Chapter 208

śatānīka uvāca |
punarme brūhi saptamyāṃ prītaye bhāskarasya tu |
upoṣito bhavatīha naro yastu dvijottama || 1 ||
[Analyze grammar]

sumanturuvāca |
kathitāḥ sapta saptamyaḥ punarasminmahāmate |
bahavaḥ kuruśārdūla bhūyastvetāḥ śṛṇuṣva me || 2 ||
[Analyze grammar]

svayaṃ yāḥ kathitāḥ pūrvamādityena khagādhipa |
aruṇasya mahābāho saptamyaḥ sapta pūjitāḥ || 3 ||
[Analyze grammar]

arkasaṃpuṭakairekā dvitīyā maricaistathā |
tṛtīyā niṃbapatraiśca caturthī phalasaptamī || 4 ||
[Analyze grammar]

anodanā pañcamī syātṣaṣṭhī vijayasaptamī |
saptamī kāmikā jñeyā vidhiṃ tāsāṃ nibodha me || 5 ||
[Analyze grammar]

śuklapakṣe ravidine dakṣiṇe cottarāyaṇe |
grahaṇe sūryanakṣatre gṛhṇīyātsapta saptamī || 6 ||
[Analyze grammar]

sa tāṃ su brahmacārī syācchaucayukto jitendriyaḥ |
sūryārcanarato dāṃto japahomaparastathā || 7 ||
[Analyze grammar]

pañcamyāmeva puruṣaḥ kuryānnitya manātmakam |
ṣaṣṭhyāṃ na maithunaṃ gacchenmadhumāṃsaṃ ca varjayet || 8 ||
[Analyze grammar]

arkasaṃpuṭakairekāṃ tathānyāṃ maricairnayet |
tathāparāṃ niṃbapatraiḥ phalākhyāyāṃ phalaṃ caret || 9 ||
[Analyze grammar]

anodanāmannarahita upāsīta yathāvidhi |
ahorātraṃ vāyubhakṣaḥ kuryādvijayasaptamīm || 10 ||
[Analyze grammar]

tathaikāṃ saptamīṃ kṛtvā pratimāsaṃ vicakṣaṇaḥ |
kuryādyathāvidhi mudā tataḥ kurvīta kāmikām || 11 ||
[Analyze grammar]

āsāṃ likhitvā nāmāni patrakeṣu pṛthakpṛthak |
tāni sarvāṇi patrāṇi kṣipedabhinave ghaṭe || 12 ||
[Analyze grammar]

tadarthaṃ yo na jānāti lokavāhyopi vā naraḥ |
tena hyuddhārayedekaṃ na kuryācca vicāraṇām || 13 ||
[Analyze grammar]

tenaiva vidhinā yastu pratimāsaṃ ca tattapaḥ |
saptaiva yāvatsaptamyo vijñeyā sā tu kāmikā || 14 ||
[Analyze grammar]

ityetāḥ sapta saptamyaḥ svayaṃ proktā vivasvatā |
kurvīta yo naro bhaktyā sa yātyarkasado nṛpa || 15 ||
[Analyze grammar]

arkasaṃpuṭakairvittamacalaṃ saptapauruṣam |
maricaiḥ saṃgamaḥ syādvai priyaiḥ putrādibhiḥ sadā || 16 ||
[Analyze grammar]

sarvarogāḥ praṇaśyaṃti niṃbapatrairna saṃśayaḥ |
phalaistu putrapautrāśca dauhitraścāpi puṣkalaḥ || 17 ||
[Analyze grammar]

ato dhanaṃ dhanaṃ dhānyaṃ suvarṇaṃ rajataṃ tathā |
tathā paśurhiraṇyaṃ ca ārogyaṃ satataṃ nṛpa || 18 ||
[Analyze grammar]

upoṣya vijayāṃ śatrūnrājañjayati nityaśaḥ |
sādhayetkāmadā kāmānvidhivatsamupāsitā || 19 ||
[Analyze grammar]

putrakāmo labhetputramarthakāmorthamakṣayam |
vidyākāmo labhedvidyāṃ rājyārthī rājyamāpnuyāt |
kṛtsnānkāmāndadātyeṣā kāmadā kurunandana || 20 ||
[Analyze grammar]

naro vā yadi vā nārī yathoktaṃ saptamīvratam |
karoti niyatātmā vai sa yāti paramāṃ gatim || 21 ||
[Analyze grammar]

na teṣāṃ triṣu lokeṣu kiṃcidastīti durlabham |
ye bhaktyā lokanāthasya vratinaḥ saṃśitavratāḥ || 22 ||
[Analyze grammar]

vrataistu vividhairvīra tapobhirvā suduṣkaraiḥ |
na tatphalamavāpnoti yajñairvā bahudakṣiṇaiḥ || 23 ||
[Analyze grammar]

tīrthābhiṣecanairvāpi dānahomārcanaistathā |
yatphalaṃ ca pūjayituṃ saptamyāṃ prāpya mokṣadam |
mokṣārthī pārthivaśreṣṭha yathāha bhagavānraviḥ || 24 ||
[Analyze grammar]

kṛtvādityadine naktaṃ bhaktyā saṃpūjayedravim |
acalaṃ sthānamāpnoti mānavaḥ śraddhayānvitaḥ |
sūryaloke ca niyataṃ tasya vāso na saṃśayaḥ || 25 ||
[Analyze grammar]

yastu pūjayate bhaktyā saptamyāṃ bhāskaraṃ naraḥ |
brahmeṃdrarudralokeṣu tasyāpratihatā gatiḥ || 26 ||
[Analyze grammar]

nāṃdho na kuṣṭhī na klībo na vyaṃgo na ca nirdhanaḥ |
kule tasya bhavedvīra yaścaretsaptamīvratam || 27 ||
[Analyze grammar]

vidyārthī labhate vidyāṃ dhanārthī dhanamāpnuyāt |
bhāryārthī rūpasaṃpannāṃ striyaṃ putrāṃśca bhārata || 28 ||
[Analyze grammar]

lobhātpramādānmohācca vratabhaṃgo yadā bhavet |
tadā trirātraṃ nāśnīyātkuryādvā keśamuṃḍanam || 29 ||
[Analyze grammar]

prāyaścittamidaṃ kṛtvā punareva vratī bhavet |
saptaiva yāvatsaptamyo bhavaṃti ca khageśvara || 30 ||
[Analyze grammar]

abhyarcya sūryasaptamyāṃ mālyadhūpādibhirnaraḥ |
bhojayitvā dvijāñchaktyā prāpnuyātsvargamakṣayam || 31 ||
[Analyze grammar]

saptamyāṃ vipramukhyebhyo hiraṇyaṃ yaḥ prayacchati |
sa tadakṣayyamāpnoti sūryalokaṃ ca gacchati || 32 ||
[Analyze grammar]

itīdaṃ kīrtitaṃ vīra saptamīvratamuttamam |
bhūya evābhidhāsyāmi śṛṇuṣvaikamanā nṛpa || 33 ||
[Analyze grammar]