Chapter 5

sūta uvāca |
madhyāhnakāle saṃprāpte brahmaṇo'vyaktajanmanaḥ |
cākṣuṣāṃtaramevāpi mahāvāyurbabhūva ha || 1 ||
[Analyze grammar]

tatprabhāvena hemādriḥ kaṃpamānaḥ punaḥpunaḥ |
yathā vṛkṣastathaivāsau tatkaṃpādeva maṃḍalaḥ || 2 ||
[Analyze grammar]

nabhaso bhūtale prāptastadā bhūmiḥ prakaṃpitā |
babhūva muniśārdūla sarvalokavināśinī || 3 ||
[Analyze grammar]

saptadvīpāḥ samudrāśca jalabhūtā babhūvire |
lokālokastadā śeṣo'bhavatsottaraparvataḥ || 4 ||
[Analyze grammar]

śeṣā bhūmirlayaṃ prāptā manvaṃtare laye |
sahasrābdāṃtare bhūmirbabhūva jalamadhyagā || 5 ||
[Analyze grammar]

tadā sa bhagavānviṣṇurbhavena vidhinā saha |
śaiśumāraṃ śubhaṃ cakraṃ cakāra nabhasi sthitam || 6 ||
[Analyze grammar]

gṛhītvā sakalāstārā grahānsarvānyathāvidhi |
sthāpayāmāsa bhagavānyathāyogyaṃ pitāmahaḥ || 7 ||
[Analyze grammar]

punarvai jyotiṣāṃ cakraiḥ śoṣitā sakalā mahī |
sthalībhūyāyutābdānte dṛśyamānā babhūva ha || 8 ||
[Analyze grammar]

tadā sa bhagavānbrahmā mukhātsomaṃ cakāra ha |
dvijarājaṃ mahāprājñaṃ sarvavedaviśāradam || 9 ||
[Analyze grammar]

bhujābhyāṃ bhagavānbrahmā kṣatrarājaṃ mahābalam |
sūryaṃ ca janayāmāsa rājanītiparāyaṇam || 10 ||
[Analyze grammar]

ūrubhyāṃ vaiśyarājaṃ ca samudraṃ saritāṃ patim |
ratnākaraṃ ca kṛtavānparameṣṭhī pitāmahaḥ || 11 ||
[Analyze grammar]

padbhyāṃ ca janayāmāsa viśvakarmāṇamuttamam |
dakṣaṃ nāma kalābhijñaṃ śūdrarājaṃ sukṛtyakam || 12 ||
[Analyze grammar]

somādvai brāhmaṇā jātāḥ sūryādrājanyavaṃśajāḥ |
samudrātsakalā vaiśyā dakṣācchūdrā babhūvire || 13 ||
[Analyze grammar]

sūryamaṃḍalato jāto manurvaivasvataḥ svayam |
tasya rājyamabhūtsarvaṃ prāṇināṃ lokavāsinām || 14 ||
[Analyze grammar]

divyānāṃ ca yugānāṃ ca tajjñeyaṃ caikasaptatiḥ |
tadā sa bhagavānviṣṇurviśvarūpā'vatārakaḥ || 15 ||
[Analyze grammar]

viṣṇuḥ pūrvārddhato jātaḥ parārddhādvāmanaḥ svayam |
bālaḥ satyayuge devo viśvarūpaḥ sanātanaḥ || 16 ||
[Analyze grammar]

catuśśatāni varṣāṇi paramāyurnṛṇāṃ tadā |
tretāyāṃ yauvanaṃ prāptaḥ pūrvārddhātsaṃbhavo hareḥ || 17 ||
[Analyze grammar]

varṣāṇāṃ triśatānāṃ ca nṛṇāmāyuḥ prakīrtitam |
dvāpare vārddhiko devo nṛṇāmāyuḥ śatadvayam || 18 ||
[Analyze grammar]

kalau tu maraṇaṃ prāpto viśvarūpo hariḥ svayam |
nṛṇāmāyuḥ śatābdaṃ ca keṣāṃciddharmaśālinām || 19 ||
[Analyze grammar]

parārddhādvāmano devo mahendrāvarajo hariḥ |
caturbhujo mahāśyāmo garuḍopari saṃsthitaḥ || 20 ||
[Analyze grammar]

viśvarūpahitārthāya triyugī saṃbabhūva ha |
vāmanārddhācca triyugī jāto nārāyaṇaḥ svayam || 21 ||
[Analyze grammar]

śvetarūpo hariḥ satye haṃsākhyo bhagavānsvayam |
tretāyāṃ raktarūpaśca yajñākhyo bhagavānsvayam |
dvāpare pītarūpaśca svarṇagarbho hariḥ svayam || 22 ||
[Analyze grammar]

kalikāle tu saṃprāpte saṃdhyāyāṃ dvāpare yuge |
kalā tu sakalā viṣṇorvāmanasya tathā kalā |
ekībhūtā ca devakyāṃ jāto viṣṇustadā svayam || 23 ||
[Analyze grammar]

vasudevagṛhe ramye mathurāyāṃ ca devatāḥ |
brahmādyāstuṣṭuvurdevaṃ paraṃ brahma sanātanam || 24 ||
[Analyze grammar]

tadā prasanno bhagavāndevānāha śubhaṃ vacaḥ |
devānāṃ ca hitārthāya daityānāṃ nidhanāya ca |
ahaṃ kalau ca bahudhā bhavāmi surasattamāḥ || 25 ||
[Analyze grammar]

divyaṃ vṛṃdāvanaṃ ramyaṃ sūkṣmaṃ bhūtalasaṃsthitam |
tatrāhaṃ ca rahaḥkrīḍāṃ kariṣyāmi kalau yuge || 26 ||
[Analyze grammar]

sarve vedāḥ kalau ghore gopībhūtāḥ samaṃtataḥ |
raṃsyante hi mayā sārddhaṃ tyaktvā bhūmaṃḍalaṃ tadā || 27 ||
[Analyze grammar]

rādhayā prārthito'haṃ vai yadā kaliyugāṃtake |
samāpya ca rahaḥkrīḍāṃ kalkī ca bhavitāsmyaham || 28 ||
[Analyze grammar]

yugāṃtapralayaṃ kṛtvā punarbhūtvā dvidhātanuḥ |
satyadharmaṃ kariṣyāmi satye prāpte surottamāḥ || 29 ||
[Analyze grammar]

iti śrutvā tu te devāstatraivāntarlayaṃ gatāḥ |
evaṃ yugeyuge krīḍā hareradbhutakarmaṇaḥ || 30 ||
[Analyze grammar]

ye tu vai viṣṇubhaktāśca te hi jānaṃti viśvagam |
yathaiva nṛpaterdāsāḥ svarājñaḥ kāryagauravam |
jānaṃti nāpare vipra tathā dāsā hareḥ svayam || 31 ||
[Analyze grammar]

viṣṇuvāṃchānusāreṇa viṣṇumāyā sanātanī |
racitvā vividhāṃllokānmahākālī babhūva ha || 32 ||
[Analyze grammar]

kṛtvā kālamayaṃ sarvaṃ jagadeccarācaram |
paścāttu bhakṣayitvā tānmahāgaurī bhaviṣyati || 33 ||
[Analyze grammar]

namastasyai mahākālyai viṣṇumāye namonamaḥ |
mahāgauri namastubhyamasmānpāhi bhayānvitān || 34 ||
[Analyze grammar]