Chapter 127

śatānīka uvāca |
kathamārādhitaḥ sūryaḥ sāmbenāmitatejasā |
vimuktastu kathaṃ rogairbrūhi māṃ dvijasattama || 1 ||
[Analyze grammar]

sumanturuvāca |
sādhu pṛṣṭo'smi rājendra śṛṇu sāmbakathāṃ purā |
vistārādvacmi te sarvāṃ kathāṃ pāpavimocinīm || 2 ||
[Analyze grammar]

purā saṃśrutya māhātmyaṃ bhāskarasya sa nāradāt |
vinayādupasaṅgamya vacaḥ pitaramabravīt || 3 ||
[Analyze grammar]

kaśmalenābhibhūto'smi malena vyādhinācyuta |
vaidyairoṣadhibhiścāpi na śāntirmama vidyate || 4 ||
[Analyze grammar]

vanaṃ gacchāmi bhagavannanujñāṃ dātumarhasi |
śivena puṇḍarīkākṣa dhyāya māṃ puruṣottama || 5 ||
[Analyze grammar]

anujñātaḥ sa kṛṣṇena sindhoruttarakūlataḥ |
gatvā santārayāmāsa candrabhāgāṃ mahānadīm || 6 ||
[Analyze grammar]

tato mitravanaṃ gatvā tīrthaṃ trailokyaviśrutam |
upavāsaparaḥ sāmbaḥ śuṣko dhamanisantataḥ || 7 ||
[Analyze grammar]

ārādhanārthaṃ sūryasya guhyaṃ stotraṃ1 jajāpa ha |
vedaiścaturbhiḥ samitaṃ purāṇāśrayabṛṃhitam || 8 ||
[Analyze grammar]

yadetanmaṇḍalaṃ śuklaṃ divyaṃ hyajaramavyayam |
yuktaṃ manojavairaśvairhārītairbrahmavādibhiḥ2 || 9 ||
[Analyze grammar]

ādireṣa1 hi bhūtānāmāditya iti saṃjñitaḥ |
trailokyacakṣurevātra paramātmā prajāpatiḥ || 10 ||
[Analyze grammar]

eṣa vai maṇḍale hyasminpuruṣo dīpyate mahān |
eṣa viṣṇuracintyātmā brahmā caiṣa pitāmahaḥ || 11 ||
[Analyze grammar]

rudro mahendro varuṇa ākāśaṃ pṛthivī jalam |
vāyuḥ śaśāṅkaḥ parjanyo dhanādhyakṣo vibhāvasuḥ || 12 ||
[Analyze grammar]

yaṣa eṣa maṇḍale hyasmin puruṣo dīpyate mahān |
ekaḥ sākṣānmahādevo vṛtramaṇḍanibhaḥ sadā || 13 ||
[Analyze grammar]

kālo hyeṣa mahābāhurnibodhotpattilakṣaṇaḥ |
ya eṣa maṇḍale hyasmiṃstejobhiḥ pūrayanmahīm || 14 ||
[Analyze grammar]

bhrāmyate hyavyavacchinno vātairyo'mṛtalakṣaṇaḥ |
nātaḥ parataraṃ kiñcittejasā vidyate kvacit || 15 ||
[Analyze grammar]

puṣṇāti sarvabhūtāni eṣa eva sudhāmṛtaiḥ | antasthānmlecchajātīyāṃstiryagyonigatānapi || 16 ||
[Analyze grammar]

kāruṇyātsarvabhūtāni pāsi tvaṃ ca vibhāvaso |
śvitrakuṣṭhyaṃdhabadhirānpaṃgūṃścāpi tathā vibho || 17 ||
[Analyze grammar]

prapannavatsalo deva kurute nīrujo bhavān |
cakramaṇḍalamagrāṃśca nirdhanālpāyuṣastathā || 18 ||
[Analyze grammar]

pratyakṣadarśī tvaṃ deva samuddharasi līlayā |
kā me śaktiḥ stavaiḥ stotumārto'haṃ rogapīḍitaḥ || 19 ||
[Analyze grammar]

stūyase tvaṃ sadā devairbrahmaviṣṇuśivādibhiḥ |
mahendrasiddhagandharvairapsarobhiḥ saguhyakaiḥ || 20 ||
[Analyze grammar]

stutibhiḥ kiṃ pavitrairvā tava deva samīritaiḥ |
yasya te ṛgyajuḥ sāmnāṃ tritaya maṇḍalasthitam || 21 ||
[Analyze grammar]

dhyānināṃ tvaṃ paraṃ dhyānaṃ mokṣadvāraṃ ca mokṣiṇām |
anantatejasākṣobhyo hyaciṃtyāvyaktaniṣkalaḥ || 22 ||
[Analyze grammar]

yadayaṃ vyāhataḥ kiñcitstotre'smiñjagataḥ patiḥ |
ārtiṃ bhaktiṃ ca vijñāya tatsarvaṃ jñātumarhasi || 23 ||
[Analyze grammar]

tamuvāca tataḥ sūryaḥ prītyā jāmbavatīsutam |
prīto'smi tapasā vatse brūhi tanmāṃ yadicchasi || 24 ||
[Analyze grammar]

sāmba uvāca |
yadi prasanno bhagavāneṣa eva varo mama |
bhaktirbhavatu me'tyarthaṃ tvayi deva sanātana || 25 ||
[Analyze grammar]

śrīsūrya uvāca |
bhūyastuṣṭo'smi bhadraṃ te varaṃ varaya suvrata |
sa dvitīyaṃ varaṃ vavre tadaiva varadaṃ vibhum || 26 ||
[Analyze grammar]

malaḥ śarīrasaṃstho me tvatprasādātpraṇaśyatu |
yena me śuddhamakhilaṃ vapurbhavatu gopate || 27 ||
[Analyze grammar]

sumanturuvāca |
sa tathāstviti tenokto bhāskareṇa mahātmanā |
tāṃ mumoca rujaṃ sāmbo dehāttvacamivoragaḥ || 28 ||
[Analyze grammar]

tato rūpeṇa divyena rūpavānabhavatpunaḥ |
praṇamya śirasā devaṃ purato'vasthito'bhavat || 29 ||
[Analyze grammar]

śrīsūrya uvāca |
bhūyaśca śṛṇu me sāmbaṃ tuṣṭo'haṃ yadbravīmi te |
adya prabhṛti tvannāmnā mama sthānāni suvrata |
kṣitau ye sthāpayiṣyanti teṣāṃ lokāḥ sanātanāḥ || 30 ||
[Analyze grammar]

sthāpayasvaiva māmasmiṃścandrabhāgātaṭe śubhe |
tava nāmnā ca sāmbedaṃ parāṃ khyātiṃ gamiṣyati || 31 ||
[Analyze grammar]

kīrtistavākṣayā loke khyātiṃ yāsyati suvrata |
bhūyaśca te pradāsyāmi pratyahaṃ svapnadarśanam || 32 ||
[Analyze grammar]

sumanturuvāca |
evaṃ dattvā varaṃ tasmai vṛṣṇisiṃhāya cāparam |
pratyakṣadarśanaṃ dattvā tatraivāntaradhāddhariḥ || 33 ||
[Analyze grammar]

ya idaṃ paṭhate stotraṃ trikālaṃ bhaktimānnaraḥ |
trisaptaśatamāvartya homaṃ vā saptarātrakam || 34 ||
[Analyze grammar]

rājyakāmo labhedrājyaṃ dhanakāmo labhedadhanam |
rogārto mucyate rogādyathā sāmbastathaiva saḥ || 35 ||
[Analyze grammar]

sūryalokaṃ vrajeccāpi bhaktyā pūjya divākaram |
ramate ca tathā tasmindevaiśca parivāritaḥ || 36 ||
[Analyze grammar]