Chapter 4

[English text for this chapter is available]

śrīmadbhāgavatamāhātmyamcaturtho'dhyāyaḥ |
saptāhakathāyāṃ bhagavataḥ prādurbhāvaḥ gokarṇopākhyānārambhaśca |
sūta uvāca |
atha vaiṣṇavacitteṣu dṛṣṭvā bhaktiṃ alaukikīm |
nijalokaṃ parityajya bhagavān bhaktavatsalaḥ || 1 ||
[Analyze grammar]

vanamālī ghanaśyāmaḥ pītavāsā manoharaḥ |
kāñcīkalāparuciro lasan mukuṭakuṇḍalaḥ || 2 ||
[Analyze grammar]

tribhaṅgalalitaścāru kaustubhena virājitaḥ |
koṭimanmathalāvaṇyo haricandanacarcitaḥ || 3 ||
[Analyze grammar]

paramānanda cinmūrtiḥ madhuro muralīdharaḥ |
āviveśa svabhaktānāṃ hṛdayāni amalāni ca || 4 ||
[Analyze grammar]

vaikuṇṭhavāsino ye ca vaiṣṇavā uddhavādayaḥ |
tatkathāśravaṇārthaṃ te gūḍharūpeṇa saṃsthitāḥ || 5 ||
[Analyze grammar]

tadā jayajayārāvo rasapuṣṭiralaukikī |
cūrṇaprasūna vṛṣṭiśca muhuḥ śaṃkharavo'pyabhūt || 6 ||
[Analyze grammar]

tat sabhāsaṃsthitānāṃ ca dehagehātmavismṛtiḥ |
dṛṣṭvā ca tanmayāvasthāṃ nārado vākyamabravīt || 7 ||
[Analyze grammar]

alaukiko'yaṃ mahimā munīśvarāḥ |
saptāhajanyo'dya vilokito mayā |
mūḍhāḥ śaṭhā ye paśupakṣiṇo'tra |
sarve'pi niṣpāpatamā bhavanti || 8 ||
[Analyze grammar]

ato nṛloke nanu nāsti kiṃcit |
cittasya śodhāya kalau pavitram |
aghaughavidhvaṃsakaraṃ tathaiva |
kathāsamānaṃ bhuvi nāsti cānyat || 9 ||
[Analyze grammar]

ke ke viśuddhyanti vadantu mahyaṃ |
saptāhayajñena kathāmayena |
kṛpālubhirlokahitaṃ vicārya |
prakāśitaḥ ko'pi navīnamārgaḥ || 10 ||
[Analyze grammar]

kumārā ūcuḥ |
ye mānavāḥ pāpakṛtastu sarvadā |
sadā durācāraratā vimārgagāḥ |
krodhāgnidagdhāḥ kuṭilāśca kāminaḥ |
saptāhayajñena kalau punanti te || 11 ||
[Analyze grammar]

satyana hīnā pitṛmātṛdūṣakāḥ |
tṛṣṇākulācāśramadharmavarjitāḥ |
ye dāmbhikā matsariṇo'pi hiṃsakāḥ |
saptāhayajñena kalau punanti te || 12 ||
[Analyze grammar]

pañcograpāpāt chalachadmakāriṇaḥ |
krūrāḥ piśācā iva nirdayāśca ye |
brahmasvapuṣṭā vyabhicārakāriṇaḥ |
saptāhayajñena kalau punanti te || 13 ||
[Analyze grammar]

kāyena vācā manasāpi pātakaṃ |
nityaṃ prakurvanti śaṭhā haṭhena ye |
parasvapuṣṭā malinā durāśayāḥ |
saptāhayajñena kalau punanti te || 14 ||
[Analyze grammar]

atra te kīrtayiṣyāma itihāsaṃ purātanam |
yasya śravaṇamātreṇa pāpahāniḥ prajāyate || 15 ||
[Analyze grammar]

tuṃgabhadrātaṭe pūrvaṃ abhūt pattanamuttamam |
yatra varṇāḥ svadharmeṇa satyasatkarmatatparāḥ || 16 ||
[Analyze grammar]

ātmadevaḥ pure tasmin sarvaveda viśāradaḥ |
śrautasmārteṣu niṣṇāto dvitīya iva bhāskaraḥ || 17 ||
[Analyze grammar]

bhikṣuko vittavān loke tatpriyā dhundhulī smṛtā |
svavākyasthāpikā nityaṃ sundarī sukulodbhavā || 18 ||
[Analyze grammar]

lokavārtāratā krūrā prāyaśo bahujalpikā |
śūrā ca gṛhakṛtyeṣu kṛpaṇā kalahapriyā || 19 ||
[Analyze grammar]

evaṃ nivasatoḥ premṇā daṃpatyo ramamāṇayoḥ |
arthāḥ kāmāstayorāsan na sukhāya gṛhādikam || 20 ||
[Analyze grammar]

paścāt dharmāḥ samārabdhāḥ tābhyāṃ saṃtānahetave |
gobhūhiraṇyavāsāṃsi dīnebhyo yacchataḥ sadā || 21 ||
[Analyze grammar]

dhanārdhaṃ dharmamārgeṇa tābhyāṃ nītaṃ tathāpi ca |
na putro nāpi vā putrī tataścintāturo bhṛśam || 22 ||
[Analyze grammar]

ekadā sa tu dvijo duḥkhād gṛhaṃ tyaktvā vanaṃ gataḥ |
madhyāhne tṛṣito jātaḥ taḍāgaṃ samupeyivān || 23 ||
[Analyze grammar]

pītvā jalaṃ niṣaṇṇastu prajāduḥkhena karśitaḥ |
muhūrtādapi tatraiva saṃnyāsī kaścit āgataḥ || 24 ||
[Analyze grammar]

dṛṣṭvā pītajalaṃ taṃ tu vipro yātastadantikam |
natvā ca pādayostasya niḥśvasan saṃsthitaḥ puraḥ || 25 ||
[Analyze grammar]

yatiruvāca |
kathaṃ rodiṣi vipra tvaṃ kā te cintā balīyasī |
vada tvaṃ satvaram mahyaṃ svasya duḥkhasya kāraṇam || 26 ||
[Analyze grammar]

brāhmaṇa uvāca |
kiṃ bravīmi ṛṣe duḥkhaṃ pūrvapāpena saṃcitam |
madīyāḥ pūrvajāstoyaṃ kavoṣṇaṃ upabhuñjate || 27 ||
[Analyze grammar]

maddattaṃ naiva gṛhṇanti prītyā devā dvijātayaḥ |
prajāduḥkhena śūnyo'haṃ prāṇān tyaktuṃ ihāgataḥ || 28 ||
[Analyze grammar]

dhik jīvitaṃ prajāhīnaṃ dhik gṛhaṃ ca prajāṃ vinā |
dhik dhanaṃ cānapatyasya dhikkulaṃ saṃtatiṃ vinā || 29 ||
[Analyze grammar]

pālyate yā mayā dhenuḥ sā vandhyā sarvathā bhavet |
yo mayā ropito vṛkṣaḥ so'pi vandhyatvamāśrayet || 30 ||
[Analyze grammar]

yatphalaṃ madgṛhāyātaṃ tacca śīghraṃ vinaśyati |
nirbhāgyasyānapatyasya kimato jīvitena me || 31 ||
[Analyze grammar]

ityuktvā sa rurodoccaiḥ tatpārśvaṃ duḥkhapīḍitaḥ |
tadā tasya yateścitte karuṇābhūt garīyasī || 32 ||
[Analyze grammar]

tadbhālākṣaramālāṃ ca vācamāyāsa yogavān |
sarvaṃ jñātvā yatiḥ paścāt vipraṃ ūce savistaram || 33 ||
[Analyze grammar]

yatiruvāca |
muñca ajñānaṃ prajārūpaṃ baliṣṭhā karmaṇo gatiḥ |
vivekaṃ tu samāsādya tyaja saṃsāravāsanām || 34 ||
[Analyze grammar]

śruṇu vipra mayā te'dya prārabdhaṃ tu vilokitam |
saptajanmāvadhi tava putro naiva ca naiva ca || 35 ||
[Analyze grammar]

saṃtateḥ sagaro duḥkhaṃ avāpa aṅgaḥ purā tathā |
re muñcādya kuṭumbāśāṃ saṃnyāse sarvathā sukham || 36 ||
[Analyze grammar]

brāhmaṇa uvāca |
vivekena bhavetkiṃ me putraṃ dehi balādapi |
no cet tyajāmyahaṃ prāṇān tvadagre śokamūrchitaḥ || 37 ||
[Analyze grammar]

putrādisukhahīno'yaṃ saṃnyāsaḥ śuṣka eva hi |
gṛhasthaḥ saraso loke putrapautrasamanvitaḥ || 38 ||
[Analyze grammar]

iti viprāgrahaṃ dṛṣṭvā prābravīt sa tapodhanaḥ |
citraketurgataḥ kaṣṭaṃ vidhilekhavimārjanāt || 39 ||
[Analyze grammar]

na yāsyasi sukhaṃ putrāt yathā daivahatodyamaḥ |
ato haṭhena yukto'si hyarthinaṃ kiṃ vadāmyaham || 40 ||
[Analyze grammar]

tasyāgrahaṃ samālokya phalamekaṃ sa dattavān |
idaṃ bhakṣaya pat‍nyā tvaṃ tataḥ putro bhaviṣyati || 41 ||
[Analyze grammar]

satyaṃ śaucaṃ dayā dānaṃ ekabhaktaṃ tu bhojanam |
varṣāvadhi striyā kāryaṃ tena putro'tinirmalaḥ || 42 ||
[Analyze grammar]

evamuktvā yayau yogī viprastu gṛhamāgataḥ |
pat‍nyāḥ pāṇau phalaṃ dattvā svayaṃ yātastu kutracit || 43 ||
[Analyze grammar]

taruṇī kuṭilā tasya sakhyagre ca ruroda ha |
aho cintā mamotpannā phalaṃ cāhaṃ na bhakṣyaye || 44 ||
[Analyze grammar]

phalabhakṣeṇa garbhaḥ syād garbheṇa udaravṛddhitā |
svalpabhakṣaṃ tato'śaktiḥ gṛhakāryaṃ kathaṃ bhavet || 45 ||
[Analyze grammar]

daivād dhāṭī vrajedgrāme palāyedgarbhiṇī katham |
śukavat nivaset garbhaḥ taṃ kukṣeḥ kathamutsṛjet || 46 ||
[Analyze grammar]

tiryak cedāgato garbhaḥ tadā me maraṇaṃ bhavet |
prasūtau dāruṇaṃ duḥkhaṃ sukumārī kathaṃ sahe || 47 ||
[Analyze grammar]

mandāyāṃ mayi sarvasvaṃ nanāndā saṃharet tadā |
satyaśaucādiniyamo durārādhyaḥ sa dṛśyate || 48 ||
[Analyze grammar]

lālane pālane duḥkhaṃ prasūtāyāśca vartate |
vandhyā vā vidhavā nārī sukhinī ceti me matiḥ || 49 ||
[Analyze grammar]

evaṃ kutarkayogena tatphalaṃ naiva bhakṣitam |
patyā pṛṣṭaṃ phalaṃ bhuktaṃ bhuktaṃ ceti tayeritam || 50 ||
[Analyze grammar]

ekadā bhaginī tasyāḥ tadgṛhaḥ svecchayā'gatā |
tadagre kathitaṃ sarvaṃ cinteyaṃ mahatī hi me || 51 ||
[Analyze grammar]

durbalā tena duḥkhena hyanuje karavāṇi kim |
sābravīt mama garbhosti taṃ dāsyāmi prasūtitaḥ || 52 ||
[Analyze grammar]

tāvatkālaṃ sagarbheva guptā tiṣṭha gṛhe sukham |
vittaṃ tvaṃ matpateryaccha sa te dāsyati bālakam || 53 ||
[Analyze grammar]

ṣaṇmāsiko mṛto bāla iti loko vadiṣyati |
taṃ bālaṃ poṣayiṣyāmi nityamāgatya te gṛhe || 54 ||
[Analyze grammar]

phalamarpaya dhenvai tvaṃ parīkṣārthaṃ tu sāmpratam |
tat tad ācaritaṃ sarvaṃ tathaiva strīsvabhāvataḥ || 55 ||
[Analyze grammar]

atha kālena sā nārī prasūtā bālakaṃ tadā |
ānīya janako bālaṃ rahasye dhundhulīṃ dadau || 56 ||
[Analyze grammar]

tayā ca kathitaṃ bhartre prasūtaḥ sukhamarbhakaḥ |
lokasya sukhamutpannaṃ ātmadeva prajodayāt || 57 ||
[Analyze grammar]

dadau dānaṃ dvijātibhyo jātakarma vidhāya ca |
gītavāditraghoṣo'bhūt taddvāraṃ maṃgalaṃ bahu || 58 ||
[Analyze grammar]

bharturagre'bravīt vākyaṃ stanyaṃ nāsti kuce mama |
anyastanyena nirdugdhā kathaṃ puṣṇāmi bālakam || 59 ||
[Analyze grammar]

matsvasuśca prasūtāyā mṛto bālastu vartate |
tāmākārya gṛhe rakṣa sā te'rbhaṃ poṣayiṣyati || 60 ||
[Analyze grammar]

patinā tatkṛtaṃ sarvaṃ putrarakṣaṇahetave |
putrasya dhundhukārīti nāma mātrā pratiṣṭhitan || 61 ||
[Analyze grammar]

trimāse nirgate cātha sā dhenuḥ suṣuve'rbhakam |
sarvāṃgasundaraṃ divyaṃ nirmalaṃ kanakaprabham || 62 ||
[Analyze grammar]

dṛṣṭvā prasanno viprastu saṃskārān svayamādadhe |
matvā'ścaryaṃ janāḥ sarve didṛkṣārthaṃ samāgatāḥ || 63 ||
[Analyze grammar]

bhāgyodayo'dhunā jāta ātmadevasya paśyata |
dhenvā bālaḥ prasūtastu devarūpīti kautukam || 64 ||
[Analyze grammar]

na jñātaṃ tad‍rahasyaṃ tu kenāpi vidhiyogataḥ |
gokarṇaṃ taṃ sutaṃ dṛṣṭvā gokarṇaṃ nāma cākarot || 65 ||
[Analyze grammar]

kiyatkālena tau jātau taruṇau tanayāvubhau |
gokarṇaḥ paṇḍito jñānī dhundhukārī mahākhalaḥ || 66 ||
[Analyze grammar]

snānaśaucakriyāhīno durbhakṣī krodhavarjitaḥ |
duṣparigrahakartā ca śavahastena bhojanam || 67 ||
[Analyze grammar]

cauraḥ sarvajanadveṣī paraveśmapradīpakaḥ |
lālanāyārbhakān dhṛtvā sadyaḥ kūpe nyapātayat || 68 ||
[Analyze grammar]

hiṃsakaḥ śastradhārī ca dīnāndhānāṃ prapīḍakaḥ |
cāṇḍālābhirato nityaṃ pāśahastaḥ śvasaṃgataḥ || 69 ||
[Analyze grammar]

tena veśyākusaṃgena pitryaṃ vittaṃ tu nāśitam |
ekadā pitarau tāḍya pātrāṇi svayamāharat || 70 ||
[Analyze grammar]

tatpitā kṛpaṇaḥ proccaiḥ dhanahīno ruroda ha |
vadhyatavaṃ tu samīcīnaṃ kuputro duḥkhadāyakaḥ || 71 ||
[Analyze grammar]

kva tiṣṭhāmi kva gacchāmi ko me duḥkhaṃ vyapohayet |
prāṇān tyajāmi duḥkhena hā kaṣṭaṃ mama saṃsthitam || 72 ||
[Analyze grammar]

tadānīṃ tu samāgatya gokarṇo jñānasaṃyutaḥ |
bodhayāmāsa janakaṃ vairāgyaṃ paridarśayan || 73 ||
[Analyze grammar]

asāraḥ khalu saṃsāro duḥkharūpī vimohakaḥ |
sutaḥ kasya dhanaṃ kasya snehavān jvalate'niśam || 74 ||
[Analyze grammar]

na cendrasya sukhaṃ kiṃcit na sukhaṃ cakravartinaḥ |
sukhamasti viraktasya muneḥ ekāntajīvinaḥ || 75 ||
[Analyze grammar]

muñca ajñānaṃ prajārūpaṃ mohato narake gatiḥ |
nipatiṣyati deho'yaṃ sarvaṃ tyaktvā vanaṃ vraja || 76 ||
[Analyze grammar]

tadvākyaṃ tu samākarṇya gantukāmaḥ pitābravīt |
kiṃkartavyaṃ vane tāta tattvaṃ vada savistaram || 77 ||
[Analyze grammar]

andhakūpe snehapāśe baddhaḥ paṃgurahaṃ śaṭhaḥ |
karmaṇā patito nūnaṃ māmuddhara dayānidhe || 78 ||
[Analyze grammar]

dehe'sthimāṃsarudhire'bhimatiṃ tyaja tvaṃ |
jāyāsutādiṣu sadā mamatāṃ vimuñca |
paśyāniśaṃ jagadidaṃ kṣaṇabhaṃganiṣṭhaṃ |
vairāgyarāgarasiko bhava bhaktiniṣṭhaḥ || 79 ||
[Analyze grammar]

dharma bhajasva satataṃ tyaja lokadharmān |
sevasva sādhupuruṣān ‍jahi kāmatṛṣṇām |
anyasya doṣaguṇacintanamāśu muktvā |
sevākathārasamaho nitarāṃ piba tvam || 80 ||
[Analyze grammar]

evaṃ sutoktivaśato'pi gṛhaṃ vihāya |
yāto vanaṃ sthiramatirgataṣaṣṭivarṣaḥ |
yukto hareranudinaṃ paricaryayāsau |
śrīkṛṣṇamāpa niyataṃ daśamasya pāṭhāt || 81 ||
[Analyze grammar]

iti śrīpadmapurāṇe uttarakhaṇḍe śrīmadbhāgavatamāhātmye |
vipramokṣo nāma caturtho'dhyāyaḥ || 4 ||
[Analyze grammar]