrā narakayātanāḥ || 146 ||
[Analyze grammar]

ye śivārāmapuṣpāṇi lobhātsaṃgṛhya pāṇinā |
jighraṃti mūḍhamanasaḥ śirasā dhārayaṃti ca || 147 ||
[Analyze grammar]

āpūryate śirasteṣāṃ sutaptairlohaśaṃkubhiḥ |
nāsikā cātibahuśastataḥ kṣārādibhiḥ punaḥ || 148 ||
[Analyze grammar]

ye niṃdaṃti mahātmānamācāryaṃ dharmadeśikam |
śivabhaktāṃśca ye mūḍhāḥ śivadharmaṃ ca śāśvatam || 149 ||
[Analyze grammar]

teṣāmurasi kaṃṭhe ca jihvāyāṃ daṃtasaṃdhiṣu |
tālukoṣṭhe ca nāsāyāṃ mūrdhni sarvāṃgasaṃ dhiṣu || 150 ||
[Analyze grammar]

agnivarṇāḥ sutaptāśca triśikhā lohaśaṃkavaḥ |
ākhanyaṃte subahuśaḥ sthāneṣveteṣu mudgaraiḥ || 151 ||
[Analyze grammar]

tataḥ kṣāreṇa taptena tāmreṇa trapuṇā punaḥ |
taptatailādibhiḥ sarvairāpūryaṃte samaṃtataḥ || 152 ||
[Analyze grammar]

kṣāratāmrādibhirdīptairdahyaṃte bahuśaḥ punaḥ |
narakeṣu ca sarveṣu vicitrā dehayā tanāḥ || 153 ||
[Analyze grammar]

bhavaṃti bahuśaḥ kaṣṭāḥ pāṇipādasamudbhavāḥ |
śivāyatanaparyaṃte śivārāme ca kutracit || 154 ||
[Analyze grammar]

samutsṛjaṃti ye pāpāḥ purīṣaṃ mūtrameva vā |
teṣāṃ liṃgaṃ savṛṣaṇaṃ cūrṇyate lohamudgaraiḥ || 155 ||
[Analyze grammar]

sūcībhiragnivarṇābhistataścāpūryate punaḥ |
lohadaṇḍaśca sumahānagnivarṇaḥ sakaṃṭakaḥ |
ākhanyate gude teṣāṃ yāvanmūrdhni vinirgataḥ || 156 ||
[Analyze grammar]

tataḥ kṣāreṇa mahatā tāmreṇa trapuṇā punaḥ |
drutenāpūryate gāḍhaṃ gudaṃ śiśnaṃ hi dehinām || 157 ||
[Analyze grammar]

manaḥ sarvendriyāṇāṃ ca yasmāduktaṃ pravarttakam |
tasmādindriyaduḥkhena jāyate tatsuduḥkhitam || 158 ||
[Analyze grammar]

dhane satyapi ye dānaṃ na prayacchaṃti tṛṣṇayā || |
atithiṃ cāvamanyaṃte kālaprāptaṃ gṛhāśrame || 159 ||
[Analyze grammar]

te lohatoraṇe baddhā hastapādāvatāḍitāḥ |
vidāritāṃgāḥ śuṣyaṃte tiṣṭhaṃtyabdaśataṃ narāḥ || 160 ||
[Analyze grammar]

hastapādalalāṭeṣu kīlitā lohaśaṃkubhiḥ |
nityaṃ ca nīvṛtaṃ vaktraṃ kīlakadvayanāḍitam || 161 ||
[Analyze grammar]

kṛmibhiḥ prāṇibhiścograirlohadaṃḍaiśca vāyasaiḥ |
upadravairbahuvidhaiḥ sarpairmukharakaistataḥ || 162 ||
[Analyze grammar]

āpīḍyaṃte jihvāmūle nibadhya śṛṃkhalāḥ punaḥ |
tiṣṭhaṃti laṃbamānāśca lohabhāraprapīḍitāḥ || 163 ||
[Analyze grammar]

snigdhe ca vṛṣaṇe naddhe lohabhāradvayaṃ punaḥ |
tiṣṭhate laṃbamānaṃ ca bahubhāracaturguṇam || 164 ||
[Analyze grammar]

tataḥ svamāṃsamutkṛtya tilamātrapramāṇataḥ |
bhojanaṃ dīyate teṣāṃ sūcyagreṇa saśoṇitam || 165 ||
[Analyze grammar]

yadā nirmāṃsatāṃ prāptāḥ kālena mahatā punaḥ |
tataḥ kṣāreṇa dīptena vapusteṣāṃ pralipyate || 166 ||
[Analyze grammar]

sicyaṃte varṣadhārābhiḥ śoṣyaṃte vāyunā punaḥ |
sicyaṃte taptatailena prataptena samaṃtataḥ || 167 ||
[Analyze grammar]

paścātte vahninā bhūyo dūrasthena śanaiḥ śanaiḥ |
niḥśeṣayātanābhiśca pīḍyaṃte kramaśaḥ punaḥ || 168 ||
[Analyze grammar]

bhṛśaṃ bubhukṣayā pīḍā mūrcchayātipipāsayā |
atyuṣṇenātiśītena pāpānāṃ samareṇa ca || 169 ||
[Analyze grammar]

evamādimahāghorā yātanāḥ pāpakāriṇaḥ |
ekaike narake caiva śataśotha sahasraśaḥ || 170 ||
[Analyze grammar]

pratyekaṃ yātanāścitrāḥ sarveṣu narakeṣu ca |
kaṣṭaṃ varṣaśatenāpi soḍhuṃ sarvaiśca nārake || 171 ||
[Analyze grammar]

ete ca vividhairghorairyātyamānāśca karmabhiḥ |
mriyante naiva pāpiṣṭhā vividhāḥ pāpakāriṇaḥ || 172 ||
[Analyze grammar]

mahāghorābhighorākhyā kālāgnisadṛśopamāḥ |
śrutairetairmahāraudrairmriyante mṛducetasaḥ || 173 ||
[Analyze grammar]

tatastenātra kathitāḥ pāpā gacchaṃti tānsvayam |
putramitrakalatrārthaṃ yadā puṇyaṃ tvapākṛtam || 174 ||
[Analyze grammar]

ekākī dahyate tena na ca paśyati tāni saḥ |
ātmanā ca kṛtaṃ pāpaṃ bhoktavyaṃ dhruvamātmanā || 175 ||
[Analyze grammar]

tatkimanyopaghātārthaṃ mūḍha pāpaṃ kṛtaṃ tvayā |
evaṃ dūtairupālabdhāste pṛcchaṃti tataḥ punaḥ || 176 ||
[Analyze grammar]

kiyaṃtaṃ kena pāpena kālamatrāyate naraḥ |
devadravyavināśena gurudrohādikarmabhiḥ |
pāpātsarveṣu pacyaṃte narakeṣvāmahākṣayāt || 377 ||
[Analyze grammar]

mahāpātakinaścāpi sarveṣu narakeṣviha |
ācaṃdratārakaṃ yāvatpīḍyaṃte vividhairvadhaiḥ || 178 ||
[Analyze grammar]

mahāpātakinaścānye narakārṇavakoṭiṣu |
caturdaśasu pacyaṃte kalārdhaṃ vividhairvadhaiḥ || 179 ||
[Analyze grammar]

upapātakinaścāpi tadarthaṃ yāṃti mānavāḥ |
śeṣapāpaistadardhaṃ tu kālaṃ cāpi tathāvidham || 180 ||
[Analyze grammar]

tasmātpāpaṃ na kurvīta caṃcale jīvite sati |
pāpena hi dhruvaṃ yāṃti narakeṣu narāḥ svayam || 181 ||
[Analyze grammar]

yaḥ karoti naraḥ pāpaṃ tasyātmā dhruvamapriyaḥ |
pāpasyeha phalaṃ duḥkhaṃ tadbhoktavyamihātmanā || 182 ||
[Analyze grammar]

kathaṃ te pāpaniratā narā rātriṣu śerate |
maraṇāṃtaritā yeṣāṃ nārakī tīvrayātanā || 183 ||
[Analyze grammar]

evaṃ kliṣṭaviśuddhāśca sāvaśeṣeṇa karmaṇā |
tataḥ kṣitiṃ samāsādya jāyante dehinaḥ puna |
sthāvarā vividhākārāstṛṇagulmādibhedataḥ || 184 ||
[Analyze grammar]

tatrānubhūya duḥkhāni jāyaṃte kīṭayoniṣu |
niṣkrāṃtāḥ kīṭayonibhyo jāyante pakṣiṇastataḥ || 185 ||
[Analyze grammar]

saṃśliṣṭāḥ pakṣibhāvena bhavaṃti mṛgajādiṣu |
mārgaṃ duḥkhamatikramya jāyaṃte paśuyoniṣu || 186 ||
[Analyze grammar]

kramādgoyonimāsādya jāyante mānavāḥ punaḥ |
evaṃ yoniṣu sarvāsu parikramya krameṇa tu |
kālāṃtaravaśādyāṃti mānuṣyamatidurlabham || 187 ||
[Analyze grammar]

vyutkrameṇāpi mānuṣyaṃ prāpyate puṇyagocarāt |
vicitrā gatayaḥ proktāḥ karmaṇāṃ gurulāghavāt || 188 ||
[Analyze grammar]

mānuṣyaṃ yaḥ samāsādya svargamokṣaprasādhakam |
dvayorna sādhayatyekaṃ sa mṛtastapyate ciram || 189 ||
[Analyze grammar]

devāsurāṇāṃ sarveṣāṃ mānuṣyamatidurlabham |
tatsaṃprāpya kathāḥ kuryānna gacchennarakaṃ yathā || 190 ||
[Analyze grammar]

svargāpavargalābhāya yadi nāsti samudyataḥ |
svargasya mūlaṃ mānuṣyaṃ tadyatnādanupālayet || 191 ||
[Analyze grammar]

dharmamūlena mānuṣyaṃ labdhvā sarvārthasādhakam |
yadi lābhe na yatnaste mūlaṃ rakṣasva yatnataḥ || 192 ||
[Analyze grammar]

manuṣyatve ca vipratvaṃ yaḥ saṃprāpyātidurllabham |
na karotyātmanaḥ śreyaḥ konyastasmādacetanaḥ || 193 ||
[Analyze grammar]

sarveṣāmeva deśānāṃ madhyadeśaḥ paraḥ smṛtaḥ |
ataḥ svargaśca mokṣaśca yaśaḥ saṃprāpyate naraiḥ || 194 ||
[Analyze grammar]

etasminbhārate puṇye prāpya mānuṣyamadhruvam |
yaḥkuryādātmanaḥ śreyastenātmā rakṣitaḥ svayam |
yaḥ kuryānnātmanaḥ śreyastenātmā vaṃcitaḥ svayam || 195 ||
[Analyze grammar]

bhogabhūmiḥ smṛtaḥ svargaḥ karmabhūmiriyaṃ matā |
iha yatkriyate karma svarge tadupabhujyate || 196 ||
[Analyze grammar]

yāvatsvāsthyaṃ śarīrasya tāvaddharmaṃ samācara |
asvasthaścātiyatnena na kiñcitkartumutsa het || 197 ||
[Analyze grammar]

adhruveṇa śarīreṇa hyadhruvaṃ yaḥ prasādhayet |
dhruvaṃ tasya paribhraṣṭamadhruvaṃ naṣṭameva ca || 198 ||
[Analyze grammar]

āyuṣaḥ khaṃḍakhaḍāni nipataṃti tavā grataḥ |
ahorātrāpadeśena kimarthaṃ nāvabudhyase || 199 ||
[Analyze grammar]

yadā na jñāyate mṛtyuḥ kadā kasya bhaviṣyati |
ākasmike hi maraṇe dhṛtiṃ viṃdeta kastadā || 200 ||
[Analyze grammar]

parityajya yadā sarvamekākī yāsyasi dhuvam |
na dadāsi tadā kasmātpātheyārthamidaṃ dhanam || 201 ||
[Analyze grammar]

gṛhītadānapātheyā sukhaṃ yāṃti mahādhvani |
anyathā kliśyate jaṃtuḥ pātheyarahitaḥ pathi || 202 ||
[Analyze grammar]

yeṣāṃ dvijendravāhitrī pūrṇabhāṃḍā tu gacchati |
svargadeśasya pura tasteṣāṃ lābhaḥ padepade || 203 ||
[Analyze grammar]

iti jñātvā naraḥ puṇyaṃ kuryātpāpaṃ vivarjayet |
puṇyena yāti devatvamapuṇyānnarakaṃ vrajet || 204 ||
[Analyze grammar]

ye manāgapi deveśaṃ prapannāḥ śaraṇaṃ śivam |
tepi ghoraṃ na paśyaṃti yamasya vadanaṃ narāḥ || 205 ||
[Analyze grammar]

kiṃ tu pāpairmahāghoraiḥ kiñcitkālaṃ śivājñayā |
bhavaṃti preta rājānastato yāṃti śivālayam || 206 ||
[Analyze grammar]

ye punaḥ sarvabhāvena pratipannā maheśvaram |
na te lipyaṃti pāpena padmapatramivāṃbhasā || 207 ||
[Analyze grammar]

tasmā dvivardhayedbhaktimīśvare satataṃ budhaḥ |
tanmāhātmyavicāreṇa bhavadoṣavirāgataḥ || 208 ||
[Analyze grammar]

pāpāni paṃca paramārthatayaiva pārtha duḥkhapradāni suciraṃ pitṛ rājaloke |
anyāni yāni cirakālabhayānakāni vaktuṃ na yāṃti kila tāni parisphuṭāni || 209 ||
[Analyze grammar]