Chapter 22

sūta uvāca |
iti śrutvā balirdaityo devānāṃ vijayaṃ mahat |
roṣaṇaṃ nāma daityendraṃ samāhūya vaco'bravīt || 1 ||
[Analyze grammar]

sutastimiraliṅgasya saruṣo nāma viśrutaḥ |
tvaṃ hi tatra samāgamya daityakāryaṃ mahatkuru || 2 ||
[Analyze grammar]

iti śrutvā sa vai daityo hṛdi viprāptaroṣaṇaḥ |
nanāśa vedamārgasthāndehalīdeśamāsthitaḥ || 3 ||
[Analyze grammar]

pañcavarṣaṃ kṛtaṃ rājyaṃ tatsuto bābarobhavat |
viṃśadabdaṃ kṛta rājyaṃ homāyustatsuto'bhavat || 4 ||
[Analyze grammar]

homāyuṣā madāndhena devatāśca nirākṛtāḥ |
te surāḥ kṛṣṇacaitanyaṃ nadīhopavane sthitam || 5 ||
[Analyze grammar]

tuṣṭuvurbahudhā tatra śrutvā kruddho hariḥ svayam |
svatejasā ca tadrājyaṃ vighnabhūtaṃ cakāra ha || 6 ||
[Analyze grammar]

tatsainyajanitairlokairhomāyuśca nirākṛtaḥ |
mahārāṣṭraistadā tatra śeṣaśākaḥ samāsthitaḥ || 7 ||
[Analyze grammar]

dehalīnagare ramye mleccho rājyaṃ cakāra ha |
dharmakāryaṃ kṛtaṃ tena tadrājyaṃ pañcahāyanam || 8 ||
[Analyze grammar]

brahmacārī mukundaśca śaṅkarācāryagotrajaḥ |
prayāge ca tapaḥ kurvanviṃśacchiṣyairyutaḥ sthitaḥ || 9 ||
[Analyze grammar]

bābareṇa ca dhūrtena mleccharājena devatāḥ |
bhraṃśitā sa tadā jñātvā vahnau dehaṃ juhāva vai || 10 ||
[Analyze grammar]

tasya śiṣyā gatā vahnau mlecchanāśanahetunā |
godugdhe ca sthitaṃ romaṃ pītvā sa payasā muniḥ || 11 ||
[Analyze grammar]

mukundastasya doṣeṇa mlecchayonau babhūva ha |
homāyuṣaśca kāśmīre saṃsthitasyaiva putrakaḥ || 12 ||
[Analyze grammar]

jātamātre sute tasminvāguvācā śarīriṇī |
akasmācca varo jātaḥ putro'yaṃ sarvabhāgyavān || 13 ||
[Analyze grammar]

paiśāce dāruṇe mārge na bhūto na bhaviṣyati |
ataḥ so'kabaro nāma homāyustanayastava || 14 ||
[Analyze grammar]

śrīdharaḥ śrīpatiḥ śambhurvareṇyaśca madhuvratī |
vimalo devavānsomo varddhano vartako ruciḥ || 15 ||
[Analyze grammar]

māndhātā mānakārī ca keśavo mādhavo madhuḥ |
devāpiḥ somapāḥ śūro madano yasya śiṣyakāḥ || 16 ||
[Analyze grammar]

sa mukundo dvijaḥ śrīmāndaivāttvadgehamāgataḥ |
ityākāśavacaḥ śrutvā homāyuśca prasannadhīḥ || 17 ||
[Analyze grammar]

dadau dānaṃ kṣudhārtebhyaḥ premṇā putramapālayat |
daśābde tanaye jāte dehalīdeśamāgataḥ || 18 ||
[Analyze grammar]

śeṣaśāṅkaṃ parājitya sa ca rājā babhūva ha |
abdaṃ tena kṛtaṃ rājyaṃ tatputraśca nṛpo'bhavat || 19 ||
[Analyze grammar]

samprāpte'kabare rājyaṃ saptaśiṣyāśca tatpriyāḥ |
pūrvajanmani ye mukhyāste prāptā bhūpatiṃ prati || 20 ||
[Analyze grammar]

keśavo gānasenaśca vaijavāksa tu mādhavaḥ |
mlecchāste ca smṛtāstatra haridāso madhustathā || 21 ||
[Analyze grammar]

madhvācāryakule jāto vaiṣṇavaḥ sarvarāgavit |
pūrvajanmani devāpiḥ sa ca vīrabalo'bhavat || 22 ||
[Analyze grammar]

brāhmaṇaḥ pāścimātyo vai vāgdevīvaradarpitaḥ |
somapā mānasiṃhaśca gautamānvayasambhavaḥ || 23 ||
[Analyze grammar]

senāpatiśca nṛpaterāryabhūpaśiromaṇeḥ |
sūraścaiva dvijo jāto dakṣiṇaścaiva paṇḍitaḥ || 24 ||
[Analyze grammar]

bilvamaṅgala evāpi nāmnā tannṛpateḥ sakhā |
nāyikābhedanipuṇo veśyānāṃ sa ca pāragaḥ || 25 ||
[Analyze grammar]

madano brāhmaṇo jātaḥ paurvātyaḥ sa ca nartakaḥ |
candalo nāma vikhyāto rahaḥ krīḍāviśāradaḥ || 26 ||
[Analyze grammar]

anyadeśe gatāḥ śiṣyāsteṣāṃ pūrvāstrayodaśa |
anapasya suto jātaḥ śrīdharaḥ śatruveditaḥ || 27 ||
[Analyze grammar]

vikhyātastulasīśarmā purāṇanipuṇaḥ kaviḥ |
nārīśikṣāṃ samādāya rāghavānandamāgataḥ || 28 ||
[Analyze grammar]

śiṣyo bhūtvā sthitaḥ kāśyāṃ rāmānandamate sthitaḥ |
śrīpatiḥ sa babhūvāndho madhvācāryamate sthitaḥ || 29 ||
[Analyze grammar]

sūradāsa iti jñeyaḥ kṛṣṇalīlākaraḥ kaviḥ |
śambhurvai candrabhaṭṭasya kule jāto haripriyaḥ || 30 ||
[Analyze grammar]

rāmānandamate saṃstho bhaktakīrtiparāyaṇaḥ |
vareṇyaḥ sograbhuṅnāmā rāmānandamate sthitaḥ || 31 ||
[Analyze grammar]

jñānadhyānaparo nityaṃ bhāṣāchandakaraḥ kaviḥ |
madhuvratī sa vai jāto kīlako nāma viśrutaḥ || 32 ||
[Analyze grammar]

rāmalīlākaro dhīmānrāmānandamate sthitaḥ |
vimalaśca sa vai jātaḥ sa nāmnaiva divākaraḥ || 33 ||
[Analyze grammar]

sītālīlākaro dhīmānrāmānandamate sthitaḥ |
devavānkeśavo jāto viṣṇusvāmimate sthitaḥ || 34 ||
[Analyze grammar]

kavipriyādiracanāṃ kṛtvā pretatvamāgataḥ |
rāmajyotsnāmayaṃ granthaṃ kṛtvā svargamupāyayau || 35 ||
[Analyze grammar]

somo jātaḥ sa vai vyāso nimbādityamate sthitaḥ |
rahaḥ krīḍāmayaṃ granthaṃ kṛtvā svargamupāyayau || 36 ||
[Analyze grammar]

varddhanaśca sa vai jāto nāmnā caraṇadāsakaḥ |
jñānamālāmayaṃ kṛtvā granthaṃ raidāsamārgagaḥ || 37 ||
[Analyze grammar]

vartakaḥ sa ca vai jāto ropaṇasya mate sthitaḥ |
ratnabhānuriti jñeyo bhāṣākartā ca jaimineḥ || 38 ||
[Analyze grammar]

ruciśca rocano jāto madhvācāryamate sthitaḥ |
nānāgānamayīṃ līlāṃ kṛtvā svargamupāyayau || 39 ||
[Analyze grammar]

māndhātā bhūpatirnāma kāyasthaḥ sa babhūva ha |
madhvācāryo bhāgavataṃ cakre bhāṣāmayaṃ śubham || 40 ||
[Analyze grammar]

mānakāro nāribhāvānnārīdehamupāgataḥ |
mīrānāmeti vikhyātā bhūpatestanayā śubhā || 41 ||
[Analyze grammar]

mā śobhā ca tanau yasyā gatirgajasamā kila |
sā mīrā ca budhaiḥ proktā madhvācāryamate sthitā || 42 ||
[Analyze grammar]

evaṃ te kathitaṃ vipra bhāṣāgranthaprakāraṇam |
prabandhaṃ maṅgalakaraṃ kalikāle bhayaṅkare || 43 ||
[Analyze grammar]

sa bhūpo'kabaro nāma kṛtvā rājyamakaṇṭakam |
śatārddhena ca śiṣyaiśca vaikuṇṭhabhavanaṃ yayau || 44 ||
[Analyze grammar]

salomā tanayastasya kṛtaṃ rājyaṃ pituḥ samam |
khurdakastanayastasya daśābdaṃ ca kṛtaṃ padam || 45 ||
[Analyze grammar]

catvārastanayāstasya navaraṅgo hi madhyamaḥ |
pitaraṃ ca tathā bhrātṝñjitvā rājyamacīkarat || 46 ||
[Analyze grammar]

pūrvajanmani daityo'yamandhako nāma viśrutaḥ |
karmabhūmyāṃ tadaṃśena daityarājājñayā yayau || 47 ||
[Analyze grammar]

tenaiva bahudhā mūrtīrbhraṃśitāśca samantataḥ |
dṛṣṭvā devāstadāgatya kṛṣṇacaitanyamabruvan || 48 ||
[Analyze grammar]

bhagavandaityarājāṃśaḥ sa jātaśca mahīpatiḥ |
bhraṃśayitvā surānvedāndaityapakṣaṃ vivarddhate || 49 ||
[Analyze grammar]

iti śrutvā sa yajñāṃśo nadīhopavane sthitaḥ |
śaśāpa taṃ durācāraṃ yathā vaṃśakṣayo bhavet || 50 ||
[Analyze grammar]

rājyamekonapañcāśatkṛtaṃ tena durātmanā |
sevājayo nāma nṛpo devapakṣavivarddhanaḥ || 51 ||
[Analyze grammar]

mahārāṣṭradvijastasya yuddhavidyāviśāradaḥ |
hatvā taṃ ca durācāraṃ tatputrāya ca tatpadam || 52 ||
[Analyze grammar]

datvā yayau dākṣiṇātye deśe devavivarddhanaḥ |
alomā nāma tanayaḥ pañcābdaṃ tatpadaṃ kṛtam || 53 ||
[Analyze grammar]

tatpaścānmaraṇaṃ prāpto vidradhena rujā mune |
vikramasya gate rājye saptatyuttarakaṃ śatam || 54 ||
[Analyze grammar]

jñeyaṃ sapta daśaṃ vipra yadālomā mṛtiṃ gataḥ |
tālanasya kule jāto mlecchaḥ phalaruṣo balī || 55 ||
[Analyze grammar]

mukulasya kulaṃ hatvā svayaṃ rājyaṃ cakāra ha |
daśābdaṃ ca kṛtaṃ rājyaṃ tena bhūpena bhūtale || 56 ||
[Analyze grammar]

śatrubhirmaraṇaṃ prāpto daityalokamupāgamat |
mahāmadastattanayo viṃśatyabdaṃ kṛtaṃ padam || 57 ||
[Analyze grammar]

tadrāṣṭre nādaro nāma daityo deśa upāgamat |
hatvāryāṃśca surāñjitvā deśaṃ khurajamāyayau || 58 ||
[Analyze grammar]

mahāmatsyo hi madasya tanayastatpituḥ padam |
gṛhītvā pañcavarṣāntaṃ sa ca rājyaṃ cakāra ha || 59 ||
[Analyze grammar]

mahārāṣṭrairhato duṣṭastālanānvayasambhavaḥ |
dehalīnagare rājyaṃ daśābdaṃ mādhavena vai || 60 ||
[Analyze grammar]

kṛtaṃ tatra tadā mleccha ālomā rājyamāptavān |
tadrāṣṭre bahavo jātā rājāno nijadeśajāḥ || 61 ||
[Analyze grammar]

grāmapā bahavo bhūpā deśe deśe babhūvire |
maṇḍalīkapadaṃ tatrākṣayaṃ jātaṃ mahītale || 62 ||
[Analyze grammar]

triṃśadabdamato jātaṃ grāme grāme nṛpe nṛpe |
tadā tu sakalā devāḥ kṛṣṇacaitanyamāyayuḥ || 63 ||
[Analyze grammar]

yajñāṃśaśca hariḥ sākṣājjñātvā duḥkhaṃ mahītale |
muhūrtaṃ dhyānamāgamya devānvacanamabravīt || 64 ||
[Analyze grammar]

purā tu rāghavo dhīmāñjitvā rāvaṇarākṣasam |
kapīnujjīvayāmāsa sudhāvarṣaissamantataḥ || 65 ||
[Analyze grammar]

vikaṭo vṛjilo jālo varalīno hi siṃhalaḥ |
javassumātraśca tathā nāmnā te kṣudravānarāḥ || 66 ||
[Analyze grammar]

rāmacandraṃ vacaḥ prāhurdehi no vācchitaṃ prabho |
rāmo dāśarathiḥ śrīmāñjñātvā teṣāṃ manoratham || 67 ||
[Analyze grammar]

devāṅganodbhavāḥ kanyā rāvaṇāllokarāvaṇāt |
dattvā tebhyo harissākṣādvacanaṃ prāha harṣitaḥ || 68 ||
[Analyze grammar]

bhavannāmnā ca ye dvīpā jālandharavinirmitāḥ |
teṣu rājño bhaviṣyanti bhavanto hitakāriṇaḥ || 69 ||
[Analyze grammar]

nandinyā gośca ruṇḍādvai jātā mlecchā bhayānakāḥ |
guruṇḍā jātayasteṣāṃ tāstu teṣu sadā sthitāḥ || 70 ||
[Analyze grammar]

jitvā tāṃśca guruṇḍānvai kurudhvaṃ rājyamuttamam |
iti śrutvā hariṃ natvā dvīpeṣu prayayurmudā || 71 ||
[Analyze grammar]

vikaṭānvayasambhūtā guruṇḍā vānarānanāḥ |
vāṇijyārthamihāyātā gauruṇḍā bauddhamārgiṇaḥ || 72 ||
[Analyze grammar]

īśaputramate saṃsthāsteṣāṃ hṛdayamuttamam |
satyavrataṃ kāmajitamakrodhaṃ sūryatatparam || 73 ||
[Analyze grammar]

yūyaṃ tatroṣya kāryaṃ ca nṛṇāṃ kuruta mā ciram |
iti śrutvā tu te devāḥ kuryurārcikamādarāt || 74 ||
[Analyze grammar]

nagaryyā kalikātāyāṃ sthāpayāmāsurudyatāḥ |
vikaṭe paścime dvīpe tatpatnī vikaṭāvatī || 75 ||
[Analyze grammar]

aṣṭakauśalamārgeṇa rājamantraṃ cakāra ha |
tatpatistu pulomārciḥ kalikātāṃ purīṃ sthitaḥ || 76 ||
[Analyze grammar]

vikramasya gate rājye śatamaṣṭādaśaṃ kalau |
catvāriṃśaṃ tathābdaṃ ca tadā rājā babhūva ha || 77 ||
[Analyze grammar]

tadanvaye saptanṛpā guruṇḍāśca babhūvire |
catuṣṣaṣṭimitaṃ varṣaṃ rājyaṃ kṛtvā layaṃ gatāḥ || 78 ||
[Analyze grammar]

guruṇḍe cāṣṭame bhūpe prāpte nyāyena śāsati |
kalipakṣo balirdaityo muraṃ nāma mahāsuram || 79 ||
[Analyze grammar]

āruhya preṣayāmāsa devadeśe mahottame |
sa muro vārḍilaṃ bhūpaṃ vaśīkṛtya hṛdi sthitaḥ || 80 ||
[Analyze grammar]

āryadharmavināśāya tasya buddhiṃ cakāra ha |
mūrtisaṃsthāstadā devā gatvā yajñāṃśayoginam || 81 ||
[Analyze grammar]

namaskṛtyābruvansarve yathā prāpto muro'suraḥ |
jñātvā śaśāpa kṛṣṇāṃśo guruṇḍānbauddhamārgiṇaḥ || 82 ||
[Analyze grammar]

kṣayaṃ yāsyanti te sarve ye murasya vaśaṃ gatāḥ |
ityukte vacane tasminguruṇḍā kālanoditāḥ || 83 ||
[Analyze grammar]

svasainyaiśca kṣayaṃ jagmurvarṣamātrāntare khalāḥ |
sarve triṃśatsahasrāśca prayayuryamamandire || 84 ||
[Analyze grammar]

vāgdaṇḍaissa ca bhūpālo vārḍilo nāśamāptavān |
guruṇḍo navamaḥ prāpto bhekalo nāma vīryavān || 85 ||
[Analyze grammar]

nyāyena kṛtavānrājya dvādaśābdaṃ prayatnataḥ |
āryadeśe ca tadrājyaṃ babhūva nyāyaśāsati || 86 ||
[Analyze grammar]

laḍilo nāma vikhyāto guruṇḍo daśamohitaḥ |
dvātriṃśābdaṃ ca tadrājyaṃ kṛtaṃ tenaiva dharmiṇā || 87 ||
[Analyze grammar]

laḍile svargate prāpte makarandakulodbhavāḥ |
āryāḥ prāptāstadā maunā himatuṅganivāsinaḥ || 88 ||
[Analyze grammar]

babhruvarṇāḥ sūkṣmanaso vartulā dīrghamastakāḥ |
evaṃ lakṣāśca samprāptā dehalyāṃ bauddhamāgiṇaḥ || 89 ||
[Analyze grammar]

ārjiko nāma vai rājā teṣāṃ tatra babhūva ha |
tasya putro devakaṇo gaṅgotragirimūrddhani || 90 ||
[Analyze grammar]

dvādaśābdaṃ tapo ghoraṃ tepe rājyavivṛddhaye |
tadā bhagavatī gaṅgā tapasā tasya dhīmataḥ || 91 ||
[Analyze grammar]

svarūpaṃ svecchayā prāpya brahmalokaṃ jagāma ha |
kuberaśca tadāgatya dattvā tasmai mahatpadam || 92 ||
[Analyze grammar]

āryāṇāṃ maṇḍalīkaṃ ca tatraivāntaradhīyata |
maṇḍalīko devakarṇo babhūva janapālakaḥ || 93 ||
[Analyze grammar]

ṣaṣṭyabdaṃ ca kṛtaṃ rājyaṃ tena rājñā mahītale |
tadanvaye'ṣṭabhūpāśca babhūvurdevapūjakāḥ || 94 ||
[Analyze grammar]

dviśatābdaṃ padaṃ kṛtvā svargalokamupāyayuḥ |
ekādaśaśca yo maunaḥ pannagāririti śrutaḥ || 95 ||
[Analyze grammar]

catvāriṃśacca varṣāṇi rājyaṃ kṛtvā prayatnataḥ |
svargalokaṃ gato rājā pannagairmaraṇaṃ gataḥ || 96 ||
[Analyze grammar]

evaṃ ca mauryajātīyaiḥ kṛtaṃ rājyaṃ mahītale || 97 ||
[Analyze grammar]