Chapter 153

sumanturuvāca |
sumatiśca raverbhaktaḥ pāṇḍaveya mahāmate |
ataste nikhilaṃ vacmi śṛṇuṣvaikamanā nṛpa || 1 ||
[Analyze grammar]

kalpādau sṛjato vīra brahmaṇo vividhāḥ prajāḥ |
ahaṃkāro mahānāsīnnāsti loke maduttamaḥ || 2 ||
[Analyze grammar]

tathā pālayato vīra keśavasya dharāpate |
tathā saṃharato jajñe'haṅkārastryambakasya ca || 3 ||
[Analyze grammar]

ciṃtayantotha te devāḥ keśavaśca narādhipa |
mithaste spardhayā yuktāḥ parasparavirodhinaḥ || 4 ||
[Analyze grammar]

vivādastu mahānāsītkañjāmbunagaukasām |
parasparaṃ mahābāho manasāśritya kevalam || 5 ||
[Analyze grammar]

ahaṃ kartā vikartā'haṃ pālako'haṃ jagatprabhuḥ |
ityāha bhagavānbrahmā kṛṣṇabhīmau samarcitau || 6 ||
[Analyze grammar]

tathaitya śaṃkaraḥ kruddhaḥ kaḥ śakto madṛte bhuvi |
saṃhartuṃ jagadetaddhi sraṣṭuṃ pālayituṃ tathā || 7 ||
[Analyze grammar]

nārāyaṇo'pyevameva manāk krodhasamanvitaḥ |
na vā śakto jagatsraṣṭuṃ saṃhartuṃ rakṣituṃ tathā || 8 ||
[Analyze grammar]

evaṃ teṣāṃ pravadatāṃ kruddhānāṃ ca parasparam |
samāviśattadā'jñānaṃ tamo mohātmakaṃ vibho || 9 ||
[Analyze grammar]

tena krāntadhiyaḥ sarve na paśyanti parasparam |
atyarthaṃ mohamāpannā na jānantīha kiñcana || 10 ||
[Analyze grammar]

apaśyanto mithaste tu niṣaṇṇāḥ kṣmātale vibho |
āramanti hi ye cānye te divākaramāsthitāḥ || 11 ||
[Analyze grammar]

tamasā mohitāḥ sarve nidrāvatkrāntacetasaḥ |
manāgjñānena cākrāntāḥ kiṃ kuryāmeti mohitāḥ || 12 ||
[Analyze grammar]

atha bhūtādhipo devo gośrutābharaṇojjvalaḥ |
candrārdhakṛtaśobhastu śītalāṃśuviśodhitaḥ || 13 ||
[Analyze grammar]

ārtimetya parāṃ vīra mohitastamasā vibho |
apaśyannabravīddevaṃ mādhavaṃ bhūdharaṃ harim || 14 ||
[Analyze grammar]

mahādeva uvāca |
kṛṣṇa kṛṣṇa mahābāho kva gatastvaṃ mahāmate |
brahmā ca kva gato vīra nāhaṃ paśyāmi vāṃ kvacit || 15 ||
[Analyze grammar]

mohena mahatāhaṃ vai tamasā ca vimohitaḥ |
kiṃ karomi kva gacchāmi kva cāhamadhunā sthitaḥ || 16 ||
[Analyze grammar]

kṣmādharaṃ pṛthivīṃ vṛkṣān devagandharvadānavān |
vipulaṃ sāgaraṃ sindhūnnahi paśyāmi kiñcana || 17 ||
[Analyze grammar]

kenopāyena paśyeyaṃ jagatsthāvarajaṅgamam |
brūhi me devaśārdūla vrīḍā me'tīva jāyate || 18 ||
[Analyze grammar]

śaṅkarasya vacaḥ śrutvā harirvacanamabravīt |
śokagadgadayā vācā tamasā mohito nṛpa || 19 ||
[Analyze grammar]

viṣṇuruvāca |
bhīma bhīma na jāne'haṃ kva bhavānvartate'dhunā |
mamāpi mohitaṃ cetastamasātīva śaṅkara || 20 ||
[Analyze grammar]

kva gacchāmi kva tiṣṭhāmi kathaṃ tatsvasthatāṃ vrajet |
tamasā pūritaṃ sarvaṃ jagaddhi parameśvara || 21 ||
[Analyze grammar]

yadyasau dṛśyate devaḥ surajyeṣṭho'mbujodbhavaḥ |
pṛcchāvastaṃ mahātmānaṃ yadi te rocate hara || 22 ||
[Analyze grammar]

hitvā darpamahaṅkāraṃ samamāsthāya kevalam |
padmānanaṃ padmayoniṃ padmapatranibhekṣaṇam || 23 ||
[Analyze grammar]

ityevaṃ gadato vākyaṃ viṣṇoramitatejasaḥ |
śrutvovāca vibhurbrahmā gaṅgādharamahīdharau || 24 ||
[Analyze grammar]

kṛṣṇa kṛṣṇa mahābāho bhīma bhīma mahāmate |
kva bhavantau brūta kiṃ ca kiṃ yuvāmūcathurmithaḥ || 25 ||
[Analyze grammar]

mamātīva manobuddhī tamasā vaśamāgate |
na śṛṇomi na paśyāmi nidrāmohavaśaṃ gataḥ || 26 ||
[Analyze grammar]

aho bata jagatsarvaṃ sadevāsuramānuṣam |
tamasā vyāṣṭataṃ devau na jāne kva gataṃ mahaḥ || 27 ||
[Analyze grammar]

atha teṣāṃ pravadatāṃ brahmādīnāṃ divaukasām |
darpakrodhabhayārtānāṃ tamasākrāntacetasām || 28 ||
[Analyze grammar]

teṣāṃ darpāpahārāya prabodhārthaṃ ca gopateḥ |
tejorūpaṃ samudbhūtamaṣṭaśṛṅgamanaupamam || 29 ||
[Analyze grammar]

alakṣyaṃ pāpatamasā mahadvyoma narādhipa |
jvālāmālāvṛtaṃ vīra bahurūpaṃ ca bhāsate || 30 ||
[Analyze grammar]

śatayojanavistīrṇaṃ gatamūrdhvaṃ bhramattathā |
gomadhyato mahārāja karṇikevāmbujasya tu || 31 ||
[Analyze grammar]

prakāśaṃ tejasā tasya jagatsarvamidaṃ nṛpa |
pureṣvantaryathā vīra ambujasyārcibhiḥ sadā || 32 ||
[Analyze grammar]

dṛṣṭvā parasparaṃ sarve huṅkārādivikāriṇaḥ |
tejasā mohitāstasya jagatsarvamidaṃ nṛpa || 33 ||
[Analyze grammar]

tejasā mohitaṃ tasya mahadvyoma narādhipa |
tato vismayamāsīnaḥ dṛṣṭagopatayo nṛpa || 34 ||
[Analyze grammar]

paśyamānā maho vyomni mitho vacanamabruvan |
aho tejaḥ samuddhūtamasmākaṃ śreyase nṛpa || 35 ||
[Analyze grammar]

prakāśāya ca lokānāṃ sarve paśyāma kiṃ nvidam |
jñānāyordhvaṃ gato brahmā cādhastāttripurāntaka || 36 ||
[Analyze grammar]

tiryagjagāma deveśaścakrāmbujagadādharaḥ |
alabdhvā tasya te sarve pramāṇaṃ gairikādhipāḥ || 37 ||
[Analyze grammar]

vismayotphullanayanā samāgamya parasparam |
sarve kañjādikā devā idaṃ vacanamabruvan || 38 ||
[Analyze grammar]

ko'yaṃ kimātmakaścāyaṃ kimidaṃ tejasāṃ nidhiḥ |
aho'sya darśanātsarve sañjātā jñānino vayam || 39 ||
[Analyze grammar]

tasmātsarve praṇamyainaṃ stuvīmo'dbhutadarśanam |
kṛtāñjalipuṭāḥ sarve cāstuvaṃstridivaukasaḥ || 40 ||
[Analyze grammar]

stuvatāmapyathaiteṣāṃ sahasrakiraṇo raviḥ |
ātmānaṃ darśayāmāsa kṛpayā parayā vṛtaḥ || 41 ||
[Analyze grammar]

jñātvā bhaktiṃ mahābāho brahmādīnāṃ mahopamām |
atha te vyomni deveśaṃ dadṛśuḥ parameśvaram || 42 ||
[Analyze grammar]

khaṣolkalokanātheśaṃ sahasrakiraṇojjvalam |
kṛttikābhirasaṃspṛṣṭaṃ yadvā tatkārtikāsthitam || 43 ||
[Analyze grammar]

durjayaṃ kṛttikānāṃ tu tathaikena vivarjitam |
tathā hastavihīnaṃ ca saptarṣirahitaṃ tathā || 44 ||
[Analyze grammar]

varṣābdarahitaṃ devaṃ saptasvaravivarjitam |
sakalaṃ niṣkalaṃ caiva sadaikākārarūpiṇam || 45 ||
[Analyze grammar]

taddṛṣṭvānekaśirasamanekacaraṇaṃ tathā |
anekodarabāhvaṃsamanekābharaṇānvitam || 46 ||
[Analyze grammar]

anekānanamakṣībaṃ sahasrākṣamanaupamam |
anekavarṇarūpaṃ ca anekamukuṭojjvalam || 47 ||
[Analyze grammar]

dṛṣṭvaivaṃ devadevasya rūpaṃ bhānormahātmanaḥ |
vismayotphullanayanāstuṣṭavuste divākaram || 48 ||
[Analyze grammar]

kṛtāñjalipuṭo bhūtvā brahmā stotuṃ pracakrame |
praṇamya śirasā bhānumidaṃ vacanamabravīt || 49 ||
[Analyze grammar]

brahmovāca |
namaste devadeveśa sahasrakiraṇojjvala |
lokadīpa namaste'stu namaste koṇavallabha || 50 ||
[Analyze grammar]

bhāskarāya namo nityaṃ khaṣolkāya namonamaḥ |
viṣṇave kālacakrāya somāyāmitatejase || 51 ||
[Analyze grammar]

namaste pañcakālāya indrāya vasuretase |
khagāya lokanāthāya ekacakrarathāya ca || 52 ||
[Analyze grammar]

jagaddhitāya devāya śivāyāmitatejase |
tamoghnāya surūpāya tejasāṃ nidhaye namaḥ || 53 ||
[Analyze grammar]

arthāya kāmarūpāya dharmāyāmitatejase |
mokṣāya mokṣarūpāya sūryāya ca namonamaḥ || 54 ||
[Analyze grammar]

krodhalobhavihīnāya lokānāṃ sthitihetave |
śubhāya śubharūpāya śubhadāya śubhātmane || 55 ||
[Analyze grammar]

śāntāya śāntarūpāya śāntaye'smāsu vai namaḥ |
namaste brahmarūpāya brāhmaṇāya namonamaḥ || 56 ||
[Analyze grammar]

brahmadevāya brahmarūpāya brahmaṇe paramātmane |
brahmaṇe ca prasādaṃ vai kuru deva jagatpate || 57 ||
[Analyze grammar]

evaṃ stutvā raviṃ brahmā śraddhayā parayā vibho |
tūṣṇīmāsīnmahābhāga prahṛṣṭenāntarātmanā || 58 ||
[Analyze grammar]

brahmaṇo'nantaraṃ rudraḥ stotraṃ cakre vibhāvasoḥ |
tripurārirmahātejāḥ praṇamya śirasā ravim || 59 ||
[Analyze grammar]

mahādeva uvāca |
jaya bhāva jayājeya jaya haṃsa divākara |
jaya śambho mahābāho khaga gocara bhūdhara || 60 ||
[Analyze grammar]

jaya lokapradīpena jaya bhāno jagatpate |
jaya kāla jayānanta saṃvatsara śubhānana || 61 ||
[Analyze grammar]

jaya devāditeḥ putra kaśyapānandavardhana |
tamoghna jaya sapteśa jaya saptāśvavāhana || 62 ||
[Analyze grammar]

maheśa jaya kāntīśa jaya kāleśa śaṅkara |
arthakāmeśa dharmeśa jaya mokṣeśa śarmada || 63 ||
[Analyze grammar]

jaya vedāṅgarūpāya graharūpāya vai namaḥ |
satyāya satyarūpāya surūpāya śubhāya ca || 64 ||
[Analyze grammar]

krodhalobhavināśāya kāmanāśāya vai jaya |
kalmāṣapakṣirūpāya yatirūpāya śambhave || 65 ||
[Analyze grammar]

viśvāya viśvarūpāya viśvakarmāya vai jaya |
jayoṅkāra vaṣaṭkāra svāhākāra svadhāmaya || 66 ||
[Analyze grammar]

jayāśvamedharūpāya cāgnirūpāryamāya ca |
saṃsārārṇavapītāya mokṣadvārapradāya ca || 67 ||
[Analyze grammar]

saṃsārārṇavamagnasya mama deva jagatpate |
hastāvalambano deva bhava tvaṃ gopate'dbhuta || 68 ||
[Analyze grammar]

īśo'pyevamahīnāṅgaṃ stutvā bhānuṃ prayatnataḥ |
virarāma mahārāja praṇamya śirasā ravim || 69 ||
[Analyze grammar]

atha viṣṇurmahātejāḥ kṛtāñjalipuṭo ravim |
uvāca rājaśārdūla bhaktyā śraddhāsamanvitaḥ || 70 ||
[Analyze grammar]

viṣṇuruvāca |
namāmi devadeveśaṃ bhūtabhāvanamavyayam |
divākaraṃ raviṃ bhānuṃ mārtaṇḍaṃ bhāskaraṃ bhagam || 71 ||
[Analyze grammar]

indraṃ viṣṇuṃ hariṃ haṃsamarkaṃ lokaguruṃ vibhum |
trinetraṃ tryakṣaraṃ tryaṅgaṃ trimūrtiṃ trigatiṃ śubham || 72 ||
[Analyze grammar]

ṣaṇmukhāya namo nityaṃ trinetrāya namonamaḥ |
caturviṃśatipādāya namo dvādaśapāṇaye || 73 ||
[Analyze grammar]

namaste bhūtapataye lokānāṃ pataye namaḥ |
devānāṃ pataye nityaṃ varṇānāṃ pataye namaḥ || 74 ||
[Analyze grammar]

tvaṃ brahmā tvaṃ jagannātho rudrastvaṃ ca prajāpatiḥ |
tvaṃ somastvaṃ tathādityastvamoṃkāraka eva hi || 75 ||
[Analyze grammar]

bṛhaspatirbudhastvaṃ hi tvaṃ śukrastvaṃ vibhāvasuḥ |
yamastvaṃ varuṇastvaṃ hi namaste kaśyapātmaja || 76 ||
[Analyze grammar]

tvayā tatamidaṃ sarvaṃ jagatsthāvarajaṅgamam |
tvatta eva samutpannaṃ sadevāsuramānuṣam || 77 ||
[Analyze grammar]

brahmā cāhaṃ ca rudraśca samutpannā jagatpate |
kalpādau tu purā deva sthitaye jagato'nagha || 78 ||
[Analyze grammar]

namaste vedarūpāya ahorūpāya vai namaḥ |
namaste jñānarūpāya yajñāya ca namonamaḥ || 79 ||
[Analyze grammar]

prasīdāsmāsu deveśa bhūteśa kiraṇojjvala |
saṃsārārṇavamagnānāṃ prasādaṃ kuru gopate || 80 ||
[Analyze grammar]

vedāntāya namo nityaṃ namo yajñakalāya ca |
sumanturuvāca |
stutvaivaṃ bhāskaraṃ bhaktyā viṣṇurbharatasattama |
pradadhyau nṛpaśārdūla raviṃ tadgatamānasaḥ || 81 ||
[Analyze grammar]

evaṃ te naraśārdūla devā brahmādayo'nagha |
stuvanti taṃ mahātmānaṃ sahasrakiraṇaṃ ravim || 82 ||
[Analyze grammar]

ityevaṃ stuvatāṃ teṣāṃ raviṃ bhaktyā mahātmanām |
atha tuṣṭo ravisteṣāṃ brahmadīnāṃ jagatpatiḥ || 83 ||
[Analyze grammar]

vijñāya bhaktiṃ paramāṃ śraddhāṃ ca paramāṃ vibhuḥ |
uvāca sa mahātejāḥ prahṛṣṭenāntarātmanā |
graheśo vyoma cārūḍhastejasā prajvalandiśaḥ |
brahmāṇaṃ viṣṇumīśānamāmantryaitānviśāṃpate || 85 ||
[Analyze grammar]

dṛṣṭvā tānpraṇatāntsarvāñchirobhiravaniṃ gatān |
tuṣṭo'smi te surajyeṣṭha caturmukha jagatpate |
varaṃ varaya bhadraṃ te manasā tvaṃ yadicchasi || 86 ||
[Analyze grammar]

kṛtvā tu vacanaṃ bhānorbrahmā lokagururnṛpa |
jagāma śirasā bhūmāvuvāca sa kṛtāñjaliḥ || 87 ||
[Analyze grammar]

brahmovāca |
kṛtakṛtyo'smi deveśa pūtaścāsmi khagādhipa |
dhanyo'smyanugṛhīto'smi gato'smi paramāṃ gatim || 88 ||
[Analyze grammar]

sahasrakiraṇairyanme bhavāndarśanamāgataḥ || 89 ||
[Analyze grammar]

apaśyataśca deveśa mūḍhamāsīnmano mama |
bhagavansamprasīda tvaṃ mamopari vibhāvaso || 90 ||
[Analyze grammar]

prayaccha tvaṃ balaṃ bhaktimātmano mama gopate |
gatvā śirobhiravanimaṣṭāṅgaiḥ patitasya ca |
bhaktyā vijñaptimākarṇya prasādaṃ kuru gopate || 91 ||
[Analyze grammar]

brahmaṇo vacanaṃ śrutvā pūṣā devo jagatpatiḥ |
tathetyāha mahārāja virāṭa praśrayānvitam || 92 ||
[Analyze grammar]

brahmaṇe ca varaṃ dattvā rājandevo divākaraḥ |
uvāca tryambakaṃ devaṃ śaśāṅkakṛtaśekharam || 93 ||
[Analyze grammar]

varaṃ varaya bhūteśa bhūbhṛjjādayitānagha |
yamicchasi mahādeva dade'haṃ tadaśeṣataḥ || 94 ||
[Analyze grammar]

bhāskarasya vacaḥ śrutvā īśvarastripurāntaka |
gatvā tu śirasā bhūmau praṇamyovāca bhāskaram || 95 ||
[Analyze grammar]

mahādeva uvāca |
puṇyo'haṃ puṇyakarmāhaṃ nāsti dhanyataro mama |
gato'haṃ paramāṃ siddhiṃ gataśca paramāṃ gatim || 96 ||
[Analyze grammar]

nāprāpyamasti deveśa nāsādhyaṃ mama kiṃcana |
yasya me bhagavāndevaḥ prasādapravaṇaḥ sthitaḥ || 97 ||
[Analyze grammar]

tvayā tatamidaṃ sarvaṃ jagatsthāvarajaṅgamam |
tvatta eva samutpannaṃ layaṃ ca tvayi yāsyati || 98 ||
[Analyze grammar]

yadi tuṣṭo mama vibho anugrāhyo'smi te yadi |
acalāṃ dehi me bhaktimātmanaścaraṇaṃ naya || 99 ||
[Analyze grammar]

vyomakeśavacaḥ śrutvā pūṣā devo divākaraḥ |
tathetyāha haraṃ vīra tato harimuvāca || 100 ||
[Analyze grammar]

nārāyaṇa mahābāho varaṃ varaya godhara |
parituṣṭo'smi te deva yamicchasi mahābala || 101 ||
[Analyze grammar]

śrutvā tu bhāskaravacaḥ kīlālajanako hariḥ |
uvāca parayā bhaktyā natvā ca śirasā ravim || 102 ||
[Analyze grammar]

nārāyaṇa uvāca |
jaya deva jagannātha jaya deva guro rave |
prasīda mama deveśa bhaktiṃ yacchātmano rave || 103 ||
[Analyze grammar]

yenāhaṃ sarvadevānāmuttamaḥ syāṃ jagatpate |
ajeyaśca tathā deva daityadānavarakṣasām || 104 ||
[Analyze grammar]

tvadbhaktyā bṛṃhitabalastejasā mahatānvitaḥ |
tato mayā mahatkarma kartavyaṃ tava śāsanāt || 105 ||
[Analyze grammar]

prajānāṃ pālanaṃ deva devānāṃ ca grahādhipa |
varṇānāmāśramāṇāṃ ca varṇadharmasya vā vibho || 106 ||
[Analyze grammar]

duṣṭadaityavināśāya lokānāṃ pālanāya ca |
sṛṣṭo'haṃ bhavatā pūrvaṃ kalpādau ca kṛto'nagha || 107 ||
[Analyze grammar]

yasya ruṣṭo bhavānsyādvai kathañcitpuruṣasya tu |
vyādhirduḥkhaṃ manorogaṃ dāridryaṃ santatikṣayaḥ || 108 ||
[Analyze grammar]

tasyaitāni bhavantīha ādhayo vividhāstathā |
tasmāttvaṃ ca tato deva saṃstavyaḥ satataṃ budhaiḥ || 109 ||
[Analyze grammar]

evaṃ tvāṃ gopate deva bhaktyā śraddhāsamanvitaḥ |
ahamarcitumicchāmi tasmānmayi kṛpāṃ kuru || 110 ||
[Analyze grammar]