Chapter 22

[English text for this chapter is available]

divodāsādivaṃśakathanam ṛkṣavaṃśe pāṇḍavādi utpattiśca |
śrīśuka uvāca |
mitreyuśca divodāsāt cyavanaḥ tatsuto nṛpa |
sudāsaḥ sahadevo'tha somako jantujanmakṛt || 1 ||
[Analyze grammar]

tasya putraśataṃ teṣāṃ yavīyān pṛṣataḥ sutaḥ |
drupado draupadī tasyajajñe dhṛṣṭadyumnādayaḥ sutāḥ || 2 ||
[Analyze grammar]

dhṛṣṭadyumnāt dhṛṣṭaketuḥ bhārmyāḥ pāñcālakā ime |
yo'jamīḍhasuto hyanya ṛkṣaḥ saṃvaraṇastataḥ || 3 ||
[Analyze grammar]

tapatyāṃ sūryakanyāyāṃ kurukṣetrapatiḥ kuruḥ |
parīkṣit sudhanurjahnuḥ niṣadhāśva kuroḥ sutāḥ || 4 ||
[Analyze grammar]

suhotro'bhūt sudhanuṣaḥ cyavano'tha tataḥ kṛtī |
vasustasyoparicaro bṛhadrathamukhāstataḥ || 5 ||
[Analyze grammar]

kuśāmbamatsyapratyagra cedipādyāśca cedipāḥ |
bṛhadrathātkuśāgro'bhūt ṛṣabhastasya tatsutaḥ || 6 ||
[Analyze grammar]

jajñe satyahito'patyaṃ puṣpavān tatsuto jahuḥ |
anyasyāmapi bhāryāyāṃ śakale dve bṛhadrathāt || 7 ||
[Analyze grammar]

ye mātrā bahirutsṛṣṭe jarayā cābhisandhite |
jīva jīveti krīḍantyā jarāsandho'bhavat sutaḥ || 8 ||
[Analyze grammar]

tataśca sahadevo'bhūt somāpiryat śrutaśravāḥ |
parīkṣid anapatyo'bhūt suratho nāma jāhnavaḥ || 9 ||
[Analyze grammar]

tato vidūrathastasmāt sārvabhaumastato'bhavat |
jayasenastat tanayo rādhiko'to'yutāyvabhūt || 10 ||
[Analyze grammar]

tataśca krodhanastasmāt devātithiramuṣya ca |
ṛṣyastasya dilīpo'bhūt pratīpastasya cātmajaḥ || 11 ||
[Analyze grammar]

devāpiḥ śāntanustasya bāhlīka iti cātmajāḥ |
pitṛrājyaṃ parityajya devāpistu vanaṃ gataḥ || 12 ||
[Analyze grammar]

abhavat śantanū rājā prāṅmahābhiṣasaṃjñitaḥ |
yaṃ yaṃ karābhyāṃ spṛśati jīrṇaṃ yauvanameti saḥ || 13 ||
[Analyze grammar]

śāntimāpnoti caivāgryāṃ karmaṇā tena śantanuḥ |
samā dvādaśa tadrājye na vavarṣa yadā vibhuḥ || 14 ||
[Analyze grammar]

śantanurbrāhmaṇairuktaḥ parivettāyamagrabhuk |
rājyaṃ dehyagrajāyāśu purarāṣṭravivṛddhaye || 15 ||
[Analyze grammar]

evamukto dvijairjyeṣṭhaṃ chandayāmāsa so'bravīt |
tanmaṃtriprahitairvipraiḥ vedād vibhraṃśito girā || 16 ||
[Analyze grammar]

vedavādātivādān vai tadā devo vavarṣa ha |
devāpiryogamāsthāya kalāpagrāmamāśritaḥ || 17 ||
[Analyze grammar]

somavaṃśe kalau naṣṭe kṛtādau sthāpayiṣyati |
bāhlīkātsomadatto'bhūd bhūrirbhūriśravāstataḥ || 18 ||
[Analyze grammar]

śalaśca śantanorāsīd gaṃgāyāṃ bhīṣma ātmavān |
sarvadharmavidāṃ śreṣṭho mahābhāgavataḥ kaviḥ || 19 ||
[Analyze grammar]

vīrayūthāgraṇīryena rāmo'pi yudhi toṣitaḥ |
śantanordāśakanyāyāṃ jajñe citrāṃgadaḥ sutaḥ || 20 ||
[Analyze grammar]

vicitravīryaścāvarajo nāmnā citrāṃgado hataḥ |
yasyāṃ parāśarātsākṣād avatīrṇo hareḥ kalā || 21 ||
[Analyze grammar]

vedagupto muniḥ kṛṣṇo yato'haṃ idamadhyagām |
hitvā svaśiṣyān pailādīn bhagavān bādarāyaṇaḥ || 22 ||
[Analyze grammar]

mahyaṃ putrāya śāntāya paraṃ guhyamidaṃ jagau |
vicitravīryo'thovāha kāśīrājasute balāt || 23 ||
[Analyze grammar]

svayaṃvarād upānīte ambikāmbālike ubhe |
tayorāsaktahṛdayo gṛhīto yakṣmaṇā mṛtaḥ || 24 ||
[Analyze grammar]

kṣetre'prajasya vai bhrātuḥ mātrokto bādarāyaṇaḥ |
dhṛtarāṣṭraṃ ca pāṇḍuṃ ca viduraṃ cāpyajījanat || 25 ||
[Analyze grammar]

gāndhāryāṃ dhṛtarāṣṭrasya jajñe putraśataṃ nṛpa |
tatra duryodhano jyeṣṭho duḥśalā cāpi kanyakā || 26 ||
[Analyze grammar]

śāpāt maithunaruddhasya pāṇḍoḥ kuntyāṃ mahārathāḥ |
jātā dharmānilendrebhyo yudhiṣṭhiramukhāstrayaḥ || 27 ||
[Analyze grammar]

nakulaḥ sahadevaśca mādryāṃ nāsatyadasrayoḥ |
draupadyāṃ pañca pañcabhyaḥ putrāste pitaro'bhavan || 28 ||
[Analyze grammar]

yudhiṣṭhirātprativindhyaḥ śrutaseno vṛkodarāt |
arjunāt śrutakīrtistu śatānīkastu nākuliḥ || 29 ||
[Analyze grammar]

sahadevasuto rājan śrutakarmā tathāpare |
yudhiṣṭhirāttu pauravyāṃ devako'tha ghaṭotkacaḥ || 30 ||
[Analyze grammar]

bhīmasenād hiḍimbāyāṃ kālyāṃ sarvagatastataḥ |
sahadevāt suhotraṃ tu vijayāsūta pārvatī || 31 ||
[Analyze grammar]

kareṇumatyāṃ nakulo naramitraṃ tathārjunaḥ |
irāvantamulūpyāṃ vai sutāyāṃ babhruvāhanam |
maṇipurapateḥ so'pi tatputraḥ putrikāsutaḥ || 32 ||
[Analyze grammar]

tava tātaḥ subhadrāyāṃ abhimanyurajāyata |
sarvātirathajid vīra uttarāyāṃ tato bhavān || 33 ||
[Analyze grammar]

parikṣīṇeṣu kuruṣu drauṇerbrahmāstratejasā |
tvaṃ ca kṛṣṇānubhāvena sajīvo mocito'ntakāt || 34 ||
[Analyze grammar]

taveme tanayāstāta janamejayapūrvakāḥ |
śrutaseno bhīmasena ugrasenaśca vīryavān || 35 ||
[Analyze grammar]

janamejayastvāṃ viditvā takṣakānnidhanaṃ gatam |
sarpān vai sarpayāgāgnau sa hoṣyati ruṣānvitaḥ || 36 ||
[Analyze grammar]

kāvaṣeyaṃ purodhāya turaṃ turagamedhayāṭ |
samantāt pṛthivīṃ sarvāṃ jitvā yakṣyati cādhvaraiḥ || 37 ||
[Analyze grammar]

tasya putraḥ śatānīko yājñavalkyāt trayīṃ paṭhan |
astrajñānaṃ kriyājñānaṃ śaunakāt parameṣyati || 38 ||
[Analyze grammar]

sahasrānīkastatputraḥ tataścaivāśvamedhajaḥ |
asīmakṛṣṇastasyāpi nemicakrastu tatsutaḥ || 39 ||
[Analyze grammar]

gajāhvaye hṛte nadyā kauśāmbyāṃ sādhu vatsyati |
uktastataścitrarathaḥ tasmāt kavirathaḥ sutaḥ || 40 ||
[Analyze grammar]

tasmācca vṛṣṭimāṃstasya suṣeṇo'tha mahīpatiḥ |
sunīthastasya bhavitā nṛcakṣuryat sukhīnalaḥ || 41 ||
[Analyze grammar]

pariplavaḥ sutastasmāt medhāvī sunayātmajaḥ |
nṛpañjayastato dūrvaḥ timiḥ tasmāt janiṣyati || 42 ||
[Analyze grammar]

timerbṛhadrathaḥ tasmāt śatānīkaḥ sudāsajaḥ |
śatānīkād durdamanaḥ tasyāpatyaṃ bahīnaraḥ || 43 ||
[Analyze grammar]

daṇḍapāṇirnimistasya kṣemako bhavitā yataḥ |
brahmakṣatrasya vai prokto vaṃśo devarṣisatkṛtaḥ || 44 ||
[Analyze grammar]

kṣemakaṃ prāpya rājānaṃ saṃsthāṃ prāpsyati vai kalau |
atha māgadharājāno bhavitāro ye vadāmi te || 45 ||
[Analyze grammar]

bhavitā sahadevasya mārjāriryat śrutaśravāḥ |
tato yutāyuḥ tasyāpi niramitro'tha tatsutaḥ || 46 ||
[Analyze grammar]

sunakṣatraḥ sunakṣatrād bṛhatseno'tha karmajit |
tataḥ sutañjayād vipraḥ śucistasya bhaviṣyati || 47 ||
[Analyze grammar]

kṣemo'tha suvratastasmād dharmasūtraḥ śamastataḥ |
dyumatseno'tha sumatiḥ subalo janitā tataḥ || 48 ||
[Analyze grammar]

sunīthaḥ satyajidatha viśvajit yad ripuñjayaḥ |
bārhadrathāśca bhūpālā bhāvyāḥ sāhasravatsaram || 49 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe dvāviṃśo'dhyāyaḥ || 22 ||
[Analyze grammar]