Chapter 178

aruṇa uvāca |
abalo bālarūpeṇa khaṭvāṃgaśikhivāhanaḥ |
pūrveṇa vadanaḥ śrīmāṃstriśikhaḥ śaktisaṃyutaḥ || 1 ||
[Analyze grammar]

kṛttikāyāśca rudrasya cāṃgodbhūtaḥ surārcitaḥ |
kārtikeyo mahātejā ādityavaradarpitaḥ |
śāṃtiṃ karotu te nityaṃ balaṃ saukhyaṃ ca tejasā || 2 ||
[Analyze grammar]

ātreyībalavāndeva ārogyaṃ ca khagādhipa |
śvetavastraparīdhānastryakṣaḥ kanakasuprabhaḥ || 3 ||
[Analyze grammar]

śūlahasto mahāprājño nadīśo ravibhāvitaḥ |
śāṃtiṃ karotu te śānto dharme ca matimuttamām || 4 ||
[Analyze grammar]

dharmetarāvubhau nityamacalaḥ saṃprayacchatu |
mahodaro mahākāyaḥ snigdhāṃjanasamaprabhaḥ || 5 ||
[Analyze grammar]

ekadaṃṣṭrotkaṭo devo gajavaktro mahābalaḥ |
nāgayajñopavītena nānābharaṇabhūṣitaḥ || 6 ||
[Analyze grammar]

sarvārthasaṃpadoddhāro gaṇādhyakṣo varapradaḥ |
bhīmasya tanayo devo nāyakotha vināyakaḥ |
karotu te mahāśāṃtiṃ bhāskarārcanatatparaḥ || 7 ||
[Analyze grammar]

iṃdranīlanibhastryakṣo dīptaśūlāyudhodyataḥ |
raktāṃbaradharaḥ śrīmānkṛṣṇāṃgo nāgabhūṣaṇaḥ || 8 ||
[Analyze grammar]

pāpāpanodamatulamalakṣyo malanāśanaḥ |
karotu te mahāśāṃtiṃ prītaḥ prītena cetasā || 9 ||
[Analyze grammar]

varāṃbaradharā kanyā nānālaṃkārabhūṣitā |
tridaśānāṃ ca jananī puṇyā lokanamaskṛtā || 10 ||
[Analyze grammar]

sarvasiddhikarā devī prasādaparamāspadā |
śāṃtiṃ karotu te mātā bhuvanasya khagādhipa || 11 ||
[Analyze grammar]

snigdhaśyāmena varṇena mahāmahiṣamardanī |
dhanuścakrapraharaṇā khaṅgapaṭṭiśadhāriṇī || 12 ||
[Analyze grammar]

ātarjanyāyatakarā sarvopadravanāśinī |
śāṃtiṃ karotu te durgā bhavānī ca śivā tathā || 13 ||
[Analyze grammar]

atisūkṣmo hyatikrodhastryakṣo bhṛṃgiriṭirmahān |
sūryātmako mahāvīraḥ sūryaikagatamānasaḥ |
sūryabhaktikaro nityaṃ śivaṃ te saṃprayacchatu || 14 ||
[Analyze grammar]

pracaṃḍagaṇasainyeśo mahāghaṃṭākṣadhārakaḥ |
akṣamālārpitakaraścākṣacaṃḍeśvaro varaḥ || 15 ||
[Analyze grammar]

caṃḍapāpaharo nityaṃ brahmahatyā vināśanaḥ |
śāṃtiṃ karotu te nityamādityārādhane rataḥ |
karoti ca mahāyogī kalyāṇānāṃ paraṃparām || 16 ||
[Analyze grammar]

ākāśamātaro divyāstathānyā devamātaraḥ |
sūryāyaṇaparā devyo jagadvyāpya vyavasthitāḥ |
śāṃtiṃ kurvaṃtu me nityaṃ mātaraḥ surapūjitāḥ || 17 ||
[Analyze grammar]

ye rudrā raudrakarmāṇo raudra sthānanivāsinaḥ |
mātaro rudrarūpāśca gaṇānāmadhipāśca ye || 18 ||
[Analyze grammar]

vighnabhūtāstathā cānye digvidikṣu samāśritāḥ |
sarve te prītamanasaḥ pratigṛhṇaṃtu me balim |
siddhiṃ kurvaṃtu te nityaṃ bhayebhyaḥ pāṃtu sarvataḥ || 19 ||
[Analyze grammar]

aiṃdrādayo gaṇā ye tu vajrahastā mahābalāḥ |
himakundeṃdusadṛśā nīlakṛṣṇāṃgalohitāḥ || 20 ||
[Analyze grammar]

divyāṃtarikṣā bhaumāśca pātālatalavāsinaḥ |
aiṃdrāḥ śāṃtiṃ prakurvaṃtu bhadrāṇi ca punaḥ punaḥ || 21 ||
[Analyze grammar]

āgneyyāṃ ye bhṛtāḥ sarve dhruvahatyānuṣaṃgiṇaḥ |
sūryānuraktā raktābhā japāsumanibhāstathā || 22 ||
[Analyze grammar]

viraktalohitā divyā āgneyyāṃ bhāskarādayaḥ |
ādityārādhanaparā ādityagatamānasāḥ || 23 ||
[Analyze grammar]

śāṃtiṃ kurvaṃtu te nityaṃ prayacchaṃtu baliṃ mama |
bhayā'dityasamā ye tu satataṃ daṇḍapāṇayaḥ |
ādityārādhanaparāḥ kaṃ prayacchaṃtu te sadā || 24 ||
[Analyze grammar]

aiśānyāṃ saṃsthitā ye tu praśāṃtāḥ śūlapāṇayaḥ |
bhasmoddhūlitadehāśca nīlakaṇṭhā vilohitāḥ || 25 ||
[Analyze grammar]

divyāṃtarikṣā bhaumāśca pātālatalavāsinaḥ |
sūryapūjākarā nityaṃ pūjayitvāṃśumālinam || 26 ||
[Analyze grammar]

tataḥ suprītamanaso lokapālaiḥ sama nvitāḥ |
śāṃtiṃ kurvaṃtu me nityaṃ kaṃ prayacchaṃtu pūjitāḥ || 27 ||
[Analyze grammar]

amarāvatī purī nāma pūrvabhāge vyavasthitā |
vidyādharagaṇākīrṇā siddhagandharvase vitā || 28 ||
[Analyze grammar]

ratnaprākārarucirā mahāratnopaśobhitā |
tatra devapatiḥ śrīmānvajrapāṇirmahābalaḥ |
gopatirgosahasreṇa śobhamānena śobhate || 29 ||
[Analyze grammar]

airāvatagajārūḍho gairikābho mahādyutiḥ |
deveṃdraḥ satataṃ hṛṣṭa ādityārādhane rataḥ || 30 ||
[Analyze grammar]

sūryajñānaikaparamaḥ sūryabhaktisamanvitaḥ |
sūryapraṇāmaḥ paramāṃ śāṃtiṃ te'dya prayacchatu || 31 ||
[Analyze grammar]

āgneyadigvibhāge tu purī tejasvatī śubhā |
nānādevagaṇākīrṇā nānāratnopaśobhitā || 32 ||
[Analyze grammar]

tatra jvālā samākīrṇo dīptāṃgārasamadyutiḥ |
purago dahano devo jvalanaḥ pāpanāśanaḥ || 33 ||
[Analyze grammar]

ādityārādhanarata ādityagatamānasaḥ |
śāṃtiṃ karotu te devastathā pāpaparikṣayam || 34 ||
[Analyze grammar]

vaivasvatī purī ramyā dakṣiṇena mahātmanaḥ |
surāsuraśatākīrṇā nānāratnopaśobhitā || 35 ||
[Analyze grammar]

tatra kundeṃdusaṃkāśo haripiṃgalalocanaḥ |
mahāmahiṣamārūḍhaḥ kṛṣṇasragvastrabhūṣaṇaḥ || 36 ||
[Analyze grammar]

antako'tha mahātejāḥ sūryadharmaparāyaṇaḥ |
ādityārādhanaparaḥ kṣemārogye dadātu te || 37 ||
[Analyze grammar]

nairṛte digvibhāge tu purī kṛṣṇeti viśrutā |
moharakṣogaṇāśaucapiśācapretasaṃkulā || 38 ||
[Analyze grammar]

tatra kundanibho devo raktasragvastra bhūṣaṇaḥ |
khaḍgapāṇirmahātejāḥ karālavadanojjvalaḥ || 39 ||
[Analyze grammar]

rakṣeṃdro vasate nityamādityārādhane rataḥ |
karotu me sadā śāṃtiṃ dhanaṃ dhānyaṃ praya cchatu || 40 ||
[Analyze grammar]

paścime tu diśo bhāge purī śuddhavatī sadā |
nānābhogisamākīrṇā nānākinnarasevitā || 41 ||
[Analyze grammar]

tatra kundedusaṃkāśo haripiṃgala locanaḥ |
śāṃtiṃ karotu me prītaḥ śāṃtaḥ śāṃtena cetasā || 42 ||
[Analyze grammar]

yaśovatī purī ramyā aiśānīṃ diśamāśritā |
nānāgaṇasamākīrṇā nānākṛta śubhālayā |
tejaḥprākāraparyaṃtā anaupamyā sadojvalā || 43 ||
[Analyze grammar]

tatra kuṃdeṃdusaṃkāśaścāṃbujākṣo vibhūṣitaḥ |
trinetraḥ śāṃtarūpātmā akṣamālā dharādharaḥ |
īśānaḥ paramo devaḥ sadā śāṃtiṃ prayacchatu || 44 ||
[Analyze grammar]

bhūloke tu bhuvarloke nivasaṃti ca ye sadā |
devādevāḥ śubhāyuktāḥ śāṃtiṃ kurvaṃtu te sadā || 45 ||
[Analyze grammar]

maharloke janoloke paraloke gatāśca ye |
te sarve muditā devāḥ śāṃtiṃ kurvaṃtu te sadā || 46 ||
[Analyze grammar]

sarasvatī sūryabhaktā śāṃtidā vidadhātu me |
cārucāmīkarasthā yā sarojakarapallavā |
sūryabhaktyāśritā devī vibhūtiṃ te prayacchatu || 47 ||
[Analyze grammar]

hareṇa suvicitreṇa bhāsvatkanakamekhalā |
aparājitā sūryabhaktā karotu vijayaṃ tava || 48 ||
[Analyze grammar]