Chapter 31

ṛṣaya ūcuḥ |
bhagavansarvatīrthānāṃ dānānāṃ kiṃ paraṃ smṛtam |
yatkṛtvā ca kalau ghore parāṃ nirvṛtimāpnuyāt || 1 ||
[Analyze grammar]

sūta uvāca |
sāmanasya sutaḥ śreṣṭhaḥ pāṇinirnāma viśrutaḥ |
kaṇabhugvaraśiṣyaiśca śāstrajñaiḥ sa parājitaḥ || 2 ||
[Analyze grammar]

lajjitaḥ pāṇinistatra gatastīrthāntaraṃ prati |
snātvā sarvāṇi tīrthāni saṃtarpya pitṛdevatāḥ || 3 ||
[Analyze grammar]

kedāramudakaṃ pītvā śivadhyānaparo'bhavat |
parṇāśī saptadivasāñjalabhakṣastato'bhavat || 4 ||
[Analyze grammar]

tato daśadinānte sa vāyubhakṣo daśāhani |
aṣṭāviṃśaddine rudro varaṃ brūhi vaco'bravīt || 5 ||
[Analyze grammar]

śrutvāmṛtamayaṃ vākyamastaudgadgadayā girā |
sarveśaṃ sarvaliṃgeśaṃ girijāvallabhaṃ haram || 6 ||
[Analyze grammar]

pāṇiniruvāca |
namo rudrāya mahate sarveśāya hitaiṣiṇe |
nandīsaṃsthāya devāya vidyābhayakarāya ca || 7 ||
[Analyze grammar]

pāpāntakāya bhargāya namonantāya vedhase |
namo māyāhareśāya namaste lokaśaṃkara || 8 ||
[Analyze grammar]

yadi prasanno deveśa vidyāmūlaprado bhava |
paraṃ tīrthaṃ hi me dehi dvaimāturapitarnamaḥ || 9 ||
[Analyze grammar]

sūta uvāca || |
iti śrutvā mahādevaḥ sūtrāṇi pradadau mudā |
sarvavarṇamayānyeva aiuṇādiśubhāni vai || 10 ||
[Analyze grammar]

jñānahrade satyajale rāga dveṣamalāpahe |
yaḥ prāpto mānase tīrthe sarvatīrthaphalaṃ bhajet || 11 ||
[Analyze grammar]

mānasaṃ hi mahattīrtha brahmadarśanakārakam |
pāṇine te dadau vipra kṛtakṛtyo bhavānbhava || 12 ||
[Analyze grammar]

ityuktvāṃtardadhe rudraḥ pāṇiniḥ svagṛhaṃ yayau |
sūtrapāṭhaṃ dhātupāṭhaṃ gaṇapāṭhaṃ tathaiva ca || 13 ||
[Analyze grammar]

liṃgasūtraṃ tathā kṛtvā paraṃ nirvāṇamāpta vān |
tasmāttvaṃ bhārgavaśreṣṭha mānasaṃ tīrthamācara || 14 ||
[Analyze grammar]

yato yātā svayaṃ gaṃgā sarvatīrthamayī śivā |
gaṃgātīrthātparaṃ tīrthaṃ na bhūtaṃ na bhavi ṣyati || 15 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaya ekatriṃśo'dhyāyaḥ || 31 ||
[Analyze grammar]