Chapter 16

sūta uvāca |
pratiṣṭhāyāḥ pūrvadine kuryāddevādhivāsanam |
dhānyapratiṣṭhāṃ tasyaiva yūpaṃ cāpi yathāvidhi || 1 ||
[Analyze grammar]

rātrau mūlāgre ca ghaṭe sthāpayedgaṇanāyakam |
saṃpūjya ca vidhānena digīśāṃśca tathā grahān || 2 ||
[Analyze grammar]

brahmāṇaṃ ca taḍāgeṣu varuṇaṃ śāntiyāgake |
somaṃ ca maṃḍale sūryaṃ pāde viṣṇuṃ tathaiva ca || 3 ||
[Analyze grammar]

śaive śaivaṃ tathā proktaṃ prapāyāmatha vāruṇam |
ārāme caiva brahmāṇaṃ pādyādyairapi cārcayet || 4 ||
[Analyze grammar]

drupadādīti mantreṇa snāpayetprathamaṃ budhaḥ |
gāyatryā ca tataḥ paścādgandhadvāreti tailakam || 5 ||
[Analyze grammar]

sunābheti ca maṃtreṇa dvābhyāmeva viśiṣyate |
śrīśca te iti kusumaṃ phalinīti ca vai phalam || 6 ||
[Analyze grammar]

kāṃḍāditi ca maṃtreṇa dadyāddūrvāśataṃ tataḥ |
siṃdoriveti siṃdūraṃ viśvāmiti ca mārjanam || 7 ||
[Analyze grammar]

samicchetyañjanaṃ dadyādduḥsthaṃ surāsurā japan |
candanaṃ yajvabhirjaptvā mānastoketi candanam || 8 ||
[Analyze grammar]

yūpe caiva viśeṣoyamuttarāgraṃ pravinyaset |
adyaiva tena maṃtreṇa sthāpayedatha vāriṇā || 9 ||
[Analyze grammar]

gāyatryā prathamaṃ caiva āpo hiṣṭheti vai japan |
śanno devīti drupadāṃ snāpayettadanantaram || 10 ||
[Analyze grammar]

abhimantryātha brahmeti trirātraṃ maṃtramīrayan |
yogaṃ yogadṛḍhaṃ japtvā pavitraṃ vinyasettataḥ || 11 ||
[Analyze grammar]

tvaṃ gandharveti mantreṇa tathā subhābha ityapi |
dvābhyāṃ tailagaṃdhayutaṃ śrīsūktenāpi puṣpakam || 12 ||
[Analyze grammar]

dhūrasīti ca tathā dhūpamāsrajyotirbhirdīpakam |
anumīmahatāti dadyāddūrvākṣataṃ tataḥ || 13 ||
[Analyze grammar]

viśvāmīti ca nimnyaṃtakāṃḍāditi tathākṣatam |
siṃdoriveti sindūraṃ samidheti tathāñjanam || 14 ||
[Analyze grammar]

pādo'syetyatha bhuktaṃ syādyāḥ phalinīti punaḥ phalam |
rūpaṃ neti dahedrūpaṃ na sociti ca pūjanam || 15 ||
[Analyze grammar]

yuvā suvāseti vastraṃ nāgagandheti candanam |
tato yamagṛhādbāhye maṇḍapāṃtaramāśritaḥ || 16 ||
[Analyze grammar]

sunātīti vaco dadyāttataścāvāhayetprabhum |
tatrādhivāsanaṃ kuryādrakṣayecca surakṣibhiḥ || 17 ||
[Analyze grammar]

ācāryo yajamānaśca ṛtvigbhojanamācaret |
akṣāralavaṇānyāsī dadhi viśvaṃ tilāṃstyajet || 18 ||
[Analyze grammar]

ādhāraṇaṃ cādhivāsaṃ vakṣye tatrānusārataḥ |
sunāteti vaco dadyāttailaṃ caiva śive tribhiḥ || 19 ||
[Analyze grammar]

pañcabhirbrāhmaṇaiḥ sārdhaṃ gandharvā iti vismaran |
dadyādgandhaṃ tailayutaṃ gandhadvāretyṛcā punaḥ || 20 ||
[Analyze grammar]

yāḥ phalinīti ca phalaṃ pūgatānāmavarjanam |
kauśikīruttamosīti dadyātkhaḍgaṃ sutīkṣṇakam || 21 ||
[Analyze grammar]

rūpena veti mantreṇa mudgaraṃ ca nivedayet |
śrīśca te iti kusumaṃ viśvānīti ca saṃpaṭhan || 22 ||
[Analyze grammar]

nirmathanaṃ tataḥ kāryamiti sādhāraṇo vidhiḥ |
tatodhivāsakalpe tu pradeśe tu samācaret || 23 ||
[Analyze grammar]

vinādhivāsanaṃ viprāḥ pratiṣṭhānaṃ samācaret |
na tatphalamavāpnoti vivāhe śaraṇaṃ diśet || 24 ||
[Analyze grammar]

tataḥ prayatnataḥ kāryaṃ pūrvāhne rātriyogataḥ |
nitye naimittike kāmye kārayetkuṇḍamaṇḍapam || 25 ||
[Analyze grammar]

sthaṃḍile hasta mātreṇa vālukānirmite'pi ca |
trayodaśāṃgule haste dvihaste cāpi varddhate || 26 ||
[Analyze grammar]

ekaikāṃgulako viprāḥ pīṭhe nāsti vicāraṇā |
navapañcaka kuṇḍe ca lakṣādāvapi śaṃkayā || 27 ||
[Analyze grammar]

tato daśāṃgule pakṣe daśāṃgaṃ śṛṇuta dvijāḥ |
kāṣṭhaṃ pattraṃ ca puṣpaṃ ca modakaṃ piṣṭakaṃ tathā || 28 ||
[Analyze grammar]

annaṃ ca paramānnaṃ ca hyavekṣyaṃ tilameva ca |
etadvai gṛhapakṣe ca viṣṇupakṣe tilāditaḥ || 29 ||
[Analyze grammar]

śaive yavāditaḥ kāryā śākte puṣpādito bhavet |
sūrye pakṣe piṣṭakādi gopāle kṛśarāditaḥ || 30 ||
[Analyze grammar]

kṛṣṇe ca karavīrādi śrīphalāni ca traipure |
sārasvate ca śrīvṛkṣe mokṣakāme nigadyate || 31 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāge ṣoḍaśo'dhyāyaḥ || 16 ||
[Analyze grammar]