Chapter 148

sumanturuvāca |
adha sāmbo mahātejā dṛṣṭvā cakraṃ pituḥ kare |
jvālāmālākarālaṃ tu mahatā tejasānvitam || 1 ||
[Analyze grammar]

papraccha pitaraṃ sāmbo bhaktyā śraddhāsamanvitaḥ |
kutastāta tvayā prāptaṃ cakramādityasannibham || 2 ||
[Analyze grammar]

kimarthaṃ vahate deva divyamāyudhamuttamam |
etadākhyāhi me sarvaṃ śrotukāmasya1 kautukāt || 3 ||
[Analyze grammar]

vāsudeva uvāca |
sādhusādhu2 mahābāho sādhu pṛṣṭosmya'haṃ tvayā |
śṛṇuṣvaikamanāḥ putra cakrasya vidhinirṇayam || 4 ||
[Analyze grammar]

divyaṃ varṣasahasraṃ tu bhānumārādhya śraddhayā |
prāptaṃ cakraṃ mayā tasmādbhāskarāllokapūjitāt || 5 ||
[Analyze grammar]

nabhogaḥ pañcakārūḍhaḥ sthitaḥ sākṣāddivākaraḥ |
grahāḥ somādayo yasya saṃsthitā nābhimaṇḍale || 6 ||
[Analyze grammar]

ādityā dvādaśa samā areṣu kramaśastathā |
proktaṃ pathiṣu tattvāni pṛthivyādīni yāni vai || 7 ||
[Analyze grammar]

etaistattvaiḥ parivyāptaṃ cakraṃ kālātmakaṃ param |
saṃkṣepātte mayākhyātaṃ dattaṃ cakramivāparam || 8 ||
[Analyze grammar]

sāmba uvāca |
kathaṃ kālamayaṃ deva cakraṃ kamalamucyate |
idaṃ tāvanmamācakṣva jñātumicchāmi tattvataḥ || 9 ||
[Analyze grammar]

vāsudeva uvāca |
kamalaṃ hyṛtubhiḥ ṣaḍbhiḥ ṣaṭdalaṃ cākṣayāśritam |
puruṣādhiṣṭhitaṃ taddhi tatra sāṅgo raviḥ sthitaḥ || 10 ||
[Analyze grammar]

yacca kālatrayaṃ loke tannābhitrayamucyate |
māsā arā mahābāho pakṣāśca pradhayaḥ smṛtāḥ || 11 ||
[Analyze grammar]

nemī caiva pare prokte ayane dakṣiṇottare |
pathinābhiṣu yoge ca yogākhyāstapanādibhiḥ || 12 ||
[Analyze grammar]

nakṣatrāṇi grahāścaiva sadā cātra sthitāḥ smṛtāḥ |
etairvyāptamidaṃ cakraṃ sthūlasūkṣmaprabhedataḥ || 13 ||
[Analyze grammar]

atroddiṣṭeṣu kāleṣu ye noddiṣṭā mayā tava |
yugādikalpaparyantāste'pi cātra sthitāḥ kramāt || 14 ||
[Analyze grammar]

yatte kālātmakaṃ cakramidaṃ saṃkṣepato mayā |
kathitaṃ tadviniṣkrāntaṃ pradīptātsūryamaṇḍalāt || 15 ||
[Analyze grammar]

asurāṇāṃ vadhāyedaṃ mayā labdhaṃ divākarāt |
ārādhya tapasā sūryaṃ purā kalpe jagadgurum |
ataḥ sampūjyayāmyenaṃ grahaistattvairvṛtaṃ sadā || 16 ||
[Analyze grammar]

arkaṃ bhakto hi cakrasthaṃ yaḥ pūjayati bhaktimān |
tejasā ravisaṃkāśaḥ puṣpottarapuraṃ vrajet || 17 ||
[Analyze grammar]

tasmāttaṃ matkulānandaṃ mitraṃ sampūjayāmyaham |
grahaistattvairvṛtaṃ bhaktyā svamantraiḥ satataṃ vibhum || 18 ||
[Analyze grammar]

saptamyāṃ cakramālikhya ye yajanti divākaram |
raktacandanapūrṇena kuṃkumena sugaṃdhinā || 19 ||
[Analyze grammar]

piṣṭagandhādibhirvāpi raktavarṇakamiśrakaiḥ |
raktaiśca kamalaiḥ śuddhaiḥ karavīraiḥ sugandhibhiḥ || 20 ||
[Analyze grammar]

anyairvā kusumairvanyaiḥ pratyagrairjantuvarjitaiḥ |
aparyuṣitaniśchidraiḥ śubhadhanyairdalairapi || 21 ||
[Analyze grammar]

phalaiḥ pakvairoṣadhibhistathā dūrvāṅkuraiḥ kuśaiḥ |
dhūpaiśca vividhairgandhaistathā vastraiśca bhūṣaṇaiḥ || 22 ||
[Analyze grammar]

bhakṣyairbhojyaiśca peyaiśca coṣyairlehyaiśca śaktitaḥ |
vitānaśobhāsikataiḥ palāśairupaśobhitaiḥ || 23 ||
[Analyze grammar]

chatracāmaraghaṇṭābhirbhūṣaṇairdarpaṇādibhiḥ |
nṛtyavāditragītaiśca vedaiḥ puṇyakathāsvanaiḥ || 24 ||
[Analyze grammar]

sarvatra jayaghoṣaiśca sampūrṇe pūjayanti ye |
sampūrṇānvividhānkāmānnirvighnānprāpnuvanti te || 25 ||
[Analyze grammar]

svacakraṃ cāpi nirvighnaṃ vṛddhimāyāti suvrata |
hanyate paracakraṃ ca yatredaṃ pūjyate sakṛt || 26 ||
[Analyze grammar]

saṅkrāntau grahaṇe cāpi likhitvā yo japedidam |
bhavanti niyatāḥ sāmba tasya sānugrahā grahāḥ || 27 ||
[Analyze grammar]

sarvarogavihīnastu sarvaduḥkhavivarjitaḥ |
ciraṃ jīvati dharmātmā sarvaiśvaryasamanvitaḥ || 28 ||
[Analyze grammar]

eṣa vai kathito vatsa cakrayogo mayā tava |
arkasya sarvayajñānāṃ śreṣṭhaṃ siddhiprado bhṛśam || 29 ||
[Analyze grammar]

puṇyo dharmastathā puṣṭyaḥ śatrughnaśca viśeṣataḥ |
śveto rakto'tha pītaśca kṛṣṇaścāpi vibhāgaśaḥ || 30 ||
[Analyze grammar]