Chapter 93

brahmovāca |
yeṣāṃ dharmakriyāḥ sarvāḥ sadaivoddiśya bhāskaram |
na kule jāyate teṣāṃ daridro vyādhito'pi vā || 1 ||
[Analyze grammar]

devāyatanabhūmestu gomayenopalepanam |
yaḥ karoti naro bhaktyā sadyaḥ pāpātpramucyate || 2 ||
[Analyze grammar]

śvetayā raktayā vāpi pītamṛttikayāpi vā |
upalepanakartā vai cintitaṃ labhate phalam || 3 ||
[Analyze grammar]

citrabhānuṃ virañcyaiva1 kusumairyaḥ sugandhibhiḥ |
pūjayetsopavāsastu sa kāmānīpsitāṃllabhet || 4 ||
[Analyze grammar]

ghṛtena dīpakaṃ jvālya tilatailena vā raveḥ |
prayāti sūryalokaṃ sa dīpakoṭiśatairvṛtaḥ || 5 ||
[Analyze grammar]

dīpatailapradānena na yāti narakaṃ naraḥ |
dīpatailaṃ tilāścaiva2 mahāpātakanāśanāḥ || 6 ||
[Analyze grammar]

dīpaṃ dadāti yo nityaṃ bhāskarāyataneṣu3 vai |
catuṣpatheṣu tīrtheṣu rūpaujasvī ha jāyate || 7 ||
[Analyze grammar]

yastu kārayate4 dīpaṃ raverbhaktisamanvitaḥ |
sa kāmānīpsitānprāpya vṛndārakapuraṃ vrajet || 8 ||
[Analyze grammar]

yaḥ samālabhate sūryaṃ candanāgurukuṅkumaiḥ |
karpūreṇa vimiśraiśca tathā kastūrikānvitaiḥ || 9 ||
[Analyze grammar]

śubhaṃ kālaṃ koṭiśataṃ vihṛtya5 ca bhavālaye |
punaḥ sañjāyate bhūmau rājarājo na saṃśayaḥ |
sarvakāmasamṛddhātmā sarvalokanamaskṛtaḥ || 10 ||
[Analyze grammar]

candanodakamiśraiśca dattvārghyaṃ kusumai raveḥ |
saputrapautrapatnīkaḥ svargaloke mahīyate6 || 11 ||
[Analyze grammar]

sugandhodakamiśraistu dattvārghyaṃ kusumai raveḥ |
devaloke ciraṃ sthitvā rājā bhavati bhūtale || 12 ||
[Analyze grammar]

sa hiraṇyena cārgheṇa raktodakayutena vā |
koṭīśataṃ tu varṣāṇāṃ svargaloke mahīyate || 13 ||
[Analyze grammar]

padmairabhyarcanaṃ kṛtvā raveḥ svargagato naraḥ |
padme vasati varṣāṇāṃ strīpadmaśatasaṃvṛtaḥ || 14 ||
[Analyze grammar]

guggulaṃ saghṛtaṃ dattvā raverbhaktisamanvitaḥ || 1 ||
[Analyze grammar]

tatkṣaṇātsarvapāpebhyo mucyate nātra saṃśayaḥ || 15 ||
[Analyze grammar]

pakṣaṃ tu guggulaṃ dattvā mucyate brahmahatyayā |
saṃvatsareṇa labhate aśvamedhaphalaṃ śiva || 16 ||
[Analyze grammar]

dhūpena labhate svargaṃ turuṣkeṇa sugandhinā |
karpūrāgurudhūpena rājasūyaphalaṃ labhet || 17 ||
[Analyze grammar]

pūrvāhṇe mānavo bhaktyā śraddhayā yo'rcayedravim |
sa tatphalamavāpnoti yaddatte kapilāśate || 18 ||
[Analyze grammar]

madhyāhne yo'rcayetsūryaṃ prayatātmā jitendriyaḥ |
labhate bhūmidānasya gośatasya ca tatphalam || 19 ||
[Analyze grammar]

paścimāyāṃ tu sandhyāyāṃ yo'rcayedbhāskaraṃ naraḥ |
śuciḥ śuklāmbaroṣṇīṣo gosahasraphalaṃ labhet || 20 ||
[Analyze grammar]

ardharātre tu yo heliṃ bhaktyā sampūjayennaraḥ |
jātismaratvamāpnoti kule jāto vṛṣānvitaḥ || 21 ||
[Analyze grammar]

pradoṣarātrivelāyāṃ yaḥ pūjayati bhāskaram |
sa gatvā sahasā vīra krīḍetsaumanasaṃ2 kṣayam || 22 ||
[Analyze grammar]

daṇḍanāyakavelāyāṃ prabhātasamaye punaḥ |
pūjayitvā raviṃ bhaktyā vrajedanimiṣālayam || 23 ||
[Analyze grammar]

evaṃ velāsu sarvāsu avelāsu ca mānavaḥ |
bhaktyā pūjayate yo'rkamarkapuṣpaiḥ samāhitaḥ |
tejasādityasaṃkāśo hyarkaloke mahīyate || 24 ||
[Analyze grammar]

ayane tūttare sūryamatha vā dakṣiṇāyane |
pūjayedyastu vai bhaktyā sa gacchetkañjajālayam || 25 ||
[Analyze grammar]

tatrasthaḥ pūjyate keśaiḥ1 sarveḥ sumanasastathā |
gopatiḥ pūjyate yadvadgopatipramukhaiḥ suraiḥ || 26 ||
[Analyze grammar]

viṣuveṣūparāgeṣu ṣaḍaśītimukheṣu ca |
pūjayitvā raviṃ bhaktyā nātmānaṃ śocate naraḥ || 27 ||
[Analyze grammar]

vibudhya2 vā svayaṃ vāpi yo namaskurute ravim |
santuṣṭo bhāskarastasmai gatimiṣṭāṃ prayacchati || 28 ||
[Analyze grammar]

kṛśarāpāyasāpūpapalalonmiśramodakaiḥ |
baliṃ kṛtvā tu sūryāya sarvakāmamavāpnuyāt || 29 ||
[Analyze grammar]

modakānāṃ pradānena3 pāyasasya ca suvrata |
madhumāṃsarasaiścāpi prīyate'tīvabhāskaraḥ || 30 ||
[Analyze grammar]

ghṛtena tarpaṇaṃ kṛtvā sadā snigdho bhavennaraḥ |
tarpayitvā tu māṃsena sadyaḥ pāpātpramucyate || 31 ||
[Analyze grammar]

ghṛtena snapanaṃ kṛtvā ekāhamudaye raveḥ |
gavāṃ śatasahasrasya dattasya phalamaśnute || 32 ||
[Analyze grammar]

gavāṃ kṣīreṇa santarpya puṇḍarīkaphalaṃ labhet |
rasena snāpayeddevamaśvamedhaphalaṃ 5 labhet || 33 ||
[Analyze grammar]

sūryāya taruṇīṃ dhenuṃ gāmekāṃ yaḥ prayacchati |
kañjajāmacalāṃ prāpya punarlekhapuraṃ vrajet || 34 ||
[Analyze grammar]

gośarīre tu romāṇi yāvanti tripurāntaka |
sa tāvadvarṣakoṭīstu lekhaloke mahīyate || 35 ||
[Analyze grammar]

gośataṃ bhānave dattvā rājasūyaphalaṃ labhet |
aśvamedhaphalaṃ tasya yaḥ sahasraṃ prayacchati || 36 ||
[Analyze grammar]

guggulaṃ devadāruṃ ca dahennityaṃ ghṛtasravam |
ājyadhūmo6 hi devānāṃ prakṛtyaiva priyaḥ sadā || 37 ||
[Analyze grammar]

bheryādīni ca vādyāni śaṅkhaveṇvādikāni ca |
ye prayacchanti sūryāya yānti te haṃsamandiram || 38 ||
[Analyze grammar]

vajramāharate yastu raverbhaktisamanvitaḥ |
tīrthodakamathaivānyaḥ sa yāti vibudhālayam || 39 ||
[Analyze grammar]

vimānaiḥ strīśatākīrṇaiḥ krīḍayitvā ciraṃ naraḥ |
mānuṣatvamanuprāpya rājā bhavati dhārmikaḥ || 40 ||
[Analyze grammar]

chatraṃ dhvajaṃ vitānaṃ ca patākāścāmarāṇi ca |
hemadaṇḍāni vai dadyādraveryo bhaktimānnaraḥ || 41 ||
[Analyze grammar]

vimānena sa divyena kiṅkiṇījālamālinā |
sūryalokamato gatvā bhavatyapsarasāṃ patiḥ || 42 ||
[Analyze grammar]

tatroṣya suciraṃ kālaṃ svargātpratyāgataḥ punaḥ |
mānuṣye jāyate rājā sarvarājanamaskṛtaḥ || 43 ||
[Analyze grammar]

dattvā vāsāṃsi sūryāya alaṅkārāṃstathaiva ca |
krīḍate janalokastho yāvadābhūtasaṃplavam || 44 ||
[Analyze grammar]

gītavāditranṛtyaiśca kuryājjāgaraṇaṃ raveḥ |
gandharvāpsarasāṃ madhye krīḍate suciraṃ naraḥ || 45 ||
[Analyze grammar]

gandhaiḥ puṣpaistathā patraiḥ stotrairvā vividhaistathā |
ye stuvanti raviṃ bhaktyā te yānti patagālayam || 46 ||
[Analyze grammar]

uṣaḥ stuvanti ye sūryamupagāyanti te sadā |
pāṭhakāścāraṇāścaiva sarve te svargagāminaḥ || 47 ||
[Analyze grammar]

aśvayuktaṃ yugairyuktaṃ yo dadyādravaye ratham |
kāñcanaṃ vāpi raupyaṃ vā maṇiratnānvitaṃ śubham || 48 ||
[Analyze grammar]

sa yānenārkavarṇena kiṅkiṇījālamālinā |
svargalokamito gatvā krīḍate'psarasā saha || 49 ||
[Analyze grammar]

yastu dārumayaṃ kuryādrave rathamanuttamam |
sa yātyarkasavarṇena1 vimānenārkamaṇḍalam || 50 ||
[Analyze grammar]

yātrāṃ kurvanti ye bhānornarāḥ saṃvatsarādapi |
ṣaṇmāsādvā gaṇaśreṣṭha teṣāṃ puṇyaphalaṃ śṛṇu || 51 ||
[Analyze grammar]

dhyānino yoginaścaiva prāpnuvantīha yāṃ gatim |
tāṃ gatiṃ pratipadyante sūryavartmāvagāhinaḥ || 52 ||
[Analyze grammar]

rathaṃ vahanti ye bhānornarā bhaktisamanvitāḥ |
arogāścādaridrāśca jātau jātau bhavanti te || 53 ||
[Analyze grammar]

kartāro rathayātrāyā ye narā bhāskarasya tu |
te bhānulokamāsādya viharanti yathāsukham || 54 ||
[Analyze grammar]

yātrābhaṅgaṃ tu yo mohātkrodhādvā kurute naraḥ |
mandehāste narā jñeyā rākṣasāḥ pāpakāriṇaḥ || 55 ||
[Analyze grammar]

dhanaṃ dhānyaṃ hiraṇyaṃ vā vāsāṃsi vividhāni ca |
ye prayacchanti sūryāya te yānti paramāṃ gatim || 56 ||
[Analyze grammar]

gā vātha mahiṣīrvāpi gajānaśvāṃśca śobhanān |
ya prayacchati sūryāya tasya puṇyaphalaṃ śṛṇu || 57 ||
[Analyze grammar]

akṣayaṃ sarvakāmīyamaśvamedhaphalaṃ labhet |
sahasraguṇitaṃ tacca dānamasyopatiṣṭhati || 58 ||
[Analyze grammar]

mahīṃ dadāti yo'rkāya kṛṣṭāṃ phalavatī śubhām |
sa tārayati vai vaṃśyāndaśa pūrvāndaśāparān || 59 ||
[Analyze grammar]

vimānena ca divyena gopuraṃ gopatervrajet |
krīḍatyapsarasāṃ madhye karīva kariṇīgaṇe || 60 ||
[Analyze grammar]

grāmaṃ dadāti yo bhaktyā sūryāya matimānnaraḥ || 1 ||
[Analyze grammar]

vimānenārkavarṇena sa yāti paramāṃ gatim || 61 ||
[Analyze grammar]

ārāmānye prayacchanti patrapuṣpaphalopagān |
bhānave bhaktiyuktāstu te yānti paramāṃ gatim || 62 ||
[Analyze grammar]

mānasaṃ vācikaṃ vāpi karmajaṃ yacca duṣkṛtam |
sarvaṃ sūryaprasādena aśeṣaṃ ca praṇaśyati || 63 ||
[Analyze grammar]

ārto vā vyādhito vāpi daridro duḥkhito'pi vā |
ādityaṃ śaraṇaṃ gatvā nātmānaṃ śocate naraḥ || 64 ||
[Analyze grammar]

ekāhenāpi yadbhānoḥ pūjāyāḥ prāpyate phalam |
tadvai kratuśatairiṣṭaiḥ prāpyate phalamuttamam || 65 ||
[Analyze grammar]

kṛtvā prekṣaṇakaṃ bhānordivyamāyatane śubham |
akṣayaṃ sarvakāmīyaṃ rājasūyaphalaṃ labhet || 66 ||
[Analyze grammar]

veśyākadambakaṃ yastu dadyātsūryāya bhaktitaḥ |
sa gacchetparamaṃ sthānaṃ yatra tiṣṭhati bhānumān || 67 ||
[Analyze grammar]

pustakaṃ bhānave dadyādbhāratasya gaṇādhipa |
sarvapāpavimuktātmā viṣṇuloke mahīyate || 68 ||
[Analyze grammar]

rāmāyaṇasya datvā tu pustakaṃ tripurāntaka |
vājapeyaphalaṃ prāpya gopateḥ puramāvrajet || 69 ||
[Analyze grammar]

bhaviṣyaṃ sāmbasaṃjñaṃ vā dattvā sūryāya pustakam |
rājasūyāśvamedhābhyāṃ phalaṃ prāpnoti mānavaḥ || 70 ||
[Analyze grammar]

sarvānkāmānavāpnoti yāti sūryasalokatām |
sūryaloke ciraṃ sthitvā brahmalokaṃ vrajetpunaḥ |
sthitvā kalpaśataṃ tatra rājā bhavati bhūtale || 71 ||
[Analyze grammar]

bhānorāyatane yastu prapāṃ kuryādgaṇādhipa |
sa yāti paramaṃ sthānaṃ divyaṃ saumanasaṃ naraḥ || 72 ||
[Analyze grammar]

śītakāle ghanaṃ dadyānnarāṇāṃ śītanāśanam |
bhānorāyatane deva aśvamedhaphalaṃ labhet || 73 ||
[Analyze grammar]

itihāsapurāṇābhyāṃ puṇyaṃ pustakavācanam |
aśvamedhasahasraṃ yo nityaṃ kartuṃ pravartate |
na tatphalamavāpnoti yadāpnotyasya karmaṇaḥ || 74 ||
[Analyze grammar]

tasmātsarvaprayatnena kāryaṃ pustakavācanam |
itihāsapurāṇābhyāṃ bhānorāyatane śubham || 75 ||
[Analyze grammar]

nānyatpuṣṭikaraṃ bhānostathā tuṣṭikaraṃ param |
puṇyākhyānakathā yāstu yathā tuṣyati bhāskaraḥ || 76 ||
[Analyze grammar]