Chapter 10

sūta uvāca |
vāstuyāgamatho vakṣye balimaṇḍalapūrvakam |
aṃkurārpaṇakaṃ kṛtvā madhye kuryācca maṃḍalam || 1 ||
[Analyze grammar]

trihastā piṃḍikā kāryā caturasrā udakplavā |
prādeśamātra utsedho darpaṇāṃtarnibho bhavet || 2 ||
[Analyze grammar]

madhye saṃmārjayedvidvānpādānnava yathākramāt |
koṇe catuṣpadaṃ jñeyaṃ dikṣu tripadakaṃ kramāt || 3 ||
[Analyze grammar]

pañcakaṃ yugmapādena caturdikṣu tataḥ param |
koṇe catuṣpadaṃ sthāpyaṃ catuṣkoṇe vibhāvayet || 4 ||
[Analyze grammar]

catuṣkoṇaṃ bahiḥ kuryātkoṇe cāpi catuṣṭayam |
dvātriṃśacca bhavedbāhye cātaścāpi trayodaśa || 5 ||
[Analyze grammar]

catvāriṃśatpañcayutā militvā vāstudevatāḥ |
śikhī caivātha parjanyo jayaṃtaḥ kuliśāyudhaḥ || 6 ||
[Analyze grammar]

sūryaḥ satyo vṛṣaścaiva ākāśaṃ vāyureva ca |
pūṣā ca vitathaścaiva guhānyaśca yamastathā || 7 ||
[Analyze grammar]

gandharvo mṛgarājastu mṛgāḥ pitṛgaṇāstathā |
dauvāriko'tha sugrīvaḥ puṣpadanto jalādhipaḥ || 8 ||
[Analyze grammar]

asuraḥ paśupāśau ca rogo hi mokṣa eva ca |
bhallāṭaḥ somasarpau ca aditiśca ditistathā || 9 ||
[Analyze grammar]

bahirdvādaśa ityetānīśānādīnyathākramam |
īśānādicatuṣkoṇaṃ saṃsthitānpūjayedbudhaḥ || 10 ||
[Analyze grammar]

āpaścaivātha sāvitro jayo rudrastathaiva ca |
aryamā savitā caiva vivasvānvibudhādhipaḥ || 11 ||
[Analyze grammar]

mitro'tha rājayakṣmā ca saptamaḥ pṛthivīdharaḥ |
aṣṭamastvāpavatsastu paridhau brahmaṇaḥ smṛtaḥ || 12 ||
[Analyze grammar]

pūrvādiṣu tathā pūjyā gandhapuṣpaiḥ pṛthagvidhaiḥ |
paṃcacatvāriṃśadetaccarakyā ca caturthakam || 13 ||
[Analyze grammar]

militvā ūnapañcāśaduttamā vāstudevatāḥ |
nānyatra yojayedviprāḥ prāsāde ca viśeṣataḥ || 14 ||
[Analyze grammar]

bahiḥ koṇe carakyādi carakaṃ ca vidārikām |
pūtanāṃ ca tataḥ paścādvāyavye pāparākṣasīm || 15 ||
[Analyze grammar]

svaiḥsvairmaṃtraiśca gaṃdhādyaiḥ pūjayetkusumādinā |
yathoktena baliṃ dadyātpāyasānnena vā punaḥ || 16 ||
[Analyze grammar]

rekhāḥ sarvatra śuklena padmaṃ raktena bhāvayet |
rañjayedeva varṇena bahiṣpañcarajena tu || 17 ||
[Analyze grammar]

devavarṇānatho vakṣye yathāvadanuvarṇitāḥ |
rakto gaurastathā śoṇaḥ sitaraktaḥ sitastathā || 18 ||
[Analyze grammar]

pītaḥ śuklaśca dharmaśca pūṣā raktaḥ prakīrtitaḥ |
śyāmaḥ śukraśca kṛṣṇaśca pītaḥ śuklo yathākramam || 19 ||
[Analyze grammar]

pīto bhṛṃgaḥ punaḥ śuklaḥ kṛṣṇaḥ śuklastathaiva ca |
raktaḥ śuklaśca śoṇaśca kṛṣṇaraktastathaiva ca || 20 ||
[Analyze grammar]

dhūmrapīto raktapītaḥ śuklaḥ kṛṣṇaśca śyāmakaḥ |
raktavarṇena dvātriṃśaddaśa varṇāḥ prakīrtitāḥ || 21 ||
[Analyze grammar]

śuklaśoṇaṃ punaḥ śvetaṃ siṃdūrābhaṃ prakīrtitam |
pāṃḍurakuṃkumābhaṃ ca raktaṃ jñeyaṃ ca pītakam || 22 ||
[Analyze grammar]

śuklapītaṃ ca śvetaṃ ca gauraṃ cetyaṣṭavarṇakam |
pītaṃ raktaṃ ca śyāmaṃ ca gauraṃ ceti catuṣṭayam || 23 ||
[Analyze grammar]

dharaṇīmadanaṃ vādye śaṃbhuvarṇādiprakramāt |
śuklena rañjayeddvārānpuradvāraṃ ca madhyame || 24 ||
[Analyze grammar]

madhyeṃte ūnapañcāśatsarvaṃ ca vāstukarmaṇi |
catvāriṃśaddvārayutaṃ gṛhadevakule'pi ca || 25 ||
[Analyze grammar]

mahākūpe tathā śveto anyatrāpi praśasyate |
sulipte ca śucau deśe sārdhahastapramāṇataḥ || 26 ||
[Analyze grammar]

daśa pūrvāyatā rekhā daśa caivottarāyatāḥ |
ekādaśīpadaṃ kuryādrekhābhiḥ padakena tu || 27 ||
[Analyze grammar]

sarvavāstuvibhāgena vijñeyā navakā nava |
padasthānpūjayeddevāṃstriṃśatpañcādaśadeva tu || 28 ||
[Analyze grammar]

dvātriṃśadbāhyataḥ pūjyāḥ pūjyāgāre trayodaśa |
madhye nava pade brahmā tasyāpyaṣṭau samīpagāḥ || 29 ||
[Analyze grammar]

caturdikṣu ṣaṭpadaṃ tu tripadaṃ tu catuṣpadam |
padaikaṃ tu catuṣkoṇe eṣa vāstuvinirṇayaḥ |
carakyādi tato hitvā catvāriṃśacca paṃcakam || 30 ||
[Analyze grammar]

aparaṃ maṇḍalaṃ vakṣye yathāvadanupūrvaśaḥ |
navarekhāprayogeṇa navakoṣṭhānprakalpayet || 31 ||
[Analyze grammar]

dvicatuṣkoṣṭhakairdikṣu yajetāryamaṇaṃ tataḥ |
vivasvaṃtaṃ tato mittraṃ mahīdharamataḥ param || 32 ||
[Analyze grammar]

koṇeṣu koṣṭhadvaṃdveṣu bāhyādiparikīrtitam |
sāvitraṃ savitāraṃ ca śakramindraṃ jayaṃ punaḥ || 33 ||
[Analyze grammar]

rudraṃ rudrajayaṃ caiva vāyuṃ jṛṃbhakameva ca |
pilipicchaṃ ca medhāvī vidārī pūtanā tathā || 34 ||
[Analyze grammar]

kramādīśānaparyaṃtāṃ jayaṃtaḥ śakrabhāskarau |
satyovṛṣāṃtarikṣau ca diśi prācyāmavasthitāḥ || 35 ||
[Analyze grammar]

agniḥ pūṣā ca vitadho yamaśca gṛharakṣakaḥ |
gaṃdharvo bhṛṃgarājaśca mṛgo dakṣiṇamāśritāḥ || 36 ||
[Analyze grammar]

nirṛtirdauvārikaśca sugrīvavaruṇau tataḥ |
puṣpadaṃtasvarau śoṣarogau pratyagdiśi sthitāḥ || 37 ||
[Analyze grammar]

prāṇavāyuśca nāgaśca somo bhallāṭa eva ca |
mudgalākhyo dityaditī kuberasya diśi sthitāḥ || 38 ||
[Analyze grammar]

militvā ca tripañcāśattebhyaḥ pūrve baliṃ haret |
piṇyākaiḥ paramānnairvā pūrvoktairvā yathā kramāt || 39 ||
[Analyze grammar]

raktamaryamaṇaṃ dhyāyeccaturbhirbahubhirvṛtam |
śvetāśvavāhanaṃ divyaṃ kirīṭaiḥ svairvibhūṣitam || 40 ||
[Analyze grammar]

ākṛṣṇeneti mantrasya svarṇa ṛṣijagatīchandaḥ savitraryamaprītaye viniyogaḥ || 41 ||
[Analyze grammar]

vivasvaṃtaṃ pītavarṇaṃ pītāmbaradharaṃ śubham |
meṣasthaṃ ca mahākāyaṃ devagandharvasevitam || 42 ||
[Analyze grammar]

etātaviṣaṃtīti maṃtrasya kardama ṛṣiḥ paṃktiśchandaḥ kamalādevatāvivasvatprītaye viniyogaḥ || 43 ||
[Analyze grammar]

mitraṃ dhyāyecchuklavarṇaṃ śvetahaṃsoparisthi tam |
trinetraṃ tribhujaṃ caiva śvetāṃbaradharaṃ śubham || 44 ||
[Analyze grammar]

kayānaścīti maṃtrasya jayaṃta ṛṣirgāyatrī chandaḥ śaṅkaro devatā mitraprītaye viniyogaḥ || 45 ||
[Analyze grammar]

prītaṃ mahīdharaṃ dhyāyedvṛṣabhopari saṃsthim |
tribhujaṃ padmahastaṃ ca vyālayajñopavītinam || 46 ||
[Analyze grammar]

tryambakamiti maṃtrasya gargaṛṣistriṣṭup chando haro devatā mahīdharaprītaye viniyogaḥ || 47 ||
[Analyze grammar]

sāvitrīṃ śvetavarṇāṃ ca sarvalakṣaṇasaṃyutām |
dvibhujāṃ pītavastrāṃ ca śvetasiṃhāsane sthitām || 48 ||
[Analyze grammar]

raktāmbaradharāṃ raktāṃ raktamālopaśobhitām || 49 ||
[Analyze grammar]

tadvarṣaṃ iti maṃtrasya gautama ṛṣirvirāṭ chandaḥ sūryo devatā savitṛprītaye viniyogaḥ || 50 ||
[Analyze grammar]

śakraṃ dhyāyetpītavarṇaṃ śuklakairāvatasthitam |
sarvadevaiḥ stūyamānaṃ dvibhujaṃ pītavāsasam || 51 ||
[Analyze grammar]

trātāramiti maṃtrasya bhārgava ṛṣistriṣṭup chando narasiṃho devatā indrajayaprītaye viniyogaḥ || 52 ||
[Analyze grammar]

rudraṃ dhyāyecchvetavarṇaṃ vṛṣabhārūḍhavigraham |
nāgayajñopavītaṃ ca sarvalakṣaṇasaṃyutam || 53 ||
[Analyze grammar]

namaste rudreti maṃtrasya gāyatrī chaṃdastryaṃbako devatā rudraprītaye viniyogaḥ || 54 ||
[Analyze grammar]

raktaṃ rudraṃ jayaṃ dhyāyedraktapadmopari sthitam |
raktaśyāmāṃbaradharaṃ dvibhujaṃ raktavāsasam || 55 ||
[Analyze grammar]

tryaṃbakamiti mantrasya gāyatrīcchando maheśo devatā rudrajayaprītaye viniyogaḥ || 56 ||
[Analyze grammar]

api śvetaṃ tato dhyāyedvarābhayakaraṃ param |
sarvalakṣaṇasaṃpannaṃ śvetapadmopari sthitam || 57 ||
[Analyze grammar]

īśāna iti maṃtrasya marīcirṛṣiḥ paṃkticchando vāyurdevatā apāṃ prītaye viniyogaḥ |
āpavatsaṃ pītavarṇaṃ meṣārūḍhaṃ caturbhujam || 58 ||
[Analyze grammar]

padmaśaṃkhadharaṃ vāme varābhayakaraṃ param || 59 ||
[Analyze grammar]

varuṇasyottaṃbhanamasīti mantrasya narottama ṛṣirvirāṭ chando varuṇo devatā āvayaḥ prītaye viniyogaḥ || 60 ||
[Analyze grammar]

koṇasūtrasyobhayataḥ śvetakoṣṭhadvaye punaḥ |
śarvaṃ dhyāyedraktavarṇaṃ vṛṣabhopari saṃsthitam || 61 ||
[Analyze grammar]

dvibhujaṃ ca trinetraṃ ca jaṭābhāropaśobhitam || 62 ||
[Analyze grammar]

mālā svāheti maṃtrasya bhārgava ṛṣirgāyatrīchando mahādevo devatā śarvaprītaye viniyogaḥ || 63 ||
[Analyze grammar]

guhaṃ dhyāyetpītavarṇaṃ pītapadmāsanasthitama |
nānābharaṇaśobhāḍhyaṃ kuṇḍalādyairalaṅkṛtam || 64 ||
[Analyze grammar]

sa bodha iti mantrasya agastirṛṣirgāyatrī chando haro devatā guhaprītaye viniyogaḥ || 65 ||
[Analyze grammar]

aryamṇaṃ dvibhujaṃ raktaṃ raktamālyopaśobhitam |
raktapadmāsanasthaṃ ca devagandharvasevitam || 66 ||
[Analyze grammar]

vāto vāreti maṃtrasya kāśyapa ṛṣiranuṣṭupchando vāyurdevatā aryamaprītaye viniyogaḥ || 67 ||
[Analyze grammar]

dhyāyecca jambhakaṃ śvetaṃ dvibhujaṃ kuṭilānanam |
karālavadanaṃ ghoraṃ varāhopari saṃsthitam || 68 ||
[Analyze grammar]

kuvidogavaya iti mantrasya viśvāmitra ṛṣirjagatī chandaḥ somo devatā jaṃbhakaprītaye viniyogaḥ || 69 ||
[Analyze grammar]

pilapicchaṃ raktavarṇaṃ raktamālyairalaṅkṛtam |
raktapadmāsanasthaṃ ca raktābharaṇaśobhitam || 70 ||
[Analyze grammar]

devasya heti mantrasya paṃktiśchaṃdaḥ śacī devatā pilapicchaprītaye viniyogaḥ || 71 ||
[Analyze grammar]

pītāṃ ca carakīṃ dhyāyedraktamālyairalaṃkṛtām |
sucāruvadanāṃ bhavyāṃ guñjāhāropaśobhitām || 72 ||
[Analyze grammar]

tadvarṣaṃ iti mantrasya jaṭila ṛṣirbṛhatī chando bhavo devatā carakīprītaye viniyogaḥ || 73 ||
[Analyze grammar]

śyāmāṃ vidārikāṃ dhyāyettrinetrāṃ ca caturbhujām |
nānāgaṇayutāṃ devīṃ paṅkajadvayadhāriṇīm || 74 ||
[Analyze grammar]

śrīśca te iti mantrasya varuṇa ṛṣirnṛsiṃho devatā vidārikāprītaye viniyogaḥ || 75 ||
[Analyze grammar]

raktāṃ ca pūtanāṃ dhyāyetpaṅkajasthāṃ suśobhanām |
sarvābharaṇasaṃpannāṃ sarvālaṃkāraśobhitām || 76 ||
[Analyze grammar]

mayi gṛhṇāmīti maṃtrasya vivasvānṛṣirnārāyaṇo devatā pūtanāprītaye viniyogaḥ || 77 ||
[Analyze grammar]

pūrvādidikṣu sarvāsu sārdhādyaṃtapadeṣu ca |
īśānaṃ jaṭilaṃ śvetaṃ śūlahastaṃ mahābhujam || 78 ||
[Analyze grammar]

trinetraṃ vṛṣabhārūḍhaṃ nāgahāro paśobhitam || 79 ||
[Analyze grammar]

āyuḥśīrṣāṇa iti maṃtrasya vāmadeva ṛṣirbṛhatī chando dharaṇīdharo devatā īśānaprītaye viniyogaḥ || 80 ||
[Analyze grammar]

raktaṃ dhyāyecca parjanyaṃ dvibhujaṃ pītavāsasam |
dakṣiṇe paraśuṃ dhyāyedoṃkāraṃ ca tathāpare || 81 ||
[Analyze grammar]

kayānaśceti mantrasya dharma ṛṣirbṛhatī chando bhavo devatā parjanya prītaye viniyogaḥ || 82 ||
[Analyze grammar]

jayantaṃ śvetaṃ śvetavṛṣabhārūḍhaṃ dhyātvā |
mānastoketi mantrasya śaktyṛṣistriṣṭupchandaḥ śaṅkaro devatā jayaṃtaprītaye viniyogaḥ || 83 ||
[Analyze grammar]

śuklaṃ pītaṃ dvibhujamairāvatasthaṃ vajradharaṃ dhyātvā mūlabījena sthāpayet || 84 ||
[Analyze grammar]

bhāskaraṃ raktadvibhujaṃ raktāśvasthaṃ dhyātvā māyābījena pūjayet || 85 ||
[Analyze grammar]

satyaṃ ca dvibhujaṃ śvetaṃ trinetraṃ pītavāsasaṃ mandakuṃdabījena pūjayet |
vṛṣaṃ pītaṃ vṛṣabhārūḍhamākāśabījena pūjayet || 86 ||
[Analyze grammar]

ṛkṣaṃ nīlaṃ caturbhujaṃ mahiṣārūḍham |
ācchīma iti mantrasya hotā yakṣa ṛṣistriṣṭupchandaḥ śaṃkaro devatā ṛkṣaprītaye viniyogaḥ || 87 ||
[Analyze grammar]

agnimārabhya pūjayet |
agniṃ raktaṃ saptajihvaṃ raktavāsasaṃ piṅgākṣaṃ dhyātvā |
agnidūtamiti maṃtrasya bharadvāja ṛṣistriṣṭucchandaḥ śaṃkaro devatā agniprītaye vini yogaḥ || 88 ||
[Analyze grammar]

vitathaṃ raktamajavāhanaṃ dvibhujaṃ dhyātvā gāyatryā pūjayet || 89 ||
[Analyze grammar]

gāyatryā viśvāmitra ṛṣirgāyatrīchandaḥ savitā devatā vitathaprītaye viniyogaḥ || 90 ||
[Analyze grammar]

yamaṃ kṛṣṇamahiṣārūḍhaṃ daṇḍahastaṃ dhyāyet |
acchiya iti mantrasya triṣṭupchando bhavānī devatā yamaprītaye viniyogaḥ || 91 ||
[Analyze grammar]

gṛhe kṣetraṃ raktamūrdhvakeśaṃ mahābhujaṃ raktavāsasaṃ dhyātvā vahnibījena pūjayet || 92 ||
[Analyze grammar]

gandharvaṃ śvetaṃ dvibhujaṃ padmāsanasthaṃ dhyātvā yamabījena pūjayet || 93 ||
[Analyze grammar]

bhṛṅgarājaṃ raktasiṃhāsanārūḍhaṃ divyayajñopavītinaṃ dhyāyet || 94 ||
[Analyze grammar]

hotā yasketi mantrasya bhārgava ṛṣirgāyatrīchando yaśo devatā bhṛṃgarājaprītaye viniyogaḥ || 95 ||
[Analyze grammar]

mṛgaṃ pītaṃ mṛgārūḍhaṃ pītavāsasaṃ dhyātvā |
kadācaneti mantrasya vāmadevaṛṣirbṛhatī chando vāmadevo devatā mṛgaprītaye viniyogaḥ || 96 ||
[Analyze grammar]

nairṛtārddhapadeṣu ca |
nirṛtiṃ pītaṃ śvetaṃ padmāsanasthaṃ dhyātvā |
kaidācaneti mantrasya paṃktiśchandaḥ savitā devatā nirṛtiprītaye viniyogaḥ || 97 ||
[Analyze grammar]

nairṛtārddhapadeṣu ca dauvārikaṃ śvetaśarabhārūḍhaṃ trinetraṃ sarvābharaṇabhūṣitaṃ dhyātvā |
hotasveti mantrasya narasiṃhaṛṣirbṛhatī chando gaṇeśo devatā dauvārikaprītaye viniyogaḥ || 98 ||
[Analyze grammar]

śyāmaṃ sugrīvaṃ kṛṣṇameṣārūḍhaṃ pītavāsasaṃ dhyātvā |
svādityeti mantrasya triṣṭupchando vāmano devatā sugrīvaprītaye viniyogaḥ || 99 ||
[Analyze grammar]

sumitriyā na iti mantrasya kandarpaṛṣiḥ paṅktiśchandaḥ sūryo devatā varuṇaprītaye viniyogaḥ || 100 ||
[Analyze grammar]

puṣpadaṃtaṃ pītaṃ meṣārūḍhaṃ pītavāsasaṃ dhyātvā |
yā oṣadhīriti mantrasya manmatha ṛṣirjagatī chando vāyurdevatā puṣpadaṃtaprītaye viniyogaḥ || 101 ||
[Analyze grammar]

asuraṃ kṛṣṇaṃ kṛṣṇamālyairalaṃkṛtaṃ kṛtvā |
ākṛṣṇeti mantrasya hiraṇyavarṇa ṛṣirjagatī chandaḥ savitā devatā asuraprītaye viniyogaḥ || 102 ||
[Analyze grammar]

asuraṃ kṛṣṇaṃ nāgahārānvitaṃ padmāsanasthaṃ dhyātvā |
ābrahmanniti maṃtrasya nalina ṛṣistriṣṭupchando bhavānī devatā somaprītaye viniyogaḥ || 103 ||
[Analyze grammar]

rogaṃ kṛṣṇaṃ nīlendīvaradharaṃ śvetavṛṣabhārūḍhaṃ dhyātvā |
namaste rudra iti mantrasya nārada ṛṣiḥ paṃktiśchandaḥ śrīrdevatā rogaprītaye viniyogaḥ || 104 ||
[Analyze grammar]

vāyukoṇādārabhya pūjayet |
vāyuṃ dhūmravarṇaṃ dhvajahastaṃ mṛgārūḍhaṃ dhyātvā |
devā iti mantrasya bṛhatī chando yamo devatā nāgaprītaye viniyogaḥ || 105 ||
[Analyze grammar]

śvetaṃ somaṃ śvetavarṇāsanasthaṃ dhyātvā bhadrabījena pūjayet || 106 ||
[Analyze grammar]

raktaṃ bhallāṭaṃ pītavāsasaṃ dhyātvā vahnibījena pūjayet |
pītavāsasamajavāhanaṃ hārakeyūrānvitaṃ vāyubījena maṃdarādyaiḥ pūjayet || 107 ||
[Analyze grammar]

raktāṃ ditiṃ nāgahārānvitāṃ raktapadmāsanasthāṃ dhyātvā |
mānārthaṃ iti mantrasyeti pūjayet || 108 ||
[Analyze grammar]

māno tvā iti maṃtrasya bhārgava ṛṣiḥ paṃktiśchandaḥ pṛthivī devatā ditiprītaye viniyogaḥ || 109 ||
[Analyze grammar]

aditiṃ pītavarṇāṃ siṃhārūḍhāṃ pītāṃbaradharāṃ dhyātvā |
hiraṇyavarṇa iti maṃtrasya janārdana ṛṣirbṛhatī chandaḥ somo devatā aditiprītaye viniyogaḥ || 110 ||
[Analyze grammar]

evaṃ yathā vidhāyātha homaṃ kuryādyathāvidhi |
homāṃte dakṣiṇāṃ dadyātkāñcanaṃ hemasaṃyutam || 111 ||
[Analyze grammar]

taḍāgayāgapakṣe tu suvarṇaṃ cārdhameva vā || 112 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāge daśamo'dhyāyaḥ || 10 ||
[Analyze grammar]