Chapter 175

garuḍa uvāca |
sarvarogahatā ye tu ādhivyādhisamanvitāḥ |
grahopaghātairvividhairarditā ye ca mānavāḥ || 1 ||
[Analyze grammar]

aribhiḥ pīḍitā ye ca vināyakahatāśca ye |
kartavyaṃ kiṃ bhavetteṣāmātmanaḥ śreyase'nagha || 2 ||
[Analyze grammar]

aruṇa uvāca |
nānārogahatānāṃ tu arditānāṃ tathāribhiḥ |
ādityārādhanaṃ muktvā nānyacchreyaskaraṃ param || 3 ||
[Analyze grammar]

tasmādārādhayennityaṃ sarvarogavināśanam |
grahopaghātahaṃtāraṃ rājopadravanāśanam || 4 ||
[Analyze grammar]

garuḍa uvāca |
sarvapatravihīnaṃ me sarvarogavivarjitam |
śāpena brahmavādinyāḥ paśyāṃgaṃ dvijasattama || 5 ||
[Analyze grammar]

evaṃ mattasya me tāta kiṃ kāryamavaśiṣyate |
yenāhaṃ karmaṇā kalpo bhaveyaṃ patravānpunaḥ || 6 ||
[Analyze grammar]

tanme brūhi khagaśreṣṭha prapannasya khagādhipa |
yatkṛtvā kalpatāṃ prāpya pūjayāmi divākaram || 7 ||
[Analyze grammar]

aruṇa uvāca |
pūjayasva jagannāthaṃ bhāskaraṃ timirāpaham |
sūryāgnikāryaṃ satataṃ śuddhacittaḥ samācara || 8 ||
[Analyze grammar]

mahāśāṃtikaraṃ khyātaṃ sarvopadravanāśanam |
grahopaghātahaṃtāraṃ śubhakāryaṃkaraṃ param || 9 ||
[Analyze grammar]

garuḍa uvāca |
nāhaṃ śaktosmi vai kartuṃ pūjāṃ dinakarasya ca |
na cāgnikāryaṃ śaknomi kartuṃ vikalatāṃ gataḥ || 10 ||
[Analyze grammar]

tasmānme kuru śāṃtyarthamagnikāryaṃ khagādhipa |
mahāśāṃtiriti khyātaṃ śāṃtaye mama suvrata || 11 ||
[Analyze grammar]

aruṇa uvāca || |
evameva yadāttha tvaṃ vainateya khagādhipa |
akalpastvaṃ na śaknoṣi mahāvyādhiprapīḍitaḥ || 12 ||
[Analyze grammar]

ahaṃ karomi te putra śāṃtaye pāvakārcanam |
yatkṛtaṃ mama cārkeṇa purā śāṃtidamādarāt || 13 ||
[Analyze grammar]

sarvapāpaharaṃ puṇyaṃ mahāvipravināśanam |
mahodayaṃ śātikaraṃ lakṣahomavidhi smṛtam || 14 ||
[Analyze grammar]

apamṛtyuharaṃ vīra sarvavyādhiharaṃ param |
paracakrapramathanaṃ sadāvijayavardhanam || 15 ||
[Analyze grammar]

tṛptidaṃ sarvadevānāṃ bhāskarapriyamuttam |
āgneyyāṃ diśi lipyātha sthaḍilaṃ gomayena tu || 16 ||
[Analyze grammar]

devālayasya vidhivatkuryādagniprabodhanam |
mahāvyāhṛtibhirvīra lakṣahomaṃ samācaret || 17 ||
[Analyze grammar]

bhūrbhuvaḥsvariti svāhā praṇavena samanvitam |
āraktadeharūpāya raktākṣāya mahātmane || 18 ||
[Analyze grammar]

dharādharāya śāntāya sahasrākṣiśirāya ca || 19 ||
[Analyze grammar]

adhomukhāya śvetāya svāhā pūrvāhutiṃ sṛjet || |
caturmukhāya śāṃtāya padmāsanagatāya ca || 20 ||
[Analyze grammar]

padmavarṇāya vedhāya kamaṇḍaludharāya ca |
dvitīyordhvamukhāyeha svāhākārāhutiṃ sṛjet || 21 ||
[Analyze grammar]

hemavarṇāya dehāya airāvatagatāya ca |
sahasrākṣaśarīrāya pūrvadiśyunmukhāya ca || 22 ||
[Analyze grammar]

devādhipāya cendrāya vihastāya śubhāya ca |
svāhākāraṃ cotsṛjedeva tṛtīyavadanāya ca || 23 ||
[Analyze grammar]

dīptāya vyaktadehāya jvālāmālākulāya ca |
indranīlābhadehāya sarvārogyakarāya ca || 24 ||
[Analyze grammar]

yamāya dharmarājāya dakṣiṇāśāmukhāya ca |
kṛṣṇāṃbaradharāyeha svāhāhutimanutsṛjet || 25 ||
[Analyze grammar]

nīlajīmūtavarṇāya raktāṃbaradharāya ca |
muktāphalaśarīrāya piṃgākṣāya mahātmane || 26 ||
[Analyze grammar]

śuklavastrāya pītāya divyapāśadharāya ca |
svāhākārāya ca tathā paścimābhimukhāya ca || 27 ||
[Analyze grammar]

kṛṣṇapiṃgalanetrāya vāyavyābhimukhāya ca |
nīladhvajāya vīrāya tathā cendrāya vedhase || 28 ||
[Analyze grammar]

svāheti pavanāyeha āhutiṃ cotsṛjedbudhaḥ |
gadāhastāya sūryāya citrasragbhūṣaṇāya ca || 29 ||
[Analyze grammar]

mahodarāya śāṃtāya svāhādhipataye tathā |
uttarābhimukhāyeha mahādevapriyāya ca || 30 ||
[Analyze grammar]

śvetāya śvetavarṇāya citrākṣāya mahātmane |
śāṃtāya śāṃtarūpāya pinākavaradhāriṇe || 31 ||
[Analyze grammar]

īśānābhimukhāyeha dadyādīśāya cāhutim |
visṛjetkhagaśārdūla vidhivacchreyasenagha || 32 ||
[Analyze grammar]

evaṃ devaṃ mahātmānaṃ pāvakaṃ vidhivatkhaga |
arhediti tu yatkāryaṃ tatsauraṃ khagasattama || 33 ||
[Analyze grammar]

lakṣahomaṃ ca vidhivatkṛtvā śāṃtikamācaret |
bhūrbhuvaḥsvariti svā hā lakṣahomavidhiḥ smṛtaḥ || 34 ||
[Analyze grammar]

mahāhome ca vai saura eṣa eva vidhiḥ paraḥ |
kṛtvaivamagnikāryaṃ tu bhojako bhāskarāya vai || 35 ||
[Analyze grammar]

śāṃtyarthaṃ sarvalokānāṃ tataḥ śāṃtikamācaret |
sindūrāsanaraktābhaḥ raktapadmābhalocanaḥ || 36 ||
[Analyze grammar]

sahasrakiraṇo devaḥ saptāśvarathavāhanaḥ |
gabhastimālī bhagavānsarvadevanamaskṛtaḥ || 37 ||
[Analyze grammar]

karotu te mahāśāṃtiṃ grahapīḍānivāriṇīm |
tricakrarathamārūḍha apāṃ sāramayaṃ tu yaḥ || 38 ||
[Analyze grammar]

daśāśvavāhano deva ātreya ścāmṛtasravaḥ |
śītāṃśuramṛtātmā ca kṣayavṛddhisamanvitaḥ |
somaḥ saumyena bhāvena grahapīḍāṃ vyapohatu || 39 ||
[Analyze grammar]

padmarāganibho bhaumo madhupiṃgala locanaḥ |
aṃgārako'gnisadṛśo grahapīḍāṃ vyapohatu || 40 ||
[Analyze grammar]

puṣparāganibheneha dehena paripiṃgalaḥ |
pītamālyāṃbaradharo budhaḥ pīḍāṃ vyapohatu || 41 ||
[Analyze grammar]

taptagairikasaṃkāśaḥ sarvaśāstraviśāradaḥ |
sarvadevagururvipro hyatharvaṇavaro muniḥ || 42 ||
[Analyze grammar]

bṛhaspatiriti khyāta arthaśāstraparaśca yaḥ |
śāṃtena cetasā sopi pareṇa susamāhitaḥ || 43 ||
[Analyze grammar]

grahapīḍāṃ vinirjitya karotu tava śāṃtikam |
sūryārcanaparo nityaṃ prasādādbhāskarasya tu || 44 ||
[Analyze grammar]

himakuṃdeṃduvarṇābho daityadānavapūjitaḥ |
maheśvarastato dhīmānmahāsauro mahāmatiḥ || 45 ||
[Analyze grammar]

sūryārcanaparo nityaṃ śukraḥ śuklanibhastadā |
nītiśāstraparo nityaṃ grahapīḍāṃ vyapohatu || 46 ||
[Analyze grammar]

nānārūpadharovyakta avijñātagatiśca yaḥ |
notpattirjāyate yasya nodayapīḍitairapi || 47 ||
[Analyze grammar]

ekacūlo dvicūlaśca triśikhaḥ paṃcacūlakaḥ |
sahasraśirarūpastu candraketuriva sthitaḥ || 48 ||
[Analyze grammar]

sūryaputrogniputrastu brahmaviṣṇuśivātmakaḥ |
anekaśikharaḥ ketuḥ sa te pīḍāṃ vyapohatu || 49 ||
[Analyze grammar]

ete grahā mahātmānaḥ sūryārcanaparāḥ sadā |
śāṃtiṃ kurvaṃtu te hṛṣṭāḥ sadā kālaṃ hitekṣaṇāḥ || 50 ||
[Analyze grammar]