Chapter 1

sūta uvāca |
ārāmādau viśeṣo yo vakṣyate'tra mayādhunā |
maṃḍalaṃ kārayitvā tu caturasraṃ samaṃ śubham || 1 ||
[Analyze grammar]

aiśānyāṃ kalaśe devaṃ tatra nāthaṃ prapūjayet |
madhyame kalaśe pūjā grahāṇāṃ ca tataḥ param || 2 ||
[Analyze grammar]

svadikṣu dvāradeśe tu paścimadvāradeśayoḥ |
brahmāṇaṃ cāpyanantaṃ ca madhyato varuṇaṃ yajet || 3 ||
[Analyze grammar]

varuṇaṃ codakumbhasthaṃ bhūtaśākhāsu śobhanam |
tena cāvāhayāmi tvāṃ vibho svargāya vai bhava || 4 ||
[Analyze grammar]

pūrvagaṃ mandaraṃ sthāpya toraṇopari sattamāḥ |
viṣvaksenaṃ samabhyarcya arcanaṃ svargasaṃyutam || 5 ||
[Analyze grammar]

karṇikāyāṃ vāsudevaṃ śuddhasphaṭikasannibham |
caturbhujaṃ śaṅkhacakragadāpadmavibhūṣitam || 6 ||
[Analyze grammar]

śrīvatsakaustubhoraskaṃ mukuṭādyairalaṃkṛtam |
dakṣiṇe kamalā tasya vāme puṣṭivyavasthitiḥ || 7 ||
[Analyze grammar]

siddhakinnarayakṣādyaiḥ stūyamānaṃ surāsuraiḥ |
saṃpūjya vidhivadbhaktyā viṣṇorarāṭa ityṛcā || 8 ||
[Analyze grammar]

dale saṃkarṣaṇādīṃśca vimalādyāśca nāyikāḥ |
saṃpūjya dhūpadīpādyairupahārairanuttamaiḥ || 9 ||
[Analyze grammar]

ghṛtapradīpo devasya gugguluḥ saralastathā |
dhūpo devabaliḥ kṣīraṃ paramānnaṃ ghṛtaplutam || 10 ||
[Analyze grammar]

dhyāyetsomaṃ karṇikāyāṃ dakṣiṇe padmasaṃsthitam |
śuklābhaṃ dvibhujaṃ śāntaṃ keyūrādyupaśobhitam || 11 ||
[Analyze grammar]

praśasyaṃ devayakṣāṇāṃ varadābhayahastakam |
imaṃ devā iti ṛcā upacāraiḥ pṛthagvidhaiḥ || 12 ||
[Analyze grammar]

pūjayecca niśānāthaṃ ghṛtabhaktaṃ nivedayet |
indraṃ jayantamākāśaṃ varuṇaṃ cāgnimeva ca || 13 ||
[Analyze grammar]

īśānaṃ tatpuruṣaṃ caiva vāyuṃ pūrvādidikṣvapi |
karṇikāyā vāmabhāge varadābhayahastakam || 14 ||
[Analyze grammar]

dvibhujaṃ śuklavarṇaṃ ca mahādevaṃ prapūjayet |
tryaṃbakeṇa ca maṃtreṇa dadyācca ghṛtapiṣṭakam || 15 ||
[Analyze grammar]

vāsudevāya devāya juhuyādaṣṭa āhutīḥ |
paramānnena saumyasya juhuyādaṣṭaviṃśatim || 16 ||
[Analyze grammar]

śivāya paramānnena juhuyādāhutidvayam |
gaṇeśasya tathājyena dadedekāhutiṃ budhaḥ || 17 ||
[Analyze grammar]

brahmaṇo varuṇasyātha ekaikāmāhutiṃ tathā |
grahāṇāṃ svoktasamidhā digīśānāṃ pṛthakpṛthak || 18 ||
[Analyze grammar]

ekaikāmāhutiṃ dadyādājyena ca yathākram |
karālī dhūmalī śvetā lohitā kanakaprabhā || 19 ||
[Analyze grammar]

atiraktā padmarāgā vahnijihvā prakīrtitāḥ |
tāsāṃ maṃtrāḥ krameṇaiva sādivāsāṃta bindavaḥ || 20 ||
[Analyze grammar]

yakārasthāśca vijñeyā aṣṭasvaravibhūṣitāḥ |
ghṛtamadhvājyasiktābhirhomayecca pṛthakpṛthak || 21 ||
[Analyze grammar]

ekaikāmāhutiṃ dadyāddattvā caiva samāhitaḥ |
agnīṣomaṃ tathendraṃ ca pṛthivīmantarikṣakam || 22 ||
[Analyze grammar]

sthālīpākena juhuyānmadhukṣīrayavānvitam |
ekaikāmāhutiṃ teṣāṃ samuddiśya pṛthakpṛthak || 23 ||
[Analyze grammar]

yāvakairgaṃdhapuṣpādyairarcitvā saparāvakam |
japasva tvaṃ mahābhāga śraddhayā caiva vāgyataḥ || 24 ||
[Analyze grammar]

jāpako vidhinānena prajapettatra ruddhakam |
maṅgalaṃ paramānnaṃ ca saurasūktaṃ tathā japet || 25 ||
[Analyze grammar]

tataḥ saṃmṛjya vidhinā snāpayitvā yathāvidhi |
yūpaṃ garbhe vinikṣipya tatra kuryādvicakṣaṇaḥ || 26 ||
[Analyze grammar]

dhvajānāropya prāṃteṣu dadyātsomaṃ vanaspatim |
ko'dāditi paṭhitvā ca vṛkṣāṇāṃ karṇavedhanam || 27 ||
[Analyze grammar]

sūcyā sutīkṣṇayā kāryaṃ dvipātre vāmadakṣiṇe |
navagrahāṇāṃ tṛptyarthaṃ yāvakaṃ laḍḍukaṃ tathā || 28 ||
[Analyze grammar]

piṣṭakaṃ ca pṛthagdadyātkumārībālakeṣu ca |
niśāraṃjitasūtreṇa saṃveṣṭya ca sacūrṇakam || 29 ||
[Analyze grammar]

pradadyāddohakaṃ caiva vṛkṣāṇāṃ vidhipūrvakam |
prāśayeccaiva tānvṛkṣānimaṃ mantramudāharet || 30 ||
[Analyze grammar]

vṛkṣāgrātpatitasyāpi ārohātpatitasya ca |
maraṇe vāsthibhaṅge vā kartā pāpairna lipyate || 31 ||
[Analyze grammar]

dhenuṃ suvarṇaṃ dhānyaṃ ca ācāryāya pradakṣiṇam |
dattvā ca ṛtvije dadyātsuvarṇaṃ rajataṃ tathā || 32 ||
[Analyze grammar]

dhānyaṃ ca brahmaṇe dadyādghṛtabhojyaṃ saśarkaram |
iṣṭāṃ ca dakṣiṇāṃ dadyātsadasyāya tathaiva ca || 33 ||
[Analyze grammar]

adhikalaśaṃ samānīya snānaṃ kuryādvidhānataḥ |
kṛtvā caivāniśaṃ kuryāddadyātpūrṇāhutiṃ tathā || 34 ||
[Analyze grammar]

sarvauṣadhyudakaṃ prokṣya trivāraṃ kṣīradhārayā |
saṃveṣṭya triścaturvāraṃ brahmaghoṣapuraḥsaram || 35 ||
[Analyze grammar]

gṛhaṃ vrajettato vipraiḥ kuryāccaiva gṛhārcanam |
taṃtau viśeṣaṃ vakṣyāmi varā evedamityṛcā || 36 ||
[Analyze grammar]

balaṃ kāmaṃ hayagrīvaṃ mādhavaṃ puruṣottamam |
vāsudevaṃ dhanādhyakṣaṃ tato nārāyaṇaṃ yajet || 37 ||
[Analyze grammar]

dadhibhaktaṃ baliṃ dadyātpañcagavyasamudbhavam |
evaṃ saṃpūjya vidhinā dakṣiṇe pṛthivīṃ yajet || 38 ||
[Analyze grammar]

śuddhakāṃñcanavarṇābhāṃ varābhayakarāṃ śubhām |
maṃḍūkasthāṃ ca dvibhujāṃ sarvālaṅkārasundarīm || 39 ||
[Analyze grammar]

syonā pṛthivīti mantreṇa pūjayitvā yathāvidhi |
pāyasaṃ madhusaṃyuktaṃ baliṃ dadyātsaśarkaram || 40 ||
[Analyze grammar]

vāmato viśvakarmāṇaṃ śuddhasphaṭikasaṃnibham |
śūlaṭaṃkadharaṃ śāṃtaṃ saṃyajedupacārakaiḥ || 41 ||
[Analyze grammar]

viśvanniti ṛcā taṃ ca baliṃ ca madhu piṣṭakam |
dadyājjapecca kauṣmāṇḍaṃ sūktaṃ pauruṣameva ca || 45 ||
[Analyze grammar]

madhupāyasayuktena homānaṣṭau vidhāya ca |
ekaikaṃ homayetpaścā tpṛthivīhomakarmaṇi || 43 ||
[Analyze grammar]

samutsṛjya tataḥ setumimaṃ mantraṃ paṭhettataḥ |
picchile patitānāṃ ca ucchritenāṃgasaṃgataḥ || 44 ||
[Analyze grammar]

pratiṣṭhite dharmasetau dharmo me syānna pātakam |
setorasya prabandhasya śraddhayā parayā tathā || 45 ||
[Analyze grammar]

ye cātra prāṇinaḥ saṃti rakṣāṃ kurvati setavaḥ |
vedāgamena yatpuṇyaṃ yathaiva hi samarpitam || 46 ||
[Analyze grammar]

gartaṃ kṛtvā pañcaratnaṃ saṃsthāpyaṃ tadanantaram |
saṃsthāpya ca tato yūpaṃ saṃpūjya ca yathāvidhi || 47 ||
[Analyze grammar]

ācāryāya tato dadyādiṣṭāṃ ca varadakṣiṇām |
pūjayeddvijadāṃpatyaṃ lājābhiḥ paripūjitam || 48 ||
[Analyze grammar]

poṭikāṃ ca tataḥ śayyāṃ dadyādiṣṭārthasiddhaye |
setau vṛkṣa sthitā ye syū ropayetkadalīṃ śubhām || 49 ||
[Analyze grammar]

teṣāṃ pārśvadvayepyevamārāme ca pṛthakpṛthak || 50 ||
[Analyze grammar]

iti śrībhaviṣye mahāpurāṇe madhya maparvaṇi tṛtīyabhāge prathamo'dhyāyaḥ || 1 ||
[Analyze grammar]