Chapter 57

brahmovāca |
kṣīraṃ yavāgūrbrahmaṇe syātparamānnaṃ trilocana |
phalāni kārtikeyasya dadyādbhūteśaprītaye |
vivasvate madhu māṃsaṃ tathā madyaṃ ca suvrata || 1 ||
[Analyze grammar]

puruhūtāya bhakṣyāṇi sānugāya nivedayet |
havirannamagnaye syādagrānnaṃ viṣṇave tathā || 2 ||
[Analyze grammar]

rākṣasebhyaḥ samaireyaṃ dadyānmāṃsaudanaṃ hara |
saṃskṛtaṃ piśitānnaṃ ca revatāya nivedayet || 3 ||
[Analyze grammar]

tilānnaṃ pitṛrājāya dadyāttripurasūdana |
āśvinābhyāmapūpāṃstu vasubhyo māṃsamodanam || 4 ||
[Analyze grammar]

pitṛbhyaḥ pāyasaṃ dadyādghṛtāktaṃ madhunā saha |
kātyāyanyai yavāgūṃ ca śriyai dadyāttathā dadhi || 5 ||
[Analyze grammar]

sarasvatyai trimadhuraṃ varuṇāyekṣurasaudanam |
1 khāḍavānnaṃ dhanapatāvevaṃ mitre trilocana || 6 ||
[Analyze grammar]

sasnehena tu takreṇa marudbhyastarpaṇaṃ smṛtam |
māṃsānnabhaktasūpāṃśca mātṛbhyo vai nivedayet || 7 ||
[Analyze grammar]

ullepikāśca bhūtebhyo jalaṃ sūryāya vai hara |
dadyādgaṇādhipataye modakāṃstripurāntaka || 8 ||
[Analyze grammar]

śaṣkulyastu nairṛtāya deyāḥ syurgaṇanāyaka |
sarvabhakṣyāṇi viśvebhyo dātavyāni samantataḥ || 9 ||
[Analyze grammar]

kṣīraudanamṛṣibhyastu kṣīraṃ nāgebhya eva hi |
sūryarathāya baliṃ dadyātkuryādvai sārvabhautikam || 10 ||
[Analyze grammar]

udvartanaṃ surā māṃsaṃ tadvāhebhyaśca bhārata |
ājyaṃ ca brahmaṇe dadyāttryambakāya tilāṃstathā || 11 ||
[Analyze grammar]

svāhātanaye vai lājā dātavyāstripurāntaka |
bhāskarāya sadā dadyātkovidāraṃ trilocana || 12 ||
[Analyze grammar]

rājavṛkṣaṃ tathendrāya haviṣyaṃ pāvakāya ca |
cakriṇe saptadhānyaṃ ca garuḍe matsyamodanam || 13 ||
[Analyze grammar]

yakṣebhyo vividhānnāni niryāsaṃ revate tyajet |
vaikaṃkatasrajo rudra yamāya parikīrtitāḥ || 14 ||
[Analyze grammar]

deyaṃ syātkarṇikāraṃ tu aśvibhyāṃ vṛṣabhadhvaja |
śriyai padmāni deyāni caṃḍikāya sucaṃdanam || 15 ||
[Analyze grammar]

navanītaṃ sarasvatyai vinatāyai tathāmiṣam |
puṣpāṇyapsarasāṃ rudra mālatyāḥ parikīrttitam || 16 ||
[Analyze grammar]

varuṇāyāgnimanthaṃ tu phalaṃ mūlaṃ nirṛtaye |
bilvaṃ dadyātkuberāya kapitthaṃ marutāṃ tathā || 17 ||
[Analyze grammar]

gaṃdharvebhyastvāragvadhaṃ dadyāttripurasūdana |
vāsavebhyastu karpūraṃ dadyāddāru gaṇādhipe || 18 ||
[Analyze grammar]

pitṛbhyaḥ piṇḍamūlāni bhūtebhyaśca bibhītakam |
gobhyo yavānpradadyādvai mātṛbhyaścākṣatānhara || 19 ||
[Analyze grammar]

guggulaṃ vighnapataye viśvebhyo deyamodanam |
ṛṣibhyo brahmavṛkṣaṃ tu nāgebhyo viṣamuttamam || 20 ||
[Analyze grammar]

bhāskarasyeha deyāni sakalāni gaṇādhipa || 1 ||
[Analyze grammar]

madhusarpistathoktāni gairikasya trilocana || 21 ||
[Analyze grammar]

nyagrodhaṃ tasya vāhebhyo bhaktyā rudra nivedayet |
sāyaṃ prātastu madhyāhne sadaikāgramanā hara || 22 ||
[Analyze grammar]

sarveṣāṃ śaktito bhaktyā 2 daheddhūpaṃ vicakṣaṇaḥ |
mantrato devaśārdūla yo yasyeha prakīrtitaḥ || 23 ||
[Analyze grammar]

śāntyarthaṃ brāhmaṇebhyastu tilāndadyādvicakṣaṇaḥ |
vaiśvānare vā juhuyād ghṛtena sahitānhara || 24 ||
[Analyze grammar]

devānāmamṛtaṃ hyete pitṝṇāṃ hi svadhāmṛtam |
śaraṇaṃ brāhmaṇānāṃ ca sadā hyetānvidurbudhāḥ || 25 ||
[Analyze grammar]

kasyapasyāṅgajā hyete pavitrāśca tathā hara |
snāne dāne tathā home tarpaṇehyaśane parāḥ || 26 ||
[Analyze grammar]

itthaṃ devāngrahāṃścaiva pūjayitvā prayatnataḥ |
avatārya rathāccainaṃ maṇḍale sthāpayetpunaḥ || 27 ||
[Analyze grammar]

kṛtvā tvārārtikaṃ yatnāddīpatoyayavākṣataiḥ || 1 ||
[Analyze grammar]

kārpāsabījalavaṇatuṣairdurdṛṣṭiśāntaye || 28 ||
[Analyze grammar]

vedīmāropayetpaścātpatnībhyāṃ saha suvrata |
tatrasthaṃ pūjayeddevaṃ dināni daśa suvrata || 29 ||
[Analyze grammar]

daśāhiketi vikhyātā yā pūjā bhūtale hara |
tayā sampūyeddevaṃ caturthe'hni tathā hara || 30 ||
[Analyze grammar]

caturthe'hani kartavyaṃ yatnāddhi snapanaṃ raveḥ |
abhyaṅgabhojanādyaistu pūjāsatkāramaṇḍalaiḥ || 31 ||
[Analyze grammar]

anena vidhinā pūjya daśāhāni divākaram |
tato nayetparaṃ sthānaṃ yattatpūrvamathālayam || 32 ||
[Analyze grammar]