Chapter 21

sumantaruvāca |
pativratā patiprāṇā patiśuśrūṣaṇe ratā |
evaṃvidhāpi yā proktā śuciḥ saṃśobhanā satī || 1 ||
[Analyze grammar]

sopavāsā tṛtīyāṃ tu lavaṇaṃ parivarjayet |
sā gṛhṇāti ca vai bhaktyā vratamāmaraṇāntikam || 2 ||
[Analyze grammar]

gaurī dadāti santuṣṭā rūpaṃ saubhāgyameva ca |
lāvaṇyaṃ lalitaṃ hṛdyaṃ ślāghyaṃ puṃsāṃ manoramam || 3 ||
[Analyze grammar]

puṃso manoramā nārī bharttā nāryā manoramaḥ |
gaurīvratena bhavati rājaṃllavaṇavarjanāt || 4 ||
[Analyze grammar]

idaṃ vrataṃ prati vibho dharmarājasya śṛṇvataḥ |
umayā ca purā proktaṃ yadvākyaṃ tannibodha me || 5 ||
[Analyze grammar]

mayā vratamidaṃ sṛṣṭaṃ saubhāgyakaraṇaṃ nṛṇām |
martye tu niyatā nārī vratametaccariṣyati |
saha bhartrā sa modeta yathā bhartā haro mama || 6 ||
[Analyze grammar]

yā ca kanyā na bhartāraṃ vindate śobhanā satī |
sā tvidaṃ vratamuddiśya bhavedakṣārabhojanā |
maccittā manmanāḥ kuryānmadbhaktā matparigrahā || 7 ||
[Analyze grammar]

gaurīṃ saṃsthāpya sauvarṇīṃ gandhālaṅkārabhūṣitām |
vastrālaṅkārasaṃvītāṃ puṣpamaṇḍalamaṇḍitām || 8 ||
[Analyze grammar]

lavaṇaṃ guḍaṃ ghṛtaṃ tailaṃ devyai śaktyā nivedayet || 1 ||
[Analyze grammar]

kaṭukhaṇḍaṃ jīrakaṃ ca patraśākaṃ ca bhārata || 9 ||
[Analyze grammar]

guḍaghṛṣṭāṃstathāpūpānkhaḍaveṣṭāṃstathā nṛpa |
brāhmaṇe vratasampanne pradadyātsubahuśrute || 10 ||
[Analyze grammar]

śuklapakṣe sadā deyā yathā śaktyā hiraṇmayī |
dhanahīne tu bhaktyā2 ca madhuvṛkṣamayī nṛpa || 11 ||
[Analyze grammar]

arcyā nityaṃ saṃnidhānāttatra gaurī na saṃśayaḥ |
akṣāralavaṇaṃ rātrau bhuṃkte caiva suvāgyatā || 12 ||
[Analyze grammar]

gaurī sannihitā nityaṃ bhūmau prastaraśāyinī || 3 ||
[Analyze grammar]

evaṃ niyamayuktasya4 devyā yatsamudāhṛtam || 13 ||
[Analyze grammar]

tacchṛṇuṣva mahābāho kathyamānaṃ mahāphalam |
bhartāraṃ tu labhetkanyā yaṃ vācchati mano'nugam || 14 ||
[Analyze grammar]

suciraṃ saha vai bhartrā krīḍayitvā5 ihaiva sā |
santatiṃ ca pratiṣṭhāpya saha tenaiva gacchati || 15 ||
[Analyze grammar]

helilokaṃ candralokaṃ lokaṃ citraśikhaṇḍinaḥ |
gatvā yāti sado rājanvāmadevasya bhārata || 16 ||
[Analyze grammar]

vidhavā tu yadā rājandevyā vrataparāyaṇā || 6 ||
[Analyze grammar]

bharttāraṃ niyatā nityaṃ sadārcanaparāyaṇā || 17 ||
[Analyze grammar]

iha cotsṛjya dehaṃ svaṃ dṛṣṭvā haripure priyam |
ākṣipya yamadūtebhyaḥ saha bhartrā rameddivi || 18 ||
[Analyze grammar]

varṣakoṭiṃ daśaguṇāṃ ramitvā sā ihāgatā |
bhartrā sahaiva pūrvoktaṃ labhate phalamīpsitam || 19 ||
[Analyze grammar]

indrāṇyāpi vratamidaṃ putrārthinyā narādhipa |
labdhaḥ putro vratasyānte jayanto nāma nāmataḥ || 20 ||
[Analyze grammar]

arundhatyā tathā cīrṇaṃ vaśiṣṭhaṃ prati kāmataḥ |
dṛśyate divi cādyāpi vaśiṣṭhasya samīpataḥ || 21 ||
[Analyze grammar]

rohiṇyā lavaṇatyāgātsapannīgaṇamardanam |
labdhaṃ devyāḥ prasādena saubhāgyamacalaṃ divi || 22 ||
[Analyze grammar]

ityeṣā tithirityeva tṛtīyā lokapūjitā |
sadā viśeṣataḥ puṇyā vaiśākhe māsi yā bhavet || 23 ||
[Analyze grammar]

puṇyā bhādrapade māsi māghepyevaṃ na saṃśayaḥ |
māghe bhādrapade cāpi strīṇāṃ dhanyā1 pracakṣate || 24 ||
[Analyze grammar]

sādhāraṇī tu vaiśākhe sarvalokasya bhārata |
māghamāse tṛtīyāyāṃ guḍasya lavaṇasya ca |
dānaṃ śreyaskaraṃ rājanstrīṇāṃ2 ca puruṣasya ca || 25 ||
[Analyze grammar]

guḍena tuṣyate datto lavaṇena tu viśvabhūḥ |
guḍapūpāstu dātavyā māsi bhādrapade tathā || 26 ||
[Analyze grammar]

tṛtīyāyāṃ tu māghasya vāmadevasya prītaye |
vāridānaṃ praśastaṃ syānmodakānāṃ ca bhārata || 27 ||
[Analyze grammar]

vaiśākhe māsi rājendra tṛtīyā candanasya ca |
vāriṇā tuṣyate vedhā modakairbhīma eva hi |
dānāttu candanasyeha kañjajo nātra saṃśayaḥ || 28 ||
[Analyze grammar]

yātveṣā kuruśārdūla vaiśākhe māsi vai tithiḥ |
tṛtīyā sā'kṣayā loke gīrvāṇairabhinanditā || 29 ||
[Analyze grammar]

āgateyaṃ mahābāho bhūri candraṃ vasuvratā |
kaladhautaṃ tathānnaṃ ca ghṛtaṃ cāpi viśeṣataḥ |
yadyaddattaṃ tvakṣayaṃ syātteneyamakṣayā smṛtā || 30 ||
[Analyze grammar]

yatkiñciddīyate dānaṃ svalpaṃ vā yadi vā bahu |
tatsarvamakṣayaṃ syādvai teneyamakṣayā smṛtā || 31 ||
[Analyze grammar]

yo'syāṃ dadāti karakanvāribījasamanvitān |
sa yāti puruṣo vīra lokaṃ vai hemamālinaḥ || 32 ||
[Analyze grammar]

ityeṣā kathitā vīra tṛtīyā tithiruttamā |
yāmupoṣya naro rājannṛddhiṃ vṛddhiṃ śriyaṃ bhajet || 33 ||
[Analyze grammar]