Chapter 107

brahmovāca |
tathānyadapi dharmajña śṛṇuṣva gadato mama |
padadvayaṃ jagaddhāturdevadevasya gopateḥ || 1 ||
[Analyze grammar]

yadekapādapīṭhaṃ hi tatra nyastaṃ padadvayam |
svayamaṃśumatā kṛṣṇa lokānāṃ hitakāmyayā || 2 ||
[Analyze grammar]

vāmanasya padaṃ kṛṣṇa jñeyaṃ vai uttarāyaṇam |
devādyaiḥ sakalairvandyaṃ dakṣiṇaṃ dakṣiṇāyanam || 3 ||
[Analyze grammar]

ahaṃ tvaṃ ca sadā kṛṣṇa dakṣiṇaṃ pādamarcataḥ |
śraddhānvitau bhāskarasya harīśau vāmamarcataḥ || 4 ||
[Analyze grammar]

tasminyaḥ pratyahaṃ samyagdevadevasya mānavaḥ |
karotyārādhanaṃ tasya tuṣṭaḥ syādbhānumāntsadā || 5 ||
[Analyze grammar]

viṣṇuruvāca |
kathamārādhanaṃ tasya devadevasya gopateḥ |
kriyate devaśārdūla tatsamākhyātumarhasi || 6 ||
[Analyze grammar]

brahmovāca |
uttare tvayane kṛṣṇa snāto niyatamānasaḥ |
ghṛtakṣīrādibhirdevaṃ snāpayettimirāpaham || 7 ||
[Analyze grammar]

cāruvastropahāraiśca puṣpadhūpānulepanaiḥ |
samabhyarcya tataḥ samyagbrāhmaṇānāṃ ca tarpaṇaiḥ || 8 ||
[Analyze grammar]

padadvayaṃ vrataṃ yasya gṛhṇīyādbhānutatparaḥ |
vandetsnātaścitrabhānuṃ tataśca garuḍadhvaja || 9 ||
[Analyze grammar]

bhuktvānnaṃ citrabhānuṃ tu citrabhānuṃ vrajaṃstathā |
svapanvibudhyanpraṇamanhomaṃ kurvaṃstathārcayan || 10 ||
[Analyze grammar]

citrabhānoranudinaṃ kariṣye nāmakīrtanam |
yāvadadya dinātprāptaṃ kramaśo dakṣiṇāyanam || 11 ||
[Analyze grammar]

calite huṃkṛte caiva vedārambhe'pi vā sadā |
tāvadvakṣye citrabhānuṃ yāvadevottarāyaṇam || 12 ||
[Analyze grammar]

yāvajjīvaṃ ca yatkiñcijjānatojñānato'pi vā |
kariṣye'haṃ tathā caiva kīrtayiṣyāmi taṃ prabhum || 13 ||
[Analyze grammar]

yadānṛtaṃ kiñcidvakṣye tadā vakṣyāmi tadvacaḥ |
ajñānādatha vā jñānātkīrtayiṣyāmi taṃ prabhum || 14 ||
[Analyze grammar]

ṣaṇmāsamekamanasā citrabhānumayaṃ param |
taṃ smaranmaraṇe yāti yāṃ gatiṃ sāstu me gatiḥ || 15 ||
[Analyze grammar]

ṣaṇmāsābhyantare mṛtyuryadi tasminbhavenmama |
tanmayā bhāskarasyeha svayamātmā niveditaḥ || 16 ||
[Analyze grammar]

paramātmamayaṃ brahma citrabhānumayaṃ param |
yamaṃ te saṃsmariṣyāmi sa me bhānuḥ parā gatiḥ || 17 ||
[Analyze grammar]

yadi prātastathā sāyaṃ madhyāhne vā japāmyaham |
ṣaṇmāsābhyantare nyāsaḥ kṛto vratamayo mayā || 18 ||
[Analyze grammar]

tathā kuru jagannātha svargalokaparāyaṇaḥ |
citrabhāno yathā śaktyā bhavānbhavati me gatiḥ || 19 ||
[Analyze grammar]

evamuccārya ṣaṇmāsaṃ citrabhānumayaṃ vratam |
tāvanniṣpādayedyāvatsampūrṇaṃ dakṣiṇāyanam || 20 ||
[Analyze grammar]

tataśca prīṇanaṃ kuryādyathāśaktyā vibhāvasoḥ |
bhojayedbrāhmaṇāndivyānbhaumāṃścāpi sadakṣiṇān || 21 ||
[Analyze grammar]

puṇyākhyānakathāṃ kuryānmārtaṃḍasya tathāgrataḥ |
pūjayedvācakaṃ bhaktyā yathāśaktyā1 ca lekhakam || 22 ||
[Analyze grammar]

evaṃ vratamidaṃ kṛṣṇa yo dhārayati mānavaḥ |
ihaiva devaśārdūla mucyate sarvakilbiṣaiḥ || 23 ||
[Analyze grammar]

ṣaṇmāsābhyantare cāsya maraṇaṃ yadi jāyate |
prāpnotyanaśanasyoktaṃ yatphalaṃ tadasaṃśayam || 24 ||
[Analyze grammar]

padadvayaṃ ca devasya samyaktvena sadārcitam |
bhavatyetajjagau bhānuḥ purā candrāya pṛcchate || 25 ||
[Analyze grammar]