Chapter 19

sumanturuvāca |
dvitīyāyāṃ tu rājendra aśvinau somapītinau |
cyavanena kṛtau yajñe miṣato maghavasya1 ca || 1 ||
[Analyze grammar]

śatānīka uvāca |
kathamindrasya miṣataḥ kṛtau tau somapītinau |
cyavanena hi devānāṃ paśyatāṃ tadvadasva me || 2 ||
[Analyze grammar]

aho mahattapastasya cyavanasya mahātmanaḥ |
yadindrasya balādeva devatvaṃ prāpitāvubhau || 3 ||
[Analyze grammar]

sumanturuvāca |
purātanayuge sandhau paścime'tha narādhipa |
cyavano yogamāsthāya gaṃgākūle'vasacciram || 4 ||
[Analyze grammar]

tatra śaryātirāyātaḥ snātumantaḥ1 puraiḥ saha |
snātvābhyarcya2 pitṝndevāngamanāyopacakrame || 5 ||
[Analyze grammar]

tatra mūḍhaṃ janapadamapaśyatpathi ceṣṭanam |
viṇmūtrotsargasaṃruddhaṃ jyotirākṣiptaniṣkriyam |
bhramantaṃ tatratatraiva samīkṣya sa balaṃ nṛpaḥ || 6 ||
[Analyze grammar]

uvāca3 durmanā rājā amātyānsvānpurogamān |
cyavanasyāśramo'yaṃ hi nāparāddhaṃ tu kenacit || 7 ||
[Analyze grammar]

na covāca yadā kaścittasya rājñastu pṛcchataḥ |
tadā sutā sukanyāsya provāca pitaraṃ vacaḥ || 8 ||
[Analyze grammar]

mayā dṛṣṭaṃ tu yattāta sakhibhiḥ saha kautukam |
tatte vacmi nibodha tvaṃ śṛṇu tāta mahādbhutam || 9 ||
[Analyze grammar]

śiñjitārāvabahulāḥ kāñcīnūpuramekhalāḥ |
gāyantyo vilapantyaśca kīḍantyaścātra kānane || 10 ||
[Analyze grammar]

kokiladhvanimaśrauṣaṃ vyaktāvyaktākṣaraṃ kṛśam |
sukanye hyehihyehīti valmīkādvacamudgiran || 11 ||
[Analyze grammar]

tatra gatvādbhutaṃ tāta paśyāmaḥ kila pāvakau |
dīpāvivācalaśikhau bhūyaḥ kanyā uvāca ha || 12 ||
[Analyze grammar]

mayā ca kautukāttāta kimetadityabuddhitaḥ |
sūditau darbhasūcyagraistattejaḥ samupāramat || 13 ||
[Analyze grammar]

tacchrutvā nṛpatistrastastūrṇaṃ tadvanamāgamat |
yatrāste bhārgavaḥ kaṣṭaṃ valmīkāntargato muniḥ || 14 ||
[Analyze grammar]

gatvā sa tatra provāca praṇipatya dvijottamam |
aparāddhaṃ mayā 1 deva tatkṣamasva namo'stu te || 15 ||
[Analyze grammar]

sa taṃ provāca nṛpatiṃ mayā jñātaṃ narādhipa |
sukanyāṃ me prayacchasva niveśārthī2 hyahaṃ nṛpa |
anukramansukanyāṃ tu dattvā rājansukhī bhava || 16 ||
[Analyze grammar]

ityuktaḥ pradadau rājā sukanyāmavicārayan |
tataḥ svapuramāgamya avasatsuciraṃ sukhī || 17 ||
[Analyze grammar]

sukanyāpi patiṃ labdhvā suprītārādhayattadā |
rājyaśriyaṃ parityajya valkalājinadhāriṇī || 18 ||
[Analyze grammar]

gate bahutithe kāle vasante samupasthite |
tapodyotitasarvāṅgīṃ rūpodāryaguṇānvitām |
snātāṃ svabhāryāṃ cyavana uvāca madhurākṣaram || 19 ||
[Analyze grammar]

ehyehi bhadre bhadraṃ te śayanīyaṃ samāśraya |
apatyaṃ janayasyādya kuladvayavivardhanam || 20 ||
[Analyze grammar]

evamuktā tu sā kanyā prāñjaliḥ patimabravīt |
3 nārhasyadya sukalyāṇa saṅgamaṃ sthaṇḍile'same || 21 ||
[Analyze grammar]

mama priyaṃ kuruṣvādya tato māmāhvayasva ca |
pitṛgehe yathātiṣṭhaṃ śayanīye susaṃskṛte || 22 ||
[Analyze grammar]

bahugairikavarṇādyaiḥ śvetapītāruṇākule |
vastrālaṅkāragandhādyaistathā tvamapi tatkuru || 23 ||
[Analyze grammar]

ātmānaṃ vayasopetaṃ rūpavantaṃ suvarcasam |
vastrālaṅkāragandhāḍhyaṃ paśyeyaṃ yena sādaram || 24 ||
[Analyze grammar]

sukanyāyā vacaḥ śrutvā cyavanaḥ prāha durmanāḥ |
na me'sti vittaṃ kalyāṇi pituste'sti yathā vane || 25 ||
[Analyze grammar]

sa kathaṃ bhūṣayāmyadya surūpaśca kathaṃ vada |
provāca sā patiṃ bhūyaḥ prahasantī kṛtāñjaliḥ |
vittaṃ dadāvailavilo rūpaṃ vairocano'dadat || 26 ||
[Analyze grammar]

cyavanaḥ prāha bhāryāṃ tāṃ na kariṣye tapovyayam |
evamuktvā tapaścograṃ tatāpa suciraṃ tadā || 27 ||
[Analyze grammar]

atha tatrāgatau vīrāvaśvinau kālaparyayāt |
dṛṣṭavantau sukanyāṃ tau dīptyā vai devatāmiva || 28 ||
[Analyze grammar]

upagamyocatustāṃ tau kā tvaṃ sundari rūpiṇī |
kimarthamiha ekā tvaṃ tiṣṭhase kastavāśrayaḥ || 29 ||
[Analyze grammar]

sā tāvuvāca tanvaṅgī śaryātiduhitā hyaham |
bhartā ca cyavano mahyaṃ kau ca vāṃ me tathocyatām || 30 ||
[Analyze grammar]

ūcatuścāśvinau devāvāvāṃ viddhi nṛpātmaje |
kiṃ kariṣyasi tena tvaṃ jīrṇena ca kṛśena ca |
āvayorvṛṇu bhartāramekameva yamicchasi || 31 ||
[Analyze grammar]

sā tvabravīcca mā maivaṃ vaktumarhau divaukasau |
bhartāramanuraktāṅgī yathā svāhā vibhāvasoḥ || 32 ||
[Analyze grammar]

aśvināvūcatuḥ |
āyātu ca viśatvadya cyavano vaiṣṇavījalam |
tato nau madhyagaṃ hyekaṃ vṛṇīṣvānyaṃ yamicchati || 33 ||
[Analyze grammar]

tāvabrūtāṃ sukanyāṃ tu gatvā pṛccha svakaṃ patim |
taṃ ca pṛṣṭvā punaścātrāgaccha nau sannidhau punaḥ || 34. ||
[Analyze grammar]

āvāmatraiva tiṣṭhāvo yāvadāgamanaṃ tava |
sā gatvā prāha bhartāramaśvināvevasūcatuḥ 1 || 35 ||
[Analyze grammar]

rūpavantaṃ ca bhartāraṃ kariṣyāvo yamicchasi |
atha madhyagataṃ hyekaṃ bhartṛtvena variṣyasi || 36 ||
[Analyze grammar]

evamastviti tāṃ prāha bhāryāṃ cyavanastvaran |
sā taṃ gṛhya jagāmāśu yatra tau bhiṣajāvubhau || 37 ||
[Analyze grammar]

sā tāvuvāca cyavano yathoktaṃ bhavatorvacaḥ |
kurutaṃ hyaśvinau kṣipraṃ sukanyā cepsitaṃ2 vṛṇot || 38 ||
[Analyze grammar]

tau taṃ saṅgṛhya gaṅgāyāṃ praviṣṭau muninā saha |
muhūrtāttu samuttiṣṭhanrūpataśca śriyā vṛtāḥ || 39 ||
[Analyze grammar]

śobhante sma mahābāhau kamudbhidya tapoyutāḥ |
kalpādau kalaśe yadvatkañjākṣa vyoma vedhasaḥ |
udakādutthitāstasmātsarve te samarūpakāḥ || 40 ||
[Analyze grammar]

sukanyā tu tato dṛṣṭvā bharttāraṃ devarūpiṇam |
harṣeṇa mahatāviṣṭā na ca taṃ veda bhārata || 41 ||
[Analyze grammar]

samakāyāḥ samavayaḥ samarūpāḥ samaśriyaḥ |
vastrālaṅkārasadṛśāndṛṣṭvā cintāṃ gatā ciram || 42 ||
[Analyze grammar]

sā cintayitvā suciraṃ vaidyadevāvuvāca ha |
bībhatso'pi mayā bhartā parityakto na karhicit || 43 ||
[Analyze grammar]

bhavadbhirātmasaṃdṛśaṃ kathaṃ1 tyaktvā vṛṇe param |
tasmāttameva bhartāraṃ prayacchadhvaṃ divaukasaḥ || 44 ||
[Analyze grammar]

tayā sabahumānaṃ tau prāñjalyā prārthitau tadā |
devacihnāni svānyeva dhārayantau supūjitau || 45 ||
[Analyze grammar]

sukanyā nipuṇaṃ tau tu sunirīkṣya ca vihvalā |
na rajo na nimeṣo vai na spṛśete dharāṃ pade || 46 ||
[Analyze grammar]

ayaṃ ca sarajā mlāno bhūmimāśritya tiṣṭhati |
nimeṣaṃ caiva tasyaivaṃ jñātvā vai cyavano vṛtaḥ || 47 ||
[Analyze grammar]

cyavane vṛte sukanyayā puṣpavṛṣṭiḥ papāta ha |
devadundubhayaścaiva prāvādyanta anekaśaḥ || 48 ||
[Analyze grammar]

tatastu cyavanastuṣṭo divyarūpadharastadā |
uvāca tau tu suprīta aśvinau kiṃ karomi vām || 49 ||
[Analyze grammar]

bhāryā dattā kṛtaṃ rūpaṃ devānāmapi durlabham |
upakāraṃ variṣṭhaṃ yo na karotyupakāriṇaḥ || 50 ||
[Analyze grammar]

ekaviṃśatsa gacchecca narakāṇi krameṇa vai |
tasmādahaṃ variṣṭhaṃ vai kariṣye'hamamānuṣam || 51 ||
[Analyze grammar]

upakāraṃ bhavadbhyāṃ tu prītaḥ kuryāṃ suniścitam |
yajñabhāgaphalaṃ dadyāṃ yaddeveṣvapi durlabham || 52 ||
[Analyze grammar]

evamuktvā tu deveśau visasarja mahāmuniḥ |
ājagāmāśramaṃ puṇyaṃ sahabhāryo mudānvitaḥ || 53 ||
[Analyze grammar]

atha śuśrāva śaryātiścyavanaṃ devarūpiṇam |
jagāma ca mahātejā draṣṭuṃ munivaraṃ vaśī || 54 ||
[Analyze grammar]

taṃ dṛṣṭvā praṇipatyādau pratipūjya yathārhataḥ |
sukanyāṃ tu tato dṛṣṭvā praṇipatyābhinandya ca || 55 ||
[Analyze grammar]

sasvaje mūrdhni āghrāya tatotsaṅgaṃ 1 samānayat |
sā tasyāḥ sasvaje premṇā ānandāśrupariplutā |
saṃsthāpya tāṃ mudā yukto nṛpatiḥ saha bhāryayā || 56 ||
[Analyze grammar]

bhūyo'bravītsusaṃtuṣṭaṃ cyavanastaṃ narādhipam |
saṃbhāraṃ kuru yajñārthaṃ yājayiṣye narādhipa || 57 ||
[Analyze grammar]

evamuktaḥ sa nṛpatiḥ praṇipatya mahāmunim |
jagāma svapuraṃ hṛṣṭo yajñārthaṃ yatnamācarat || 58 ||
[Analyze grammar]

sapreṣyānpreṣayankṣipraṃ yajñārthe dravyamāharat |
maṃtripurohitācāryānānayāmāsa satvaram || 59 ||
[Analyze grammar]

samānīteṣu sarveṣu teṣu dravyeṣu bhārata |
ājagāma viśuddhātmā cyavanaḥ saha bhāryayā || 60 ||
[Analyze grammar]

sampūjitaśca śuśrāva mahāntaṃ tyāgamaujasam |
anyaiśca bahubhiḥ sārddhamatryaṅgirasabhārgavaiḥ || 61 ||
[Analyze grammar]

pravartite mahāyajñe yajamāne nṛpottame |
ṛtviktvakarmanirate hūyamāne hutāśane |
āhūtāḥ svāgatāḥ sarve bhāgārthaṃ tridivālayāḥ || 62 ||
[Analyze grammar]

yajñabhāge pravṛtte tu śāstroktena vidhānataḥ |
āgatāvaśvinau tatra āhūto cyavanena tu || 63 ||
[Analyze grammar]

āhvāne kriyamāṇe tu aśvibhyāṃ tu tadā nṛpa |
provācendro'tha cyavanaṃ naitau bhāgānvitau kuru |
devānāṃ bhiṣajāvetau na bhāgārhau na daivatau || 64 ||
[Analyze grammar]

cyavanastviṃdramāhedaṃ devau hyetāvubhāvapi |
mamopakāriṇāvetau dadmi bhāgaṃ na saṃśayaḥ || 65 ||
[Analyze grammar]

tato hyuvāca sakrodhaḥ sa śakraścyavanaṃ ruṣā |
viprarṣe prahariṣyāmi yadi bhāgaṃ prayacchasi || 66 ||
[Analyze grammar]

evamuktastu viprarṣirna covācāpi kiñcana |
bhāgau dadau ca so'śvibhyāṃ sruvamudyamya mantrataḥ || 67 ||
[Analyze grammar]

atha udyamya bhiduraṃ moktukāmo divaspatiḥ |
stambhitaścyavanenātha savajraḥ sa narādhipa || 68 ||
[Analyze grammar]

sa stambhayitvātvindraṃ tu bhāgaṃ dattvāśvinorvaśī |
samāpayāmāsa tadā yajñakarma yathārthavat || 69 ||
[Analyze grammar]

kañjajo'thājagāmāśu āha ca cyavanaṃ tadā |
uttaṃbhyatāmayaṃ lekho bhāgaścāstvaśvinoriha || 70 ||
[Analyze grammar]

tathendrastamuvācedaṃ cyavanaṃ prītamānasaḥ |
jānāmi śaktiṃ tapasaścyavaneha tavottamām || 71 ||
[Analyze grammar]

khyāpanārthaṃ hi tapasastava etatkṛtaṃ mayā |
adyaprabhṛti bhāgo'stu devatvaṃ cāśvinostathā || 72 ||
[Analyze grammar]

yastvimāṃ tapasaḥ khyātiṃ tvadīyāṃ vai paṭhiṣyati |
śṛṇuyādvāpi śuddhātmā tasya puṇyaphalaṃ śṛṇu || 73 ||
[Analyze grammar]

virocanasado gatvā gatvā puṣpasadastathā |
kāle'tha vāmadevasya muñjakeśasadastathā |
yauvanayuktaḥ sa krīḍāstiṣṭhatīti na saṃśayaḥ || 74 ||
[Analyze grammar]

evamuktvā jagāmāśu devaḥ svabhavanaṃ vaśī |
cyavano'pi sabhāryo vai śayārtiścāśramaṃ gataḥ || 75 ||
[Analyze grammar]

athāpaśyadvimānābhaṃ bhavanaṃ devanirmitam |
śayyāsanavarairjuṣṭaṃ sarvakāmasamṛddhimat || 76 ||
[Analyze grammar]

1 udyānavāpibhirjuṣṭaṃ devendreṇa samāhṛtam |
2 gokhaṇḍasannibhaṃ reje gṛhaṃ tadbhuvi durlabham || 77 ||
[Analyze grammar]

subhūṣaṇāni divyāni ratnavanti mahānti ca |
arajānsi ca vastrāṇi divyaprāvaraṇāni ca || 78 ||
[Analyze grammar]

tatsarvamakhilaṃ saha patnyā mahāmuniḥ |
mudaṃ paramikāṃ lebhe śakraṃ ca praśaśaṃsa ha || 79 ||
[Analyze grammar]

evamiṣṭā tithiriyaṃ dvitīyā aśvinornṛpa |
devatvaṃ yajñabhāgaṃ ca samprāptāviha bhārata || 80 ||
[Analyze grammar]

upoṣyā vidhinā yena taṃ śṛṇuṣva narādhipa |
rūpaṃ surūpaṃ yo vāñcheddvitīyāyāṃ narādhipa || 81 ||
[Analyze grammar]

kārtike śuklapakṣasya dvitīyāyāṃ narādhipa |
puṣpāhāro varṣamekaṃ bhavetsa niyatātmavān || 82 ||
[Analyze grammar]

kālaprāptāni yāni syurhaviṣyaṃ kusumāni tu |
bhuñjīyāttāni dattvā tu brāhmaṇebhyo narādhipa || 83 ||
[Analyze grammar]

sauvarṇaraupyapuṣpāṇi atha vā jalajāni 1 ca |
vratānte tasya santuṣṭau devau tribhuvane'śvinau || 84 ||
[Analyze grammar]

dadatuḥ kāmagaṃ divyaṃ vimānamatitejasam |
suciraṃ divi nārībhirloke'sau ramate'śvinoḥ || 85 ||
[Analyze grammar]

iha cāgatya kalpānte jāto vipraḥ puraskṛtaḥ |
vedavedāṃgaviduṣaḥ saptajanmāntarāṇyasau || 86 ||
[Analyze grammar]

jāto jāto bhavedvidvānbrāhmaṇo'sau kṛte yuge |
dātā yajñapatirvāgmī ādhivyādhivivarjitaḥ || 87 ||
[Analyze grammar]

putrapautraiḥ parivṛtaḥ saha pantyā'vasacciram |
madhyadeśe sunagare 2 dharmiṣṭho rājyabhāgbhavet || 88 ||
[Analyze grammar]

ityeṣā kathitā tubhyaṃ dvitīyā puṣpasaṃjñitā |
phalasaṃjñā tathānyā syātsute vai muñjakeśini || 89 ||
[Analyze grammar]

suṣṭhu puṇyā pāpaharā viṣṭaraśravasaḥ priyā |
aśūnyaśayanā loke prakhyātā kurunandana || 90 ||
[Analyze grammar]

tāmupoṣya naro rājañchraddhābhaktipuraskṛtaḥ |
ṛddhiṃ vṛddhiṃ śriyaṃ vātha bhāryayā saha modate || 91 ||
[Analyze grammar]