Chapter 151

sūta uvāca |
atha rājā mahātejāḥ śatānīko dvijottamam |
praṇamya śirasā bhaktyā sumantuṃ vākyamabravīt || 1 ||
[Analyze grammar]

aho devasya māhātmyaṃ bhāskarasyāmitaujasaḥ |
kīrtitaṃ bhavatā mahyaṃ sarvapāpapraṇāśanam || 2 ||
[Analyze grammar]

tasmānnārkasamaṃ devaṃ loke paśyāmi suvrata |
na cāpyasya sthitā vipra gatirlokeṣu vidyate || 3 ||
[Analyze grammar]

pravartate jagadvipra sargakāle divākarāt |
sthitau pālayate cāpi kalpānte saṃharetpunaḥ || 4 ||
[Analyze grammar]

śrutvaivaṃ devamāhātmyaṃ bhāskarasyāmitaujasaḥ |
kīrtitaṃ bhavatā mahyamaśvamedhaśatādvaram || 5 ||
[Analyze grammar]

kiṃ tu me saṃśayo brahmansumahānhṛdi vartate |
kenopāyena viprendra mucyate sambhavārṇavāt || 6 ||
[Analyze grammar]

divākaraprasādādvai suprasannādvṛṣadhvajāt |
kathaṃ tuṣyetsadā devo dharmeṇa katareṇa tu || 7 ||
[Analyze grammar]

śrutā me bahavo dharmāḥ śrutismṛtyuditāstathā |
vaiṣṇavāḥ śaivadharmāśca tathā paurāṇikāḥ śrutāḥ || 8 ||
[Analyze grammar]

śrotukāmo hyahaṃ vipra sauraṃ dharmamanaupamam |
bhagavansarvadhanyāste sauradharmaparāyaṇāḥ || 9 ||
[Analyze grammar]

brūhi me devadevasya bhānordharmamanaupamam |
śṛṇvato nāsti me tṛptiramṛtasyaivameva ca || 10 ||
[Analyze grammar]

aśvamedhādayo yajñā bahusambhāravistarāḥ |
na śakyāste yataḥ kartumalpavittadvijātibhiḥ || 11 ||
[Analyze grammar]

sukhopāyamato brūhi dharmakāmārthasādhakam |
hitāya sarvamartyānāṃ sarvapāpabhayāpaham || 12 ||
[Analyze grammar]

sauradharmaparaṃ puṇyaṃ pavitraṃ pāpanāśanam |
śrutvā tu vacanaṃ rājño vyāsaśiṣyo mahāmuniḥ |
praṇamya śirasā vyāsamidaṃ vacanamabravīt || 13 ||
[Analyze grammar]

sumanturuvāca |
śrūyatāmabhidhāsyāmi sukhopāyaṃ mahāphalam |
paramaṃ sarvadharmāṇāṃ sarvadharmamanaupamam || 14 ||
[Analyze grammar]

raviṇā kathitaṃ pūrvamaruṇasya viśāṃpate |
kṛṣṇasya brahmaṇo vīra śaṅkarasya na vidyate || 15 ||
[Analyze grammar]

saṃsārārṇavamagnānāṃ sarveṣāṃ prāṇināmayam |
sauradharmatamaḥ śrīmānhitāya jagatoditaḥ || 16 ||
[Analyze grammar]

yairayaṃ śāntahṛdayaiḥ sūryabhaktairbhagārthibhiḥ |
saṃsevyate paro dharmaste saurā nātra saṃśayaḥ || 17 ||
[Analyze grammar]

ekakālaṃ dvikālaṃ vā trikālaṃ nityameva ca |
ye smaranti raviṃ bhaktyā sakṛdevāpi bhārata |
sarvapāpairvimucyante saptajanmakṛtairapi || 18 ||
[Analyze grammar]

stuvanti ye sadā bhānuṃ na te prakṛtimānuṣāḥ |
svargalokātparibhraṣṭāste jñeyā bhāskarā bhuvi || 19 ||
[Analyze grammar]

nānarkaḥ smarate'rkaṃ vai nānarko'rkaṃ samarcayet |
nānarkaḥ kīrtayedarkaṃ nānarko'rkamavāpnuyāt || 20 ||
[Analyze grammar]

sauradharmasya sāro'yaṃ sūryabhaktiḥ suniścalā |
ṣoḍaśāṅgā ca sā proktā raviṇeha divaukasām || 21 ||
[Analyze grammar]

prātaḥ snānaṃ japo homastathā devārcanaṃ nṛpa |
dvijānāṃ pūjanaṃ bhaktyā pūjā gośvatthayostathā || 22 ||
[Analyze grammar]

itihāsapurāṇebhyo bhaktiśraddhāpuraskṛtam |
śravaṇaṃ rājaśārdūla vedābhyāsastathaiva ca || 23 ||
[Analyze grammar]

madbhaktyā janavātsalyaṃ pūjāyāṃ cānumodanam |
svayamabhyarcayedbhaktyā mamāgre vācakaṃ param || 24 ||
[Analyze grammar]

pustakasya sadā śreṣṭha mamātīva priyaṃ surāḥ |
matkathāśravaṇaṃ nityaṃ svaranetrāṅgavikriyā || 25 ||
[Analyze grammar]

mamānusmaraṇaṃ nityaṃ bhaktyā śraddhāpuraskṛtam |
ṣoḍaśāḍgā bhaktiriyaṃ yasminmlecche'pi vartate |
viprendraḥ sa muniḥ śrīmānsajātyaḥ sa ca paṇḍitaḥ || 26 ||
[Analyze grammar]

na me pṛthakcaturvedā madbhaktaḥ śvapaco'pi yaḥ |
tasmai deyaṃ tato grāhyaṃ sa ca pūjyo yathā hyaham || 27 ||
[Analyze grammar]

patraṃ puṣpaṃ phalaṃ toyaṃ yo me bhaktyā prayacchati |
tasyāhaṃ na praṇaśyāmi sa ca me na praṇaśyati || 28 ||
[Analyze grammar]

yo māṃ sarvagataṃ paśyetsarvaṃ ca mayi saṃsthitam |
tasyāhamāsthito nityaṃ sa ca nityaṃ mayi sthitaḥ || 29 ||
[Analyze grammar]

aṣṭādaśārdhakakṣāyāḥ paraṃ cāṣṭabhirudbhavaiḥ |
rodhayitvā mahābāho tathā jñānatareṇa tu || 30 ||
[Analyze grammar]

durgapālaṃ vijityāśu bhāskarārdhaṃ tu durjayam |
jitvā ca purarājānāṃ mahātejamanaupamam || 31 ||
[Analyze grammar]

manasācalayā bhaktyā yo māṃ dhyāyati mānavaḥ |
ahaṃ tameva ciṃtāmi ātmavatsatataṃ naram || 32 ||
[Analyze grammar]