Chapter 69

brahmovāca |
saptamyāmuṣito vipraḥ svapnadarśanamucyate |
svapne dṛṣṭe ca saptamyāṃ puruṣo niyatavrataḥ || 1 ||
[Analyze grammar]

samāpya vidhivatsarvaṃ japahomādikaṃ kramāt |
pūjayitvā dineśaṃ tu yathāvibhavamātmanaḥ || 2 ||
[Analyze grammar]

tataḥ śayīta śayane devadevaṃ vicintayan |
samprasupto yadā paśyedudayantaṃ divākaram || 3 ||
[Analyze grammar]

śakradhvajaṃ tathā candraṃ tasya sarvāḥ samṛddhayaḥ |
dṛśyaṃ janaṃ tathā śaktiṃ1 sragvigoveṇunisvanāḥ || 4 ||
[Analyze grammar]

śvetābjacāmarādarśakanakāsisutodbhavam |
rudhirasya srutiṃ sekaṃ pānaṃ caiśvaryakārakam || 5 ||
[Analyze grammar]

śvetāyāḥ pañcapūtāyā darśanaṃ vṛddhikārakam |
prajāpaterghṛtāktasya darśanaṃ putradaṃ smṛtam || 6 ||
[Analyze grammar]

śastavṛkṣābhirohaśca kṣipramaiśvaryakārakaḥ |
dohanaṃ mahiṣīsiṃhīgodhenūnāṃ svake mukhe || 7 ||
[Analyze grammar]

dhanuṣāṃ ca śarāṇāṃ ca nābhau ca drutanirgatiḥ |
abhihanyātsvayaṃ khādetsiṃhāngā bhujagāṃstathā || 8 ||
[Analyze grammar]

svāṃgaśīrṣaṃ2 hutavahe tasya śrīragrataḥ sthitā |
rājate haimane pātre yo bhuṃkte pāyasaṃ dvijaḥ || 9 ||
[Analyze grammar]

padmapatre yathā viprastasya jantorbalaṃ bhavet |
dyūte vāde'tha vā yuddhe vijayo hi sukhāvahaḥ || 10 ||
[Analyze grammar]

agnestu grasanaṃ vipra āgreyaṃ vṛddhikārakam |
gātrasya jvalanaṃ vipra śirovedhaśca bhūtaye || 11 ||
[Analyze grammar]

mālyāmbarāṇāṃ4 yuktānāṃ śastānāṃ śuklapakṣiṇām |
sadā lābhaṃ praśaṃsanti tathā viṣṭhānulepanam || 12 ||
[Analyze grammar]

svāṅgasya kartane kṣepe rathayāne prajāgamaḥ |
nānāśirobāhutā ca hastānāṃ kurute śriyam || 13 ||
[Analyze grammar]

agamyāgamanaṃ caiva śokamadhyayanaṃ tathā |
devadvijajanācāryaguruvṛddhatapasvinaḥ || 14 ||
[Analyze grammar]

yadyadvadanti tatsarvaṃ satyameva hi nirdiśet |
praśastadarśanaṃ caiva abhiṣeko nṛpaśriyāḥ || 15 ||
[Analyze grammar]

syādrājyaṃ śiraśchedena bahudhā sphuṭitena tu |
ruditaṃ harṣasamprāptyai rājyaṃ nigaḍabandhane || 16 ||
[Analyze grammar]

turaṅgaṃ vṛṣabhaṃ padmaṃ rājānāṃ śvetakuñjaram |
mahadaiśvaryamāpnoti yobhīkaścādhirohati || 17 ||
[Analyze grammar]

grasamāno grahāṃstārā mahīṃ ca parivartayan |
unmūlayanparvatāṃśca rājyalābhamavāpnuyāt || 18 ||
[Analyze grammar]

dehānniṣkrāntirantrāṇāṃ tairvā vṛkṣasya veṣṭanam |
pātaḥ samudrasaritāmaiśvaryāṇi sukhāni ca || 19 ||
[Analyze grammar]

udadhiṃ saritaṃ vāpi tīrtvā pāraṃ prayāti ca |
adriṃ laṅghayateścāpi bhavantyarthajayāyuṣaḥ || 20 ||
[Analyze grammar]

ujjvalā strī viśedaṅkamāśīrvādaparāḥ striyaḥ |
bhavatyarthāgamaḥ śīghraṃ kṛmibhiryadi bhakṣyate || 21 ||
[Analyze grammar]

svapne svapna iti jñātaṃ dṛṣṭaprakathanaṃ tathā |
maṅgalānāṃ ca sarveṣāṃ śubhaṃ darśanameva ca || 22 ||
[Analyze grammar]

saṃyogaścaiva maṅgalyairārogyadhanakārakaḥ |
aiśvaryarājyalābhāya yasminsvapna udāhṛtaḥ || 23 ||
[Analyze grammar]

tairdṛṣṭai rogiṇo rogānmucyante nātra saṃśayaḥ |
na svapnaṃ śobhanaṃ dṛṣṭvā svapyātprātaśca kīrtayet |
rājabhojakaviprebhyaḥ śucibhyaśca śucirnaraḥ || 24 ||
[Analyze grammar]