Chapter 18

[English text for this chapter is available]

yayāticaritam |
śrīśuka uvāca |
yatiryayātiḥ saṃyātiḥ āyatirviyatiḥ kṛtiḥ |
ṣaḍime nahuṣasyāsan indriyāṇīva dehinaḥ || 1 ||
[Analyze grammar]

rājyaṃ naicchad yatiḥ pitrā dattaṃ tatpariṇāmavit |
yatra praviṣṭaḥ puruṣa ātmānaṃ nāvabudhyate || 2 ||
[Analyze grammar]

pitari bhraṃśite sthānād indrāṇyā dharṣaṇād dvijaiḥ |
prāpite'jagaratvaṃ vai yayātirabhavannṛpaḥ || 3 ||
[Analyze grammar]

catasṛṣvādiśad dikṣu bhrātṝn bhrātā yavīyasaḥ |
kṛtadāro jugoporvīṃ kāvyasya vṛṣaparvaṇaḥ || 4 ||
[Analyze grammar]

śrīrājovāca |
brahmarṣirbhagavān kāvyaḥ kṣatrabandhuśca nāhuṣaḥ |
rājanyaviprayoḥ kasmād vivāhaḥ pratilomakaḥ || 5 ||
[Analyze grammar]

śrīśuka uvāca |
ekadā dānavendrasya śarmiṣṭhā nāma kanyakā |
sakhīsahasrasaṃyuktā guruputryā ca bhāminī || 6 ||
[Analyze grammar]

devayānyā purodyāne puṣpitadrumasaṃkule |
vyacarat kalagītāli nalinīpuline'balā || 7 ||
[Analyze grammar]

tā jalāśayama āsādya kanyāḥ kamalalocanāḥ |
tīre nyasya dukūlāni vijahruḥ siñcatīrmithaḥ || 8 ||
[Analyze grammar]

vīkṣya vrajantaṃ giriśaṃ saha devyā vṛṣasthitam |
sahasottīrya vāsāṃsi paryadhurvrīḍitāḥ striyaḥ || 9 ||
[Analyze grammar]

śarmiṣṭhājānatī vāso guruputryāḥ samavyayat |
svīyaṃ matvā prakupitā devayānī idamabravīt || 10 ||
[Analyze grammar]

aho nirīkṣyatāmasyā dāsyāḥ karma hyasāmpratam |
asmaddhāryaṃ dhṛtavatī śunīva haviradhvare || 11 ||
[Analyze grammar]

yairidaṃ tapasā sṛṣṭaṃ mukhaṃ puṃsaḥ parasya ye |
dhāryate yairiha jyotiḥ śivaḥ panthāḥ pradarśitaḥ || 12 ||
[Analyze grammar]

yān vandanti upatiṣṭhante lokanāthāḥ sureśvarāḥ |
bhagavānapi viśvātmā pāvanaḥ śrīniketanaḥ || 13 ||
[Analyze grammar]

vayaṃ tatrāpi bhṛgavaḥ śiṣyo'syā naḥ pitāsuraḥ |
asmaddhāryaṃ dhṛtavatī śūdro vedamivāsatī || 14 ||
[Analyze grammar]

evaṃ kṣipantīṃ śarmiṣṭhā guruputrīṃ abhāṣata |
ruṣā śvasanti uraṃgīghgīva dharṣitā daṣṭadacchadā || 15 ||
[Analyze grammar]

ātmavṛttamavijñāya katthase bahu bhikṣuki |
kiṃ na pratīkṣase'smākaṃ gṛhān balibhujo yathā || 16 ||
[Analyze grammar]

evaṃvidhaiḥ suparuṣaiḥ kṣiptvā'cāryasutāṃ satīm |
śarmiṣṭhā prākṣipat kūpe vāse ādāya manyunā || 17 ||
[Analyze grammar]

tasyāṃ gatāyāṃ svagṛhaṃ yayātirmṛgayāṃ caran |
prāpto yadṛcchayā kūpe jalārthī tāṃ dadarśa ha || 18 ||
[Analyze grammar]

dattvā svamuttaraṃ vāsaḥ tasyai rājā vivāsase |
gṛhītvā pāṇinā pāṇiṃ ujjahāra dayāparaḥ || 19 ||
[Analyze grammar]

taṃ vīramāhauśanasī premanirbharayā girā |
rājan tvayā gṛhīto me pāṇiḥ parapurañjaya || 20 ||
[Analyze grammar]

hastagrāho'paro mā bhūd gṛhītāyāstvayā hi me |
eṣa īśakṛto vīra sambandho nau na pauruṣaḥ |
yadidaṃ kūpamagnāyā bhavato darśanaṃ mama || 21 ||
[Analyze grammar]

na brāhmaṇo me bhavitā hastagrāho mahābhuja |
kacasya bārhaspatyasya śāpād yamaśapaṃ purā || 22 ||
[Analyze grammar]

yayātiranabhipretaṃ daivopahṛtamātmanaḥ |
manastu tad‍gataṃ buddhvā pratijagrāha tadvacaḥ || 23 ||
[Analyze grammar]

gate rājani sā dhīre tatra sma rudatī pituḥ |
nyavedayat tataḥ sarvaṃ uktaṃ śarmiṣṭhayā kṛtam || 24 ||
[Analyze grammar]

durmanā bhagavān kāvyaḥ paurohityaṃ vigarhayan |
stuvan vṛttiṃ ca kāpotīṃ duhitrā sa yayau purāt || 25 ||
[Analyze grammar]

vṛṣaparvā tamājñāya pratyanīka vivakṣitam |
guruṃ prasādayan mūrdhnā pādayoḥ patitaḥ pathi || 26 ||
[Analyze grammar]

kṣaṇārdha manyurbhagavān śiṣyaṃ vyācaṣṭa bhārgavaḥ |
kāmo'syāḥ kriyatāṃ rājan naināṃ tyaktumihotsahe || 27 ||
[Analyze grammar]

tatheti avasthite prāha devayānī manogatam |
pitrā dattā yato yāsye sānugā yātu māmanu || 28 ||
[Analyze grammar]

svānāṃ tat saṃkaṭaṃ vīkṣya tadarthasya ca gauravam |
devayānīṃ paryacarat strīsahasreṇa dāsavat || 29 ||
[Analyze grammar]

nāhuṣāya sutāṃ dattvā saha śarmiṣṭhayośanā |
tamāha rājan śarmiṣṭhāṃ ādhāstalpe na karhicit || 30 ||
[Analyze grammar]

vilokyauśanasīṃ rājan śarmiṣṭhā saprajāṃ kvacit |
tameva vavre rahasi sakhyāḥ patimṛtau satī || 31 ||
[Analyze grammar]

rājaputryārthito'patye dharmaṃ cāvekṣya dharmavit |
smaran śukravacaḥ kāle diṣṭamevābhyapadyata || 32 ||
[Analyze grammar]

yaduṃ ca turvasuṃ caiva devayānī vyajāyata |
druhyuṃ cānuṃ ca pūruṃ ca śarmiṣṭhā vārṣaparvaṇī || 33 ||
[Analyze grammar]

garbhasaṃbhavamāsuryā bharturvijñāya māninī |
devayānī piturgehaṃ yayau krodhavimūrchitā || 34 ||
[Analyze grammar]

priyāṃ anugataḥ kāmī vacobhiḥ upamantrayan |
na prasādayituṃ śeke pādasaṃvāhanādibhiḥ || 35 ||
[Analyze grammar]

śukrastamāha kupitaḥ strīkāmānṛtapūruṣa |
tvāṃ jarā viśatāṃ manda virūpakaraṇī nṛṇām || 36 ||
[Analyze grammar]

śrīyayātiruvāca |
atṛpto'smyadya kāmānāṃ brahman duhitari sma te |
vyatyasyatāṃ yathākāmaṃ vayasā yo'bhidhāsyati || 37 ||
[Analyze grammar]

iti labdhavyavasthānaḥ putraṃ jyeṣṭhamavocata |
yado tāta pratīcchemāṃ jarāṃ dehi nijaṃ vayaḥ || 38 ||
[Analyze grammar]

mātāmahakṛtāṃ vatsa na tṛpto viṣayeṣvaham |
vayasā bhavadīyena raṃsye katipayāḥ samāḥ || 39 ||
[Analyze grammar]

śrīyaduruvāca |
notsahe jarasā sthātuṃ antarā prāptayā tava |
aviditvā sukhaṃ grāmyaṃ vaitṛṣṇyaṃ naiti pūruṣaḥ || 40 ||
[Analyze grammar]

turvasuścoditaḥ pitrā druhyuścānuśca bhārata |
pratyācakhyuradharmajñā hyanitye nityabuddhayaḥ || 41 ||
[Analyze grammar]

apṛcchat tanayaṃ pūruṃ vayasonaṃ guṇādhikam |
na tvaṃ agrajavad vatsa māṃ pratyākhyātumarhasi || 42 ||
[Analyze grammar]

śrīpūruruvāca |
ko nu loke manuṣyendra piturātmakṛtaḥ pumān |
pratikartuṃ kṣamo yasya prasādād vindate param || 43 ||
[Analyze grammar]

uttamaścintitaṃ kuryāt proktakārī tu madhyamaḥ |
adhamo'śraddhayā kuryād akartoccaritaṃ pituḥ || 44 ||
[Analyze grammar]

iti pramuditaḥ pūruḥ pratyagṛhṇājjarāṃ pituḥ |
so'pi tadvayasā kāmān yathāvajjujuṣe nṛpa || 45 ||
[Analyze grammar]

saptadvīpapatiḥ samyak pitṛvat pālayan prajāḥ |
yathopajoṣaṃ viṣayān jujuṣe'vyāhatendriyaḥ || 46 ||
[Analyze grammar]

devayānyapyanudinaṃ manovāg dehavastubhiḥ |
preyasaḥ paramāṃ prītiṃ uvāha preyasī rahaḥ || 47 ||
[Analyze grammar]

ayajad yajñapuruṣaṃ kratubhirbhūridakṣiṇaiḥ |
sarvadevamayaṃ devaṃ sarvavedamayaṃ harim || 48 ||
[Analyze grammar]

yasminnidaṃ viracitaṃ vyomnīva jaladāvaliḥ |
nāneva bhāti nābhāti svapnamāyāmanorathaḥ || 49 ||
[Analyze grammar]

tameva hṛdi vinyasya vāsudevaṃ guhāśayam |
nārāyaṇamaṇīyāṃsaṃ nirāśīrayajat prabhum || 50 ||
[Analyze grammar]

evaṃ varṣasahasrāṇi manaḥṣaṣṭhairmanaḥsukham |
vidadhāno'pi nātṛpyat sārvabhaumaḥ kadindriyaiḥ || 51 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe aṣṭādaśo'dhyāyaḥ || 18 ||
[Analyze grammar]