Chapter 158

sumaṃturuvāca |
praśnabhāro mahāṃstāta tvayokto raśmimālini |
yathāśakti tu vakṣyāmi śrūyatāṃ bhānavaṃ yaśaḥ || 1 ||
[Analyze grammar]

bhānoḥ prabhāvaśravaṇe yasya te matirutthitā |
haṃta bhānoḥ pravṛttiṃ ca śṛṇu divyāṃ mayeritām || 2 ||
[Analyze grammar]

sahasrāsyaṃ sahasrākṣaṃ sahasrakiraṇaṃ ca yam |
sahasraśirasaṃ devaṃ sahasrakarama vyayam || 3 ||
[Analyze grammar]

sahasrajihvaṃ bhāsvaṃtaṃ sahasramukuṭaṃ prabhum |
sahasradaṃ sahasrāriṃ sahasrabhujamavyayam || 4 ||
[Analyze grammar]

savanaṃ bhavanaṃ caiva havyaṃ hotārameva ca |
pātrāṇi samatītāni vedadīkṣī caruṃ śubham || 5 ||
[Analyze grammar]

śrotriyaṃ śūrpamusalaṃ prokṣaṇaṃ dakṣiṇāyanam |
adhvaryuṃ sāmagaṃ vipraṃ sadasyaṃ sadanaṃ tathā || 6 ||
[Analyze grammar]

yūpaṃ samitsruvaṃ darvīṃ musalolūkhalāni ca |
prāgvaṃśaṃ jayabhūtiṃ ca hotāraṃ cayanaṃ ca yat || 7 ||
[Analyze grammar]

rahasyāni pramāṇāni sthāvarāṇi carāṇi ca |
pratiṣṭhitāni dārḍhyaṃ ca sthaṃḍilāni kuśāṃstathā || 8 ||
[Analyze grammar]

maṃtrayajñavahaṃ vahnibhāgaṃ bhārgavameva ca |
agrebhujī somabhujāṃ yaśca triṣu udāhṛtaḥ || 9 ||
[Analyze grammar]

āyurvedavido viprā yajaṃte śāśvataṃ vibhum |
tasya bhānoḥ sureśasya vīra caṃdanamālinaḥ || 10 ||
[Analyze grammar]

prāhurbhāvasahasrāṇi samatītānyanekaśaḥ |
bhūyaścaiva bhaviṣyaṃti vinaśyaṃti dinedine || 11 ||
[Analyze grammar]

yatpṛcchasi mahārāja puṇyāṃ divyāṃ kathāṃ śubhām |
yadarthaṃ bhagavānbhānuḥ kaśyapasya suto'bhavat || 12 ||
[Analyze grammar]

tāmahaṃ tvaṃ pravakṣyāmi śṛṇu sarvamaśeṣataḥ |
hitārthaṃ sarvamartyānāṃ lokānāṃ prabhavāya ca || 13 ||
[Analyze grammar]

bahuśaḥ sarvabhūtātmā svayaṃ samabhijāyate |
tathā samabhavaddevaḥ kaśyapasyāditeḥ sutaḥ || 14 ||
[Analyze grammar]

tuṣṭo dattvā varaṃ vīra virañcasya mahātmanaḥ |
yaṃ yaṃ janayate putramaditiḥ kaśyapādvibhoḥ || 15 ||
[Analyze grammar]

sa sa yāti vināśaṃ vai tatkṣaṇādeva bhārata |
dṛṣṭvā sutānnaśyamānānputraśokānvitā 'ditiḥ || 16 ||
[Analyze grammar]

jagāma kaśyapābhyāśe śokavyākulitekṣaṇā |
sāpaśyattaṃ ca mārīcaṃ muniṃ dīptaṃ taponidhim || 17 ||
[Analyze grammar]

ādyaṃ devaguruṃ vipraṃ divyaṃ triṣavaṇāṃbubhiḥ |
tejasā vahnisaṃkāśaṃ sauraṃ vṛkasamaprabham || 18 ||
[Analyze grammar]

nyastadaṇḍaśriyā yuktaṃ baddhakṛṣṇājināṃbaram |
valkalājinasaṃvītaṃ pradīptaṃ brahmavarcasam || 19 ||
[Analyze grammar]

hutāśamiva dīvyantaṃ tapantamiva bhāskaram |
athāditiśca dṛṣṭvaivaṃ bhartāramamitaujasam || 20 ||
[Analyze grammar]

śokagadgadayā vācā idaṃ vacanamabravīt |
kimarthaṃ bhagavāndevo nirudyogastu tiṣṭhati || 21 ||
[Analyze grammar]

jātojāto hi me putraḥ sadya eva vinaśyati |
śrutvā tu vacanaṃ tasyāḥ kaśyapo munisattamaḥ || 22 ||
[Analyze grammar]

cakāra gamane buddhiṃ brahmalokaṃ prati prabho |
sa gatvā brahmabhavanaṃ nānābhāvasamanvitam || 23 ||
[Analyze grammar]

tadvākya muktaṃ taṃ sarvaṃ yaduktaṃ tasya jāyayā |
kaśyapasya vacaḥ śrutvā kañjajo vākyamabravīt || 24 ||
[Analyze grammar]

putra gacchāma sadanaṃ bhānoḥ paramadurlabham |
ityuktvā yānamāruhya āgneyaṃ padmalocanaḥ || 25 ||
[Analyze grammar]

vedhā jagāma bhavanamādityasya mahātmanaḥ |
aditiḥ kaśyapo brahmā jagmurvipulamāśritāḥ || 26 ||
[Analyze grammar]

te muhūrtena saṃprāptāḥ sūryalokaṃ suvarcasam |
divyakāmagamairyānairyathārhaṃ kurunandana || 27 ||
[Analyze grammar]

ādityaṃ praṣṭumicchaṃti tejasāṃ rāśimuttamam |
gacchantaste ca vistīrṇāmādityasya parāṃ sabhām || 28 ||
[Analyze grammar]

ṣaṭpadodgītaninadāṃ sābhagaistu samīritām |
kratavo bahvṛcamukhāḥ proktāḥ puṇyavadakṣarāḥ || 29 ||
[Analyze grammar]

tuṣṭuvuḥ puruṣavyāghraṃ vitateṣu ca karmasu |
yajñasandhau vedavidāṃ padakramavidāṃ tathā || 30 ||
[Analyze grammar]

ghoṣeṇa paramarṣīṇāṃ sarvaṃ tatra nināditam |
yajñasaṃstavavidbhiśca śikṣāvidbhistathā dvijaiḥ || 31 ||
[Analyze grammar]

aṣṭādaśapurāṇajñaiḥ sarvavidyāviśāradaiḥ |
mīmāṃsāhetuvādajñaiḥ sarvavādaviśāradaiḥ || 32 ||
[Analyze grammar]

lokāyatikamukhyaiśca tuṣṭuvuḥ sūryamīritam |
tatratatra ca viprendrān niyatāñchaṃsitavratān || 33 ||
[Analyze grammar]

japahomaparānyogyāndadṛśuḥ kaśyapādayaḥ |
tasyāṃ sabhāyāmāste sa raśmimālī divākaraḥ || 34 ||
[Analyze grammar]

surāsuraguruḥ śrīmāñchuśubhe vīra māyayā |
upāsate ca tatraiva prajānāṃ patimīśvaram || 35 ||
[Analyze grammar]

dakṣaḥ pracetāḥ pulaho marīciśca dvijottamaḥ |
bhṛguratrirvaśiṣṭhaśca gautamo nāradastathā || 36 ||
[Analyze grammar]

divyā ātmāṃtarikṣaṃ ca vāyustejobalaṃ mahī |
śabdaḥ sparśaḥ svarūpaṃ ca rasagandhau tathaiva ca || 37 ||
[Analyze grammar]

prakṛtiśca vikārāśca yaccānyatkāraṇaṃ mahat |
sāṃgopāgāśca catvāro vedā lokapate tathā || 38 ||
[Analyze grammar]

lavāśca ṛtavaścaiva saṃkalpapraṇavāstathā |
ete cānye ca bahavo bhānumaṃtamupāsate || 39 ||
[Analyze grammar]

artho dharmaśca kāmaśca mokṣaśca saviśeṣataḥ |
dveṣo harṣaśca mohaśca matsaro māna eva ca || 40 ||
[Analyze grammar]

vṛko viṣṇusutaḥ putraḥ puṣpajo dhiṣaṇastathā |
māheśvarastathā sauro viṭapo vikacastathā || 41 ||
[Analyze grammar]

māruto viśvakarmā ca aśvi nāvanyavāhanau |
evamuktaḥ suvacanairbhānunā prabhaviṣṇunā || 42 ||
[Analyze grammar]

jagāma kaśyapo vīra sahādityā svamāśramam |
aditirdevamātā ca taṃ garbhaṃ nidadhe svayam || 43 ||
[Analyze grammar]

bhūtātmānaṃ mahātmānaṃ divyaṃ varṣasahasrakam |
pūrṇe varṣasahasre tu pravṛtto garbha uttamaḥ || 44 ||
[Analyze grammar]

surāṇāṃ śaraṇaṃ devaścāsurāṇāṃ vināśanaḥ |
garbhasthena tu tenaiva paritrātaḥ sutastathā || 45 ||
[Analyze grammar]

ādadānastu tejāṃsi trailokyasya narādhipa |
tasmiñjāte tu deveśe trailokyasya sukhāvahe || 46 ||
[Analyze grammar]

prahatya daityasaṃghāṃśca surāṇāṃ nādavardhane |
abhavatparamānandaḥ sarveṣāṃ tatra tasthuṣām || 47 ||
[Analyze grammar]