Chapter 135

nārada uvāca |
ataḥ paraṃ pravakṣyāmi snānakarmavidhiṃ tava |
snāpakastu mahāprājño brāhmaṇo vedapāragaḥ || 1 ||
[Analyze grammar]

abhijñaḥ sauraśāstrāṇāmaruṇo yadusattama || 1 ||
[Analyze grammar]

bhojako bhojakaiścānyairbrāhmaṇaiśca tathā vṛtaḥ || 2 ||
[Analyze grammar]

diśābhāge maṇḍalasya īśāne vai yathākramam |
hastamātrapramāṇaṃ tu bhadrapīṭhaṃ tu vinyaset || 3 ||
[Analyze grammar]

hastinā śakaṭenāpi bhaktyā brahmarathena ca |
maṃgalairbrahmaghoṣaiśca devaṃ prāsādamānayet || 4 ||
[Analyze grammar]

bhadrapīṭhaṃ samādāya bhadraṃ karṇeti mantrataḥ |
sūtradhārastathā proktaḥ śuklāmbaradharaḥ śuciḥ || 5 ||
[Analyze grammar]

snāpayetkalaśaṃ gṛhya devadevaṃ vibhāvasum |
sāmudraṃ toyamāhṛtya jāhnavaṃ yāmunaṃ tathā || 6 ||
[Analyze grammar]

sārasvataṃ jalaṃ puṇyaṃ cāndrabhāgaṃ sasaindhavam |
puṣkarasya jalaṃ śreṣṭhaṃ giriprasravaṇodakam || 7 ||
[Analyze grammar]

anyadvāpi śuci toyaṃ nadīnadataḍāgajam |
yathāśaktyā upāhṛtya kalaśaiḥ kāñcanādibhiḥ || 8 ||
[Analyze grammar]

bhojakāścāṣṭabhiḥ sūryaṃ kalaśaiḥ snāpayanti vai |
tatastu maṇiratnāni sarvabījauṣadhīstathā || 9 ||
[Analyze grammar]

sugandhīni ca mālyāni sthalajānyambujāni ca |
candanāni ca mukhyāni gandhāśca vividhāstathā || 10 ||
[Analyze grammar]

brāhmī suvarcalā mustā viṣṇukrāntā śatāvarī |
dūrvā ca śibipuṣpī ca priyaṅgū rajanī vacā || 11 ||
[Analyze grammar]

sambhṛtyaitāṃstu sambhārānsnānakarmavibhāgavit |
balāśvatthaśirīṣāṇāṃ pallavaiḥ kuśasaṃyutaiḥ || 12 ||
[Analyze grammar]

kalaśopari vinyasya dadyādarghyaṃ raveḥ sadā |
kāñcanai rājataistāmrairmṛṇmayaiḥ kalaśaistathā || 13 ||
[Analyze grammar]

sākṣataiḥ sahiraṇyaiśca sarvauṣadhisamanvitaiḥ |
gāyatryā paripūtaistu ṣoḍaśaiḥ snāpayedravim || 14 ||
[Analyze grammar]

kuśottarāṃ1 tataḥ kṛtvā vediṃ pakveṣṭakāmayīm |
tasyāṃ vedyāṃ samāropya paridhāpya ca vāsasī || 15 ||
[Analyze grammar]

pratimāmabhiṣiñcecca sopavāsaḥ prayatnataḥ |
mūrdhni sarvauṣadhīḥ kṛtvā tathaivāmalakāni ca || 16 ||
[Analyze grammar]

mantreṇa mṛttikāṃ cāpi mantrataśca jalaṃ tathā |
tvaṃ devī vanditā devaiḥ sakalairdaityadānavaiḥ || 17 ||
[Analyze grammar]

tena saṃsthāpitā mūrdhni mayā devasya śuddhaye |
ādistvaṃ sarvabhūtānāṃ devatānāṃ ca sarvathā || 18 ||
[Analyze grammar]

rasānāṃ pataye tubhyamāhvānaṃ ca kṛtaṃ mayā |
itthaṃ paurāṇikairmaṃtraivaidikaiśca viśeṣataḥ || 19 ||
[Analyze grammar]

kāryaṃ hi vāruṇaṃ snānaṃ devasya yadunaṃdana |
itthamuccārayedvācaṃ kuryātsnānaṃ vicakṣaṇaḥ || 20 ||
[Analyze grammar]

devāstvāmabhiṣiñcantu brahmaviṣṇuśivādayaḥ |
vyomagaṅgā ca pūrṇena dvitīyakalaśena tu || 21 ||
[Analyze grammar]

sārasvatasya pūrṇena kalaśena surottama |
śakrādayobhiṣiṃcantu lokapālāḥ surottamāḥ || 22 ||
[Analyze grammar]

sāgarodakapūrṇena caturthakalaśena tu |
vāriṇā paripūrṇena padmapatrasugandhinā || 23 ||
[Analyze grammar]

pañcamenābhiṣiñcantu nāgāśca kalaśena tu |
himavaddhemakūṭādyāścābhiṣiñcantu vāriṇā || 24 ||
[Analyze grammar]

nairṛtodakapūrṇena ṣaṣṭhena kalaśena tu |
sarvatīrthāmbupūrṇena padmareṇusuvāsinā || 25 ||
[Analyze grammar]

saptamenābhiṣiñcantu ṛṣayaḥ sapta ye varāḥ |
vasavaścābhiṣiñcantu kalaśenāṣṭamena vai || 26 ||
[Analyze grammar]

aṣṭamaṅgalayuktena devadeva namo'stu te |
tato vai kalaśairdivyaiḥ snānakarma samārabhet || 27 ||
[Analyze grammar]

samudraṃ gaccha yaḥ prokto mantrametamudīrayet |
hiraṇyagarbheti ca yo mantrastaṃ samudīrayet || 28 ||
[Analyze grammar]

samudrajyeṣṭheti mantreṇa kṣālayenmṛttikānvitam |
sinīvālīti mantreṇa dadyādvalmīkamṛttikām || 29 ||
[Analyze grammar]

śamyudumbaramaśvatthaṃ nyagrodhaṃ ca palāśakam |
yajñaṃ yajñeti mantreṇa dadyātpañcakaṣāyikam || 30 ||
[Analyze grammar]

pañcagavyaṃ pavitraṃ ca āharettāmrabhājane |
gāyatryā caiva gomūtraṃ gandhadvāreti gomayam || 31 ||
[Analyze grammar]

āpyāyasveti ca kṣīraṃ dadhikrāvṇeti vai dadhi |
tejo'sīti ghṛtaṃ tadvaddevasya tvā kuśodakam || 32 ||
[Analyze grammar]

evamādividhiyutaṃ pañcagavyaṃ prakīrtitam |
yā1 oṣadhīti maṃtreṇa snānamoṣadhibhiḥ kramāt || 33 ||
[Analyze grammar]

drupadābhiḥ punastasya kuryāccodvartanaṃ budhaḥ |
śiraḥ snānaṃ tato dadyānmānastokābhimantritam || 34 ||
[Analyze grammar]

viṣṇorarāṭamantreṇa dadyādgandhodakaṃ śubham |
tato nadyudbhavenaiva kṣālayecchuddhavāriṇā || 35 ||
[Analyze grammar]

jātavedasamuccārya vastrapūtena vāriṇā |
tata āvāhayeddevaṃ raktamālyāmbaraṃ śubham || 36 ||
[Analyze grammar]

ehyehi bhagavanbhāno lokānugrahakāraka |
yajñabhāgaṃ gṛhāṇārghyamarkadeva namo'stu te || 37 ||
[Analyze grammar]

hiraṇyena tu pātreṇa devāyārghyaṃ pradāpayet |
idaṃ viṣṇurvicakrame mantreṇārghyaṃ samarpayet || 38 ||
[Analyze grammar]

pārthivaiḥ prathamaṃ kalaśaiḥ snāpayedbhāskaraṃ budhaḥ |
tatastvaudumbarairvīra rājataistadanantaram || 39 ||
[Analyze grammar]

tatastu kāñcanairdevaṃ snāpayedyadunandana |
sarvatīrthajalairyuktaṃ sarvauṣadhisamanvitam || 40 ||
[Analyze grammar]

śaṅkhamādāya devasya tato mūrdhani śaṅkara |
dattvā puṣpāṇi devasya mūrdhni yatnādvicakṣaṇaḥ || 41 ||
[Analyze grammar]

toyamutkṣipya yatnena tataḥ snapanamācaret |
prathamaṃ snāpayeddevaṃ vāriṇā yadunandana || 42 ||
[Analyze grammar]

tatastu payasā rājanpāyasena tatastu vai |
ghṛtena madhunā vāpi tathā ikṣurasena ca || 43 ||
[Analyze grammar]

agniṣṭomasya yajñasya gomedhasya ca suvrata |
jyotiṣṭomasya rājendra vājapeyasya vai vibho || 44 ||
[Analyze grammar]

rājasūyāśvamedhābhyāṃ ghṛtādyairlabhate phalam |
yastu kārayate snānaṃ yastu bhaktyā prapaśyati || 3 ||
[Analyze grammar]

kriyamāṇaṃ tu devasya snānaṃ yadukulodvaha || 45 ||
[Analyze grammar]

ya ete kathitā yajñā eteṣāṃ kramaśaḥ phalam |
arcāṃ ca kuruśārdūla dṛṣṭvā vai labhate phalam || 46 ||
[Analyze grammar]

snānaṃ tu yatnataḥ kāryaṃ devadevasya suvrata |
yathā na laṅghayetkaściddevasya snapanaṃ vibhoḥ || 47 ||
[Analyze grammar]

na prāśnanti yathā kākāstīrthaṃ lokavigarhitāḥ |
snānodakaṃ tu devasya athavā paya eva hi || 48 ||
[Analyze grammar]

bhūmau gataṃ yathā caiva prāśnāti yadunaṃdana |
rogaṃ prāpnoti kartā vai duḥkhaṃ kārayitā tathā || 49 ||
[Analyze grammar]

tasmādyatnena kartavyaṃ devasya snapanaṃ vibhoḥ || 50 ||
[Analyze grammar]

snāpayitvā krameṇetthaṃ snānakarma vidhānavit |
tato vardhanikāṃ gṛhya vāridhārāṃ samutsṛjet || 51 ||
[Analyze grammar]

trivārānpurato'rkasya ācamasveti ca bruvan | ve |
dosīti ca mantreṇa upavītaṃ pravāpayet || 52 ||
[Analyze grammar]

bṛhaspateti mantreṇa vastrayugmaṃ pradāpayet |
yatnakramaṃ prakurvāṇaḥ puṣpamālāṃ pradāpayet || 53 ||
[Analyze grammar]

dhūrasīti ca mantreṇa dhūpaṃ dadyātsaguggalam || 1 ||
[Analyze grammar]

samiddhoñjanamantreṇa añjanaṃ tu pradāpayet || 54 ||
[Analyze grammar]

yuñjānīti ca mantreṇa rocanāṃ tasya dāpayet |
ārārtikaṃ ca vai kuryāddīrghāyuṣṭvāya varcase || 55 ||
[Analyze grammar]

snānakarma tvidaṃ proktaṃ bhāskarasya mahātmanaḥ |
bhojakā brāhmaṇāścaiva kriyāṃ kuryuḥ prayatnataḥ || 56 ||
[Analyze grammar]

bahavṛco'tharvaṇaścaiva chandogodhvaryureva ca |
snāpakasya ca cihnāni ye ca mūrtidharāstathā || 57 ||
[Analyze grammar]

teṣāṃ pravakṣyāmi vibho śṛṇu caikamanāḥ kila |
sampūrṇagātro matimāñchāstrajñaḥ priyadarśanaḥ || 58 ||
[Analyze grammar]

kulīnaḥ śraddadhānaśca āryadeśasamudbhavaḥ |
na sthūlo na kṛśo dīrghaḥ sauraśāstraviśāradaḥ || 59 ||
[Analyze grammar]

yaśca yukto jitātmā ca gurubhakto jitendriyaḥ |
pañcaviṃśatitattvajñaḥ sthāpakaḥ samudāhṛtaḥ || 60 ||
[Analyze grammar]

varjanīyāṃśca vakṣyāmi yaistu karma na kārayet |
hīnāṅgaścādhikāṅgaśca vāmano vikaṭastathā || 61 ||
[Analyze grammar]

nātigauro na kṛṣṇaśca snāpanāya prayojayet |
cārvāko yājakaścaiva nityaṃ gomukhadambhakaḥ || 62 ||
[Analyze grammar]

aśucivratasaṃyuktaḥ śyāmadanto'tha matsarī || 1 ||
[Analyze grammar]

kopano duṣṭaśīlaśca yuvā vā vṛddha eva ca || 63 ||
[Analyze grammar]

śvitrī kuṣṭhī ca rogī ca kāṇo durmatireva ca |
saṃkīrṇo jātihīnaśca tathā na vṛṣalīpatiḥ || 64 ||
[Analyze grammar]

kubjaścādhastathā vyaṃgaḥ khalvāṭo vikalendriyaḥ |
avinīto durātmā ca vikalaḥ paṅgureva ca || 65 ||
[Analyze grammar]

tithinakṣatrayogānāṃ vārāṇāṃ ca tathā vibho |
sūcako jīvikārthaṃ3 hi yaśca mūlyena pāṭhayet || 66 ||
[Analyze grammar]

īdṛśānsnāpakānsarvānvarjayeta prayatnataḥ |
tasmātsarvaprayatnena parīkṣyāḥ snāpakā budhaiḥ || 67 ||
[Analyze grammar]