Chapter 16

sumanturuvāca |
ityuktvā bhagavānbrahmā strīlakṣaṇamaśeṣataḥ |
sadvṛttaṃ ca tathā strīṇāṃ jagāma sa nijālayam || 1 ||
[Analyze grammar]

ṛṣayaśca tathā jagmuḥ svāni dhiṣṇyānyaśeṣataḥ |
strīlakṣaṇaṃ tathā vṛttaṃ śrutvā kṛtsnaṃ mahīpate || 2 ||
[Analyze grammar]

itthaṃ lakṣaṇasampannāṃ bhāryāṃ prāpya mahīpate |
kartavyaṃ yadgṛhasthena tadidānīṃ nibodha me || 3 ||
[Analyze grammar]

baivāhikāgnau kurvīta gṛhyaṃ karma yathāvidhi |
pañcayajñavidhānaṃ tu paktiṃ kuryātsadā gṛhī || 4 ||
[Analyze grammar]

pañca sūnā gṛhasthasya tena svargaṃ na gacchati |
kaṇḍanī peṣaṇī cullī udakumbhīḥ pramārjanī || 5 ||
[Analyze grammar]

āsāṃ krameṇa sarvāsāṃ viśuddhyarthaṃ manīṣibhiḥ |
pañcoddiṣṭā mahāyajñāḥ pratyahaṃ gṛhamedhinām || 6 ||
[Analyze grammar]

adhyāpanaṃ brahmayajñaḥ pitṛyajñaśca tarpaṇam |
homo daivo balirbhaumastathānyo'tithipūjanam || 7 ||
[Analyze grammar]

pañcaitānyo mahāyajñānna hāpayati śaktitaḥ |
sa gṛhe'pi vasannityaṃ sūnodorṣairna lipyate || 8 ||
[Analyze grammar]

devatātithibhṛtyānāṃ pitṝṇāmātmanaśca yaḥ |
na nirvapati pañcānāmucchvasanna ca jīvati || 9 ||
[Analyze grammar]

śatānīka uvāca |
yasya nāsti gṛhe tvagniḥ sa mṛto nātra saṃśayaḥ |
na sa pūjayituṃ śakto devādīnbrāhmaṇottamaḥ || 10 ||
[Analyze grammar]

niragnikasya viprasya kathaṃ devādayo dvija |
prītāḥ syuḥ śāntaye tasya paraṃ kautūhalaṃ mama || 11 ||
[Analyze grammar]

sumanturuvāca |
sādhu pṛṣṭo'smi rājendra śrūyatāṃ paramaṃ vacaḥ |
anagnayastu ye viprāsteṣāṃ śreyo'bhidhīyate || 12 ||
[Analyze grammar]

vratopavāsaniyamairnānādānaistathā 1 nṛpa |
devādayo bhavantyeva prītāsteṣāṃ na saṃśayaḥ || 13 ||
[Analyze grammar]

viśeṣādupavāsena tithau kila mahīpate |
prītā devādayasteṣāṃ bhavanti kurunandana || 14 ||
[Analyze grammar]

śatānīka uvāca |
bhagavaṃstvaṃ tithīnbrūhi tithīnāṃ ca vidhiṃ hi me |
prāśanaṃ gṛhyadharmāṃśca upavāsavidhīnapi || 15 ||
[Analyze grammar]

mucyema yena pāpaughāttvatprasāddvijottama |
saṃsārāccāpi viprendra śreyase jagatastathā || 16 ||
[Analyze grammar]

sumanturuvāca |
śṛṇu kaurava karmāṇi tithiguhyāśritāni tu |
śrutāni ghnanti pāpāni upoṣitaphalāni ca || 17 ||
[Analyze grammar]

pratipadi kṣīraprāśanaṃ dvitīyāyāṃ lavaṇavarjanam |
tṛtīyāyāṃ tilānnaṃ prāśnīyāccaturthyāṃ kṣīrāśanaśca pañcamyām |
phalāśanaḥ sadā ṣaṣṭhyāṃ śākāśanaḥ saptamyāṃ bilvāhāroṣṭamyāṃ tu || 18 ||
[Analyze grammar]

piṣṭāśano navamyāmanagnipākāhāro daśamyāmekādaśyāṃ ghṛtāhāro dvādaśyāṃ pāyasāhāraḥ |
trayodaśyāṃ gomūtrāhāraścaturdaśyāṃ yavānnāhāraḥ || 19 ||
[Analyze grammar]

kuśodakaprāśanaḥ paurṇamāsyāṃ haviṣyāhāro'māvāsyāyām |
eṣa prāśanavidhistithīnāmeva cānena vidhinā pakṣamekaṃ yo vartayati || 20 ||
[Analyze grammar]

so'śvamedhaphalaṃ daśaguṇaphalamavāpnoti |
svarge manvantarāṇi yāvatprativasati || 21 ||
[Analyze grammar]

upagīyamānopsarogandharvairmāsatrayacatuṣṭayam |
sośvamedharājasūyānāṃ śataguṇamavāpnoti || 22 ||
[Analyze grammar]

svarge upagīyamānopsarogandharvaiścaturyugānāṃ daśaśatīryāvatprativasati |
tathāṣṭamāsapāraṇe rājasūyāśvamedhābhyāṃ sahasraguṇaphalamavāpnoti || 23 ||
[Analyze grammar]

svarge caturdaśa manvatarāṇi yāvatprativasati |
upagīyamānopsarogandharvairya evaṃ niyamamāsthāya varṣamekaṃ vartayati || 24 ||
[Analyze grammar]

sa saviturloke kālaṃ manvantaraṃ prativasati || 25 ||
[Analyze grammar]

ya evaṃ niyamānrājannāśvayujanavamyāṃ māghamāsasya saptamyāṃ vaiśākhatṛtīyāyāṃ kārtikapaurṇamāsyāṃ tithivratāni gṛdṛṇāti brahmacārī gṛhastho vanastho nārī naro vā śūdraḥ prayatamānasaḥ dīrghāyuṣyaṃ savituḥ sālokyaṃ vrajati || 26 ||
[Analyze grammar]

yaiścāpi purā rājannanena vidhinā etāsu tithiṣvanyajanmāntare upavāsavidhiḥ kṛtaḥ dānāni dattāni vividhaprakārāṇi brāhmaṇānāṃ tapasvijaneṣu vā || 27 ||
[Analyze grammar]

trirātropavāsināṃ tīrthayātrātapogurumātāpitṛśuśrūśāniratānāṃ teṣāṃ svargādibhogavāsanādihāgatānāṃ phalaniṣpatticihnāni manuṣyaloke pratyakṣata eva dṛśyante || 28 ||
[Analyze grammar]

hastyaśvayānayugyadhanaratnakanakahiraṇyakaṭakakeyūragraiveyakakaṭisūtrakarṇālaṅkāramukuṭavaravastravaranārīvaravilepanasurūpaguṇadīrghāyuṣo vigatādhivyādhayo dānopavāsaratānāṃ phalānyetāni nṛtyagītavāditramaṅgalapāṭhakaśabdairihādyāpi puṇyakṛto bodhyamānā dṛśyanta iti || 29 ||
[Analyze grammar]

tathākṛtopavāsā api hi dṛśyante || 30 ||
[Analyze grammar]

tathā adattadānā akṛtapuṇyāśca pratyakṣata eva dṛśyante || 31 ||
[Analyze grammar]

tadyathā kāṇakuṣṭhibadhirajaḍamūkavyaṅgā rogadāridryopasargavyādhihatāyuṣaśca dṛśyaṃte'dyāpi mānavāḥ || 32 ||
[Analyze grammar]

śatānīka uvāca |
dvijendra tithayaḥ proktāḥ samāsena tvayā budha |
vistareṇaiva me bhūyaḥ prabrūhi dvijasattama || 33 ||
[Analyze grammar]

rahasyaṃ yattithīnāṃ tu devānāṃ ca viceṣṭitam |
yānīṣṭāni ca devānāṃ bhojyāni niyamāstathā || 34 ||
[Analyze grammar]

tāni me vada dharmajña yena pūto bhavenvaham |
nirdvandvo hi yathā vipra labhe yāgaphalāni tu || 35 ||
[Analyze grammar]

sumanturuvāca |
rahasyaṃ yattithīnāṃ ca bhojanaṃ phalameva tu |
yāvacca yena niyamo viśeṣātstrījanasya ca || 36 ||
[Analyze grammar]

etatte sarvamākhyāmo rahasyaṃ tannibodha me |
yanmayā noktapūrvaṃ hi kasyacitsupriyasya hi || 37 ||
[Analyze grammar]

tatte'haṃ sampravakṣyāmi yasya devasya yā tithiḥ |
devatānāṃ rahasyāni vratāni niyamāstathā || 38 ||
[Analyze grammar]

tāñchṛṇuṣva mahābāho gadato mama nārada |
sṛṣṭiṃ pūrvaṃ vadiṣyāmi saṃkṣepeṇa tithiṃ prati || 39 ||
[Analyze grammar]

tamobhūtamidaṃ tvāsīdalabhyamavitarkitam |
jagadbrahmā samāgatyāsṛjadātmānamātmanā || 40 ||
[Analyze grammar]

saṃbhūtātmaiva ātmāsāvaṇḍamadhyādviniḥsṛtaḥ |
ātmanaivātmano hyaṇḍaṃ sṛṣṭvā sa vibhurāditaḥ || 41 ||
[Analyze grammar]

brahmā nārāyaṇākhyo'sau sṛṣṭiṃ kartuṃ samudyataḥ |
tābhyāṃ soṇḍakapālābhyāṃ divaṃ bhūmiṃ ca nirmame || 42 ||
[Analyze grammar]

diśaścaivopadiśaścaiva devādīndānavāṃstathā |
tithiṃ pūrvāmimāṃ rājaṃścakārātha vibhuḥ svayam || 43 ||
[Analyze grammar]

tithīnāṃ pravarā yasmādbrahmaṇā samudāhṛtā |
pratipāditā pare pūrve pratipattena tūcyate || 44 ||
[Analyze grammar]

asmātpadāttu tithayo yasmāttvanyāḥ prakīrtitāḥ |
asyānte kathayiṣyāmi upavāsavidhiṃ param || 45 ||
[Analyze grammar]

kārttikyāṃ māghasaptamyāṃ vaiśākhasya yugādiṣu |
niyamopavāsaṃ prathamaṃ grāhayeta vidhānavit 1 || 46 ||
[Analyze grammar]

yāṃ tithiṃ niyamaṃ kartuṃ bhaktyā samanugacchati |
tasyāṃ tithau vidhānaṃ yattannibodha janādhipa || 47 ||
[Analyze grammar]

yadā tu pratipadyāṃ vai gṛhṇīyānniyamaṃ nṛpa |
caturdaśyāṃ kṛtāhāraḥ saṃkalpaṃ parikalpayet || 48 ||
[Analyze grammar]

amāvāsyāṃ na bhuñjīta trikālaṃ snānamācaret |
pavitro hi japennityaṃ gāyatrīṃ śirasā saha || 49 ||
[Analyze grammar]

arcayitvā prabhāte tu gandhamālyairdvijottamān |
śaktyā kṣīraṃ pradadyāttu brahmā me prīyatāṃ prabhuḥ || 50 ||
[Analyze grammar]

tato bhuñjīta gokṣīramanena vidhinā nṛpa |
eṣa eva vidhirdṛṣṭaḥ sarvāsu tithiṣu nṛpa || 51 ||
[Analyze grammar]

saṃvatsaragate kāle vratametatsamāpyate |
vratāṃte yatphalaṃ tasya tannibodha narādhipa || 52 ||
[Analyze grammar]

vimuktapāpaḥ śuddhātmā divyadehasya dehinaḥ |
brahmā dadāti saṃtuṣṭo vimānamatitejasam |
avyāhatagatiṃ divyaṃ kinnarāpsarasairyutam || 53 ||
[Analyze grammar]

ramitvā suciraṃ tatra daivataiḥ saha devavat |
iha cāgatya vipratvaṃ daśa janmānyasau labhet || 54 ||
[Analyze grammar]

vedavedāṃgavidyaśca dīrghāyuścaiva suprabhaḥ |
bhogī dhanapatirdātā jāyate'sau kṛte yuge || 55 ||
[Analyze grammar]

viśvāmitrastu rājendra brāhmaṇatvajigīṣayā |
tapaścacāra vipulaṃ santāpāya divaukasām |
brāhmaṇatvaṃ na lebhe'sau lebhe vighnānanekaśaḥ || 56 ||
[Analyze grammar]

tatastu niyamātteṣāṃ tithīnāṃ pravarā tithiḥ |
upoṣitā bahuvidhā jñātvā brahmapriyāṃ tithim || 57 ||
[Analyze grammar]

tato dadau brahmā viśvāmitrāya dhīmate |
ihaiva tena dehena brāhmaṇatvaṃ sudurlabham || 58 ||
[Analyze grammar]

tithīnāṃ pravarā hyeṣā tithīnāmuttamā tithiḥ |
kṣatriyo vaiśyaśūdrau vā brāhmaṇatvamavāpnuyuḥ || 59 ||
[Analyze grammar]

evaṃ tithiriyaṃ rājankāmadā kañjajapriyā |
sarahasyā mayā proktā yā noktā yasya kasyacit || 60 ||
[Analyze grammar]

haihayaistālajaṅghaiśca turuṣkairyavanaiḥ śakaiḥ |
upoṣitā ihātraiva brāhmaṇatvamabhīpsubhiḥ 1 || 61 ||
[Analyze grammar]

ityeṣā paramā puṇyā śivā pāpaharā tathā |
paṭhitopāsitā rājañchraddhayā ca śrutā 1 tathā || 62 ||
[Analyze grammar]

māhātmyaṃ cāpi yopyasyāḥ śṛṇuyānmānavo nṛpa |
ṛddhiṃ vṛddhiṃ tathā kīrtiṃ śivaṃ cāpya divaṃ vrajet || 63 ||
[Analyze grammar]

iti śrībhaviṣye mahāpurāṇe śatārddhasāhasryāṃ saṃhitāyāṃ brāhme parvaṇi pratipatkalpavarṇanaṃ |
nāma ṣoḍaśo'dhyāyaḥ || 16 ||
[Analyze grammar]