Chapter 9

sūta uvāca |
ityuktvā bhagavāñjīvassūryamāhātmyamuttamam |
prayāge tu punardevānuvāca vacasāṃ patiḥ || 1 ||
[Analyze grammar]

pratiṣṭhānapure ramye sūryo jāto harājñayā |
purā tretāyugāṃte ca tacchṛṇuṣva surottama || 2 ||
[Analyze grammar]

tretānte siṃhaladvīpe parīkṣitanṛpo'bhavat |
vedadharmaparo nityaṃ devatātithipūjakaḥ || 3 ||
[Analyze grammar]

kanyā bhānumatī tasya sūryavrataparāyaṇā |
bhaktibhāvena savitā pratyahaṃ tadgṛhe svayam || 4 ||
[Analyze grammar]

tayā kṛtaṃ śubhaṃ bhakṣyaṃ madhyāhne bhuktavānprabhuḥ |
ravivāre kadācitsā nalinī sāgaraṃ prati || 5 ||
[Analyze grammar]

snānārthamāgatā kanyā tadā nārada āgataḥ |
dṛṣṭvā manoramāṃ bālāmekākīṃ jalamadhyagām || 6 ||
[Analyze grammar]

gṛhītvā vasanaṃ tasyā vacanaṃ prāha nirbhayaḥ |
pāṇiṃ gṛhāṇa me subhrūstvaddṛṣṭyā vaśamāgataḥ || 7 ||
[Analyze grammar]

ityuktavaṃtaṃ tu muniṃ kumārī namrakandharā |
uvāca śṛṇu devarṣe kanyāhaṃ tvaṃ sutapradaḥ || 8 ||
[Analyze grammar]

bhavāndevāṅganābhiśca prārthitaḥ svargamaṇḍale |
kva ca vai menakā raṃbhā kvāhaṃ manujayonijā || 9 ||
[Analyze grammar]

navadvāreṣu dehesmindurgandhāḥ saṃsthitāḥ sadā |
naiva devāṅganāṅge vai tasmāttubhyaṃ namonamaḥ || 10 ||
[Analyze grammar]

iti śrutvā vacastasyā lajjito nāradastadā |
mahādevamupāgamya coktavānsarvakāraṇam || 11 ||
[Analyze grammar]

kuṣṭhībhūtaṃ muniṃ dṛṣṭvā śaṃkaro lokaśaṃkaraḥ |
tuṣṭāva bhāskaraṃ devaṃ tadā prādurabhūtprabhuḥ || 12 ||
[Analyze grammar]

nāradasya śubhaṃ dehaṃ kṛtvā śivamuvāca ha |
ājñāṃ dehi mahādeva tavāśāṃ pūrayāmyaham || 13 ||
[Analyze grammar]

ityuktaṃ taṃ śivaḥ prāha dvijo bhūtvā bhavānbhuvi |
gṛhāṇa nṛpateḥ kanyāṃ raviṇā tu tathā kṛtam || 14 ||
[Analyze grammar]

savitā bhānumatyā ca sārddhaṃ kṛtvā taponvaham |
sūryalokaṃ punaḥ prāptassa pauṣe ca prakāśa kṛt |
taṃ bhajāśu mahendra tvaṃ devakāryaṃ prasādhaya || 15 ||
[Analyze grammar]

sūta uvāca |
iti śrutvā gurorvākyaṃ mahendraśca suraissaha |
savitāraṃ pauṣamāse tuṣṭāva śubha pūjanaiḥ || 16 ||
[Analyze grammar]

tadā prasanno bhagavāndevānāha śubhaṃ vacaḥ |
ahaṃ kāśyāṃ bhavāmyadya nāmnā dhanvatariḥ svayam || 17 ||
[Analyze grammar]

rogaiśca pīḍitāṃllokānkalinā nirmitairbhuvi |
śamayiṣyāmi tatroṣya devakāryaṃ bhaviṣyati || 18 ||
[Analyze grammar]

ityuktvā bhagavānsūryaḥ kāśīnagaramāgataḥ |
kalpadattasya viprasya putro bhūtvā mahītale || 19 ||
[Analyze grammar]

suśrutaṃ rājaputraṃ ca vipravṛddhasamanvitam |
śiṣyaṃ kṛtvā prasannātmā kalpavedamacīkarat || 20 ||
[Analyze grammar]

rogaiśca kṣayitaṃ dehaṃ kālpametatsmṛtaṃ budhaiḥ |
tasya jñānaṃ ca taṃtre'smikalpavedohyataḥ smṛtaḥ || 21 ||
[Analyze grammar]

dhanvatarissa bhagavānprasiddhobhūtkalau yuge |
yasya darśanamātreṇa rogā naśyaṃti tatkṣaṇāt || 22 ||
[Analyze grammar]

suśrutaḥ kalpavedaṃ taṃ dhanvattarivinirmitam |
paṭhitvā ca śatādhyāyaṃ sau'śrutaṃ taṃtramākarot || 23 ||
[Analyze grammar]

bṛhaspatiruvāca |
purā paṃpāpure ramye helī nāmnā dvijo'bhavat |
catuṣṣaṣṭikalābhijño ravipūjanatatparaḥ || 24 ||
[Analyze grammar]

tyaktvā pratigrahaṃ vṛttiṃ kāruvṛttiṃ gṛhītavān |
kṛtvā vastrakalaṃ lauhaṃ tathā citrakalaṃ punaḥ || 25 ||
[Analyze grammar]

dhātumūrtikalaṃ caiva sarvakārukalaṃ tathā |
pañcasahasramudrābhirākrīṇankāruko'bhavat || 26 ||
[Analyze grammar]

kalaeko māsamātre kāle tenaiva nirmitaḥ |
taddhanena raviṃ devaṃ yajñairmāghe hi so'rcayat |
viśvakarmā raviḥ sākṣānmāghamāse prakāśakaḥ || 27 ||
[Analyze grammar]

helino bahulairyajñaissantuṣṭaḥ pratyahaṃ prabhuḥ |
paṃpāsarovare ramye nirmitaḥ staṃbha uttamaḥ || 28 ||
[Analyze grammar]

jyotīrūpo mahāramyastatra prāpto raviḥ svayam |
madhyāhne helinā dattaṃ bhojana daivatapriyam || 29 ||
[Analyze grammar]

bhuktvā sa pratyahaṃ svāmī māsimāsi divākaraḥ |
trailokyaṃ bhāvayāṃcakre sarvadevamayo hariḥ || 30 ||
[Analyze grammar]

sahasrāyurdvijo bhūtvā tyaktvā prāṇānraviḥ svayam |
bhūtvā maṇḍalamadhyāsya māghamāsamatoṣayat |
taṃ sūryaṃ bhaja devendra sa te kāryaṃ kariṣyati || 31 ||
[Analyze grammar]

sūta uvāca |
iti śrutvā gurorvākyaṃ vāsavo daivataissaha |
sūryamārādhayāmāsa viśvakarmāṇamuttamam || 32 ||
[Analyze grammar]

tadā prasanno bhagavāṃstvaṣṭā tuṣṭikarojanān |
surānāha vaco ramyaṃ śṛṇudhvaṃ surasattamāḥ || 33 ||
[Analyze grammar]

bilgrāme vaṃgadeśe saṃbhavāmi niruktakṛt |
jayadeva iti khyātaḥ kavīnāṃ hi śiromaṇiḥ || 34 ||
[Analyze grammar]

ityuktvā bhagavānsūryo vaṃgadeśamupāyayau |
gehe kaṃdukino jāto brāhmaṇasya mahītale || 35 ||
[Analyze grammar]

sa paṃcābdavapurbhūtvā pitṛmātṛparāyaṇaḥ |
dvādaśābdaṃ mahāsevā tatra tena tayoḥ kṛtā || 36 ||
[Analyze grammar]

mṛtimaṃtau ca pitarau pretakṛtyena tarpitau |
jayadevena tau nākaṃ gayāśrāddhe hi jagmatuḥ || 37 ||
[Analyze grammar]

jayadevastadā vipro bhūtvā vairāgyavānbhuvi |
tatrasthāne mahāramye vane vāsamakārayat || 38 ||
[Analyze grammar]

triviṃśābde tataḥ prāpte kenacinmadhurānanā |
brāhmaṇena śubhā kanyā jagannāthāya cārpitā || 39 ||
[Analyze grammar]

arcāvasāne bhagavānaniruddhassanātanaḥ |
dārubrahmamayaḥ sākṣādāha taṃ svena vai vacaḥ || 40 ||
[Analyze grammar]

śṛṇu tvaṃ bhoḥ satyavrata jayadevo vapurmama |
padmāvatīṃ sutāṃ tasmai nivedaya mamājñayā || 41 ||
[Analyze grammar]

ityuktassa dvijastūrṇaṃ dṛṣṭvā vairāgarūpiṇam |
tatra sthāpya nijāṃ kanyāṃ svagehāya mudā yayau || 42 ||
[Analyze grammar]

sā tu padmāvatī kanyā matvā taṃ suṃdaraṃ patim |
tatsevāṃ sā mudā yuktā cakāra bahuvārṣikam || 43 ||
[Analyze grammar]

niruktaṃ vaidikaṃ cāṃgaṃ kṛtavānsa samādhinā |
varṇāgamo gaveṃdrādau siṃhe varṇaviparyayaḥ |
ṣoḍaśādau vikāraśca varṇanāśaḥ pṛṣodare || 44 ||
[Analyze grammar]

varṇavikāranāśābhyāṃ dhātoratiśayena yaḥ |
yogastaducyate prājñairmayūrabhramarādiṣu || 49 ||
[Analyze grammar]

evaṃ paṃcavidhānyeva niruktāni smṛtāni vai |
śūdraiśca nāgavaṃśīyairbhraṃśitāni kalau yuge || 46 ||
[Analyze grammar]

jitvā prākṛtabhāṣāyāḥ kartṝnmūḍhānkalipriyān |
śuddhaṃ hi pāṇiniḥ śāstraṃ cakāra surahetave || 47 ||
[Analyze grammar]

ekadā tu kalirdhūrto hṛdisthaścaurakarmaṇām |
nṛpadattaṃ dvijasyaiva luṃṭhayitvā dhanaṃ bahu || 48 ||
[Analyze grammar]

padmāvatīṃ satīṃ matvā tyaktvā tadvai gato gṛham |
hastau pādau dvijasyaiva kaliścoraiḥ samācchinat || 49 ||
[Analyze grammar]

tadā tu duḥkhitā devī gartamadhye sthitaṃ patim |
niṣkāsya bahudhālapyāpīḍya hastena cāharat || 50 ||
[Analyze grammar]

ekasmindivase rājā mṛgayārthamupāgataḥ |
ahastapādaṃ ca muniṃ jayadevaṃ dadarśa ha |
sa pṛṣṭastena tatraiva kṛtaṃ kena tavedṛśam || 51 ||
[Analyze grammar]

sa hovāca mahārāja hastapādavihīnakaḥ |
karmaṇāhamiha prāpto na kenāpi kṛtaṃ khalu || 52 ||
[Analyze grammar]

iti śrutvā dharmapālo nṛpatistaṃ dvijottamam |
sapatnīkaṃ ca śibikāmāropya svagṛhaṃ yayau || 53 ||
[Analyze grammar]

tasya dīkṣāṃ nṛpaḥ prāpya dharmaśālāmakāraya t |
kadācidvaiṣṇavā bhūtā te caurāḥ kalinirmitāḥ |
dharmapālagṛhaṃ prāpya rājānamidamabruvan || 54 ||
[Analyze grammar]

vayaṃ hi śāstranipuṇāstava gehamupāgatāḥ |
asmābhirnirmitaṃ bhojyaṃ svayaṃ viṣṇuḥ śilāmayaḥ |
saṃbhuṃkte pratyahaṃ prītyā tatpaśya nṛpasattama || 55 ||
[Analyze grammar]

ityuktvā kalibhaktāste viṣṇurūpaṃ caturbhujam |
nṛpāya darśayāmāsurbhuktavaṃtaṃ svamāyayā || 56 ||
[Analyze grammar]

vismito dharmapālaśca jayadevamuvāca ha |
guro madbhavane prāptā vaiṣṇavā viṣṇutatparāḥ |
adīdṛśanhariṃ sākṣāttasmāttvaṃ śīghramāvraja || 57 ||
[Analyze grammar]

iti śrutvā dvijaḥ prāpto vismito'bhūttathā nṛpaḥ |
tadā tu taṃ hi pākhaṃḍā bhūpamūcurvihasya te || 58 ||
[Analyze grammar]

asau vipraśca nṛpate gauḍadeśe nivāsinaḥ |
sūdo bhakṣyakarastasmai kadāciddhanalobhataḥ || 59 ||
[Analyze grammar]

garalaṃ miśritaṃ bhakṣye tena pākhaṃḍarūpiṇā |
jñātvā rājā tu taṃ vipraṃ śūlamadhye hyaropayat || 60 ||
[Analyze grammar]

etasminnaṃtare rājanvayaṃ tatra samāgatāḥ |
āgaskṛtaṃ dvijaṃ matvā dattvā jñānānya nekaśaḥ |
śūlāttaṃ hi samuttārya hastau pādau nṛpo'cchinat || 61 ||
[Analyze grammar]

asmākaṃ śiṣyabhūto hi rājāsmābhiḥ prabodhitaḥ |
ityuktamātre vacane duḥkhitābhūcca dāritā || 62 ||
[Analyze grammar]

caurāṃstānsā hi pātāle cakāra surarakṣitān |
jayadevastathā bhūtāndṛṣṭvā caurānruroda ha || 63 ||
[Analyze grammar]

kraṃdamāne dvije tasminhastāṃghrī prakṛtiṃ gatau |
vismitaṃ nṛpatiṃ tatra sarvaṃ hetumavarṇayat || 64 ||
[Analyze grammar]

śrutvā rājā prasannātmā jayadevamukhodbhavam |
gītagoviṃdamevāśu paṭhitvā mokṣamāgamat || 65 ||
[Analyze grammar]

iti te kathitaṃ vipra jayadevo yathābhavat |
kṛṣṇacaitanyacaritaṃ yathā jātaṃ śṛṇuśva tat || 66 ||
[Analyze grammar]