Chapter 20

sūta uvāca |
saptāgniṣṭomako nāma dyuttamaḥ kathito vidhiḥ |
madhyame madhyamaphalaṃ kaniṣṭhe tu kaniṣṭhakam || 1 ||
[Analyze grammar]

adhunā madhyamaṃ vakṣye vidhiṃ śāstrānusārataḥ |
yathāvibhavayāgena yatkartavyaṃ nareṇa vai || 2 ||
[Analyze grammar]

sadyodhivāsakalpena yūpādīnadhivāsya ca |
pūrvasminneva divase daivajñakathite śubhe || 3 ||
[Analyze grammar]

muhūrte kalaśaṃ sthāpya saṃgṛhya gaṇanāyakam |
sthāpayetprathamaṃ yūpamā pohiṣṭhetimantrakaiḥ || 4 ||
[Analyze grammar]

śanno devyāstataḥ paścādgandhadvāreti gaṃdhakam |
śrīsūktena tato dadyātpuṣpaṃ dūrvākṣataṃ tataḥ || 5 ||
[Analyze grammar]

kāṇḍāditi ca mantreṇa tato dhūpaṃ nivedayet |
ye gṛhṇāmīti ca ṛcā pūjāyāṃ sthāpayettataḥ || 6 ||
[Analyze grammar]

vivāhavidhinā sarvaṃ kāryaṃ caivādhivāsanam || 7 ||
[Analyze grammar]

sarvameva prayuṃjīta taḍāgādiṣu paṇḍitaḥ |
adhivāsya taḍāgādīnācāryādīṃśca sarvaśaḥ || 8 ||
[Analyze grammar]

saṃgṛhya gaṃdhapuṣpādyairdhūpairdīpaiḥ suśobhanaiḥ |
tataḥ prabhātasamaye nityaṃ nirvartya śāstrataḥ || 9 ||
[Analyze grammar]

vṛddhiśrāddhaṃ tataḥ kuryānmātṛpūjāpuraḥsaram |
alaṃkṛtya yathāśakti ācāryādīṃścaredbudhaḥ || 10 ||
[Analyze grammar]

śṛṇuyātpaścime bhāge maṃḍapasya samīpataḥ |
madhyadeśe samudbhūtaṃ yajñapātraṃ praśasyate || 11 ||
[Analyze grammar]

atha vā tatra deśīyaṃ guruṃ vā śrotriyodbhavam |
yajñe pradhānadvitīyamṛtvigācāryameva hi || 12 ||
[Analyze grammar]

vaitānakalpe saṃpannaṃ śaktikalpaparāyaṇam |
nigamajñānasaṃpannaṃ yajñe pātraṃ praśasyate || 13 ||
[Analyze grammar]

patnīhīnamaputraṃ ca śyāvadaṃtamadaṃtakam |
gaṇānāṃ yājakaṃ ṣaṃḍhaṃ svagotraṃ parivarjayet || 14 ||
[Analyze grammar]

apradhāneṣu yajñeṣu dānayajñeṣu sattamāḥ |
niyojayetsvagotraṃ ca home nasti vicāraṇā || 15 ||
[Analyze grammar]

kuśapratikṛtau cāpi tataḥ svargaṃ sa gacchati |
dhanamādau ca saṃśodhya tato yajñaṃ samācaret || 16 ||
[Analyze grammar]

ayājyayājanodbhūtaṃ pallavaṃ vyavahārake |
kūṭasākṣyeṇa pallave sthāpyahārakameva ca || 17 ||
[Analyze grammar]

devasvaṃ brāhmaṇasvaṃ ca lohavikrayaṇaṃ dhanam |
havirvikrayaṇaṃ kṛtvā putrabhāryā divikrayī || 18 ||
[Analyze grammar]

niṃditāni purāṇeṣu yatkṛtaṃ tatra tatphalam |
yajñasadmani viprāṃśca na śrāddhānbhojayetkvacit |
na dadyāttasya dānaṃ ca yāvannaiva samāpayet || 19 ||
[Analyze grammar]

brahmannācāryamukhyosi saṃsārāttrāhi māṃ vibho |
tvatprasādādguro yajñe prāpnuyāṃ mānasepsitam || 20 ||
[Analyze grammar]

ciraṃ me śāśvatī kīrtiryāvallokāścarācarāḥ |
prasīda tvaṃ maheśāna pratiṣṭhākarmasiddhaye || 21 ||
[Analyze grammar]

tvamādiḥ sarvabhūtānāṃ saṃsārārṇavatāraka |
jñānāmṛtapradācārya viṣṇu rūpa namo'stu te || 22 ||
[Analyze grammar]

brahmāsanasamudbhūtaṃ prakāśitadigaṃtaram |
tvaṃ ca jāṃbūnadaprakhya yajurveda namostu te || 23 ||
[Analyze grammar]

praphullakamalodbhāsi bhāsvarāṃbarabhūṣita |
prakīrṇaśāstrasaṃbhāra vidhijña praṇatosmi te || 24 ||
[Analyze grammar]

jvaladvaiśvānaraprakhya dhūmaśyāmālitānana |
ṣaḍaṃgavedatattvajña ṛtviṅ mokṣaṃ samācara || 25 ||
[Analyze grammar]

tatastūryādighoṣeṇa puraskṛtya dvijottamān |
yajamānaḥ sapatnīkaḥ praviśedyāgamaṇḍapam || 26 ||
[Analyze grammar]

svasthāne sthāpayedviprānmakhe dharmairyathākramam |
pūjayedgandhamālyādyairgaṃdhādyaiḥ sumanoharaiḥ || 27 ||
[Analyze grammar]

yajñe suvitate yosau pūjyate puruṣaḥ sadā |
nārāyaṇasvarūposau yajñaṃ me saphalaṃ kuru || 28 ||
[Analyze grammar]

makhaśreṣṭheṣu sarveṣu yena maṃtrāḥ suvistṛtāḥ |
yajurvedārthatattvajña brahmarūpa namostu te || 29 ||
[Analyze grammar]

yajñeṣu sākṣī sarveṣu vedavedārthatattvavit |
ṛgvedajña mahāprājña viśvarūpa namostu te || 30 ||
[Analyze grammar]

māṃgalyaṃ karmaṇāṃ nityaṃ śāśvataṃ brahmarūpiṇam |
siddhaye mama yajñasya namāmi śivarūpiṇam || 31 ||
[Analyze grammar]

pālayaṃti diśaḥ sarvā vidiśaśca tathā imāḥ |
dikpālarūpiṇaṃ vipraṃ yajñasiddhyai namāmyaham |
pātayeddakṣiṇaṃ jānu vikirānvikirettataḥ || 32 ||
[Analyze grammar]

trailokye yāni bhūtāni sthāvarāṇi carāṇi ca |
brahmaviṣṇuśivāḥ sarve rakṣāṃ kurvaṃtu tāni vai || 33 ||
[Analyze grammar]

vedyāvedīti maṃtreṇa paṭhedvediṃ praṇamya ca |
saṃpūjya gandhapuṣpādyairimaṃ maṃtramudā haret || 34 ||
[Analyze grammar]

yājanaṃ yajamānaśca śreyasā tatra yājakaḥ |
idamarghyamidaṃ pādyaṃ dhūpoyaṃ pratigṛhyatām || 35 ||
[Analyze grammar]

aiśānyāṃ kalaśe devaṃ saṃpūjya gaṇa nāyakam |
brahmāṇaṃ vāsudevaṃ ca dvitīyakalaśe yajet || 36 ||
[Analyze grammar]

maṃḍalaṃ caiva viṣṇurvai dvārakārūpamāsthitaḥ |
tena tvāṃ pūjayāmyadya svargaprāptiṃ kuruṣva me || 37 ||
[Analyze grammar]

pūrvādidikṣu kalaśānsaṃsthāpya ca trayaṃtrayam |
ardhapādasavarṇena nirmitaṃ tāraṇaṃ budhaḥ || 38 ||
[Analyze grammar]

gaṃgāmṛttikayā yukte pallave saṃnivedayet |
maṃdaraṃ kalpayitvā tu gopīnāṃ ca kulena vā || 39 ||
[Analyze grammar]

kalaśopari saṃsthāpya maṃdaraṃ saṃprapūjayet |
syonā pṛthivīti maṃtreṇa gaṃdhapuṣpaiḥ pṛthigvidhaiḥ || 40 ||
[Analyze grammar]

evaṃ dakṣiṇadigbhāge navatolakanirmitam |
prādeśamātralohaṃ tu raupyeṇa gaṃdhamādanam |
mṛdā saṃghaṭanaiḥ paścātkadācana ṛcā yajet || 41 ||
[Analyze grammar]

kadācaneti maṃtrasya sūrya ṛṣistriṣṭupchandaḥ sūryo devatā gaṃdhamādanaprītaye viniyogaḥ || |
uttare toraṇatodreraṃguṣṭhadvayamānake |
tolakadvayamānena yavānāṃ piṣṭakopari || 42 ||
[Analyze grammar]

pūjayetpārśvakalaśe dhātrādīnpūrvadikkramāt |
śrīsūktenaiva mantreṇa yajedvijayasaptakam |
pūjayetparayā bhaktyā gaṃdhapuṣpākṣatādinā || 43 ||
[Analyze grammar]

aṃbāaṃbiketi maṃtrasya nalina ṛṣirgāyatrī chandaḥ śaṃbhurdevatā jaya prītaye viniyogaḥ |
gāyatryā pūjayeddakṣe paścimaṃ kalaśadvayam || 44 ||
[Analyze grammar]

bhadraṃ caiva subhadraṃ ca prayataḥ saṃyajedbudhaḥ || 45 ||
[Analyze grammar]

bhūtaśuddhiṃ tataḥ kṛtvā nyāsaṃ kṛtvā vidhānataḥ |
vidhāyārghyādikaṃ caiva dharmādimaṃḍale yajet || 46 ||
[Analyze grammar]

madhye ādhāraśaktyādīnvaruṇaṃ madhyato yajet |
pūrvādikramataścaiva indrādīnkuladevatāḥ || 47 ||
[Analyze grammar]

pārśvadvaye karṇikāyā brahmāṇaṃ cāpyanantakam |
svaiḥsvairmaṃtrairyathoktaiśca balibhirgandhapuṣpakaiḥ || 48 ||
[Analyze grammar]

indrābhiṣekamaṃtrasya vādyaṃ gāṃdhārarāgakam |
agnestejosīti vādyaṃ rāgaṃ caiva varāṭakam || 49 ||
[Analyze grammar]

ghanakaṃṭakamasyāpi vācyaṃ rāgaṃ tu gurjaram |
rakṣodhipasya saṃgrāmaṃ vaitālaṃ vādyamucyate || 50 ||
[Analyze grammar]

nāṭakākhyaṃ tathā rāgaṃ varuṇasyāpi me śṛṇu |
vādyaṃ rājyābhiṣekākhyaṃ rāgo vasaṃtasaṃjñakaḥ || 51 ||
[Analyze grammar]

īśasya naṃdighoṣākhyaṃ vādyaṃ rāgotha kāmadaḥ |
suvarṇaṃ duṃdubhirvādyaṃ brahmaṇaḥ kathito budhaiḥ || 52 ||
[Analyze grammar]

rāgo devī vasaṃtaśca anaṃtasya nibodha me |
vādyaṃ gāṃdhāratārākhyaṃ rāgaścāṅgāravātakaḥ || 53 ||
[Analyze grammar]

some ghoṣe bhavedvādyaṃ jaleśasya mahātmanaḥ |
mālavākhyo bhavedrāgaḥ patrāgreṣu mahānapi || 54 ||
[Analyze grammar]

svaiḥ svairdharmaiśca saṃgṛhya dakṣiṇe pṛthivīṃ yajet |
syonā pṛthivīti maṃtreṇa upacāraiḥ pṛthagvidhaiḥ || 55 ||
[Analyze grammar]

maṇḍapasyottare bhāge mahādevaṃ prapūjayet |
namo vṛkṣebhya ityādi naivedyaiśca pṛthagvidhaiḥ || 56 ||
[Analyze grammar]

gaṃdhapuṣpādibhirbhaktyā bhūtāni parito yajet || 57 ||
[Analyze grammar]

vetālāśca piśācāśca rākṣasāśca sarī sṛpāḥ |
asmātprayāṃtu me sthānādye cānye vighnakārakāḥ || 58 ||
[Analyze grammar]

madhuyuktaṃ pāyasānnaṃ varuṇāya nivedayet |
pītaṃ cālohitaṃ kṛṣṇaṃ śuddhaṃ kṛṣṇaṃ ca dhūmrakam || 59 ||
[Analyze grammar]

pītaṃ śuklaṃ tathā citraṃ śvetamannaṃ yathākramam |
balayastu digīśānāṃ grahāṇāmapi tāñchṛṇu || 60 ||
[Analyze grammar]

kṣīraudanaṃ graheśāya śuklānnaṃ śaśine smṛtam |
lohitānnaṃ ca bhaumāya budhāya kṣīraṣāṣṭikam || 61 ||
[Analyze grammar]

pītamannaṃ devaguroḥ śukrasya sitataṃdulam |
māṃsaudanaṃ śanerjñeyaṃ rāhośca kṛṣṇa bhaktakam || 62 ||
[Analyze grammar]

dhūmravarṇaṃ tu tāmraṃ tu bhaumasya kṣīraṣāṣṭikam |
piṣṭakānnaṃ śivasyoktaṃ bhūtānāṃ māṣabhaktakam || 63 ||
[Analyze grammar]

evaṃ baliṃ vidhāyātha agre kuṃbhaṃ niveśayet |
pradeśadvyaṅgulaṃ nāma aṣṭottarasahasrakam || 64 ||
[Analyze grammar]

bahvaṃgulakaṃ vinyasya vinyasya kalaśopari |
niśāvāṃchtisūtraiśca saṃveṣṭya pihitaṃ tathā || 65 ||
[Analyze grammar]

śarāvaṃ ca punardadyādvardhanīṃ pratipūjayet |
astrāya phaḍiti maṃtreṇa dhyātvā devaṃ jaleśvaram || 66 ||
[Analyze grammar]

sūktaṃ yajedyathāśakti śatamaṣṭottaraṃ japet |
kuṃḍeṣu vinyasennāgānaṣṭau pūrvādiṣu kramāt || 67 ||
[Analyze grammar]

anaṃtaṃ pūjayetpūrvaṃ mānenāṃgulamātrakam |
nirmitaṃ kāṃcanenaiva saptavartikayā sudhīḥ || 68 ||
[Analyze grammar]

rājataṃ vāsukiṃ nāgaṃ yajetpatrāṃtare punaḥ |
pādamātrepi cāṃguṣṭhamātraṃ tāmrasya bhakṣyakam || 69 ||
[Analyze grammar]

paṃcāṃgulaṃ tolikayā lohaṃ karkoṭakaṃ punaḥ |
vartikābhiḥ ṣoḍaśabhirbṛhatparvapramāṇakam || 70 ||
[Analyze grammar]

śaṃkhapālaṃ kuśamayamardhapādena nirmitam |
aṃguṣṭhamātraṃ raktena nāgaṃ tālakamātrakam || 71 ||
[Analyze grammar]

aṃguṣṭhe tolakaṃ paścātpadmanāgaṃ punaryajet |
tolakārdhapramāṇena aṃgulaṃ parimāṇataḥ || 72 ||
[Analyze grammar]

kuryācchailamayaṃ samyagyathāvallakṣaṇānvitam |
mahāpadmasya vai tasya pūrvamānena nirmitam || 73 ||
[Analyze grammar]

dhyātvānaṃtaṃ caturbāhuṃ śuklasaptaphaṇānvitam |
dakṣiṇordhvakare śaṃkhamadhicakraṃ pratiṣṭhitam || 74 ||
[Analyze grammar]

vāmordhve tu gadāpadmaṃ madhyasthāne vyavasthitam |
sarvālaṃkārasaṃyuktamevaṃ dhyātvā yathāvidhi || 75 ||
[Analyze grammar]

sahasraśīrṣeti maṃtreṇa pūjayitvā baliṃ haret |
lājaiśca tilasaṃmiśraiḥ kṣīrayuktaiḥ pṛthagvidhaiḥ || 76 ||
[Analyze grammar]

caturvidhaṃ tathā śvetaṃ sarvālaṃkārasaṃyutam |
svakīyaṃ prajapettatra āpyāyasveti vai ṛcā || 77 ||
[Analyze grammar]

piṇyākaṃ nāgajihvāṃ ca tathā sarjarasaṃ dadhi |
balayastasya nirdiṣṭāstakṣakaṃ lohitaṃ yajet || 78 ||
[Analyze grammar]

padmaṃ ṭaṃkaṃ dadhānaṃ ca bhujābhyāṃ nāgasattamam |
manonnā iti maṃtreṇa ājyaṃ somo baliṃ haret || 79 ||
[Analyze grammar]

karkoṭakaṃ ca dvibhujaṃ pītavastradharaṃ yajet |
pañca nadya iti ṛcā viṣṇukrāṃtā balirbhavet || 80 ||
[Analyze grammar]

pītavastraṃ ca kuliśaṃ yājayettu caturbhujam |
bhujābhyāmūrdhvabhāge tu raktapadmadharaṃ harim || 81 ||
[Analyze grammar]

śarkarā kuṣṭhakaṃ caiva balistasya prakī rtitaḥ |
dvibhujaṃ śaṃkhapālaṃ ca śaṃkhābhaṃ śaṃkhadhāriṇam || 82 ||
[Analyze grammar]

padmāsanasthaṃ padmābhyāṃ hastābhyāṃ ca varaṃ vibhum |
dhruvakṣitidhruvosīti maṃtrābhyāṃ pūjayetpṛthak || 83 ||
[Analyze grammar]

ghaṭaudanaṃ bhṛṃgarājaṃ padmaṃ ca valayastayoḥ |
svagṛhyoktena vidhinā saṃsthāpyāgniṃ kuśaṃḍikām || 84 ||
[Analyze grammar]

kṛtvā ājyasya saṃskāraṃ vāruṇaṃ śrapayeccarum |
juhuyādaṣṭa bilvāni digīśānāṃ ghṛtena vai || 85 ||
[Analyze grammar]

ekaikāmāhutiṃ dadyādgrahāṇāṃ ca trayaṃtrayam |
susamidbhirghṛtamadhu payobhirmiśritaiḥ pṛthak || 86 ||
[Analyze grammar]

palāśasamidhaṃ paścātpratiṣṭhāmāhutitrayam |
śivasya paramānnena juhuyādaṣṭasaṃkhyayā || 87 ||
[Analyze grammar]

madhvājyaguḍamiśrābhirlājābhirjuhuyātpṛthak |
lājānyathoktaṃ vitaredekaikāmāhutiṃ kramāt || 88 ||
[Analyze grammar]

sthālīpākasya juhuyādekaikāmāhutiṃ punaḥ |
varuṇaṃ ca samuddiśya rudraṃ sarvaṃ pṛthakpṛthak || 89 ||
[Analyze grammar]

vāstoṣpataya iti maṃtreṇa pañcagavyo bhavettataḥ |
syonāpṛthivīti maṃtreṇa vrīhimṛttikayā punaḥ || 90 ||
[Analyze grammar]

vṛṣānna iti maṃtreṇa kayā na iti vai punaḥ |
kuśamūlamṛdā caiva catuṣpathamṛdā tathā || 91 ||
[Analyze grammar]

imā rudreti maṃtreṇa śrīśceti ṛcā punaḥ |
padmakhaṇḍasya ca mṛdā snāpayetsusamāhitaḥ || 92 ||
[Analyze grammar]

tadviṣṇoriti maṃtreṇa tathā puṣpodakena ca |
tīrthodakena kṛṣṇena triraktena triśītakaiḥ || 93 ||
[Analyze grammar]

pañcaraktena raktānāṃ mṛdā kaiśca kuśodakaiḥ |
svarṇatoyaiśca kalaśairaṣṭottaraśatena tu || 94 ||
[Analyze grammar]

taijasairmārttikaiścāpi aṣṭāviṃśatibhistathā |
yathāśakti tu saṃsthāpya kuṃkumaiścandanairapi || 95 ||
[Analyze grammar]

annaṃ lipya tato mṛdbhirdadyāccaiva yathākramam |
surāsureti ca ṛcā vastrayugmena veṣṭayet || 96 ||
[Analyze grammar]

dhvajaṃ ca dhanunāgeti gaṃdhadvāreti gomayam |
dhūrasīti tato dhūpaṃ hotre cāhutidīpakam || 97 ||
[Analyze grammar]

siṃdhosīti ca siṃdūraṃ svabhāve raktakaṃ tathā |
mālatīkusumaiḥ kṛtyairnāgānsaṃsthāpayettataḥ || 98 ||
[Analyze grammar]

dhārābhiḥ śatapuṣpābhirgandhatoyādibhistathā |
athavāśvatthapatreṣu vaṭapatreṣu vā sudhīḥ || 99 ||
[Analyze grammar]

rocanā kuṃkumairvāpi saṃlikhya tatra pūjayet |
prakṣipettatra muktā hi kalaśeṣu vinikṣipet || 100 ||
[Analyze grammar]

maṃḍapasyottaredeśe śayyāṃ nirmāya śobhanām |
rājataṃ vāruṇaṃ tasyāṃ pādamātreṇa nirmitām || 101 ||
[Analyze grammar]

aṃguṣṭhamātraṃ saṃsthāpya tataḥ puṣkariṇīmapi |
svarṇapādena ghaṭitāṃ caturasrāṃ suśobhanām || 102 ||
[Analyze grammar]

aṃguṣṭhamātraṃ sampūjya varuṇāya nivedayet |
yathāśakti tato gāṃ ca saṃbhave pañcaviṃśatiḥ || 103 ||
[Analyze grammar]

suvarṇaṃ rājataṃ caiva dhānyaṃ vāso varāṭakam || 104 ||
[Analyze grammar]

nāgayaṣṭiṃ samādāya kiṃciduttaragāṃ tathā || 105 ||
[Analyze grammar]

tatokṣatāya bhaumāya kṛtvā cājyāhutitrayam |
lājāndadhisamāyuktaṃ ghṛtaṃ madhu guḍaṃ tathā || 106 ||
[Analyze grammar]

kṣīraṃ ca piṣṭakaṃ caiva śaṣkulīgandhapuṣpakam |
paṃcāmṛtaṃ pañcaratnaṃ garbhe dadyātsamāhitaḥ || 107 ||
[Analyze grammar]

ācāryo yajamānena susannaddhaiśca bhṛtyakaiḥ |
gaṃgājaleśayormadhye paṃcaghoṣapuraḥsaram || 108 ||
[Analyze grammar]

avāpya ca tato yaṣṭiṃ sthiro bhavati vairivā |
dhruvaṃ dhruveti maṃtreṇa yaṣṭimā maṃtrayettataḥ || 19103 ||
[Analyze grammar]

yajñapriyāsi devi tvaṃ sarvavighnavināśinī |
pāhi māṃ sarvapāpebhya ātmanā tvaṃ sthirībhava || 110 ||
[Analyze grammar]

ityāmaṃtrya yajeccaiva gāyatrīṃ ca paṭhettataḥ |
vanaspateti viḍavāmiti maṃtraṃ japetpunaḥ || 111 ||
[Analyze grammar]

punarāgatya tāṃ vediṃ nirmathya varuṇaṃ prabhum |
tathā puṣkariṇīṃ caiva vardhanīṃ kalaśodaraiḥ || 112 ||
[Analyze grammar]

aniṣṭaṃ mārjayennāgānuddhṛtya kalaśaṃ tathā |
pāṣāṇābhyaṃtaraṃ kṛtvā gomayaiḥ parilipya ca || 113 ||
[Analyze grammar]

varuṇaṃ puṣkariṇyāṃ ca jalamadhye vinikṣipet |
namostviti ca mantreṇa baliṃ dadyācca pāyasam || 114 ||
[Analyze grammar]

nirmanthettatra yo nāgaḥ sthāpayettu yathāvidhi |
śrāvayettamimaṃ maṃtramatra saṃnihito bhava || 115 ||
[Analyze grammar]

atra svāmī bhavānnāga rakṣaṇīyastvayā janaḥ |
gāyatreṇa tvā chaṃdasāmīmantraṃ saṃśrāvayetpunaḥ || 116 ||
[Analyze grammar]

saṃpūjya gaṃdhapuṣpādyaiḥ purato nikṣipeddiśi |
pidhāya nāgarājānamṛcābhyāṃ parisūtrakaiḥ || 117 ||
[Analyze grammar]

sanniruddhyāśu saṃsthāpya baliṃ dadyā dvidhānataḥ |
lājaudanaṃ manastasya yajjāgrata ṛcā japet || 118 ||
[Analyze grammar]

evaṃ bhūriti maṃtrai svaiḥ svaireva tu pṛthagvidhaiḥ |
svāsu dikṣu ca saṃsthāpya pūja yecca prayatnataḥ || 119 ||
[Analyze grammar]

pūrvabhāge puṣkariṇyāṃ haritābhaṃ savajrakam |
halagrahīta maṃtreṇa nyasya lājāhutiṃ kule || 120 ||
[Analyze grammar]

trātāramiti maṃtreṇa agnau vinyasya mauktikam |
manaḥśilāṃ pravālaṃ ca agnimīḍeti saṃpaṭhet || 121 ||
[Analyze grammar]

vaiśvānareṇa mantreṇa paṭhallāṃjāhutiṃ punaḥ |
dadyādye te śatamantreṇa paścime kāṭikaṃ nyaset || 122 ||
[Analyze grammar]

śālibījena sahitaṃ kayā na iti maṃtrakam |
varuṇasyo iti maṃtreṇa dadyādaṣṭādaśāhutīḥ || 123 ||
[Analyze grammar]

uttare rocanāṃ kanyāṃ tathaiva gaurasarṣapam |
kuṃkumena samāyuktaṃ kuvidaṃḍamṛcā paṭhan || 124 ||
[Analyze grammar]

vinyasya tena maṃtreṇa pradadyādāhutiṃ punaḥ |
aiśānyāṃ maṃdrakaṃ raṃgamī śāvā iti saṃpaṭhan || 125 ||
[Analyze grammar]

saṃsthāpyājyāhutiṃ dadyāttamīśāna ṛcā punaḥ |
āsadyairmaṃtrasaṃyuktairdevaṃ nārāyaṇaṃ yajet || 126 ||
[Analyze grammar]

varuṇātmakaṃ tato dhyātvā tato nīrājanaṃ paṭhet |
jānubhyāmavaniṃ gatvā paṭhejjñānāmṛtaṃ stavam || 127 ||
[Analyze grammar]

dharmo vaṃśaṃ tataḥ kuryādutsargāṃte vidhīyate |
tato devīṃ punaḥ kṛtvā dattvā puṣpāñjalitrayam || 128 ||
[Analyze grammar]

sarvasattvopakārāya samutsṛjettu vai janam |
utsṛṣṭaṃ sarvasattvebhyo dṛśyate jalamūrjitam || 129 ||
[Analyze grammar]

ramaṃtīṃ sarvabhūtāni snānapānāvagāhanaiḥ |
varuṇaṃ ca tato devaṃ puṣkariṇyāṃ ca nikṣipet || 130 ||
[Analyze grammar]

jale varuṇamantreṇa matsyādīnprakṣipettataḥ |
pakṣiṇaśca śubhāṃstatra bhekaṃ kūrmaṃ ca kardamam || 131 ||
[Analyze grammar]

śaivālaṃ prakṣipeccaiva dakṣiṇāṃ tadanaṃtaram |
suvarṇaṃ dhānyaratnaṃ ca ācāryāya pṛthagdadet || 132 ||
[Analyze grammar]

ṛtvigbhyaśca pṛthagdadyādyathāvittānusārataḥ |
brāhmaṇebhyo gāyanebhyo vasubhyaśca pṛthakpṛthak || 133 ||
[Analyze grammar]

nityaṃ samāpya vidhivaddadyātpūrṇāhutiṃ punaḥ |
dadyādarghyaṃ ca sūryāya hastāsa iti saṃjapan || 134 ||
[Analyze grammar]

tataḥ pradakṣiṇāvartaṃ saṃveṣṭya kṣīradhārayā |
prāsādapakṣe prāsādamārāme atha maṃḍapam || 135 ||
[Analyze grammar]

śatādhidhārayā śaktyā trivāraṃ brāhmaṇaiḥ saha |
vikīrya lājakusumaṃ vrīhīścaiva kapardakān || 136 ||
[Analyze grammar]

tūryaghoṣeṇa mahatā tato viprapuraḥsaram |
yajamānaḥ sapatnīkaḥ praviśetsvagṛhaṃ punaḥ || 137 ||
[Analyze grammar]

tato gṛhārcanaṃ kṛtvā brāhmaṇānatha bhojayet |
kumārīśca kumārāṃśca dīnāndhakṛpaṇānapi || 138 ||
[Analyze grammar]

nārāyaṇaṃ tato dadyādvipramuddiśya bhaktitaḥ || 139 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāga viṃśo'dhyāyaḥ || 20 ||
[Analyze grammar]