Chapter 20

sūta uvāca |
durnimittānyatho vakṣye śṛṇvaṃtu munisattamāḥ |
yasya ye grahadoṣāḥ syusteṣāṃ śāṃtiṃ yathākramāt || 1 ||
[Analyze grammar]

divyaṃtarikṣe bhaume cetyevaṃ triḥ parikīrtitam |
graharkṣādyaiḥ kṛtaṃ divyamāntarikṣaṃ nibodha me || 2 ||
[Analyze grammar]

ulkāhito diśo dāhaḥ pariveṣastathaiva ca |
jalāśayānāṃ vai kṛtyaṃ bhaumaṃ tadapi kīrtitam || 3 ||
[Analyze grammar]

bhaumaṃ cālpaphalaṃ jñeyaṃ divyāntarikṣameva ca |
saptāhamaphalaṃ dadyāddaivaṃ cāpi ca tatkṣaṇāt || 4 ||
[Analyze grammar]

devānāṃ hasanaṃ caiva kalkanaṃ rudhirasravaḥ |
akasmādvyasanaṃ tatra yatra nirghātanirdayaḥ |
sarpādyārohaṇaṃ caiva daivaṃ tadapi kīrtitam || 5 ||
[Analyze grammar]

tato meghātsamutpannā yadi vṛṣṭiḥ śilātale |
saptāhābhyaṃtare jīvamutpannaṃ niṣphalaṃ bhavet || 6 ||
[Analyze grammar]

ekarāśisthitāḥ pāpāḥ śanibhaumadivākarāḥ |
pṛthvī dhūmākulā tatra rudaṃti bahavo janāḥ || 7 ||
[Analyze grammar]

abhicāraṃ gate jīve śanau ca tatra nāgate |
tatra paśyati rājendraḥ ko dharāṃ dhārayiṣyati || 8 ||
[Analyze grammar]

sūryamapaśyano dvaṃdvaṃ digdāhaśca tathaiva ca |
darśanaṃ dhūmaketośca nakṣatre dhūmadarśanam || 9 ||
[Analyze grammar]

bhūkampa eva māse ca ekamāse tathā dine |
rājño janmadine vātha śakracāpaṃ dināṃtare || 10 ||
[Analyze grammar]

darśanaṃ kharavātasya grahayuddhasya darśanam |
māsatraye tu grahaṇamulkāpātaprapātanam || 11 ||
[Analyze grammar]

ākāśe'pyatha bhūmau ca tatra maṇḍūkameva ca |
haridrāvṛṣṭiḥ pāṣāṇe siṃhabilvākṛtiryadi |
darśane rāṣṭradurbhikṣamakaraṃ nṛpatikṣayaḥ || 12 ||
[Analyze grammar]

caitre kumbhe nadīvegadarśane viplavo bhavet |
arka syādbhutametaddhi srugyuktaṃ śrapayeccarum || 13 ||
[Analyze grammar]

1 ākṛṣṇeneti mantreṇa atha vārkeṇa yatnataḥ |
prāsādatoraṇaṃ tatra dvāraṃ343 prākāraveśma ca || 14 ||
[Analyze grammar]

dhānyasāraṃ gavāṃ sāraṃ kūpe kumbhapradarśanam |
ādityasyādbhutaṃ vidyātkamalaṃ juhuyāttataḥ || 15 ||
[Analyze grammar]

sahasraṃ juhuyādvātha tataḥ śāṃtirbhaveddhruvam |
vikṛtāḥ pakṣiṇaścaiva pāṃḍukapotakāstataḥ || 16 ||
[Analyze grammar]

śvetolūko bṛhaṃścaiva droṇakākaśca kokilaḥ |
krauṃcaśca varddhanī caiva nipataṃti gṛhe yadi || 17 ||
[Analyze grammar]

gṛhe tasya mahotpāto bhaviṣyati na saṃśayaḥ |
sthūlabhaṅgapragrahaṇaṃ prarohaṇamathāpi vā || 18 ||
[Analyze grammar]

hārāḥ kaṭakaṭāyaṃte jātasya daṃtasambhavaḥ |
hasatā devatānāṃ ca gātre svedaśca jāyate |
sarpamaṇḍūkaprasavaḥ kuṃbhe vāpi kvacidbhavet || 19 ||
[Analyze grammar]

nimittānyevamādīni jāyaṃte yasya veśmani |
ṣaḍbhirmāsaiśca mriyate gṛhiṇī ca śubhā ca yā || 20 ||
[Analyze grammar]

aśaniḥ patate yatra gṛhe vajraṃ ca pādape |
śuklā vahnisphuliṃgāśca tasya viddhi mahadbhayam || 21 ||
[Analyze grammar]

kharjūra udarāvarte nikocagarale'pi ca |
phalivṛkṣe tinduke ca yatra nirjāyate kvacit || 22 ||
[Analyze grammar]

udyāne devagehe ca svagṛhe caityavṛkṣake |
kuryādādityavāre vā ayutaṃ tilapāyasam |
tataḥ śāṃtirbhavedāśu dhenuṃ dadyācca dakṣiṇām || 23 ||
[Analyze grammar]

pāyasaṃ tilamudgau ca puṣpaṃ vā tālavṛntakam |
ikṣumodakapiṇyākāñjuhuyādravimuddiśan || 24 ||
[Analyze grammar]

siṃhāsanaṃ rathacchatraṃ dhvajaścāmarabhūṣite |
akasmāddṛśyate yatra rājño vānyatra kutracit || 25 ||
[Analyze grammar]

nadayaṃti ca satyasyojjvalanaṃ strīpuruṣayoḥ |
āgamasya ca dṛṣṭvaiva bhaṃgaḥ kaṭakaṭāyanam || 26 ||
[Analyze grammar]

upariṣṭādbhavedyasya mahotpāto bhavedayam |
calatvaṃ cādharasyāpi tathā kaṭakaṭāyanam || 27 ||
[Analyze grammar]

ruditaṃ kokilasyāpi ulūkopyaśubhaṃ vadet |
rājāmātyavināśāya mahīṃ ca tatsuto'pi vā |
hastino madayuktāśca mriyaṃte nātra saṃśayaḥ || 28 ||
[Analyze grammar]

tāḍīpūgādayo yatra yamau syātāṃ pramādataḥ |
gehī tatra vinaśyeta sadāraḥ putrasaṃyutaḥ || 29 ||
[Analyze grammar]

baddhapuṣpe yadā puṣpaṃ phalaṃ vā yadi dṛśyate |
akṣatādarśanāttatra somasyādbhutadarśanam |
dadhi madhu ghṛtaṃ caiva juhuyādayutaṃ dvijāḥ || 30 ||
[Analyze grammar]

pālāśaṃ somamuddiśya somasya ca bhaveddine |
2 imaṃdevā iti maṃtreṇa somāya śrapayeccarum || 31 ||
[Analyze grammar]

utpataṃti gṛhe yasya yavā māṣāśca puṣkalāḥ |
dadhikṣīrājyapākeṣu rudhiraṃ dṛśyate yadi || 32 ||
[Analyze grammar]

akasmādgṛhadāhastu anagnijvalanaṃ yathā |
meghahīnā bhavedvidyudvṛṣasyodgamanaṃ tathā || 33 ||
[Analyze grammar]

vyādhilīnā vinaśyaṃti nikhilāḥ paśumānuṣāḥ |
evaṃ sarvāṇi bhūtāni bhavaṃtyakārake dhruvam || 34 ||
[Analyze grammar]

rājāmātyavināśāya gehe gehī vinaśyati |
prāṇanāśāya viprāyāhutyā ca prabhavaṃti hi || 35 ||
[Analyze grammar]

dṛṣṭvā vābhadramatyugraṃ juhuyādayutaṃ kramāt |
dadhimadhughṛtairyuktaṃ khādirodumbare'pi ca || 36 ||
[Analyze grammar]

3 agnirmūddheṃti maṃtreṇa śrapitaṃ lohitaṃ carum |
triviprānbhojayeddadyāddakṣiṇāṃ lohitaṃ tataḥ |
svarṇamaṃgāramuddiśya tataḥ śāṃtiḥ prajāyate || 37 ||
[Analyze grammar]

puṣpaṃ vā pātayedyatra phalaṃ vāpi tathaiva ca |
dadhyannaṃ ca ghṛtairmiśraṃ raupyaṃ hiraṇyameva ca || 38 ||
[Analyze grammar]

hastyaśvamahiṣā gāvo dārāpatyadhanāni ca |
tuṣṭenāṃgārakeṇaiva sarvametatpradīyatām |
āṃgārakeṇa maṃtreṇa khādiraṃ cākṣatairyutam || 39 ||
[Analyze grammar]

dakṣiṇāṃ ca yathāśakti dadyādviprāya vā punaḥ |
lohitaṃ ca baliṃ dadyāttataḥ saṃpadyate śubham || 40 ||
[Analyze grammar]

dhāvaṃti cordhvapucchāśca gṛhe gāvaḥ svayaṃ yadi |
ārohaṃti gṛhaṃ viprāḥ sārameyāśca sūkarāḥ || 41 ||
[Analyze grammar]

gṛhe yasya bhavaṃtyete tasya bhāryā vinaśyati |
sarveṣāṃ vā bhavenmṛtyurvaṃdhyā gaurvā prajāyate || 42 ||
[Analyze grammar]

mithyāvādena gehī ca rājñā vādaiśca tiṣṭhati |
atha vā yadgṛhe gāvo nardayaṃti hasaṃti ca || 43 ||
[Analyze grammar]

dharaṇīhananaṃ yatra dvayorāskadanaṃ tathā |
nimittānyevamādīni gośvajātāni sattamāḥ || 44 ||
[Analyze grammar]

yasya gehe bhavaṃtyete nāśastasya bhaveddhruvam |
maṇḍūkasarpakūṣmāṃḍāḥ prasuvaṃti yathā striyaḥ || 45 ||
[Analyze grammar]

akasmādyadi caitāni budhasyotpātalakṣaṇam |
śāṃtiṃ tatra pravakṣyāmi yathā saṃpadyate sukham || 46 ||
[Analyze grammar]

dadhimadhughṛtāktaṃ ca apāmārgaṃ tathā punaḥ |
ayutaṃ budhavāre ca juhuyācchraddhayā yutaḥ || 47 ||
[Analyze grammar]

aṃbaketi ca maṃtreṇa budhāya śrapayeccarum |
suvarṇaṃ budhamuddiśya gāṃ ca dadyātpayasvinīm || 48 ||
[Analyze grammar]

suvarṇaṃ puṣpavṛṣṭiṃ ca suphalaṃ cākṣataṃ tathā |
gṛhe prāṃgaṇake yasya nipataṃti kadācana || 49 ||
[Analyze grammar]

alaṃkārayutāṃ vāpi sarvābharaṇabhūṣitām |
gṛhamadhye tu yaḥ paśye tkṣīṇāmaṃtarhitāṃ striyam || 50 ||
[Analyze grammar]

akasmānmālatīpuṣpaṃ jātaṃ syāttasya vā gṛhe |
somāya na ca saṃtuṣṭaḥ sarvametatpradṛśyate || 51 ||
[Analyze grammar]

dhanaṃ dhānyaṃ tathā putra aiśvaryaṃ ca varastriyaḥ |
sabhṛtyāśca mahiṣyaśca mariṣyaṃti na saṃśayaḥ || 52 ||
[Analyze grammar]

śrīścateti ca mantreṇa apāmārgaṃ tathā budhaḥ |
sahasraṃ budhavāre ca juhuyād ghṛtasaṃyutam || 53 ||
[Analyze grammar]

payasvinīṃ tathā gāṃ ca vāsoyugasamanvitam |
dvijāya śraddhayā dadyāttataḥ saṃpadyate śubham || 54 ||
[Analyze grammar]

raktasrāvo bhavedyatra tatra ṛtvikprasūyate |
siṃhavyāghragavādīnāṃ dhanahānivipatkaraḥ || 55 ||
[Analyze grammar]

eko vṛṣastrayo gāvaḥ saptāṣṭa nava daṃtinaḥ |
saṃvatsareṇa tasyaikā prasūtirvihatā punaḥ || 56 ||
[Analyze grammar]

punaḥpunarvrataṃ cāśu akāle maithunaṃ tathā |
gāvo yatra prasūyaṃte yamau doṣakarāvimau || 57 ||
[Analyze grammar]

bhuñjīkṛtāni dhānyāni vrīhayo yavataṃḍulāḥ |
grāvimārjāramaṃḍūkāḥ sthūṇābhaṃge ca prāṅgaṇe || 58 ||
[Analyze grammar]

vikiraṃti nakhairbhūmiṃ prarohaṃti grahaṃ tathā |
gṛhe yasya prajāyaṃte tasyā mṛtyurna saṃśayaḥ || 59 ||
[Analyze grammar]

ṣaṇmāsābhyantare yatra śmaśānaṃ yāsyati dhruvam |
kalahaṃ jñātivairaṃ ca vyādhipīḍā bhaviṣyati || 60 ||
[Analyze grammar]

vipralāpo mitra nāśa iṣṭeṣvaniṣṭadarśanam |
bhāryāputravināśaśca bhavedeṣu viniścitam || 61 ||
[Analyze grammar]

kriyāvaṃtaṃ yadā kurvankurvīta gṛdhrabilvake |
tadā rājñāṃ vibhramaśca tathā gṛhavināśanam || 62 ||
[Analyze grammar]

amātyavargāśca pure rājñāṃ rājyaparāṅmukhāḥ |
bṛhaspatiṃ samuddiśya gāṃ ca dadyātpayasvinīm || 63 ||
[Analyze grammar]

vārimaṃḍe ca kūpe ca vāpyāṃ ca madhukāṃjike |
kṣīraṃ dadhighṛtaṃ caiva jātaṃ yadi bhaviṣyati || 64 ||
[Analyze grammar]

akasmāttatra vṛkṣaśca phalena saha saṃyutaḥ |
gṛhamadhye prajāyeta tataḥ saṃpadyate śubham || 65 ||
[Analyze grammar]

bṛhaspatestu tuṣṭasya sarvametannidarśanam |
gauraṃ bṛhaspateścaiva prakuryātprāyadakṣiṇām || 66 ||
[Analyze grammar]

aśubhaṃ hi śubhenaiva śāṃtiṃ homaṃ ca kārayet |
tatraiva rākṣasaṃ yatra ghaṭakaṃ pariśoṣaṇam || 67 ||
[Analyze grammar]

kesarī śarkarā tailaṃ rājataṃ tāṃḍavaṃ sthitam |
māṣabhaktaṃ tathā dhānyaṃ suvarṇaṃ rajatāni ca || 68 ||
[Analyze grammar]

tāmraṃ kāṃsyaṃ tathā lohaṃ sīsakaṃ pittalaṃ tathā |
sthāpitānīva dṛśyaṃte gṛhe caitāni yasya vai || 69 ||
[Analyze grammar]

dhananāśo bhavettasya svarga bhaṃgo hyathāpi vā |
vyādhipīḍe tathā ghore rājopadravabaṃdhane |
gajāśvapaśubhṛtyānāṃ vināśo jāyate dhruvam || 70 ||
[Analyze grammar]

yasyaitāni pradṛśyaṃte parvataḥ kanakāni ca |
saṃpattasya prajāyeta niścalā sukhadā sadā || 71 ||
[Analyze grammar]

daṃtottareṣu daṃtāśca paṃktimākramya saṃsthitāḥ |
te'pi doṣakarāḥ sarve śalā kākṛtinastathā |
upadaṃtāśca sarve te na te doṣakarāḥ kvacit || 72 ||
[Analyze grammar]

bhāṃḍe kuṃbhe yadā caiva śrūyate ghanagarjitam |
kaṃcukānāṃ gṛhe caiva prākāraḥ śrūyate yadi || 73 ||
[Analyze grammar]

mūṣikānāṃ mukhe caiva jvalaṃtī yasya paśyati |
gehī tatraiva naśyeta śukrasyādbhutadarśanam || 74 ||
[Analyze grammar]

śāṃtiṃ tatra pravakṣyāmi yayā saṃpadyate śubham |
śamīpatraṃ nirmitaṃ ca yavairyuktaṃ gṛhiṇyapi |
dadhimadhughṛtāktaṃ ca juhuyādbhārgave dine || 75 ||
[Analyze grammar]

śuklavāsoyugaṃ caiva gāṃ ca śuklāṃ payasvinīm |
suvarṇaṃ śraddhayā caiva dadyādviprāya dakṣiṇām || 76 ||
[Analyze grammar]

devāgāre yadā bhūmirlohitā yasya dṛśyate |
puṣpitā dṛśyate loke tatra viddhi mahadbhayam || 77 ||
[Analyze grammar]

rājā vā rājaputro vā rājyaṃ vāpi vinaśyati |
maṃtriṇo maṃtriputrāśca mriyaṃte nātra saṃśayaḥ || 78 ||
[Analyze grammar]

yatra vā dṛśyate loke gṛhe yasya supūjitāḥ |
puṣpitāśca gṛhastaṃbhāḥ śarīraṃ ca ghaṭastathā || 79 ||
[Analyze grammar]

hastyaśvamahiṣāścaiva ajā gāvastathaiva ca |
nityaṃ svāmivadhārthāya puṣpitāṃ pravahaṃti ca || 80 ||
[Analyze grammar]

gṛhe haṃso gṛhe samyaṅmaṇḍūkā jalacāriṇaḥ |
dvāre praviśya sarpaśca pratimāyāḥ prakalpanam || 81 ||
[Analyze grammar]

akasmāddhaṭaśabdopi yatra kutrāpi jāyate |
sravaṃti pramadā yatra bhinnāste syurnavāṃgikāḥ || 82 ||
[Analyze grammar]

gṛhī tatra vinaśyeta saputrapaśubāṃdhavaḥ |
dhanuḥkhaḍgadharā rātrau madhyāhne cāndrake tathā || 83 ||
[Analyze grammar]

udito dṛśyate vyomni jvalitaḥ pāvakastathā |
manuṣyāṅganānāṃ maraṇaṃ tathā syādrāṣṭraviplavaḥ || 84 ||
[Analyze grammar]

rasasiddhāni vastūni surādyāścāpi vā punaḥ |
hastino madayuktāśca aśvā dhīritahiṃsakāḥ |
vinaśyaṃti sadā caite śaneradbhutadarśane || 85 ||
[Analyze grammar]

nagare vā tathā grāme jāyante tasya vairiṇaḥ |
divā vā yadi vā rātrau śaneradbhutadarśanam || 86 ||
[Analyze grammar]

mṛgavyāghrādirakṣāṃsi tathā gomahiṣā api |
utpataṃti yadā caite śaneradbhutamādiśet || 87 ||
[Analyze grammar]

nidhimaṃtraṃ pravakṣyāmi yena saṃpadyate śubham |
juhuyādayutaṃ samyaksasyāṃśca samidhaṃ dvijāḥ || 88 ||
[Analyze grammar]

śanno devīti maṃtreṇa śubhārthaṃ śanivāsare |
caruṃ ca śrapayettatra samuddiśya śanaiścaram || 89 ||
[Analyze grammar]

gāṃ ca nīlāṃ tato dadyājjīvadvatsāṃ payasvinīm |
vāsoyugaṃ ca viprāya suvarṇaṃ rajataṃ tathā || 90 ||
[Analyze grammar]

dattvā tu śraddhayā samyagdakṣiṇāṃ śirasi sthitām |
vidhiṃ homāvasāne tu tataḥ saṃpadyate śubham || 91 ||
[Analyze grammar]

yadā dvāre godhikā ca śaṃkhinī praviśedgṛham |
tadā'śubhaṃ vijānīyādrājapīḍā dhanakṣayaḥ |
ayutaṃ juhuyātsamyaktataḥ saṃpadyate śubham || 92 ||
[Analyze grammar]

vinā garjitameghena śilāvṛṣṭiḥ prajāyate |
raktamiśrā hi pāṃḍuśca patantī yatra dṛśyate || 93 ||
[Analyze grammar]

tatra saṃdṛśyate cābhraṃ vṛkṣā vātavivarjitāḥ |
śakradhvajastathā cāpaṃ patanaṃ sumanasya ca || 94 ||
[Analyze grammar]

divā śivā purā rauti ulūko vā niśācaraḥ |
niśi nipatya kākutsthe pradeśe rauti vā vṛṣaḥ || 95 ||
[Analyze grammar]

adharmaprabalā deśā rājā dharmaparāṅmukhaḥ |
anyonyaṃ ca jighāṃsaṃti gobrāhmaṇamathāpi vā || 96 ||
[Analyze grammar]

gṛhe gṛhī vinaśyecca saputrapaśubāṃdhavaḥ |
utsānaṃ dvāradeśe'sya maraṇaṃ rāṣṭravibhramaḥ || 97 ||
[Analyze grammar]

rājyanāśo bhavedrājño maraṇaṃ vāhanasya ca |
viparītāni deśāni kramataḥ saṃbhavaṃti hi || 98 ||
[Analyze grammar]

rāhuṇā grastasūryo'pi niśi cātha yadā divā |
tārakāgaṇavaccaiva rājñāṃ nidhanakārakaḥ || 99 ||
[Analyze grammar]

sahāmātyā vinaśyaṃti svarge ye ca sudurjayāḥ |
paracakreṇa pātyaṃte rājāno nātra saṃśayaḥ || 100 ||
[Analyze grammar]

chāyādhvajaśca gagane dṛśyate cetkadācana |
darśanādeva rājñastu vināśaḥ saharāṣṭrakaiḥ || 101 ||
[Analyze grammar]

jvalito dṛśyate yatra pāvakaśca sakṛjjale |
vajre śirasi gātre vā jīvitaṃ tasya durlabham || 102 ||
[Analyze grammar]

dvāropāṃte tathā staṃbhe āgnirvā dhūma eva vā |
puruṣasya tu tatraiva maraṇaṃ jāyate dhruvam || 103 ||
[Analyze grammar]

gagane'śanighātaśca śaktihastena vā punaḥ |
abdasyābhyaṃtare tasya maraṇaṃ nātra saṃśayaḥ || 104 ||
[Analyze grammar]

śikhāvalayamadhye tu sadhūmaḥ pāvakodgamaḥ |
dṛśyate nagare madhye tatraivādbhutadarśanam || 105 ||
[Analyze grammar]

śavasya nīyamānasya utthānaṃ vā pramādataḥ |
sthāpitasya ca liṃgasya anyatra gamanaṃ tathā || 106 ||
[Analyze grammar]

nirghātaścāpi bhūkaṃpo nivātolkāpradarśanam |
akāle puṣpitā vṛkṣāḥ phalaṃ cākālasaṃbhavam || 107 ||
[Analyze grammar]

animittāni sarvāṇi dūramāgatya nirbharam |
animittasya nāśo yaḥ saiṃhikeyakṛtasya ca || 108 ||
[Analyze grammar]

narāṇāmāsanaṃ caiva gavāṃ vā mānuṣīgirā |
pakṣamātrāṃtare tasya putrasya maraṇaṃ diśet || 109 ||
[Analyze grammar]

ayutaṃ juhuyāttatra rāhumuddiśya yatnataḥ |
śāṃtimatra pravakṣyāmi yayā saṃpadyate śubham || 110 ||
[Analyze grammar]

dadhimadhughṛtāktaṃ ca kuryāddūrvākṣataṃ tathā |
kalāyu iti mantreṇa juhuyādravivāsare || 111 ||
[Analyze grammar]

caruṃ ca śrapayettatra rāhumudiśya saṃśrayāt |
homaṃ kuryāttato gāṃ ca kapilāṃ ca payasvinīm || 112 ||
[Analyze grammar]

atasī tilaśaṃkhau vā vāsoyugamathāpi vā |
śraddhayā rāhumuddiśya dadyādviprāya dakṣiṇām || 113 ||
[Analyze grammar]

duritasya vināśāya tasya saṃpadyate śubham |
dadhimadhughṛtakṣīreṇa vāruṇena ca vāruṇe || 114 ||
[Analyze grammar]

dṛśyate cādbhutaṃ teṣu viśiṣṭairdoṣadarśibhiḥ |
gṛhī tatra vinaṣṭaśca bhavetsapaśubāṃdhavaḥ || 115 ||
[Analyze grammar]

dṛśyaṃte tatra krauñcāśca jaṃbukā gṛdhravāyasāḥ |
dāruṇaṃ bhīṣaṇaṃ ghoraṃ nṛtyaṃti ca hasaṃti ca || 116 ||
[Analyze grammar]

maithunāni ca sarveṣāṃ yasya vāse bhavedyadi |
mṛtyustasya bhavedāśu īśvarasya ca śāsanāt || 117 ||
[Analyze grammar]

dhūmaketuryadā vyomni jvalatpāvaka sannibhaḥ |
sthānātsthānāṃtaraṃ yāti bhūmau vā patate bhṛśam |
sabaṃdhurasyate rājā paracakraiḥ sa pīḍitaḥ || 118 ||
[Analyze grammar]

durbhikṣaṃ maraṇaṃ caiva ciraṃ rāṣṭre bhaviṣyati |
gāvo markaṭakuṃbhā va viśaṃte gṛhaveśmani || 119 ||
[Analyze grammar]

gāvaśca tasya naśyaṃti dārāpatyadhanāni ca |
anyasya doṣo bhavati gṛhe yāṃti pramādataḥ || 120 ||
[Analyze grammar]

abdāṃtare bhavenmṛtyurvirajā hi bhaviṣyati |
śāṃtimatra pravakṣyāmi yayā saṃpadyate śubham || 121 ||
[Analyze grammar]

saptāśvarathasaṃyuktaṃ hemacchatravibhūṣitam |
viprāya maṃḍapaṃ dadyādbilvapatramathāpi vā || 122 ||
[Analyze grammar]

aiṃdreṇaiva tu mantreṇa homaḥ kāryo dvijātibhiḥ |
akasmācchālatālākṣakhadirotpalaserakāḥ || 123 ||
[Analyze grammar]

gṛhamadhye prajāyeta ketoradbhutadarśanam |
haṃso vā droṇakāko vā mayūro vā gṛhopari || 124 ||
[Analyze grammar]

gṛhe tasya mahotpātaḥ ketoradbhutadarśanam |
śāṃtimatra pravakṣyāmi yayā saṃpadyate śubham || 125 ||
[Analyze grammar]

dadhimadhughṛtāktaṃ ca juhuyādayutaṃ kuśam |
4 tryaṃbakaṃ ceti mantreṇa ketavebhivape ccarum || 126 ||
[Analyze grammar]

nīlāṃ dhenuṃ savatsāṃ ca bahukṣīrapradāṃ tathā |
mṛttikāṃ hemavāsaśca nānālaṃkārameva ca || 127 ||
[Analyze grammar]

dakṣiṇāṃ ca pravakṣyāmi yasya nāsti pratikriyā |
devamuddiśya dānena homena caruṇā tathā || 128 ||
[Analyze grammar]

dakṣiṇasyāṃ diśi cchāyāṃ yaḥ paśyedātmanaḥ svayam |
svacchāyāṃ pādukasyaiva paśyetpañcaśirodvayam || 129 ||
[Analyze grammar]

evamevaiva yacchinnaṃ śinaṣṭi ca tato hitam |
śīghraṃ nāśamavāpnoti saptāhānnātra saṃśayaḥ || 130 ||
[Analyze grammar]

uccāvacānpravakṣyāmi yathā śāstreṇa coditam |
kākamārjāraśūkānāṃ kapotānāṃ viśeṣataḥ |
maithunaṃ dṛśyate yatra tacca rāhormahādbhutam || 131 ||
[Analyze grammar]

śanimuddiśya juhuyādayutaṃ śanivāsare |
pūjayedarkapuṣpeṇa śatena juhuyāccarum || 132 ||
[Analyze grammar]

kṛtvā tatraiva paśyeta śaneradbhutadarśanam |
aṣṭāviṃśaṃ caruṃ kṛtvā tataḥ śāṃtirbhaveddhruvam || 133 ||
[Analyze grammar]

bhujapadostathā cakṣuḥspaṃdane maraṇaṃ diśet |
tattu somādbhutaṃ vidyādvāmadakṣiṇataḥ kramāt || 134 ||
[Analyze grammar]

kṛṣṇapakṣe bhavedvāme viparīte'dbhutaṃ diśet |
aniṣṭasūcakaṃ yasmāttasmācchāṃtiṃ prakalpayet || 135 ||
[Analyze grammar]

śatārddhaṃ ravimuddiśya śāntyarthe homamācaret |
carupākavidhānena yavaistilasusarpiṣā || 136 ||
[Analyze grammar]

pustake yajñasūtraṃ ca asatpātre carau tu vā |
śakravastrapradagdhe ca sūryasyādbhutadarśanam || 137 ||
[Analyze grammar]

hayamāraṃ trimadhvaktaṃ juhuyādiṣṭasiddhaye |
devapustakaratnāni maṇikāṃcanameva ca || 138 ||
[Analyze grammar]

lohitasyādbhutaṃ vidyātsahasraṃ ca viśodhanam |
devāgāre tathā godhā śaṃkhinī praviśetkvacit || 139 ||
[Analyze grammar]

droṇakāko bakaścaiva ulūkadvayameva ca |
raktakaṃṭhaḥ kapotaśca vyāghra eṇaśca vā viśet || 140 ||
[Analyze grammar]

yasya devagṛhaṃ paśyettasya tasyāyutaṃ hunet |
na cātra gṛhavaikṛtyaṃ hasanaṃ yadi dṛśyate |
saṃpattisūcakaṃ gehe maraṇaṃ duḥkhadarśanam || 141 ||
[Analyze grammar]

kraṃdane hatarājyena gajāśvavāhane kvacit |
sūryamuddiśya juhuyādayutaṃ sarvasiddhaye || 142 ||
[Analyze grammar]

pramādātkaṃpane hāniḥ svede jāte vipadbhavet |
kṣīrasrāve ca rudhire tatra rājye mahadbhayam || 143 ||
[Analyze grammar]

gocchāgau vātha gomāyurgṛhopari pranṛtyati |
yadā rauti divā pherustadā nāśo bhaveddhruvam || 144 ||
[Analyze grammar]

śvajaṃbukāvatha vyāghro yathāśakti ca dhāvati |
īśāne mahiṣastadvattadā deśe ca viplavaḥ || 145 ||
[Analyze grammar]

rāhoradbhutamudiśya sahasraṃ juhuyāccarum |
vṛkṣādbhutaṃ yadā paśyettatra tasyāṃ parityajet |
yadgṛheṣu hutaṃ yāti deśaviplavamādiśet || 146 ||
[Analyze grammar]

deśe vā nagare grāme āraṇyapaśubandhanam |
sarpe vā viparītaṃ ca māṃsapiṃḍamathāpi vā |
tadgṛhe maraṇaṃ caiva deśa viplavamādiśet || 147 ||
[Analyze grammar]

divādbhute'yutaṃ rātrau dviguṇaṃ ca bhaveddhruvam |
dviguṇaṃ cāpi saṃdhyāyāmardharātre caturguṇam || 148 ||
[Analyze grammar]

akāle tatra maraṇamakāle gṛhiṇīmṛtiḥ |
saurādbhutaṃ vijānīyādaśubhe vā viśodhanam || 149 ||
[Analyze grammar]

ekaikasyāyutaṃ yatra kuryāttatraiva homayet |
sāṃgopāṃgena sahita maṣṭāvaṣṭau hutaṃ ca vā || 150 ||
[Analyze grammar]

adhipratyadhisahitaṃ gṛhapakṣe'pi sattamāḥ |
tanmānena hutaṃ viprā kuryāttatraiva bhūṣaṇam || 151 ||
[Analyze grammar]

ekaikasyāhutaṃ viprā aṣṭāvaṣṭau hutaṃ ca vā |
adhipratyadhidevānāṃ yāścānyāścāṃgadevatāḥ || 152 ||
[Analyze grammar]

mānāṃtaṃ ca dadetpūrṇāṃ dattvā pūrṇāṃ na homayet |
vakṣye grahamakhe mānaṃ yena mānena sidhyati || 153 ||
[Analyze grammar]

amānakaraṇe doṣastasmānmānaṃ na hāpayet |
paṃkticatvāriṃśadādyaiścaturdhā vibhajennaraḥ || 154 ||
[Analyze grammar]

aniṣṭāya tato dadyāccaruhomaṃ vibhāgaśaḥ |
adhipratyadhidevānāmaṣṭāvaṣṭa hyudāhṛtam || 155 ||
[Analyze grammar]

5 tryaṃbakādiṣu maṃtreṣu homatrayamudāhṛtam |
dhanaṃjaye tathā dadyāccaruhomaṃ vibhāgataḥ || 156 ||
[Analyze grammar]

ādityāyāṣṭāvaṣṭāvadhikakalpayetsudhīḥ |
śatahome tu sarvatra daśāṃgaṃ kalpayennaraḥ || 157 ||
[Analyze grammar]

aniṣṭāya yugāṃgaṃ tu grahebhyo hyaṃganāya ca |
adhipratyadhidevānāṃ tathaivāṃgaṃ prakalpayet || 158 ||
[Analyze grammar]

dvau tu dadyāttryaṃbakāya tathā dhanaṃjayāya ca |
tatra homo nāyakāya sarvatraiva vicakṣaṇaḥ || 159 ||
[Analyze grammar]

sahasre caiva viṃśāṃge aniṣṭāya daśāṃśakam |
pañcāṃśena grahāṇāṃ ca pañcāṃśena yavānapi || 160 ||
[Analyze grammar]

tatrāniṣṭe paṃcaśataṃ tasyārdhaṃ grahavāgyataḥ |
ekatriṃśadbhavenmānam anyeṣāṃ tu caturdaśa || 161 ||
[Analyze grammar]

grahādhikaṃ homayugaṃ tatra bhāge prakalpayet |
adhātaye ca tithyaṃgaṃ pañcāṃgaṃ yasya cādbhutam || 162 ||
[Analyze grammar]

grahebhyaścaiva paṃcāṃgaṃ tatra vāṃgaṃ parānapi |
ekaikāṃge bhavenmānaṃ ṣaṭśataṃ ṣaṣṭireva ca || 163 ||
[Analyze grammar]

adhikaṃ ca bhavetṣaṣṭirdaśame bhāgaśeṣataḥ |
aniṣṭāṃśe trisahasraṃ triśataṃ triṃśataṃ tathā || 164 ||
[Analyze grammar]

catuḥśataṃ grahāṇāṃ ca tathā saptaśatādhikam |
upagrahebhyo dadyācca paṃcāśītyadhikaṃ śatam || 165 ||
[Analyze grammar]

tithyaṃgabhāgaḥ śeṣeṇa grahe saptaśatādhikam |
ekaikaṃ tu grahasyaivamādityāya yugaṃ bhavet || 166 ||
[Analyze grammar]

grahāṃge yaḥ sthito bhāgo yugalaṃ bhāgaśeṣataḥ |
tryaṃbakāya ca taddadyāttathā dhanaṃjayāya ca || 167 ||
[Analyze grammar]

śāṃtike pauṣṭike kāmye yadīcchetsukhamātmanaḥ |
grahāṇāṃ cāyutaṃ homaṃ tryahasādhyena homayet || 168 ||
[Analyze grammar]

tryahasādhye vidhānaṃ yatpuraivodīritaṃ dvijāḥ |
idānīṃ prakrameṇaiva yo bhāgaḥ sa nigadyate || 169 ||
[Analyze grammar]

pūrvasmindivase'niṣṭe sahasraṃ triśatottaram |
itareṣāṃ grahāṇāṃ ca pratyekaṃ tu śataṃ śatam || 170 ||
[Analyze grammar]

adhipratyadhidevānāṃ paṃcāśaddhoma ucyate |
prathamehni pradadyācca militvā trisahasrakam || 171 ||
[Analyze grammar]

dvitīyadivase'niṣṭe dvisahasramudāhṛtam |
prati grahebhyastriśataṃ dadyādaṣṭa śatādhikam || 172 ||
[Analyze grammar]

upagrahebhyo dadyācca ṣoḍaśabhyo yathākramam |
ekāśītiṃ dadau yatnādaśītiṃ cāṃtyayordvayoḥ || 173 ||
[Analyze grammar]

evaṃ dvitīyadivase militvā ṣaṭsahasrakam |
aniṣṭāya triśataṃ tu tṛtīyadivase matam || 174 ||
[Analyze grammar]

tatpratyekaṃ grahāṇāṃ ca dvācatvāriṃśaducyate |
adhipratyadhidevānāṃ pratyekaṃ paṃcatriṃśakam || 175 ||
[Analyze grammar]

tṛtīyadivase dadyānmilitvaikasahasrakam |
ādityāya yugaṃ dadyādekaṃ tu tryaṃbakāya ca || 176 ||
[Analyze grammar]

dhanaṃjayāya homaikamekaṃ cāyutamucyate |
tadardhakaṃ grahebhyaśca itarebhyastadardhakam || 177 ||
[Analyze grammar]

grahāṇāṃ trisahasraṃ tu paṃcānāṃ ca sahasrakam |
trisahasrabhāgaśeṣamādityāya sahasrakam || 178 ||
[Analyze grammar]

tryaṃbakāya tathā dadyāttathā dhanaṃjayāya ca |
ṣaṭpādādhika ṣaṭaṣaṭkasahasraparisaṃkhyayā |
navaślokaśatodbhūtaṃ saṃpūrṇaṃ syādbhaviṣyakam || 179 ||
[Analyze grammar]

iti śrībhaviṣye mahāpurāṇe madhyamaparvaṇi tṛtīyabhāge viṃśo'dhyāyaḥ || 20 ||
[Analyze grammar]