Chapter 35

kaśyapa uvāca |
saviṣā daṃṣṭrayormadhye yamadūtī tu vai bhavet |
na cikitsā budhaiḥ kāryā taṃ gatāsuṃ virnidaśet || 1 ||
[Analyze grammar]

praharārdhaṃ divārātrāvekaikaṃ bhuñjate bahiḥ |
ekasya ca samānaṃ ca dvitīyaṃ ṣoḍaśaṃ tathā || 2 ||
[Analyze grammar]

nāgodayo yamuddiśya hato viddho vidāritaḥ |
kāladaṣṭaṃ vijānīyātkaśyapasya vaco yathā || 3 ||
[Analyze grammar]

yanmātraṃ patate bindurvālāgraṃ saliloddhṛtam |
tanmātraṃ sravate daṃṣṭrā viṣaṃ sarpasya dāruṇam || 4 ||
[Analyze grammar]

nāḍīśate tu sampūrṇe dehe saṅkramate viṣam |
yāvatsaṅkrāmayedbāhuṃ kuñcitaṃ vā prasārayet || 5 ||
[Analyze grammar]

anena kṣaṇamātreṇa viṣaṃ gacchati mastake |
vepate viṣavege tu śataśo'tha sahasraśaḥ || 6 ||
[Analyze grammar]

vardhate raktamāsādya tato vātaiḥ śikhī yathā |
tailabindurjalaṃ prāpya yathā vegena vardhate || 7 ||
[Analyze grammar]

śikhaṇḍī āśrayaṃ prāpya mārutena samīritaḥ |
tataḥ sthānaśataṃ prāpya tvacāsthānaṃ viceṣṭitam || 8 ||
[Analyze grammar]

tvacāsu dviguṇaṃ vidyācchoṇiteṣu caturguṇam |
pitte tu triguṇaṃ yāti śleṣme vai ṣoḍaśaṃ bhavet || 9 ||
[Analyze grammar]

vāyau triṃśadguṇaṃ caiva majjāṣaṣṭiguṇaṃ tathā |
prāṇe caikārṇavībhūte sarvagātrāṇi sandhayet1 || 10 ||
[Analyze grammar]

śrotre nirudhyamāne ca yāti daṣṭastvasādhyatām |
tato'sau mriyate janturniḥśvāsocchvāsavarjitaḥ || 11 ||
[Analyze grammar]

niṣkrānte tu tato jīve bhūte pañcatvamāgate |
tāni bhūtāni gacchanti yasya yasya yathātatham || 12 ||
[Analyze grammar]

pṛthivyāpastathā tejo vāyurākāśameva ca |
ityeṣāmeva saṅghātaḥ śarīramabhidhīyate || 13 ||
[Analyze grammar]

pṛthivī pṛthivīṃ yāti toyaṃ toyeṣu līyate |
tejo gacchati cādityaṃ māruto mārutaṃ vrajet || 14 ||
[Analyze grammar]

ākāśaṃ caivamākāśe saha tenaiva gacchati |
svasthānaṃ te prapadyante parasparaniyojitāḥ || 15 ||
[Analyze grammar]

na jīvedāgataḥ kaścidiha janmani suvrata |
viṣārtaṃ na upekṣeta tvaritaṃ tu cikitsayet || 16 ||
[Analyze grammar]

ekamasti viṣaṃ loke dvitīyaṃ copapadyate |
yathā nānāvidhaṃ caiva sthāvaraṃ tu tathaiva ca || 17 ||
[Analyze grammar]

prathame viṣavege tu romaharṣo'bhijāyate |
dvitīye viṣavege tu svedo gātreṣu jāyate || 18 ||
[Analyze grammar]

tṛtīye viṣavege tu kampo gātreṣu jāyate |
caturthe viṣavege tu śrotrāntaranirodhakṛt || 19 ||
[Analyze grammar]

pañcame viṣavege tu hikkā gātreṣu jāyate |
ṣaṣṭhe ca viṣavege tu prāṇebhyo'pi pramucyate |
saptadhātuvahā hyete vainateyena bhāṣitāḥ || 20 ||
[Analyze grammar]

tvacaḥ sthāne viṣe prāpte tasya rūpāṇi me śṛṇu |
aṅgāni timirāyante tapante ca muhurmuhuḥ || 21 ||
[Analyze grammar]

etāni yasya cihnāni tasya tvaci gataṃ viṣam |
tasyāgadaṃ pravakṣyāmi yena sampadyate sukham || 22 ||
[Analyze grammar]

arkamūlamapāmārgaṃ priyaṅguṃ tagaraṃ2 tathā |
etadāloḍya dātavyaṃ tataḥ sampadyate sukham || 23 ||
[Analyze grammar]

tatastasmitkṛte vipra na nivarteta cedviṣam |
tvacaḥ sthānaṃ tato bhittvā raktasthānaṃ pradhāvati || 24 ||
[Analyze grammar]

viṣe ca raktaṃ saṃprāpte tasya rūpāṇi me śṛṇu |
dahyate muhyate1 caiva śītalaṃ bahu manyate || 25 ||
[Analyze grammar]

etāni yasya rūpāṇi tasya raktagataṃ viṣam |
tatrāgadaṃ pravakṣyāmi yena sampadyate sukham || 26 ||
[Analyze grammar]

uśīraṃ candanaṃ kuṣṭhamutpalaṃ tagaraṃ tathā |
mahākālasya mūlāni sinduvāranagasya ca |
hiṅgulaṃ maricaṃ caiva pūrvavege tu dāpeyat || 27 ||
[Analyze grammar]

bṛhatī vṛścikā kālī indra vāruṇimūlakam || 2 ||
[Analyze grammar]

saptagandhaghṛtaṃ caiva dvitīye parikīrtitam || 28 ||
[Analyze grammar]

sinduvāraṃ tathā hiṅguṃ tṛtīye kārayedbudhaḥ |
tasya pānaṃ ca kurvīta añjanaṃ lepanaṃ tathā || 29 ||
[Analyze grammar]

etenaivopacāreṇa tataḥ sampadyate sukham |
raktasthānaṃ tato gatvā pittasthānaṃ pradhāvati || 30 ||
[Analyze grammar]

pittasthānagate vipra viṣarūpāṇi me śṛṇu |
uttiṣṭhate nipatate dahyate muhyate tathā || 31 ||
[Analyze grammar]

gātrataḥ pītakaḥ syādvai diśaḥ paśyati pītikā |
prabalā ca bhavanmūrcchā na cātmānaṃ vijānate |
viṣakriyāṃ tasya kuryādyathā sampadyate sukham || 32 ||
[Analyze grammar]

pittasthānamatikramya śleṣmasthānaṃ ca gacchati || 33 ||
[Analyze grammar]

pippalyo madhukaṃ caiva madhu khaṇḍaṃ ghṛtaṃ tathā |
madhusāramalābūṃ ca jātiṃ śaṅkaravālukām |
indravāruṇikāmūlaṃ gavāṃ mūtreṇa peṣayet || 34 ||
[Analyze grammar]

nasyaṃ tasya prayuñjīta pānamālepanāñjanam |
etenaivopacāreṇa tataḥ sampadyate sukham || 35 ||
[Analyze grammar]

śleṣmasthānaṃ tataḥ prāpte tasya rūpāṇi me śṛṇu |
gātrāṇi1 tasya rudhyante niḥśvāsaśca na jāyate |
lālā ca sravate tasya kaṇṭho ghurughurāyate || 36 ||
[Analyze grammar]

etāni yasya rūpāṇi tasya śleṣmagataṃ viṣam |
tasyāgadaṃ pravakṣyāmi yena sampadyate sukham || 37 ||
[Analyze grammar]

trikuṭakī śleṣmātako lodhrañca madhusārakam |
etāni samabhāgāni gavāṃ mūtreṇa peṣayet || 38 ||
[Analyze grammar]

tasya pānaṃ ca kurvīta añjanaṃ lepanaṃ tathā |
etenaivopacāreṇa tataḥ sampadyate sukham || 39 ||
[Analyze grammar]

śleṣmasthānamatikramya vāyusthānaṃ ca gacchati |
tatra rūpāṇi vakṣyāmi vāyusthānagate viṣe || 40 ||
[Analyze grammar]

ādhmāyate ca jaṭharaṃ bāndhavāṃśca na paśyati |
īdṛśaṃ kurute rūpaṃ vṛṣṭibhaṅgaśca jāyate || 41 ||
[Analyze grammar]

etāni yasya rūpāṇi tasya vāyugataṃ viṣam |
tasyāgadaṃ prakṣyāmi yena sampadyate sukham || 42 ||
[Analyze grammar]

śoṇāmūlaṃ priyālaṃ ca raktaṃ ca gajapippalīm |
bhārṅgīṃ vacāṃ pippalīṃ ca devadāruṃ madhūkakam || 43 ||
[Analyze grammar]

madhūkasāraṃ sahasinduvāraṃ hiṅguṃ ca piṣṭā guṭikāṃ ca kuryāt |
dadyācca tasyāñjanalepanādi eṣo'gadaḥ sarpaviṣāṇi hanyāt || 44 ||
[Analyze grammar]

añjanaṃ caiva nasyaṃ ca kṣipraṃ dadyādviṣānvite |
vāyusthānaṃ tato muktvā majjāsthānaṃ pradhāvati || 45 ||
[Analyze grammar]

viṣe majjāgate vipra tasya rūpāṇi me śṛṇu |
dṛṣṭiśca hīyate tasya bhṛśamaṅgāni muñcati || 46 ||
[Analyze grammar]

etāni yasya rūpāṇi tasya majjāgataṃ viṣam |
tasyāgadaṃ pravakṣyāmi yena sampadyate sukham || 47 ||
[Analyze grammar]

ghṛtamadhuśarkarānvitamuśīraṃ caṃdanaṃ tathā |
etadāloḍya dātavyaṃ pānaṃ nasyaṃ ca suvrata || 48 ||
[Analyze grammar]

tataḥ praṇaśyate duḥkhaṃ tataḥ saṃpadyate sukham |
atha tasminkṛte yoge viṣaṃ tasya nivartate || 49 ||
[Analyze grammar]

majjāsthānaṃ tato gatvā marmasthānaṃ pradhāvati |
viṣe tu marma saṃprāpte śṛṇu rūpaṃ yathā bhavet || 50 ||
[Analyze grammar]

niśceṣṭaḥ patate bhūmau karṇābhyāṃ badhiro bhavet |
vāriṇā sicyamānasya romaharṣo na jāyate || 51 ||
[Analyze grammar]

daṃḍena hanyamānasya daṃḍarājī na jāyate |
śastreṇa cchidyamānasya rudhiraṃ na pravartate || 52 ||
[Analyze grammar]

keśeṣu lucyamāneṣu naiva keśānpravedate |
yasya karṇau ca pārśve ca hastapādaṃ ca saṃdhayaḥ |
śithilāni bhavaṃtīha sa gatāsuriti śrutiḥ || 53 ||
[Analyze grammar]

etāni yasya rūpāṇi viparītāni gautama |
mṛtaṃ tu na vijānīyātkaśyapasya vaco yathā || 54 ||
[Analyze grammar]

vaidyāstasya na paśyaṃti ye bhavaṃti kuśikṣitāḥ |
vicakṣaṇāstu paśyaṃti maṃtrauṣadhisamanvitāḥ || 55 ||
[Analyze grammar]

tasyāgadaṃ pravakṣyāmi svayaṃ rudreṇa bhāṣitam |
mayūrapittaṃ mārjārapittaṃ gandhanāḍīmūlameva ca || 56 ||
[Analyze grammar]

kuṃkumaṃ tagaraṃ kuṣṭhaṃ kāsamardatvacaṃ tathā |
utpalasya ca kiṃjalkaṃ padmasya kumudasya ca || 57 ||
[Analyze grammar]

etāni samabhāgāni gomūtreṇa tu peṣayet |
eṣo'gado yasya haste daṣṭo na mriyate sa vai |
kālāhināpi daṣṭena kṣipraṃ bhavati nirviṣaḥ || 58 ||
[Analyze grammar]

kṣiprameva pradā tavyaṃ mṛtasaṃjīvanauṣadham |
aṃjanaṃ caiva nasyaṃ ca kṣipraṃ dadyādvicakṣaṇaḥ || 59 ||
[Analyze grammar]