Chapter 73

sumanturuvāca |
etasminneva kāle tu nārado bhagavānṛṣiḥ |
brahmaṇo mānasaḥ putrastriṣu lokeṣu viśrutaḥ || 1 ||
[Analyze grammar]

sarvalokacaraḥ so'tha aṭamānaḥ samantataḥ |
vāsudevaṃ sa vai draṣṭuṃ nityaṃ dvāravatīṃ purīm || 2 ||
[Analyze grammar]

āyāti ṛṣibhiḥ sārdhaṃ krodhano munisattamaḥ |
athāgacchati tasmiṃstu sarve yadukumārakāḥ || 3 ||
[Analyze grammar]

pradyumnaprabhṛtayo ye prahvāścāvanatāḥ sthitāḥ |
abhivādyārghyapādyābhyāṃ pūjāṃ cakruḥ samantataḥ || 4 ||
[Analyze grammar]

sāmbastvavaśyabhāvitvāttasya śāpasya kāraṇam |
avajñāṃ kurūte nityaṃ nāradasya mahātmanaḥ || 5 ||
[Analyze grammar]

rataḥ krīḍāsu vai nityaṃ rūpayauvanagarvitaḥ |
avinītaṃ tu taṃ dṛṣṭvā cintayāmāsa nāradaḥ || 6 ||
[Analyze grammar]

asyāhamavinītasya kariṣye vinayaṃ śubham |
evaṃ sañcintayityā tu vāsudevamathābravīt || 7 ||
[Analyze grammar]

imāḥ ṣoḍaśasāhasryaḥ striyo yādavasattama |
sarvāsāṃ hi sadā sāmbe bhāvo deva samāśritaḥ || 8 ||
[Analyze grammar]

rūpeṇāpratimaḥ sāmbo lokesminsacarācare |
sadā hīcchanti 1 tāstasya darśanaṃ cāpi hi striyaḥ || 9 ||
[Analyze grammar]

śrutvaivaṃ nāradādvākyaṃ cintayāmāsa keśavaḥ |
yadetannāradenoktamanyadatra tu kiṃ bhavet || 10 ||
[Analyze grammar]

vacanaṃ śrūyate loke cāpalyaṃ strīṣu vidyate |
ślokau cemau purā gītau cittajñairyoṣitāṃ dvijaiḥ || 11 ||
[Analyze grammar]

pauṃścalyāccalacittatvānnaiḥsnehyācca svabhāvataḥ |
rakṣitāḥ sarvato hyetā vikurvanti hi bhartṛṣu || 12 ||
[Analyze grammar]

naitā rūpaṃ parīkṣante nāsāṃ vayasi niścayaḥ |
surūpaṃ vā virūpaṃ vā pumānityeva bhuñjate || 13 ||
[Analyze grammar]

manasā cintayanneva kṛṣṇo nāradamabravīt |
na hyahaṃ śraddadhāmyetadyadetadbhāṣitaṃ tvayā || 14 ||
[Analyze grammar]

bruvāṇamevaṃ devaṃ tu nārado vākyamabravīt || 1 ||
[Analyze grammar]

tathāhaṃ tatkariṣyāmi yathā śraddhāsyate bhavān || 15 ||
[Analyze grammar]

evamuktvā yayau svargaṃ nāradastu yathāgataḥ |
tataḥ katipayāhobhirdvārakāṃ punarabhyagāt || 16 ||
[Analyze grammar]

tasminnahani devo'pi sahāntaḥpurikairjanaiḥ |
anubhūya jalakrīḍāṃ pānamāsevate rahaḥ || 17 ||
[Analyze grammar]

3 ramyaraivatakodyāne nānādrumavibhūṣite |
sarvartukusumairnityaṃ vāsite sarvakānane || 18 ||
[Analyze grammar]

nānājalajaphullābhirdīrghikābhiralaṅkṛte |
haṃsasārasasaṃghuṣṭe cakravākopaśobhite || 19 ||
[Analyze grammar]

tasminsa ramate devaḥ strībhiḥ parivṛtastadā |
hāranūpurakeyūraraśanādyairvibhūṣaṇaiḥ || 20 ||
[Analyze grammar]

bhūṣitānāṃ varastrīṇāṃ cārvaṅgīnāṃ viśeṣataḥ |
tābhiḥ sampīyate pānaṃ śubhagandhānvitaṃ śubham || 21 ||
[Analyze grammar]

etasminnantare buddhvā madyapānāttataḥ striyaḥ |
uvāca nāradaḥ sāmbaṃ sāmbottiṣṭha kumāraka || 22 ||
[Analyze grammar]

tvāṃ samāhvāyate devo na yuktaṃ sthātumatra te |
tadvākyārthamabuddhaiva nāradenātha coditaḥ || 23 ||
[Analyze grammar]

gatvā tu satvaraṃ sāmbaḥ praṇāmamakarotprabhoḥ || 4 ||
[Analyze grammar]

sāṣṭāṅgaṃ ca hareḥ sāmbo vidhivadvallabhasya ca || 24 ||
[Analyze grammar]

etasminnantare tatra yāstu vai svalpasāttvikāḥ |
taṃ dṛṣṭvā sundaraṃ sāmbaṃ sarvāścukṣubhire striyaḥ || 25 ||
[Analyze grammar]

na sa dṛṣṭaḥ purā yābhirantaḥpuranivāsibhiḥ |
madyadoṣāttatastāsāṃ smṛtilopāttathā nṛpa || 26 ||
[Analyze grammar]

svabhāvatolpasattvānāṃ jaghanāni visusruvuḥ |
śrūyate cāpyayaṃ ślokaḥ purāṇaprathitaḥ kṣitau || 27 ||
[Analyze grammar]

brahmacarye'pi vartantyāḥ sādhvyā hyapi ca śrūyate |
hṛdyaṃ hi puruṣaṃ dṛṣṭvā yoniḥ saṃklidyate striyāḥ || 28 ||
[Analyze grammar]

loke'pi dṛśyate hyetanmadyasyātyarthasevanāt |
lajjāṃ muñcanti niḥśaṅkā hrīmatyo hyapi hi striyaḥ || 29 ||
[Analyze grammar]

samāṃsairbhojanaiḥ snigdhaiḥ yānaiḥ sīdhusurāsavaiḥ |
gandhairmanojñairvastraiśca2 kāmaḥ strīṣu vijṛmbhate || 30 ||
[Analyze grammar]

3 sīdhuprayuktaṃ śukreṇa satataṃ sādhu hīcchatā |
madyaṃ . na peyamatyartha puruṣeṇa vipaścitā || 31 ||
[Analyze grammar]

nāradopyatha taṃ sāmbaṃ preṣayitvā tvarānvitaḥ |
ājagāmātha tatraiva sāmbasyānupadena tu || 32 ||
[Analyze grammar]

āyāntaṃ tāśca taṃ dṛṣṭvā priyaṃ saumanasamṛṣim |
sahasaivotthitāḥ sarvāḥ striyastaṃ madavihvalāḥ || 33 ||
[Analyze grammar]

tāsāmathotthitānāṃ tu vāsudevasya paśyataḥ |
bhittvā vāsāṃsi śubhrāṇi patreṣu patitāni tu || 34 ||
[Analyze grammar]

tā dṛṣṭvā tu hariḥ kruddhaḥ sarvāstā śaptavānstriyaḥ |
yasmādgatāni cetāṃsi māṃ muktvānyatra ca striyaḥ || 35 ||
[Analyze grammar]

4 tasmātpatikṛtāṃllokānāyuṣoṃnte na yāsyatha |
patilokaparibhraṣṭāḥ svargamārgāttathaiva ca || 36 ||
[Analyze grammar]

bhūtvā cāśaraṇā yūyaṃ dasyuhastaṃ gamiṣyatha || 37 ||
[Analyze grammar]

sumanturuvāca |
śāpadoṣāttatastasmāttāḥ striyaḥ svargate harau |
hṛtāḥ pāñjanadaiścaurairarjunasya tu paśyataḥ |
alpasattvāstu yāstvāsangatāstā dūṣaṇaṃ striyaḥ || 38 ||
[Analyze grammar]

rukmiṇī satyabhāmā ca tathā jāmbavatī priyā |
naitā gatā dasyuhastaṃ svena sattvena rakṣitāḥ || 39 ||
[Analyze grammar]

śaptvaiva tāḥ striyaḥ kṛṣṇaḥ sāmbamapyaśapattataḥ |
yasmādatīva te kāntaṃ rūpaṃ dṛṣṭvā imāḥ striyaḥ || 40 ||
[Analyze grammar]

kṣubdhāḥ sarvā yatastasmātkuṣṭharogamavāpnuhi |
tasya tadvacanaṃ śrutvā sāmbaḥ kṛṣṇasya bhārata || 41 ||
[Analyze grammar]

uvāca prahasanrājansaṃsmarannṛṣibhāṣitam |
animittamahaṃ tāta bhāvadoṣavivarjitaḥ |
śapto na me'tra vai kruddho durvāsā anyathā vadet || 42 ||
[Analyze grammar]

sumanturuvāca |
asmicchapte'nimitte'sau pitrā jāmbavatīsutaḥ |
prāptavānkuṣṭharogitvaṃ virūpatvaṃ ca bhārata || 43 ||
[Analyze grammar]

sāmbena punarapyeva durvāsāḥ kopito muniḥ |
tacchāpānmusalaṃ jātaṃ kulaṃ yenāsya ghātitam || 44 ||
[Analyze grammar]

śrutvā hyavinayāddoṣānsāmbenāptānkṣamādhipa |
nityaṃ bhāvyaṃ vinītena gurudevadvijātiṣu || 45 ||
[Analyze grammar]

priyaṃ ca vākyaṃ vaktavyaṃ sarvaprītikaraṃ vibho |
kiṃ tvayā na śrutau ślokau yāvuktau vedhasā purā |
1 śṛṇvato devadevasya vyomakeśasya bhārata || 46 ||
[Analyze grammar]

yo dharmaśīlo jitamānaroṣo vidyāvinīto na paropatāpī |
svadāratuṣṭaḥ paradāravarjito na tasya loke bhayamasti kiñcit || 47 ||
[Analyze grammar]

na tathā śītalasalilaṃ na candanaraso na śītalā chāyā |
prahlādayati ca puruṣaṃ yathā madhurabhāṣiṇī vāṇī || 48 ||
[Analyze grammar]

tataḥ śāpābhibhūtena samyagārādhya bhāskaram |
sāmbenāptaṃ tathārogyaṃ rūpaṃ1 ca paramaṃ punaḥ || 49 ||
[Analyze grammar]

rūpamāpya tathā'rogyaṃ bhāskarāddharisūnunā |
niveśito ravirbhaktyā svanāmnā kṣmādhipeśvara || 50 ||
[Analyze grammar]