Chapter 2

sūta uvāca |
vaiśākhaśuklapakṣe tu tṛtīyāguruvāsare |
sudarśano janaiḥ sārddhamayodhyāmagamatpunaḥ || 1 ||
[Analyze grammar]

māyādevīprabhāveṇa puraṃ sarvaṃ manoharam |
mahāvṛddhiyutaṃ prāptaṃ bahvannaṃ sarvaratnakam || 2 ||
[Analyze grammar]

daśavarṣa sahasrāṇi rājyaṃ kṛtvā sudarśanaḥ |
prāptavāñchāśvataṃ lokaṃ dilīpastatsuto'bhavat || 3 ||
[Analyze grammar]

nandinīvaradānena tatputro raghuruttamaḥ |
daśavarṣasahasrāṇi dilīpo rājyasatkṛtaḥ || 4 ||
[Analyze grammar]

rājyaṃ kṛtaṃ ca raghuṇā dilīpānte pitussamam |
raghuvaṃśastataḥ khyātastretāyāṃ bhṛgunandana || 5 ||
[Analyze grammar]

viprasya varadānena tatputro'ja iti smṛtaḥ |
pitustulyaṃ kṛtaṃ rājyaṃ tasmāddaśaratho'bhavat || 6 ||
[Analyze grammar]

pitustulyaṃ kṛtaṃ rājyaṃ tasmādrāmo hariḥ svayam |
ekādaśa sahasrāṇi rāmarājyaṃ prakīrtitam || 7 ||
[Analyze grammar]

tasya putraḥ kuśo nāma rājyaṃ daśasahasrakam |
atithirnāma tatputraḥ kṛtaṃ rājyaṃ pituḥ samam || 8 ||
[Analyze grammar]

nibandho nāma tatputraḥ kṛtaṃ rājyaṃ pitussamam |
tasmājjāto nalo nāma tretāyāṃ śaktipūjakaḥ || 9 ||
[Analyze grammar]

pitustulyaṃ kṛtaṃ rājyaṃ tasmānnābhaḥ suto'bhavat |
pitustulyaṃ kṛtaṃ rājyaṃ puṃḍarīkaḥ suto'bhavat || 10 ||
[Analyze grammar]

pitustulyaṃ kṛtaṃ rājyaṃ kṣemadhanvā tu tatsutaḥ |
pitustulyaṃ kṛtaṃ rājyaṃ dvārako nāma tatsutaḥ || 11 ||
[Analyze grammar]

pitustulyaṃ kṛtaṃ rājyaṃ tasmājjāto hyahīnajaḥ |
pitustulyaṃ kṛtaṃ rājyaṃ kururnāma sutastataḥ || 12 ||
[Analyze grammar]

kurukṣetraṃ kṛtaṃ tena tretāyāṃ śatayo janam |
tretāpādassamāpto'yaṃ prathamo bhārate'ntare || 13 ||
[Analyze grammar]

pitustulyaṃ kṛtaṃ rājyaṃ pāriyātraḥ suto'bhavat |
pitustulyaṃ kṛtaṃ rājyaṃ dalapālassutastataḥ || 14 ||
[Analyze grammar]

pitustulyaṃ kṛtaṃ rājyaṃ chadmakārī tu tatsutaḥ |
pitustulyaṃ kṛtaṃ rājyaṃ tasmādukthaḥ suto'bhavat || 15 ||
[Analyze grammar]

pitustulyaṃ kṛtaṃ rājyaṃ vajranābhistato'bhavat |
pitustulyaṃ kṛtaṃ rājyaṃ śaṃkhanābhistato'bhavat || 16 ||
[Analyze grammar]

pitustulyaṃ kṛtaṃ rājyaṃ vyutthanābhistato'bhavat |
pitustulyaṃ kṛtaṃ rājyaṃ viśvapālastato'bhavat || 17 ||
[Analyze grammar]

pitustulyaṃ kṛtaṃ rājyaṃ svarṇanābhistu tatsutaḥ |
pitustulyaṃ kṛtaṃ rājyaṃ puṣpasenastu tatsutaḥ || 18 ||
[Analyze grammar]

pitustulyaṃ kṛtaṃ rājyaṃ dhruvasaṃdhistu tatsutaḥ |
pitustulyaṃ kṛtaṃ rājyamapavarmā tu tatsutaḥ || 19 ||
[Analyze grammar]

pitustulyaṃ kṛtaṃ rājyaṃ śīghragantā tu tatsutaḥ |
pitustulyaṃ kṛtaṃ rājyaṃ marupālastu tatsutaḥ || 20 ||
[Analyze grammar]

pitustulyaṃ kṛta rājyaṃ prasūvaśruta ucyate |
pitustujyaṃ kṛtaṃ rājyaṃ susaṃdhistanayo'bhavat |
tretāpādaḥ samāpto'yaṃ prathamo bhārateṃtare || 21 ||
[Analyze grammar]

udayādudayaṃ yāvadrājñā tatra susaṃdhinā |
pitustulyaṃ kṛtaṃ rājyaṃ māmarbastanayastataḥ || 22 ||
[Analyze grammar]

pitustulyaṃ kṛtaṃ rājyaṃ mahā'śvastanayo'bhavat |
pitustulyaṃ kṛtaṃ rājyaṃ bṛhadbālaḥ sutastataḥ || 23 ||
[Analyze grammar]

pitustulyaṃ kṛtaṃ rājyaṃ bṛhadaiśāna eva tat |
pitustulyaṃ kṛtaṃ rājyamurukṣepastato'bhavat || 24 ||
[Analyze grammar]

pitustulyaṃ kṛtaṃ rājyaṃ vatsapālastu tatsutaḥ |
pitustulyaṃ kṛtaṃ rājya vatsavyūhastato'bhavat || 25 ||
[Analyze grammar]

pitustulyaṃ kṛtaṃ rājyaṃ prativyomā tato nṛpaḥ |
pitustulyaṃ kṛtaṃ rājyaṃ suto devakarastataḥ || 26 ||
[Analyze grammar]

pitustulyaṃ kṛtaṃ rājyaṃ sahadevastato'bhavat |
pitustulyaṃ kṛtaṃ rājyaṃ bṛhadaśvastato nṛpaḥ || 27 ||
[Analyze grammar]

pitustulyaṃ kṛtaṃ rājyaṃ bhānuratnastato'bhavat |
pitustulyaṃ kṛtaṃ rājyaṃ supratīkastato'bhavat || 28 ||
[Analyze grammar]

pitustulyaṃ kṛtaṃ rājyaṃ marudevassutastataḥ |
pitustulyaṃ kṛtaṃ rājyaṃ sunakṣatrastato'bhavat || 29 ||
[Analyze grammar]

pitustulyaṃ kṛtaṃ rājyaṃ sutaḥ keśīnarastataḥ |
pitustulyaṃ kṛtaṃ rājyamantarikṣastato nṛpaḥ || 30 ||
[Analyze grammar]

pitustulyaṃ kṛtaṃ rājyaṃ suvarṇāṃgo nṛpo'bhavat |
pitustulyaṃ kṛtaṃ rājyaṃ tasya putro hyamitrajit || 31 ||
[Analyze grammar]

pitustulyaṃ kṛtaṃ rājyaṃ bṛhadrājastato'bhavat || 32 ||
[Analyze grammar]

pitustulyaṃ kṛtaṃ rājyaṃ dharmarājastato nṛpaḥ |
pitustulyaṃ kṛtaṃ rājyaṃ tasmājjātaḥ kṛtañjayaḥ || 33 ||
[Analyze grammar]

pitustulyaṃ kṛtaṃ rājyaṃ tasmājjāto raṇañjayaḥ |
pitustulyaṃ kṛtaṃ rājyaṃ sañjayastatsutaḥ smṛtaḥ || 34 ||
[Analyze grammar]

pitustulyaṃ kṛtaṃ rājyaṃ tatputraḥ śākyavardhanaḥ |
pitustulyaṃ kṛtaṃ rājyaṃ krodhadānastu tatsutaḥ || 35 ||
[Analyze grammar]

pitustulyaṃ kṛtaṃ rājyaṃ tasmādatulavikramaḥ |
pitustulyaṃ kṛtaṃ rājyaṃ tasmājjātaḥ prasenajit || 36 ||
[Analyze grammar]

pitustalyaṃ kṛtaṃ rājyaṃ tatputraḥ śūdrakaḥ smṛtaḥ |
pitustulyaṃ kṛtaṃ rājyaṃ surathastatsuto'bhavat || 37 ||
[Analyze grammar]

piturarddhaṃ kṛtaṃ rājyaṃ sarve tu raghuvaṃśajāḥ |
pañcaṣaṣṭimitā bhūpā devīpūjanatatparāḥ || 38 ||
[Analyze grammar]

hiṃsāyajñaparāḥ sarve svargalokamito gatāḥ |
buddhā jātāśca ye putrāste sarvai varṇasaṃkarāḥ || 39 ||
[Analyze grammar]

tretātṛtīyacaraṇaprārambhena navatāṃ gatāḥ |
indreṇa preṣito bhūmau candramā rohiṇīpatiḥ || 40 ||
[Analyze grammar]

prayāganagare ramye bhūmirājayamacīkarat |
viṣṇubhaktaścandramāśca śivapūjanatatparaḥ || 41 ||
[Analyze grammar]

māyādevīprasannārthe śataṃ yajñamacīkarat |
aṣṭādaśasahasrāṇi rājyaṃ kṛtvā divaṃ gataḥ || 42 ||
[Analyze grammar]

tasya putro budho nāma merudevasya vai sutaḥ |
ilāmudvāhya dharmeṇa tasmājjātaḥ purūravāḥ || 43 ||
[Analyze grammar]

caturdaśasahasrāṇi bhūmirājyamacīkarat |
urvaśīṃ so'pi svarveśyāṃ samayenaiva bhogyavān || 44 ||
[Analyze grammar]

āyurnāma suto jāto dharmātmā viṣṇutatparaḥ |
ṣaṭtriṃśacca sahasrāṇi rājyaṃ kṛtvā purūravāḥ || 45 ||
[Analyze grammar]

gaṃdharvalokaṃ saṃprāpya modate divi devavat |
pitustulyaṃ kṛtaṃ rājyamāyuṣo nahuṣassutaḥ || 46 ||
[Analyze grammar]

pitustulyaṃ kṛtaṃ rājyaṃ tataḥ śakratvamāgataḥ |
trilokīṃ svavaśaṃ cakre varṣamekasahasrakam || 47 ||
[Analyze grammar]

munerduvāsasaḥ śāpānnṛpo'jagaratāṃ gataḥ |
pañca putrā yayāteśca trayo mlecchatvamāgatāḥ || 48 ||
[Analyze grammar]

dvau tathāryatvamāpannau yadujyeṣṭhaḥ pururlaghuḥ |
tapobalaprabhāveṇa rājyaṃ lakṣābdasaṃmitam || 49 ||
[Analyze grammar]

kṛtvā viṣṇuprasādena tato vaikuṇṭhamāgataḥ |
yadoḥ putraḥ smṛtaḥ kroṣṭā rājyaṃ ṣaṣṭisahasrakam || 50 ||
[Analyze grammar]

vṛjinaghnassutastasmādrājyaṃ viṃśatsahasrakam |
tasmātsvāhārcanaḥ putraḥ kṛtaṃ rājyaṃ pitussamam || 51 ||
[Analyze grammar]

tasmāccitrarathaḥ putraḥ kṛtaṃ rājyaṃ pitussamam |
araviṃdassutastasmātkṛtaṃ rājyaṃ pituḥ samam || 52 ||
[Analyze grammar]

atha śravāstato jātastejasvī viṣṇutatparaḥ |
piturarthaṃ kṛtaṃ rājyaṃ tatputrastāmasaḥ smṛtaḥ || 53 ||
[Analyze grammar]

pitustulyaṃ kṛtaṃ rājyaṃ tasmāduśanassutaḥ |
pitustulyaṃ kṛtaṃ rājyaṃ śītāṃśukanṛpo'bhavat || 54 ||
[Analyze grammar]

pitustulyaṃ kṛtaṃ rājyaṃ kamalāṃśustato'bhavat || 55 ||
[Analyze grammar]

pitustulyaṃ kṛtaṃ rājyaṃ pārāvatasutastataḥ |
pitustulyaṃ kṛtaṃ rājyaṃ jāmaghasta tsuto'bhavat || 56 ||
[Analyze grammar]

pitustulyaṃ kṛtaṃ rājyaṃ vidarbhastatsuto'bhavat |
pitustulyaṃ kṛtaṃ rājyaṃ krātho nāma sutastataḥ || 57 ||
[Analyze grammar]

pitustulyaṃ kṛtaṃ rājyaṃ kuntibhojastu tatsutaḥ |
pururdetyasutāputraḥ pātāle vṛṣaparvaṇaḥ || 58 ||
[Analyze grammar]

uṣitvā nagare tasminmāyāvidyastato'bhavat |
prayāgasya pratiṣṭhāne pure rājyamathākarot || 59 ||
[Analyze grammar]

daśavarṣasahasrāṇi rājyaṃ kṛtvā divaṃ gataḥ |
devībhaktaḥ sa nṛpatistatputro janamejayaḥ || 60 ||
[Analyze grammar]

pitustulyaṃ kṛtaṃ rājyaṃ pracinvāṃstatsuto'bhavat |
pitustulyaṃ kṛtaṃ rājyaṃ pravīrastanayo'bhavat || 61 ||
[Analyze grammar]

pitustulyaṃ kṛtaṃ rājyaṃ nabhasyastanayo'bhavat |
pitustulyaṃ kṛtaṃ rājyaṃ bhavadastatsutassmṛtaḥ || 62 ||
[Analyze grammar]

pitustulyaṃ kṛtaṃ rājyaṃ sudyumnastanayo'bhavat |
pitustulyaṃ kṛtaṃ rājyaṃ putro bāhugaraḥ smṛtaḥ || 63 ||
[Analyze grammar]

pitustulyaṃ kṛtaṃ rājyaṃ saṃyātistanayo'bhavat |
pitustulyaṃ kṛtaṃ rājyaṃ dhanayātistato'bhavat || 64 ||
[Analyze grammar]

pitustulyaṃ kṛtaṃ rājyamaindrāśvastanayo'bhavat |
pitustulyaṃ kṛtaṃ rājyaṃ tasmādraṃtinaraḥ sutaḥ || 65 ||
[Analyze grammar]

pitustulyaṃ kṛtaṃ rājyaṃ tatputraḥ sutapāḥ smṛtaḥ |
pitustusyaṃ kṛtaṃ rājyaṃ saṃvaraṇastanayastataḥ || 66 ||
[Analyze grammar]

himālayagirau prāpte tapaḥ kartuṃ mano dadhat |
śatavarṣaṃ tataḥ sūryastapatīṃ nāma kanyakām || 67 ||
[Analyze grammar]

saṃvaraṇāya dadau tuṣṭo ravilokaṃ nṛpo gataḥ |
tato māyāprabhāvena yugaṃ pralayamāgatam || 68 ||
[Analyze grammar]

catvāraḥ sāgarā vṛddhā bhārataṃ kṣayatāṃ gatam |
dvivarṣe sāgare bhūmiruṣitvā bhūdharaissaha || 69 ||
[Analyze grammar]

mahāvāyuprabhāvena sāgarāḥ śuṣkatāṃ gatāḥ |
agastyatejasā bhūmiḥ sthalī bhūtvā pradṛśyate || 70 ||
[Analyze grammar]

pañcavarṣāṃtare bhūmirvṛkṣadūrvādisaṃyutā |
sūryājñayā ca saṃvarṇastapatyā muninā saha || 71 ||
[Analyze grammar]

vaśiṣṭhena trivarṇaiśca mukhyaiḥ sārddhaṃ samāgataḥ || 72 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye tretāyugabhūpākhyānaṃ nāma dvitīyodhyāyaḥ || 2 ||
[Analyze grammar]