Chapter 4

sūta uvāca |
svargate bhojarāje tu saptabhūpāstadanvaye |
jātāścālpāyuṣo mandāstriśatābdāntare mṛtāḥ || 1 ||
[Analyze grammar]

bahubhūpavatī bhūmisteṣāṃ rājye babhūva ha |
vīrasiṃhaśca yo bhūpaḥ saptamaḥ saṃprakīrtitaḥ || 2 ||
[Analyze grammar]

tadanvaye tribhūpāśca dviśatābdāntare mṛtāḥ |
gaṃgāsiṃhaśca yo bhūpo daśamaḥ sa prakīrtitaḥ || 3 ||
[Analyze grammar]

kalpakṣetre ca rājyaṃ svaṃ kṛtavāndharmato nṛpaḥ |
antarvedyāṃ kānyakubje jayacandro mahīpatiḥ || 4 ||
[Analyze grammar]

iṃdraprasthenaṃgapālastomarānvayasaṃbhavaḥ |
anye ca bahavo bhūpā babhūvurgrāmarāṣṭrapāḥ || 5 ||
[Analyze grammar]

agnivaṃśasya vistāro babhūva balavattaraḥ |
pūrve tu kapila sthāne vāhīkānte tu paścime || 6 ||
[Analyze grammar]

uttare cīnadeśānte setubaṃdhe tu dakṣiṇe |
ṣaṣṭilakṣāśca bhūpālā grāmapā balavattarāḥ || 7 ||
[Analyze grammar]

agnihotrasya kartāro gobrāhmaṇahitaiṣiṇaḥ |
babhūvurdvāparasamā dharmakṛtyaviśāradāḥ || 8 ||
[Analyze grammar]

dvāparākhyasamaḥ kālaḥ sarvatra parivartate |
gehegehe sthitaṃ dravyaṃ dharmaścaiva janejane || 9 ||
[Analyze grammar]

grāmegrāme sthito devo deśedeśe sthito makhaḥ |
āryadharmakarā mlecchā babhūvuḥ sarvatomukhāḥ || 10 ||
[Analyze grammar]

iti dṛṣṭvā kalirghoro mlecchayā saha bhīrukaḥ |
nīlādrau prāpya matimānhariṃ śaraṇamāyayau || 11 ||
[Analyze grammar]

dvādaśābdamite kāle dhyānayogaparo'bhavat |
dhyānena saccidānaṃdaṃ dṛṣṭvā kṛṣṇaṃ sanātanam || 12 ||
[Analyze grammar]

tuṣṭāva manasā tatra rādhayā sahitaṃ harim |
purāṇamajaraṃ nityaṃ vṛṃdāvananivāsinam || 13 ||
[Analyze grammar]

kaliruvāca |
sāṣṭāṃgaṃ daṃḍavatsvāmingṛhāṇa mama ceśvara |
. pāhi māṃ śaraṇaṃ prāptaṃ caraṇe te kṛpānidhe || 14 ||
[Analyze grammar]

sarvapāpaharastvaṃ vai sarvakālakaro hariḥ |
bhavāngauraḥ satyayuge tretāyāṃ raktarūpakaḥ || 15 ||
[Analyze grammar]

dvāpare pītarūpaśca kṛṣṇatvaṃ mama diṣṭake |
matputrāśca smṛtā mlecchā āryyadharmatvamāgatāḥ || 16 ||
[Analyze grammar]

caturgehaṃ ca me svāmindyūtaṃ madyaṃ suvarṇa kam |
strī hāsyaṃ cāgnivaṃśyaiśca kṣatriyaiśca vināśitam || 17 ||
[Analyze grammar]

tyaktadehastyaktakulastyaktarāṣṭro janārdana |
tvatpādāṃbujamādhāya sthito'haṃ śaraṇaṃ tvayi || 18 ||
[Analyze grammar]

iti śrutvā sa bhagavānkṛṣṇaḥ prāha vihasya tam |
bho kale tava rakṣārthaṃ janiṣyehaṃ mahāvatīm || 19 ||
[Analyze grammar]

mamāṃśo bhūmimāsādya kṣayiṣyati mahābalān |
mlecchavaṃśasya bhūpālānsthāpayiṣyati bhūtale || 20 ||
[Analyze grammar]

ityuktvā bhagavānsākṣāttatraivāntaradhīyata |
kalistu mlecchayā sārdhaṃ paramā naṃdamāptavān || 21 ||
[Analyze grammar]

etasminnantare vipra yathā jātaṃ śṛṇuṣva tat |
ābhīrī vāksare grāme vratapā nāma viśrutā || 22 ||
[Analyze grammar]

navadurgāvrataṃ śreṣṭhaṃ navavarṣaṃ cakāra ha |
prasannā caṃḍikā prāha varaṃ varaya śobhane || 23 ||
[Analyze grammar]

sāha tāṃ yadi me mātarvaro deyastvayeśvari |
rāmakṛṣṇasamau bālau bhaveyāḥ mamānvaye || 24 ||
[Analyze grammar]

tathetyuktvā tu sā devī tatraivāntaradhīyata |
vasumānnāma nṛpatistasyā rūpeṇa mohitaḥ || 25 ||
[Analyze grammar]

udvāhya dharmato bhūpaḥ svagehe tāmavāsayat |
tasyāṃ jātau nṛpātputrau deśarājastu tadvaraḥ || 26 ||
[Analyze grammar]

āvāryo vatsarājaśca śatahastisamo bale |
jitvā tau māgadhāndeśānrājya vaṃtau babhūvatuḥ || 27 ||
[Analyze grammar]

śatayattaḥ smṛto mlecchaḥ śūro vanarasādhipaḥ |
tatputro bhīmasenāṃśo vīraṇobhūcchivājñayā || 28 ||
[Analyze grammar]

tālavṛkṣapramāṇena . cordhvavego hi tasya vai |
tālano nāma vikhyātaḥ śatayattena vai kṛtaḥ || 29 ||
[Analyze grammar]

tābhyāṃ nṛpābhyāṃ tadyuddhamabhavallomaharṣaṇam |
yuddhena hīnatāṃ prāptastālano balavattaraḥ || 30 ||
[Analyze grammar]

tadā maitrī kṛtā tābhyāṃ tālanena samanvitā |
jayacaṃdraparīkṣārthe trayaḥ śūrāḥ samāyayuḥ || 31 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugīyetihāsamuccaye caturtho'dhyāyaḥ || 4 ||
[Analyze grammar]