Chapter 189

sauradharmeṣu saptāśvasaṃvādaḥ |
<poem> || saptāśvatilaka uvāca |
āmapātrarasā yadvannaśyaṃte naśyabhājane |
japopekṣe tathā dānaṃ saha pātreṇa naśyati |
sadbījamūṣare yadvatsamuptaṃ niṣphalaṃ bhavet || 1 ||
[Analyze grammar]

bhasmanīva hutaṃ havyaṃ yathā hotuśca niṣphalam |
japena rahite vipre tathā dānaṃ nirarthakam || 2 ||
[Analyze grammar]

yathā ṣaṇḍho'phalaḥ strīṣu yathā gaurgavi cāphalā |
brāhmaṇasya tathā janma japahīnasya niṣphalam || 3 ||
[Analyze grammar]

lohoḍupena pratarannimajjatyudake yathā |
dātā dātā grahītā ca patatyaṃdhe tamasyatha || 4 ||
[Analyze grammar]

kāruṇyātsarvabhūteṣu śraddhayā yatpradīyate |
dānaṃ tadvai khaga jñeyaṃ sārvakāmikamuttamam || 5 ||
[Analyze grammar]

dīnāṃdhakṛpaṇānāṃ ca bālavṛddhātureṣu ca |
yaddīyate khagaśreṣṭha tasyānantaphalaṃ bhavet || 6 ||
[Analyze grammar]

na hi svārthaṃ samuddiśya pratigṛhṇaṃti sādhavaḥ |
dāturevopakārāya jagṛhuḥ śravaṇādayaḥ || 7 ||
[Analyze grammar]

dāturevopakārāya vadatyarthī dadasva me |
yasmāddātā prayātyūrdhvamadhastiṣṭhetpratigrahī || 8 ||
[Analyze grammar]

dehīti suvadannarthī dhanaṃ bodhayatīva saḥ |
yanmayā kṛtamarthitvaṃ prage'dānaphalaṃ hi tat || 9 ||
[Analyze grammar]

bodhayaṃti na yācante dehīti kṛpaṇā janāḥ |
avastheyamadānasya yadyācāmo gṛhegṛhe || 10 ||
[Analyze grammar]

āyātyarthī gṛhaṃ yastu kastaṃ na pratipūjayet |
koyamarthī na pūjyaḥ syādyācamāno dinedine || 11 ||
[Analyze grammar]

yadbalādapyanicchaṃtaṃ yojayaṃti narāśrayān |
ahanyahani yācaṃte dātuste darśayaṃti hi || 12 ||
[Analyze grammar]

ekastiṣṭhati cādhastādanyaścopari tiṣṭhati |
dātṛyācakayorbhedaḥ karābhyāmeva sūcitaḥ || 13 ||
[Analyze grammar]

yaḥ prāptāyārthine dānaṃ tyaktvā pātra mudīkṣate |
sarvakarmasu yuktatvānna dātā pāramārthikaḥ || 14 ||
[Analyze grammar]

yadyarthino narā na syurdānadharmaḥ kathaṃ bhavet |
tadarthiṣu bhaveddānaṃ svāgataṃ svāgataṃ priyam || 15 ||
[Analyze grammar]

pādodakamanuvrajyātsvargasopānasaptakam |
ciṃtāciṃtānurūpeṇa kadā kasya vinaṣyati || 16 ||
[Analyze grammar]

grāsādardhamapi grāsaṃ yuktaṃ dātuṃ sadārthinām |
dānaṃ priyavinirmuktaṃ naṣṭamāhurmanīṣiṇaḥ || 17 ||
[Analyze grammar]

tasmātsatkṛtya dātavyamanaṃtaphalamicchatā |
pretyākhyānamapi śreyaḥ priyānunayapeśa lam || 18 ||
[Analyze grammar]

na taddānamasatkārapāruṣyamalinīkṛtam |
varaṃ na dattamarthibhyaḥ saṃkruddhenāṃtarātmanā || 19 ||
[Analyze grammar]

na taddhanaṃ na ca prītirna dharmaḥ priyavarjitaḥ |
dānapradānaniyamayajñadhyānaṃ hutaṃ tapaḥ |
yatnenāpi kṛtaṃ sarvaṃ krodho'sya niṣphalaṃ khaga || 20 ||
[Analyze grammar]

yaḥ śraddhayārcitaṃ dadyātprati gṛhṇāti cārcitam |
tāvubhau gacchataḥ svargaṃ naraka tadviparyayāt || 21 ||
[Analyze grammar]

audāryaṃ svāgataṃ maitrī hyanukaṃpā ca matsaraḥ |
paṃcabhistu gurau dānaṃ dāturdāne mahāphalam || 22 ||
[Analyze grammar]

vārāṇasī kurukṣetraṃ prayāgaṃ puṣkarāṇi ca |
gātaṭaṃ samudraśca naimiṣāraṇyameva ca || 23 ||
[Analyze grammar]

mūlasthānaṃ mahāpuṇyaṃ puṃḍīrasvāmikaṃ tathā |
kālapriyaṃ khagaśreṣṭha kṣīrikāvāsa eva ca || 24 ||
[Analyze grammar]

ityete kīrtitā deśāḥ surasiddhaniṣevitāḥ |
sarve sūryāśramāḥ puṇyāḥ sarvā nadyaḥ saparvatāḥ |
gosiddhamuni vāsāśca deśāḥ puṇyāḥ prakīrtitāḥ || 25 ||
[Analyze grammar]

sūryāyatanasaṃsthānāṃ yadyadalpaṃ tu dīyate |
tadanaṃtaphalaṃ jñeyaṃ vacaḥ kṣetrānubhāvataḥ || 36 ||
[Analyze grammar]

grahaṇaṃ caṃdrasūryābhyāmuttarāyaṇamuttamam |
viṣuvaṃ savyatīpātaṃ ṣaḍaśītimukhaṃ tathā || 27 ||
[Analyze grammar]

dinacchidrāṇi saṃkrāṃtiḥ puṇyaṃ viṣupadaṃ khaga |
iti kālaḥ samā khyātaḥ puṃsāṃ puṇyavivardhanaḥ || 28 ||
[Analyze grammar]

bhaktibhāvaḥ parā prītirdharmo dharmaikabhāvanaḥ |
pratipattiriti jñeyaṃ śraddhāparyāyapaṃcakam || 29 ||
[Analyze grammar]

śraddhayā vidhivatpātre pratipāditamuttamam |
tasmācchraddhāṃ samāsthāya deyamakṣayamicchatā || 30 ||
[Analyze grammar]

yaddānaṃ śraddhayā pātre vidhivatpratipāditam |
tadanaṃtaphalaṃ jñeya mapi vā bhāramātrakam || 31 ||
[Analyze grammar]

ārteṣu dīneṣu guṇānviteṣu yaḥ śraddhayā svalpamapi pradadyāt |
sa sarvakāmānsamupaiti lokāñcchraddhaiva dānaṃ pravadaṃti tajjñāḥ || 32 ||
[Analyze grammar]

śraddhā dānaṃ paraṃ jñeyaṃ śraddhā eva tapaḥ param |
śraddhāṃ yajñamuśantīha śraddhā paramupoṣitam || 33 ||
[Analyze grammar]

athāhiṃsā kṣamā satyaṃ hrīḥ śraddheṃdriyasaṃyamaḥ |
dānamiṣṭaṃ tapo dhyānaṃ daśakaṃ dharmasādhanam || 34 ||
[Analyze grammar]

haṃtavyastaiḥ samastairvā sūryadharmairanuṣṭhitaiḥ |
sūryaukasāṃ ca saṃprāptergatirekā prakīrtitā || 35 ||
[Analyze grammar]

yathā bhūḥ sarvabhūtānāṃ śāṃtiratiśayaḥ smṛtaḥ |
kuryātpuṇyaṃ mahattasmānmama lokepsayā sudhī || 36 ||
[Analyze grammar]

parastrīdravyasaṃkalpaṃ yaḥ sāpekṣaṃ karoti ca |
gurumārtamaśaktaṃ vā videśe prasthitaṃ tathā |
aribhiḥ paribhūtaṃ ca saṃtyajeccaiva pāpakṛt || 37 ||
[Analyze grammar]

tadbhāryāmitraputreṣu yaścāvajñāṃ karoti ca |
ityetatpātakaṃ jñeyaṃ guruniṃdāsamaṃ bhavet || 38 ||
[Analyze grammar]

brahmaghnaśca surāpaśca steyī ca gurutalpagaḥ |
mahāpātakinastvete tatsaṃyogī ca pañcamaḥ || 39 ||
[Analyze grammar]

krodhāddveṣādbhayāllobhādbrāhmaṇasya vadeta yaḥ |
prāṇāṃtikaṃ mahādoṣaṃ brahmahā sa udāhṛtaḥ || 40 ||
[Analyze grammar]

brāhmaṇaṃ ca samāhūya yācamānamakiṃcanam |
yannāstīti ca yo brūyātsa cāṇḍālaṃ udāhṛtaḥ || 41 ||
[Analyze grammar]

devadvijagavāṃ bhūmiṃ pūrvadattāṃ hareta yaḥ |
pranaṣṭāmapi kāle tu tamāhurbrahmaghātakam || 42 ||
[Analyze grammar]

adhītya yo raverjñānaṃ parityajati maṃdadhīḥ |
surāpena samaṃ jñeyaṃ tasya pāpaṃ ca suvrata || 43 ||
[Analyze grammar]

agnihotraparityāgaḥ paṃcayajñiyakarmaṇām |
mātāpitṛparityāgaḥ kūṭasākṣyaṃ suhṛdvadhaḥ || 44 ||
[Analyze grammar]

apriyaṃ sūryabhaktānāmabhakṣyasya ca bhakṣaṇam |
evaṃ niraparādhānāṃ prāṇināṃ ca pramāraṇam || 45 ||
[Analyze grammar]

sarvādhipatyameteṣāṃ nāsti devapurottame |
ātmalokādhipatyaṃ tu yacchetsarvajatpatiḥ || 46 ||
[Analyze grammar]

kecidatraiva mucyante jñānayogaparā narāḥ |
āvartaṃte punaścānye saṃsāre bhogatatparāḥ || 47 ||
[Analyze grammar]

tasmādvimokṣamanvicchanbhogāsaktiṃ vivarjayet |
viraktaḥ śāṃtacittātmā sauralokamavāpnuyāt || 48 ||
[Analyze grammar]

yaccāpyasaktahṛdayā japantīmaṃ prasaṃgataḥ |
teṣāmapi vadatyekaḥ svānubhāvānurūpataḥ || 49 ||
[Analyze grammar]

tannārcayanti ye bhānuṃ sakṛducchiṣṭadehinaḥ |
teṣāṃ piśācaloke tu bhogānbhānuḥ prayacchati || 50 ||
[Analyze grammar]

dvirjapaṃti ca ye bhānuṃ krūrāḥ saṃkruddhalocanāḥ |
rakṣoloke ravisteṣāṃ mahābhāgyaṃ prayacchati || 51 ||
[Analyze grammar]

trirarcayanti ye bhānuṃ madyamāṃsaratā narāḥ |
ṛṣiloke ravisteṣāṃ bhogāndivyānprayacchati || 52 ||
[Analyze grammar]

ye nṛtyagītaṃ kurvaṃti triścaturdhā yadṛcchayā |
sūryasyāgre tu te yāṃti gaṃdharvabhavanaṃ khaga || 53 ||
[Analyze grammar]

lokāḥ khyātiṃ samuddiśya pūjayaṃti ca gopatim |
teṣāṃ śakrālaye bhānuḥ kāmāntsarvānprayacchati || 54 ||
[Analyze grammar]

kāmāsaktena cittena yaḥ ṣaḍarcayate ravim |
prājāpatye ravistasya loke bhogānprayacchati || 55 ||
[Analyze grammar]

navakṛtvorcayedyastu citrabhānuṃ khagādhipa |
sa yāti viṣṇusālokyaṃ viṣṇunā saha modate || 56 ||
[Analyze grammar]

tasmādapi paraṃ sthānaṃ yadbhūtānāṃ manoharam |
aprameyaguṇaidivyairvimānaiḥ sārvakāmikaiḥ || 57 ||
[Analyze grammar]

asaṃkhyairvastubhirvyāptaṃ gairikai raktacitrakaiḥ |
nānāgṛhasamākīrṇaiḥ sūryakoṭisamaprabham || 58 ||
[Analyze grammar]

tatsthānaṃ te pragacchaṃti arcayanti ca ye dvijān |
tatra loke khagaśreṣṭha vasaṃti viharaṃti ca |
tasmādapi paraṃ sthānaṃ jyotiṣkaṃ sauramucyate || 59 ||
[Analyze grammar]

evaṃ sūryānubhāvena nikṛṣṭenāpi karmaṇā |
naraiḥ sthānānyavāpyante śraddhābhāvānurūpataḥ || 60 ||
[Analyze grammar]