Chapter 1

[English text for this chapter is available]

sūryavaṃśavarṇanaṃ vaivasvatamanoḥ putrasya strībhāvāpattiśca |
śrīrājovāca |
manvantarāṇi sarvāṇi tvayoktāni śrutāni me |
vīryāṇi anantavīryasya harestatra kṛtāni ca || 1 ||
[Analyze grammar]

yo'sau satyavrato nāma rājarṣiḥ draviḍeśvaraḥ |
jñānaṃ yo'tītakalpānte lebhe puruṣasevayā || 2 ||
[Analyze grammar]

sa vai vivasvataḥ putro manuḥ āsīd iti śrutam |
tvattastasya sutāḥ proktā ikṣvākupramukhā nṛpāḥ || 3 ||
[Analyze grammar]

teṣāṃ vaṃśaṃ pṛthagbrahman vaṃśānucaritāni ca |
kīrtayasva mahābhāga nityaṃ śuśrūṣatāṃ hi naḥ || 4 ||
[Analyze grammar]

ye bhūtā ye bhaviṣyāśca bhavanti adyatanāśca ye |
teṣāṃ naḥ puṇyakīrtīnāṃ sarveṣāṃ vada vikramān || 5 ||
[Analyze grammar]

śrīsūta uvāca |
evaṃ parīkṣitā rājñā sadasi brahmavādinām |
pṛṣṭaḥ provāca bhagavān śukaḥ paramadharmavit || 6 ||
[Analyze grammar]

śrīśuka uvāca |
śrūyatāṃ mānavo vaṃśaḥ prācuryeṇa paraṃtapa |
na śakyate vistarato vaktuṃ varṣaśatairapi || 7 ||
[Analyze grammar]

parāvareṣāṃ bhūtānāṃ ātmā yaḥ puruṣaḥ paraḥ |
sa evāsīd idaṃ viśvaṃ kalpānte anyat na kiñcana || 8 ||
[Analyze grammar]

tasya nābheḥ samabhavat padmakoṣo hiraṇmayaḥ |
tasmin jajñe mahārāja svayaṃbhūḥ caturānanaḥ || 9 ||
[Analyze grammar]

marīciḥ manasastasya jajñe tasyāpi kaśyapaḥ |
dākṣāyaṇyāṃ tato'dityāṃ vivasvān abhavat sutaḥ || 10 ||
[Analyze grammar]

tato manuḥ śrāddhadevaḥ saṃjñāyāmāsa bhārata |
śraddhāyāṃ janayāmāsa daśa putrān sa ātmavān || 11 ||
[Analyze grammar]

ikṣvākunṛgaśaryāti diṣṭadhṛṣṭa karūṣakān |
nariṣyantaṃ pṛṣadhraṃ ca nabhagaṃ ca kaviṃ vibhuḥ || 12 ||
[Analyze grammar]

aprajasya manoḥ pūrvaṃ vasiṣṭho bhagavān kila |
mitrāvaruṇayoḥ iṣṭiṃ prajārthaṃ akarod vibhuḥ || 13 ||
[Analyze grammar]

tatra śraddhā manoḥ pat‍nī hotāraṃ samayācata |
duhitrarthaṃ upāgamya praṇipatya payovratā || 14 ||
[Analyze grammar]

preṣito'dhvaryuṇā hotā dhyāyan tat susamāhitaḥ |
haviṣi vyacarat tena vaṣaṭkāraṃ gṛṇan dvijaḥ || 15 ||
[Analyze grammar]

hotustad vyabhicāreṇa kanyelā nāma sābhavat |
tāṃ vilokya manuḥ prāha nāti hṛṣṭamanā gurum || 16 ||
[Analyze grammar]

bhagavan kimidaṃ jātaṃ karma vo brahmavādinām |
viparyayaṃ aho kaṣṭaṃ maivaṃ syād brahmavikriyā || 17 ||
[Analyze grammar]

yūyaṃ maṃtravido yuktāḥ tapasā dagdhakilbiṣāḥ |
kutaḥ saṃkalpavaiṣamyaṃ anṛtaṃ vibudheṣviva || 18 ||
[Analyze grammar]

niśamya tadvacaḥ tasya bhagavān prapitāmahaḥ |
hoturvyatikramaṃ jñātvā babhāṣe ravinandanam || 19 ||
[Analyze grammar]

etat saṃkalpavaiṣamyaṃ hotuste vyabhicārataḥ |
tathāpi sādhayiṣye te suprajāstvaṃ svatejasā || 20 ||
[Analyze grammar]

evaṃ vyavasito rājan bhagavān sa mahāyaśāḥ |
astauṣīd ādipuruṣaṃ ilāyāḥ puṃstvakāmyayā || 21 ||
[Analyze grammar]

tasmai kāmavaraṃ tuṣṭo bhagavān harirīśvaraḥ |
dadau ivilābhavat tena sudyumnaḥ puruṣarṣabhaḥ || 22 ||
[Analyze grammar]

sa ekadā mahārāja vicaran mṛgayāṃ vane |
vṛtaḥ katipayāmātyaiḥ aśvaṃ āruhya saindhavam || 23 ||
[Analyze grammar]

pragṛhya ruciraṃ cāpaṃ śarāṃśca paramād‍bhutān |
daṃśito'numṛgaṃ vīro jagāma diśamuttarām || 24 ||
[Analyze grammar]

su kumāto vanaṃ meroḥ adhastāt praviveśa ha |
yatrāste bhagavān śarvo ramamāṇaḥ sahomayā || 25 ||
[Analyze grammar]

tasmin praviṣṭa evāsau sudyumnaḥ paravīrahā |
apaśyat striyamātmānaṃ aśvaṃ ca vaḍavāṃ nṛpa || 26 ||
[Analyze grammar]

tathā tadanugāḥ sarve ātmaliṅga viparyayam |
dṛṣṭvā vimanaso'bhūvan vīkṣamāṇāḥ parasparam || 27 ||
[Analyze grammar]

śrīrājovāca |
kathaṃ evaṃ guṇo deśaḥ kena vā bhagavan kṛtaḥ |
praśnamenaṃ samācakṣva paraṃ kautūhalaṃ hi naḥ || 28 ||
[Analyze grammar]

śrīśuka uvāca |
ekadā giriśaṃ draṣṭuṃ ṛṣayastatra suvratāḥ |
diśo vitimirābhāsāḥ kurvantaḥ samupāgaman || 29 ||
[Analyze grammar]

tān vilokya aṃbikā devī vivāsā vrīḍitā bhṛśam |
bharturaṅgāta samutthāya nīvīmāśvatha paryadhāt || 30 ||
[Analyze grammar]

ṛṣayo'pi tayorvīkṣya prasaṅgaṃ ramamāṇayoḥ |
nivṛttāḥ prayayustasmāt naranārāyaṇāśramam || 31 ||
[Analyze grammar]

tadidaṃ bhagavān āha priyāyāḥ priyakāmyayā |
sthānaṃ yaḥ praviśedetat sa vai yoṣid bhavediti || 32 ||
[Analyze grammar]

tata ūrdhvaṃ vanaṃ tadvai puruṣā varjayanti hi |
sā cānucarasaṃyuktā vicacāra vanād vanam || 33 ||
[Analyze grammar]

atha tāṃ āśramābhyāśe carantīṃ pramadottamām |
strībhiḥ parivṛtāṃ vīkṣya cakame bhagavān budhaḥ || 34 ||
[Analyze grammar]

sāpi taṃ cakame subhrūḥ somarājasutaṃ patim |
sa tasyāṃ janayāmāsa purūravasamātmajam || 35 ||
[Analyze grammar]

evaṃ strītvaṃ anuprāptaḥ sudyumno mānavo nṛpaḥ |
sasmāra sa kulācāryaṃ vasiṣṭhamiti śuśruma || 36 ||
[Analyze grammar]

sa tasya tāṃ daśāṃ dṛṣṭvā kṛpayā bhṛśapīḍitaḥ |
sudyumnasyāśayan puṃstvaṃ upādhāvata śaṃkaram || 37 ||
[Analyze grammar]

tuṣṭastasmai sa bhagavān ṛṣaye priyamāvahan |
svāṃ ca vācaṃ ṛtāṃ kurvan idamāha viśāmpate || 38 ||
[Analyze grammar]

māsaṃ pumān sa bhavitā māsaṃ strī tava gotrajaḥ |
itthaṃ vyavasthayā kāmaṃ sudyumno'vatu medinīm || 39 ||
[Analyze grammar]

ācāryānugrahāt kāmaṃ labdhvā puṃstvaṃ vyavasthayā |
pālayāmāsa jagatīṃ nābhyanandan sma taṃ prajāḥ || 40 ||
[Analyze grammar]

tasyotkalo gayo rājan vimalaśca sutāstrayaḥ |
dakṣiṇāpatharājāno babhūvuḥ dharmavatsalāḥ || 41 ||
[Analyze grammar]

tataḥ pariṇate kāle pratiṣṭhānapatiḥ prabhuḥ |
purūravasa utsṛjya gāṃ putrāya gato vanam || 42 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe prathamodhyā'yaḥ || 1 ||
[Analyze grammar]