Chapter 22

vaitāla uvāca |
bho rājanbilvatīgrāme gaṃgāyāmunamadhyage |
ahaṃ pūrvabhave cāsaṃ kṣatrasiṃho mahīpatiḥ || 1 ||
[Analyze grammar]

tasya grāme vasadvipro vedavedāṃgapāragaḥ |
śaṃbhudatta iti khyāto rudrabhaktiparāyaṇaḥ || 2 ||
[Analyze grammar]

ubhakau tanayau tasya sarvavidyāviśāradau |
viṣṇubhaktaḥ smṛto jyeṣṭho nāmnā līlādharo balī |
śākto'bhavattadanujo mohano nāma śrutaḥ || 3 ||
[Analyze grammar]

kadācitkṣatrasiṃhastu yajñārthī yajñahetave |
śaṃbhudattaṃ samāhūya sasutaṃ dharmakovidam |
svayaṃ ca kārayāmāsa cchāgamedhaṃ surapriyam || 4 ||
[Analyze grammar]

śaṃbhudattastu vṛddhātmā śivabhaktiparāyaṇaḥ |
catuścakrāṃśca saṃsthāpya kalaśaṃ kāryasiddhidam || 5 ||
[Analyze grammar]

havyaiḥ susaṃskṛtai ramyaiścakāra havanaṃ mudā |
chāgamāhūya vidhivatpūjayāmāsa bhūpatiḥ || 6 ||
[Analyze grammar]

līlādharastu taṃ dṛṣṭvā chāgaṃ ca maraṇonmukham |
dayālurveṣṇavo dhīmānabravīdvacanaṃ ruṣā || 7 ||
[Analyze grammar]

dāruṇaṃ narakaṃ yogyamanayā jīvahiṃsayā |
sarveśo bhagavānviṣṇuhiṃsāyajñena duṣyati || 8 ||
[Analyze grammar]

iti śrutvā vacastasya jyeṣṭhabaṃdhośca mohanaḥ |
mṛdupūrvaṃ jahāsoccairvacanaṃ prāha namradhīḥ || 9 ||
[Analyze grammar]

purā satyayuge bhrātarbrāhmaṇā yajñatatparāḥ |
ajenaiva hi yaṣṭavyamiti jñātvā parāṃ śrutim || 10 ||
[Analyze grammar]

tilādhikamajaṃ matvā havye te tu mano dadhuḥ |
tadā śakrādayo devā vahnimadhye samāgatāḥ || 11 ||
[Analyze grammar]

ūcuste madhuraṃ vākyaṃ tvanmataṃ niṣphalapradam |
ajacchāgaḥ smṛto vedaistena yaṣṭavyamantaram || 12 ||
[Analyze grammar]

śrutveti vacanaṃ teṣāṃ vismitā munayo'bhavan |
etasminnaṃtare tatra pitṛyoniramāvasuḥ || 13 ||
[Analyze grammar]

vimānaṃ paramāruhya munīnprovāca nirbhayaḥ |
chāga medhena yaṣṭavyaṃ surāṇāṃ tṛptihetave || 14 ||
[Analyze grammar]

iti śrutvā vacastasya tathā kṛtvā śivaṃ yayuḥ |
tasmāttvaṃ ca mayā sārddhaṃ yajñaṃ kuru mahāmate || 15 ||
[Analyze grammar]

iti śrutvā vaco ghoraṃ līlādhara udāradhīḥ |
mohanaṃ prāha dharmātmā yajñastretāyuge'bhavat || 16 ||
[Analyze grammar]

rajoguṇamayo lokastretāyāṃ saṃbabhūva ha |
hiṃsā satyayuge nāsīddharmastatra catuṣpadaḥ || 17 ||
[Analyze grammar]

havyena tarpitā devā na māṃse raktasaṃbhavaiḥ |
iti śrutvā kṣatrasiṃhastyaktvā chāgaṃ bhayāturam || 18 ||
[Analyze grammar]

phalā'dyaiḥ kārayāmāsa tadā pūrṇāhutīrnṛpa |
etasminnantare devī tāmasī krodhamūrchitā |
nagaraṃ dāhayāmāsa naranārīsamanvitam || 19 ||
[Analyze grammar]

mahāmāyāprabhāveṇa śaṃbhudattaḥ śivapriyaḥ |
sa bhūtvā ca mahonmādī tyaktvā dehaṃ divaṃ yayau || 20 ||
[Analyze grammar]

tadā līlādharo vipro daśaputropajīvakaḥ |
bālānadhyāpayāmāsa grāme padmapure śubhe || 21 ||
[Analyze grammar]

kṣatrasiṃhastu nṛpatirmohanāntikamāyayau |
prasādaṃ kārayāmāsa devamāturanugraham || 22 ||
[Analyze grammar]

mohana uvāca || |
bījamantrajapādbrahmā brāhmīṃ śaktimavāptavān |
tadaṃbāyai namastubhyaṃ mahāvīrāyai namonamaḥ || 23 ||
[Analyze grammar]

japtvā saptaśatīṃ viṣṇurvaiṣṇavīṃ śaktimāptavān |
tadaṃbāyai namastubhyaṃ mahālakṣmyai namonamaḥ || 24 ||
[Analyze grammar]

praṇavāstanayā yasyāsturīyapuruṣapriyā |
tadaṃbāyai namastubhyaṃ praṇavāyai namonamaḥ || 25 ||
[Analyze grammar]

yayā dṛśyamidaṃ jātaṃ yayā vai pālyate jagat |
yasyā dehe sthitaṃ viśvaṃ tadaṃbāyai namonamaḥ || 26 ||
[Analyze grammar]

śacī siddhistathā mṛtyuḥ prabhā gīrvāṇasainikāḥ |
svāhā ca nirṛtī rātrirṛddhirbhuktistvadudbhavā |
lokapālapriyā tvaṃ hi lokamātarnamonamaḥ || 27 ||
[Analyze grammar]

tṛṣṇā tṛptī ratirnnītirhiṃsā kṣāṃtirmatirgatiḥ |
niṃdā stutistatherṣyā ca lajjā tvaṃ hi namonamaḥ || 28 ||
[Analyze grammar]

ityaṣṭakaprabhāveṇa kṣatrasiṃho mahīpatiḥ |
śivalokaṃ gataḥ sādhu rvaitālatvamavāptavān || 29 ||
[Analyze grammar]

tasmāttvaṃ vikramāditya bhaja durgāṃ sanātanīm |
śivājñayā tvahaṃ prāptastvatsamīpe mahīpate || 30 ||
[Analyze grammar]

praśnottareṇa bhūpāla mayā tvaṃ saṃparīkṣitaḥ |
bhujayoste sthitirme syājjahi sarvaripūnbhuvi || 31 ||
[Analyze grammar]

dasyunaṣṭāḥ purīḥ sarvāḥ kṣetrāṇi vividhāni ca |
śāstramānena saṃsthāpya samayaṃ kuru bho nṛpa || 32 ||
[Analyze grammar]

yo nṛpaḥ sarvatīrthāni punaruddhārayiṣyati |
sa hi matsthāpitaṃ saṃvadviparītaṃ kariṣyati || 33 ||
[Analyze grammar]

vikramākhyānakālo'yaṃ punardharmaṃ karoti hi |
dvādaśābdaśataṃ varṣaṃ dvāparo hi pravartate || 34 ||
[Analyze grammar]

tadante bhuvi kṛṣṇāṃśo bhaviṣyati mahā balī |
kaleruddharaṇārthāya mlecchavaṃśavivṛddhaye || 35 ||
[Analyze grammar]

sūtādyā munayaḥ sarve naimiṣāraṇyavāsinaḥ |
viśālāyāṃ samāgatya cakratīrthanivāsinaḥ |
bhaviṣyaṃti mahārāja purāṇaśravaṇe ratāḥ || 36 ||
[Analyze grammar]

ityuktvā sa tu vaitālastatraivāntaradhīyata |
nṛpatirvikramādityaḥ paramānaṃdamāptavān || 37 ||
[Analyze grammar]

tasmādyūyaṃ muniśreṣṭhā jñātvā saṃdhyāṃ samāgatām |
śivaṃ bhajata sarveśaṃ dhyānaniṣṭhāsamanvitāḥ || 38 ||
[Analyze grammar]

iti śrībhaviṣye mahāpurāṇe pratisarga parvaṇi vaturyugakhaṇḍāparaparyāye kaliyugīyetihāsasamuccaye dvāviṃśo'dhyāyaḥ || 22 ||
[Analyze grammar]