Chapter 117

aruṇa uvāca |
kimarthaṃ bhojakastubhyaṃ priyo deveśa kathyatām |
nānye viprādayo varṇā devatāyataneṣu vai || 1 ||
[Analyze grammar]

kaścāyaṃ bhojako deva kasya putraḥ kimātmakaḥ |
varṇataścāsya me brūhi karma cāsya samantataḥ || 2 ||
[Analyze grammar]

āditya uvāca |
sādhu pṛṣṭo'smi bhadraṃ te vainateya mahāmate |
śṛṇuṣvaikamanāḥ sarvaṃ gadato mama khecara || 3 ||
[Analyze grammar]

viprādayastu ye tvanye varṇāḥ kaśyapanandana |
te pūjayanti māṃ nityaṃ bhaktiśraddhāsamanvitāḥ || 4 ||
[Analyze grammar]

devālayeṣu ye viprāḥ prītyā māṃ pūjayanti hi |
anyāśca devatāvṛttyā te syurdevalakāḥ khaga |
etasmātkāraṇānmahyaṃ bhojako dayitaḥ sadā || 5 ||
[Analyze grammar]

varṇato brāhmaṇaścāyaṃ svānuṣṭhānaparo yadi |
anuṣṭhānavihīno hi narakaṃ yātyasaṃśayam || 6 ||
[Analyze grammar]

na tyājyaṃ bhojakaistasmātsvakaṃ karma kadācana |
mayāsau nirmitaḥ pūrvaṃ tejasā svena vai khaga || 7 ||
[Analyze grammar]

pūjārthamātmano nūnaṃ karma cāsya prakīrtitam |
priyavratasuto rājā śākadvīpe mahāmatiḥ || 8 ||
[Analyze grammar]

tena me kāritaṃ divyaṃ vimānapratimaṃ gṛham |
tasmindvīpe tadātmīye divyaṃ śilāmayaṃ mahat || 9 ||
[Analyze grammar]

sa madarcāṃ kārayitvā kāñcanīṃ lakṣaṇānvitām |
pratiṣṭhāpanāya vai tasyāścintayāmāsa suvrataḥ || 10 ||
[Analyze grammar]

kṛtamāyatanaṃ śreṣṭhaṃ teneyaṃ pratimā kṛtā |
ko vai pratiṣṭhāpayitā devamarkaṃ śubhālaye || 11 ||
[Analyze grammar]

evaṃ sañcintayitvā tu jagāma śaraṇaṃ mama |
bhaktiṃ tasya ca sañcintya khagāhaṃ pārthivasya tu || 12 ||
[Analyze grammar]

gato'haṃ darśanaṃ tasya uktañcāpi mayā khaga |
kiṃ cintayasi rājendra kutaściṃtā samāgatā || 13 ||
[Analyze grammar]

brūhi yatte hṛdi prauḍhaṃ cintākāraṇamāgatam |
saṃpādayiṣye tatsarvaṃ vimanā bhava mā nṛpa || 14 ||
[Analyze grammar]

atyarthaṃ duṣkaramapi kariṣye nātra saṃśayaḥ |
ityuktaḥ sa mayā rājā idaṃ vacanamabravīt || 15 ||
[Analyze grammar]

dvīpe'smindevadevasya kṛtamāyatanaṃ tava |
mayā bhaktyā jagannātha tatheyaṃ pratimā kṛtā || 16 ||
[Analyze grammar]

pratiṣṭhāṃ kārayedyastu tava devālaye khaga |
yatra santi trayo varṇā dvīpesminkṣatriyādayaḥ || 17 ||
[Analyze grammar]

te mayoktā na kurvanti pratiṣṭhāṃ tava kṛtsnaśaḥ |
na cāpyarcāṃ jagannātha brāhmaṇaścātra vidyate || 18 ||
[Analyze grammar]

teneyamāgatā cintā hṛdi śalyaṃ tayārpitam |
tato mayokto rājā'sau vainateya vacaḥ śubham || 19 ||
[Analyze grammar]

evametanna saṃdeho yathāttha tvaṃ narādhipaḥ |
kṣatriyāditrayo varṇā dvīpe'sminnātra saṃśayaḥ || 20 ||
[Analyze grammar]

te ca nārhanti me pūjāṃ na pratiṣṭhāṃ kadācana |
tasmātte śreyase rājanpratiṣṭhāmātmanastathā || 21 ||
[Analyze grammar]

sṛjāmi prathamaṃ varṇaṃ bhaga saṃjñamanaupamam |
ityuktvā tamahaṃ vīra rājānaṃ khagasattama || 22 ||
[Analyze grammar]

jagāma paramāṃ cintāṃ tasya kāryasya siddhaye |
atha me cintayānasya1 svaśarīrādviniḥsṛtāḥ || 23 ||
[Analyze grammar]

śaśikundendusaṃkāśāḥ saṃkhyayāṣṭau mahābalāḥ |
paṭhanti caturo vedānsāṃgopaniṣadaḥ khaga || 24 ||
[Analyze grammar]

kāṣāyavāsasaḥ sarve karaṇḍāmbujadhāriṇaḥ |
lalāṭaphalakāddvau tu dvau cānyau vakṣasastathā || 25 ||
[Analyze grammar]

caraṇābhyāṃ tathā dvau tu pādābhyāṃ dvau tathā khaga |
atha te ca mahātmānaḥ sarve praṇatakandharāḥ || 26 ||
[Analyze grammar]

pitaraṃ manyamānā māmidaṃ vacanamabruvan |
tāta tāta mahādeva lokanātha jagatpate || 27 ||
[Analyze grammar]

kimarthaṃ bhavatā sṛṣṭā vayaṃ devasya dehataḥ |
brūhi sarvaṃ kariṣyāma ādeśaṃ bhavato'khilam || 28 ||
[Analyze grammar]

pitāsmākaṃ bhavāndevo vayaṃ putrā na saṃśayaḥ |
ityuktavantaste sarve mayoktā devasambhavāḥ || 29 ||
[Analyze grammar]

priyavratasuto yoyamasya vākyaṃ kariṣyatha |
sa cāpyukto mayā rājā śākadvīpādhipaḥ khaga || 30 ||
[Analyze grammar]

ya ete matsutā rājannarghyā brāhmaṇasattamāḥ |
kārayantu pratiṣṭhāṃ me sarvairebhirmahīpate || 31. ||
[Analyze grammar]

kārayitvā pratiṣṭhāṃ tu mamārcāyāṃ narādhipa |
paścādāyatanaṃ sarvameṣāmarpaya pūjane || 32 ||
[Analyze grammar]

ete matpūjane yogyāḥ pratiṣṭhāsu ca sarvaśaḥ |
samāpya na prahartavyaṃ bhojakebhyaḥ kadācana || 33 ||
[Analyze grammar]

sarvamāyatanārthaṃ tu gṛhakṣetrādikaṃ ca yat |
dhanadhānyādikaṃ rājanyanmamāyatane bhavet || 34 ||
[Analyze grammar]

tatsarvaṃ bhojakebhyastu dātavyaṃ nātra saṃśayaḥ |
dhanadhānyasuvarṇādi gṛhakṣetrādikaṃ ca yat |
yanmadīyaṃ bhavetkiñjidgrāme vā nagare kvacit || 35 ||
[Analyze grammar]

tasya sarvasya rājendra madīyasya samantataḥ |
adhipā bhojakāḥ sarve nānye viprādayo nṛpa || 36 ||
[Analyze grammar]

yathādhikārī putrastu pitṛdravyasya vai bhavet |
tathā madīyavittasya bhojakāḥ syurna saṃśayaḥ || 37 ||
[Analyze grammar]

ityuktena mayā rājñā tathā sarvaṃ pravartitam |
kārayitvā pratiṣṭhāṃ tu dattvā sarvasvameva hi |
bhojakebhyaḥ khagaśreṣṭha tato harṣamavāptavān || 38 ||
[Analyze grammar]

evamete mayā sṛṣṭā bhojakā garuḍāgraja |
ahamātmā tato hyeṣāṃ sarve sumanasastathā || 39 ||
[Analyze grammar]

matputreṇa samā jñeyāstathā mama hitāḥ sadā |
tasmāttebhyaḥ pradātavyaṃ na hartavyaṃ kadācana || 40 ||
[Analyze grammar]

bhojakasya haredyastu lobhāddveṣāttathāpi vā |
sa yāti narakaṃ ghoraṃ tāmisraṃ śāśvatīḥ samāḥ || 41 ||
[Analyze grammar]

tasmādgrāmādikaṃ dravyaṃ yatkiñcinmama vidyate |
tatsarvaṃ bhojakasvaṃ hi pitṛparyāgataṃ mama || 42 ||
[Analyze grammar]

bhojakaśca bhavedyādṛktatte vacmi khageśvara |
mamājñāṃ pāleyadyastu svānuṣṭhānaparaḥ sadā || 43 ||
[Analyze grammar]

vedādhigamanaṃ pūrvaṃ dārasaṃgrahaṇaṃ tathā |
abhyaṅgadhāraṇaṃ nityaṃ tathā triṣavaṇaṃ smṛtam || 44 ||
[Analyze grammar]

pañcakṛtvaḥ sadā pūjyo hyahaṃ rātrau dine tathā |
devabrāhmaṇavedānāṃ nindā kāryā na vai kvacit || 45 ||
[Analyze grammar]

nānyādevapratiṣṭhā tu kāryā vai bhojakena tu |
mamāpi ca na kartavyā tena ekākinā kvacit || 46 ||
[Analyze grammar]

sarvameva nivedyānnaṃ nāśnīyādbhojakaḥ sadā |
na bhuñjīta gṛhaṃ gatvā śūdrasya garuḍāgraja || 47 ||
[Analyze grammar]

śūdrocchiṣṭaṃ prayatnena sadā tyājyaṃ hi bhojakaiḥ |
ye'śnanti bhojakā nityaṃ śūdrānnaṃ śūdraveśmani || 48 ||
[Analyze grammar]

te vai pūjāphalaṃ cātra kathaṃ prāpsyanti khecara |
gatvā gṛhaṃ tu śūdrasya na bhoktavyaṃ kadācana || 49 ||
[Analyze grammar]

gṛhāgataṃ ca śūdrānnaṃ tacca tyājyaṃ tathaiva ca |
ādhmātavyombujo nityaṃ bhojakenāgrato mama || 50 ||
[Analyze grammar]

sakṛtpravādite śaṃkhe mama prītirhi jāyate |
ṣaṇmāsānnātra sandehaḥ purāṇaśravaṇaṃ tathā || 51 ||
[Analyze grammar]

tasmācchaṃkhaḥ sadā vādyo bhojakena prayatnataḥ |
tasyeyaṃ paramā vṛttirnaivedyaṃ yanmadīyakam || 52 ||
[Analyze grammar]

nābhojyaṃ bhuñjate yasmāttenaite bhojakā matāḥ |
magaṃ dhyāyanti te yasmāttena te magadhāḥ smṛtāḥ || 53 ||
[Analyze grammar]

bhojayanti ca māṃ nityaṃ tena te bhojakā smṛtāḥ |
abhyaṅgaṃ ca prayatnena prāyaṃ śuddhikaraṃ param || 54 ||
[Analyze grammar]

abhyaṅgahīno hyaśucirbhojakaḥ syānna saṃśayaḥ |
yastu māṃ pūjayedvīra abhyaṅgena vinā khaga || 55 ||
[Analyze grammar]

na tasya santatiḥ syādvai na cāhaṃ prītimānbhave || 1 ||
[Analyze grammar]

muṇḍanaṃ śirasā kāryaṃ śikhā dhāryā prayatnataḥ || 56 ||
[Analyze grammar]

naktaṃ cādityadivase tathā ṣaṣṭhyāṃ pravartayet |
saptamyāmupavāsastu mama saṃkramaṇe tathā || 57 ||
[Analyze grammar]

kartavyo bhojakenaiva matprītyai garuḍāgraja |
trikālaṃ cāpi gāyatrīṃ japedvācā puro mama || 58 ||
[Analyze grammar]

mukhamāvṛtya yatnena pūjanīyo'hamādarāt |
maunaṃ cāsya prayatnena tyaktvā krodhaṃ ca dūrataḥ || 59 ||
[Analyze grammar]

śūdrebhyo yastu vaiśyebhyo lobhātkāmātprayacchati |
nirmālyaṃ mama vai vatsa sa yāti narakaṃ dhruvam || 60 ||
[Analyze grammar]

lobhādvai bhojako yastu matpuṣpāṇi khagādhipa |
yacchatenyasya duṣṭātmā mayyanāropya khecara || 61 ||
[Analyze grammar]

sa jñeyo me paraḥ śatruḥ sa māmarho na cārcitum |
nirmālyaṃ mama deyaṃ syādbrāhmaṇādiṣu vai nṛṣu || 62 ||
[Analyze grammar]

naivedyaṃ yanmadīyaṃ tu tadaśnīyātsadaiva hi |
tenāsau śuddhyate nityaṃ haviṣyānnasamaṃ tathā || 63 ||
[Analyze grammar]

tatkṣaṇādutkṣipedyastu mamāṃgātpuṣpameva hi |
nānyasya deyaṃ naivedyaṃ madīyamudake2 kṣipet || 64 ||
[Analyze grammar]

pañcagavyasamaṃ tasya manmataṃ nātra saṃśayaḥ |
mamāṅgalagnaṃ yatkiñcidgandhaṃ puṣpamathāpi vā || 65 ||
[Analyze grammar]

dātavyaṃ na ca vaiśyāya na śūdrāya kadācana |
ātmanā tadgrahītavyaṃ na vikreyaṃ kathañcana || 66 ||
[Analyze grammar]

yastu nāropya puṣpāṇi avyaṅgāni mamopari |
yaḥ kaścidāharelloke sa yāti narakaṃ dhruvam || 67 ||
[Analyze grammar]

snapanaṃ mama nirmālyaṃ pāvakaṃ yastu laṅghayet |
sa naro narakaṃ yāti saraudraṃ rauravaṃ khaga || 68 ||
[Analyze grammar]

bhojakena sadā kāryaṃ snapanaṃ me prayatnataḥ |
yathā na laṅghayetkaścidyathā śvā nāpi bhakṣayet || 69 ||
[Analyze grammar]

yadyayatnaparaḥ kuryādbhojakaḥ snapanaṃ mama |
yathā vai laṅghitamatirbhakṣyatāṃ ca khagādhipa || 70 ||
[Analyze grammar]

sa yāti narakaṃ raudraṃ tāmiśraṃ nāma nāmataḥ |
ekabhaktaṃ sadā kāryaṃ snānaṃ traikālameva hi || 71 ||
[Analyze grammar]

tricailaṃ parivarteta bhavitavyaṃ dinedine |
pūjākāle'rghakāle ca krodhastyājyaḥ prayatnataḥ || 72 ||
[Analyze grammar]

amāṃgalyaṃ na vaktavyaṃ vaktavyaṃ ca śubhaṃ tadā |
īdṛgbhūto bhojako me preyān pūjākaraḥ sadā || 73 ||
[Analyze grammar]

sanmānyaḥ pūjanīyaśca viprādīnāṃ yathāsmyaham |
yaḥ karotyavamānaṃ tu vṛttirūpaṃ tu bhojake || 74 ||
[Analyze grammar]

tasyāhaṃ roṣametyāśu kulaṃ hanmi samantataḥ |
priyo me bhojako nityaṃ yathā tvaṃ vinatāsuta || 75 ||
[Analyze grammar]

upalepanakartā ca sammārjanaparaśca yaḥ |
parāvasuruvāca |
ityuktvā bhagavānbhānurbabhrāma rathamāsthitaḥ || 76 ||
[Analyze grammar]

aruṇo'pi tathā śrutvā mudayā parayā nṛpaḥ |
pūjyastasmānmahārāja bhojakastu mahīpate || 77 ||
[Analyze grammar]

tasmāddevaṃ vācakāya dvitīyamaśanaṃ naraiḥ || 78 ||
[Analyze grammar]

brahmovāca |
itthaṃ śrutvā sa rājā tu karmaṇaḥ phalamātmanaḥ |
purātanaṃ mahābāhurmudamāpa mahīpatiḥ || 79 ||
[Analyze grammar]

yadyadāyatanaṃ bhānoḥ pṛthivyāṃ paśyate nṛpaḥ |
tasmiṃstasminkārayati upalepanamādarāt || 80 ||
[Analyze grammar]

bhāryā tasyāpi suśroṇi puṇyaśravaṇamādarāt |
vācake vetanaṃ dattvā bhānordevasya mandire || 81 ||
[Analyze grammar]

itthaṃ rājā sapatnīkaḥ pūjya bhaktyā divākaram |
prāptāvubhau parāṃ prītiṃ gatiṃ cānuttamāṃ tathā || 82 ||
[Analyze grammar]