Chapter 8

sūta uvāca |
iti śrutvā sa vaitālo rājānamidamabravīt |
videhadeśe bhūpāla nagarī mithilāvatī || 1 ||
[Analyze grammar]

guṇādhipastatra rājā dhanadhānyasamanvitaḥ |
ciraṃdeva iti khyāto rājanyaḥ kaścanāgataḥ || 2 ||
[Analyze grammar]

vṛttyarthaṃ mithilādeśe tatra vāsaṃ cakāra saḥ |
varṣāṃte bhūpatiḥ so'pi caturaṅgabalānvitaḥ || 3 ||
[Analyze grammar]

mṛgayārthe vanaṃ prāptastatra śārdūlamuttamam |
dṛṣṭvā taṃ cāvadhīdrājā krodhatāmrekṣaṇo vane || 4 ||
[Analyze grammar]

vyāghra mārgeṇa bhūpālo vanāntaramupāyayau |
ciraṃdevastu tatpaścādgataḥ sa gahane vane || 5 ||
[Analyze grammar]

kṣutkṣāmakaṇṭho nṛpatiḥ śramasantāpapīḍitaḥ |
ciraṃdevamuvācāśu bhojanaṃ dehi me'dya bhoḥ || 6 ||
[Analyze grammar]

iti śrutvā sa rājanyo hatvā hariṇamuttamam |
saṃskṛtya pradadau rājñe tanmāṃsaṃ bhūpatipriyam || 7 ||
[Analyze grammar]

tuṣṭo bhūpastadā prāha varaṃ varaya sattama |
vāṃchitaṃ te dadāmyāśu sa hovāca mahīpatim || 8 ||
[Analyze grammar]

tvayā sahasramudrāśca khāditā mama bhūpate |
gṛhamānīya bhūpāla tāḥ samarpaya mā ciram || 9 ||
[Analyze grammar]

śatamudrāstu māsānte mahyaṃ dehi kuṭuṃbine |
tathetyuktvā sa nṛpatiḥ svagehaṃ śīghramāyayau || 10 ||
[Analyze grammar]

ekasmindivase rājansa ca rājā guṇādhipaḥ |
ciraṃdevaṃ svabhṛtyaṃ ca preṣayāmāsa sāgare || 11 ||
[Analyze grammar]

sa gatvā sāgarataṭe devīmūrtiṃ dadarśa ha |
nāmnā kusumadāṃ devīṃ mārkaṇḍeyasthalasthitām || 12 ||
[Analyze grammar]

gandharvatanayāṃ subhrūṃ pūjayitvā prasannadhīḥ |
prāṃjaliḥ puratastasthau tadā devī samāgatā || 13 ||
[Analyze grammar]

varaṃ varaya taṃ prāha ciraṃdevastu cābravīt |
pāṇiṃ gṛhāṇa me subhrūstvadrūpeṇa vimohitaḥ || 14 ||
[Analyze grammar]

iti śrutvā tu sā devī vihasyovāca kāminam |
adya snānaṃ vidhehi tvaṃ matkuṇḍe devanirmite || 15 ||
[Analyze grammar]

tathetyuktvā gatastoye plāvito mithilāṃ yayau |
sa sthito bhūpatiṃ prāha kāraṇaṃ vismayapradam || 16 ||
[Analyze grammar]

guṇādhipastu tacchrutvā svabhṛtyena samanvitaḥ |
prāptavānmaṃdire devyāḥ sā bhūyaḥ prāha puṣpadā || 17 ||
[Analyze grammar]

gāṃdharveṇa vivāhena māṃ gṛhāṇa guṇādhipa |
iti śrutvā nṛpaḥ prāha yadi devi vaco mama || 18 ||
[Analyze grammar]

puṇyade tvaṃ gṛhāṇādya tarhi tvāṃ saṃbhajāmyaham |
tatheti matvā taṃ prāha satvaṃ kāryaṃ nivedaya || 19 ||
[Analyze grammar]

sa hovāca śṛṇu tvaṃ bho mama bhṛtyaṃ ciraṃ suram |
bhaja tvaṃ capalāpāṃgi devi satyaṃ vacaḥ kuru || 20 ||
[Analyze grammar]

vrīḍitā tu kathāṃ kṛtvā bhūpatiṃ prāha kāminī |
māṃ bhajasva dayāsiṃdho kāminīṃ śakracoditām || 21 ||
[Analyze grammar]

ciraṃdevaṃ tu saṃprāpya kāmāṃdhā tvāṃ samāgatā |
puṣpadaṃtaruya tanayā gandharvasya śubhānanā |
śāpitā devadevena narabhogakarī hyaham || 22 ||
[Analyze grammar]

iti śrutvā sa bhūpālo dharmātmā śīlavigrahaḥ |
kathaṃ bhajāmyahaṃ subhrūḥ snuṣāmiva sudharmiṇīm || 23 ||
[Analyze grammar]

ciraṃdevastu rājanyo matputra iva vartate |
tasya tvaṃ bhoginī nārī śobhane bhava sāṃpratam || 24 ||
[Analyze grammar]

lajjitā sā tadā devī snuṣevaḥ ca vavarta vai || 25 ||
[Analyze grammar]

ityuktvā bhūpatiṃ prāha vaitālo rudrakiṃkaraḥ |
satyaṃ dharmaśca kasyaiva jātastanme vadasva bhoḥ || 26 ||
[Analyze grammar]

sūta uvāca || |
bhūpatistaṃ vihasyāha ciraṃdevasya jāyate |
satyaṃ dharmaśca vetāla śṛṇu tatkāraṇaṃ śubham || 27 ||
[Analyze grammar]

nṛpāṇāṃ paramo dharmaḥ sarvopakaraṇaṃ smṛtaḥ |
kṛtopakārabhṛtyasya tena tatkiṃ hi satyatā || 28 ||
[Analyze grammar]

bhṛtyena ca kṛtaṃ karma tacchṛṇuṣva vadāmyaham |
vinā vṛttiṃ sthito gehe bhūpaterguṇaśālinaḥ |
sevā vṛttiḥ kṛtā sarvā yathānyairna naraiḥ kṛtā || 29 ||
[Analyze grammar]

paścādbhūpatinā jñātaḥ saṃkaṭe bṛhadāgate |
ciraṃdevastu tasmācca kāraṇādadhiko mataḥ || 30 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye'ṣṭamo'dhyāyaḥ || 8 ||
[Analyze grammar]